Post: #1
Title: لعناية امنة مختار......بخصوص نور تاور
Author: waleed500
Date: 06-18-2006, 04:27 AM
الاخت امنة مختار استفسرت فى بوست نور تاور(لماذا تلاحقنى تراجى)
Quote:
والسؤال الذى يطرح نفسه :
لماذا دائما يدافع الكيزان عن نور
ويطلقون عليها الألقاب السامية !!
الحكايو واااضحة وضوح الشمس . |
خرجنا من البوست المعنى حتى لانفتح بلبله
بعدما تم لم الشمل او تخيل لى ذلك...
والاجابة....
الاخت نور تاور زولة محترمة وبدافع عنها
عامة اهل البورد كيزان على ال هامان لانها زولة
منطقيه وموضوعيه...مع انها تعتبر اخطر معارضة
ولو كانو كل اهل المعارضة بالموضوعية دى كنا
اصبحنا معارضة من اول يوم...نور تاور لاتجيد ساقط
القول عارفة نفسها بتعمل فى شنو ومن اجل شنو وعندها
السودان قبل كل شى ده سبب احترام الناس للاستاذة
المربية المحترمة نور تاور... نور تاور مدرسة حاولى استفيدى
منها لانها فرصة لا تعوض..........................
|
Post: #2
Title: Re: لعناية امنة مختار......بخصوص نور تاور
Author: قرشـــو
Date: 06-18-2006, 04:51 AM
Parent: #1
الأخ وليد
لك التحية
يعنى ده اعتراف ضمنى بأنك كوز ؟؟؟؟؟
طيب كوز انقاذى ولا كوز معارض
عشان برضو نفهم ياخى ...
|
Post: #3
Title: Re: لعناية امنة مختار......بخصوص نور تاور
Author: waleed500
Date: 06-18-2006, 05:45 AM
Parent: #2
الحبيب قرشوووووووووووووووو
والحلو غير منكور
مافى حاجة اسمها كوز وغير كوز
هنالك خير وشر....وبما انو ما يطلق عليهمم كيزان
هم الخير اجد نفسى منهم......
|
Post: #4
Title: Re: لعناية امنة مختار......بخصوص نور تاور
Author: shammashi
Date: 06-18-2006, 05:49 AM
Parent: #2
يا قرشو
كوز معارض شنو ياخي
في زول بيعارض لقمة عيشو؟؟؟؟
|
Post: #5
Title: Re: لعناية امنة مختار......بخصوص نور تاور
Author: bayan
Date: 06-18-2006, 06:08 AM
Parent: #4
سلام يا وليد
كيفك
آمنة شايلة ختمها ولافة اي زول يقول راي مخالف
يبقى كوز
الفايت على آمنة انه الناس بتحترم نور تاور عشان هي جديرة بالاحترام
وعشان بتحترم مخالفيها وتؤمن بحقهم في الاختلاف..
واختام آمنة خلتها زولة ممجوجة وغير جديرة بالاحترام ومثار سخرية
ومثيرة للضحك لانه آمنة بتقول حتى لناس
المعروف عنهم يساريتهم انهم كيزان..
فقط لانهم بيحترمو نور..
فكيزان عند آمنة من قبيل الفيك بدربو والعيب اقدلبو...
هي اكبر زول مستفيدة من الكيزان
ومن حكومتهم في البورد دا..
تعريشة عنب ضعيفة الساقين ومتسلقة..
|
Post: #9
Title: Re: لعناية امنة مختار......بخصوص نور تاور
Author: waleed500
Date: 06-18-2006, 07:01 AM
Parent: #5
دكتورة بيان
تحياتى
والف حمد الله على سلامة الوصول
الاخت نور زولة محترمة وتستحق الاحترام بل كل الاحترام
والاستاذة نور مدرسها مفروض امنة وغيرها يتعلمو منها
ما يعدوها مناكفة فى الفاضى
|
Post: #6
Title: Re: لعناية امنة مختار......بخصوص نور تاور
Author: waleed500
Date: 06-18-2006, 06:09 AM
Parent: #4
الحبيب شمس
نحن بنعارض ما يجب ان يعارض
الجوطه القدامك دى كلها معارضة من اجل المعارضة فقط
والسودان لايخلو من تلك المعارضه الفاضية وتحت ظل اى حكم كان
سوا كان عسكرى اوديمقراطى
انا مع المعارضة الموسسة نموزج(نور تاور)
|
Post: #7
Title: Re: لعناية امنة مختار......بخصوص نور تاور
Author: Waly Eldin Elfakey
Date: 06-18-2006, 06:26 AM
Parent: #6
الاخ وليد تحياتنا
طبعا انا ما عارفك كوز و لا ما كوز
لكن فيه ناس بيطلقوا عليهم بعض الناس هنا كيزان
منهم بيان علي سبيل المثال انا لاقيتها و اتناقشت معاها بعيد
عن البورد لقيتها ما كوزة... اذا اطلاق الالقاب ساي كدا مش جميل
يبقي سؤال مهم يا وليد انت قلت....
Quote: وبما انو ما يطلق عليهمم كيزان
هم الخير اجد نفسى منهم |
......
من من العاقلين علي اهل الخير كيزان
و من من الكيزان يمكن ان نطلق عليه خير
بل هم بلاء هذه الامة....
و السؤال الاهم انت يا وليد و ده ما سؤال تعسفي
كوز و لا ما كوز...
و ليك الشكر و التحية
|
Post: #15
Title: Re: لعناية امنة مختار......بخصوص نور تاور
Author: waleed500
Date: 06-18-2006, 08:42 AM
Parent: #7
الاخ والى تحياتى
ورايح اجاوب على سوالك الاهم
هو اصلا ده يوم الاجابات العالمى
Quote: و السؤال الاهم انت يا وليد و ده ما سؤال تعسفي
كوز و لا ما كوز...
|
بحمد ربى باننى انتمى الى هولاء القوم فكريا
انه لشرف بحق وحقيقة
تعرف امر البورد ده امر غريب الواحد تقول ليه كوز
ما يصدقك تنفى كوزنتك يلبسوك ليها من اوسع ابوابها
|
Post: #8
Title: Re: لعناية امنة مختار......بخصوص نور تاور
Author: Deng
Date: 06-18-2006, 06:58 AM
Parent: #1
Quote: خرجنا من البوست المعنى حتى لانفتح بلبله
بعدما تم لم الشمل او تخيل لى ذلك...
والاجابة....
الاخت نور تاور زولة محترمة وبدافع عنها
عامة اهل البورد كيزان على ال هامان لانها زولة
منطقيه وموضوعيه...مع انها تعتبر اخطر معارضة
ولو كانو كل اهل المعارضة بالموضوعية دى كنا
اصبحنا معارضة من اول يوم...نور تاور لاتجيد ساقط
القول عارفة نفسها بتعمل فى شنو ومن اجل شنو وعندها
السودان قبل كل شى ده سبب احترام الناس للاستاذة
المربية المحترمة نور تاور... نور تاور مدرسة حاولى استفيدى
منها لانها فرصة لا تعوض.......................... |
الكوز وليد.
جيت تكحلها عميتها.
لمن يجي كوز زيك ويدافع على نور نور تاور يبقا ده معناهوا شنوا؟
شفتي يا نور تاور, خلاص بقيتي من المؤلفة قلوبهم وبشهادة كمان.
بيان .
أخبار السودان شنوا؟
لقيتي ليك منصب مع الكيزان ولا لسه؟
دينق.
|
Post: #10
Title: Re: لعناية امنة مختار......بخصوص نور تاور
Author: Yassir Tayfour
Date: 06-18-2006, 07:20 AM
Parent: #8
وليد
عندكم كوز مختفى
سيد احمد خليفة
مشى السودان لحق ستو!!!
والله منتظرها لما ترجع بى صورة منتظمة!!
___________
الرجال البحومو تحت كرعين النسوان ديل ما شفناهم الا فى سودانيز اون لاين
|
Post: #13
Title: Re: لعناية امنة مختار......بخصوص نور تاور
Author: saif massad ali
Date: 06-18-2006, 07:40 AM
Parent: #10
ياسر طيفور
Quote:
الرجال البحومو تحت كرعين النسوان ديل ما شفناهم الا فى سودانيز اون لاين |
شكيت محنك علي الله
|
Post: #16
Title: Re: لعناية امنة مختار......بخصوص نور تاور
Author: waleed500
Date: 06-18-2006, 09:46 AM
Parent: #8
Quote:
الكوز وليد.
جيت تكحلها عميتها.
لمن يجي كوز زيك ويدافع على نور نور تاور يبقا ده معناهوا شنوا؟
شفتي يا نور تاور, خلاص بقيتي من المؤلفة قلوبهم وبشهادة كمان.
|
بعرف اننى جيت اكحلها لكن عميتها وين وحينما يدافع
كوز عن نور تاور البتتحدث وبتعارض بموضوعية فبتاكيد انها زول محترمة وتستحق الاحترام
لكن تعال لى انت دينك ده ناس الحركة ودخلو فى حلف وسلام وكونو حكومة الوحده الوطنية وانت قاعد تجقلب بهنا ده مش عدم الموضوعيه بعينو؟؟؟
|
Post: #11
Title: Re: لعناية امنة مختار......بخصوص نور تاور
Author: DKEEN
Date: 06-18-2006, 07:30 AM
Parent: #1
وين يا طيفور الرجال البرقدو تحت رجلين الحريم في البورد ديل...
وينم الحريم العندهم رجلين اصلا؟؟
|
Post: #12
Title: Re: لعناية امنة مختار......بخصوص نور تاور
Author: Yassir Tayfour
Date: 06-18-2006, 07:38 AM
Parent: #11
وين يا طيفور الرجال البرقدو تحت رجلين الحريم في البورد ديل...
وينم الحريم العندهم رجلين اصلا؟؟
الدكين
كيفك يا حنين
هههههه
الشى ما رقاد حوامة ساكت
هههههههههه قتى لى الكمشة ما دخلت
والله انت مجرم دولى
لكن بينى وبينك الكرعين كرعين نعامة
|
Post: #14
Title: Re: لعناية امنة مختار......بخصوص نور تاور
Author: DKEEN
Date: 06-18-2006, 07:44 AM
Parent: #1
نور تاور زولة موضوعية جدا وتدير حوارا محترما
ام ضراع تماما زي بشاشا لاتملك اي ادوات حوار ومتلبطة في عوالم النضال..
لايتناطح في ماقلته بالاعلى إلا تورين
احد هؤلاء التورين هو بشاشا
|
Post: #17
Title: Re: لعناية امنة مختار......بخصوص نور تاور
Author: nour tawir
Date: 06-18-2006, 08:40 PM
Parent: #14
العزيز وليد500..
كيف حالك؟
وكيف حال النملة؟!
لسة داخلة شايلة حبة ومارقة؟!
...
يا وليد أنا ما دخلت عشان الشكر..
لانى ما عارفة أشكر أى زول ولا زولة فى البورد دا..
القالوا كلمة الحق فى زمن ما فوقة حق..
ديل الله لا جاب يوم شكرهم..
كلهم كدا بالجملة..
نسوان ورجال...
...
لكين يا وليد دخلت عشان أقول ليك..
كان قعدنا نبارى جنس الكلام دا؟
يمين بالله لا نشتغل لا ناكل ولا ننوم ولا نتذكر السودان من أصله..
لانه فى ناس هنا وزى ما بيقولوا الخواجات have no extremes
يعنى قدر ما تقول دى نهاية الاحزان..
تدخل البورد تلقى العجاجة لى رب السما...
الشايل عصاته..
والشايل فرار..(بتشديد وفتح الفاء والراء)..
واللابس سكين فى ضراعه...
والشايل حربة..
واللابس كلاشنكوف..
و(النسوان) بالكلوشات والسفنجات تتطاير هنا وهناك..
تقول كدى النشوف يمكن الحرابة دى فى دار أبو السودان..
تقوم تلقاها فى دار أبو ناس المنبر..
وهكذا..
....
عشان كدا أنا قلت نملة وليد دى أعقل زول فينا!
شغالة وساكتة..
تمشى تجيب الحباية..
وتشوف الخبارات..
وتجى رآجعة..
أها لمن تشوف مثلا الناس وقعوا نيفاشا بعد الموت دا كله؟
تقوم تتبسط وتقول...أحمدك يا مالك روحى..
تمشى وتجى تلقى فى ناس زعلانين وما مبسوطين من نيفاشا..
تقوم تقول..غايتو المهم الكتل وقف..
تقوم تمشى وتجى تانى تلقى العجاجة لى رب السما..
فى شنو؟
الحكومة دقت ناس الحماداب وقطعتهم النفس...
تقوم تقول لا حول ولا قوة الا بالله..
تمشى وتجى تلقى دارفور مولعة..
تقول يا حفيظ..
تمشى وتجى وتلقى ناس دارفور نصهم وقع ونصهم ما وقع..
تقول لله يهديهم..
وتمشى وتجى..وتمشى وتجى..
وهكذا...
والنملة أتاريها تشيل وتكتب وتخزن!
وأنحنا فاكرنها بتمشى تجيب ليها حباية بس..
....
بتعمل كدا لييه يا ربى؟!
عشان بعد مليون سنة..
لما الناس دى كلها تكتل بعض..
ويفضلوا تلاته أربعة عائلات..
يقوموا يحلفوا الايمانات كلها..
ويقولوا تانى مافى بندقية بتترفع..
وتانى مافى زول يشوف نفسه أحسن من زول..
كلنا أولاد تسعة..
وتانى مادايرين(المسخرة) حقت جدودنا ديك..
ويقوموا يفتحوا ليهم مدرسة للعيال..
ويدرسوهم كتب التاريخ بتاعة النملة!
وأحد من الكتب دى عنوانه..
(السودان فى سنوات الانحطاط الحضارى)..
يقوموا العيال يقلعوا عيونهم..(بتشديد وفتح القاف)..
و يقلبوا الكتاب دا..
قوام...قوام..
وهوب... يلقونا نحنا...
ناس المنبر الحر..
الساهمنا مساهمة غير عادية فى تعميق الانحطاط الحضارى فى السودان..
...
عشان كدى يا وليد أنا قلت النملة دى كان سوت ليها حزب..
سجلونى أول زول..
|
Post: #20
Title: Re: لعناية امنة مختار......بخصوص نور تاور
Author: waleed500
Date: 06-19-2006, 04:09 AM
Parent: #17
خوالص التحايا
يقولون كل اصحاب وجعة بيكون متماسكين مع بعض
كنت اظن امنة مختار تجلس معك فى خندق واحد وتسعى
كما تسعى انتى لحل تلك المشاكل او على الاقل
تسليط الضوء عليها لان ما يحدث هنا كثير ما يدرس
تحت اروقة الحكم.....خاب ظنى فى تلك الامنة وكاننى اجدها
هنا من اجل المناكفات واشعال نار الغيرة...الغيرة
اجد لها الحق فمثلك وما يحمل طبيعى ان يغار منها....
بالمناسبة امنة دى بتقاتل تبع ياتو جبهة اعتقد اعتقاد
جازم انها تقاتل من اجل تراجى فقط لو تراجى صلحت
صلحت امنة ولو تراجى طلحت طلحت امنة...مفروض تانى لو عاوزين
نخاطب امنة نقوم نرسل خطاب لتراجى.....نسخه كربونية)
الشى الاخر المعارفو امنة ولا البقية انك يا نور تاور
من الدا الاعداء واصعبهم لانك تحملى خلاف ما احمل بس عندك
طريقة تخاطب محترمة بتجبر كل الاطراف على احترامك وعدو
عاقل خير افضل من صديق جاهل ....الحديث عنك يا نور يطول
وله عدة مذاقات......وسيرى وعين الله ترعاك......وعين الحسود فيها عود
|
Post: #18
Title: Re: لعناية امنة مختار......بخصوص نور تاور
Author: كوليل
Date: 06-18-2006, 10:15 PM
Parent: #1
Quote: عشان كدى يا وليد أنا قلت النملة دى كان سوت ليها حزب..
سجلونى أول زول |
كلنا فى حزب النملة دى ياوليد..... وربنا يصلح الحال
|
Post: #19
Title: Re: لعناية امنة مختار......بخصوص نور تاور
Author: DKEEN
Date: 06-19-2006, 02:43 AM
Parent: #1
التور التاني ليس بالضرورة ان يكون امراءة...
|
Post: #21
Title: Re: لعناية امنة مختار......بخصوص نور تاور
Author: waleed500
Date: 06-19-2006, 07:49 AM
Parent: #19
كوليل
دكين
لكم التحية وصادق الحب ولنور تاور اكيد المتابعة
|
Post: #22
Title: Re: لعناية امنة مختار......بخصوص نور تاور
Author: nour tawir
Date: 06-19-2006, 09:59 AM
Parent: #21
صباح الخير وليد500
أتصل أحد الاخوة الكرام بالامس..
وأبلغنى انه وليد 500 ماهو وليد المبارى النملة..
وأنتى يانور دقستى!
عشان كدا جيت جارية أعتذر وأصلح الغلطة..
لكين فى ردى للاخ الكريم..
قلت ليه حتى كان وليد 500 مامتابع النملة..
ولكنه ماخرج من منهج النملة..
حسب ما بقرا ليه..
مرة تانية يا وليد أنا آسفة...
وخليتك عافية..
|
Post: #23
Title: Re: لعناية امنة مختار......بخصوص نور تاور
Author: waleed500
Date: 06-19-2006, 12:00 PM
Parent: #22
العزيزة نور
خوالص التحايا
ويا استاذة ما مشيتى بعيد
واهو نحن من انصار دخلت نملة وشالت حبة وخرجت
يعطيك العافية سيدتى
|
|