Post: #1
Title: أجر مجزى بالدوررار...وظائف شاغرة كميات
Author: عاطف محمد أحمد زكريا
Date: 06-17-2006, 01:31 PM
الاخوة والاخوات
تطرح الامم المتحدة عدد ضخم من الوظائف وذلك بغرض تنفيذ العديد من المشروعات التى تزمع القيام بها فى مختلف انحاء السودان ( الخرطوم ، كسلا، جوبا، الفاشر، نيالا، رمبيك، الدمازين، ملكال، كادقلى...الخ
هذه الوظائف ليست حكرا على تخصص معين وانما فى كافة المجالات ( الاجتماع، الاقتصاد، الادارة، الهندسة، الطب، الصحافة والاعلام، الترجمة....الخ بالاضافة الى ذلك هنالك فرص لحملة شهادة المدارس الثانوية ومعاهد التدريب المختلفة
الالمام باللغة الانجليزية والخبرة فى مجال التخصص قاسم مشترك مطلوب فى جميع الوظائف المعلن عنها
بامكانكم الدخول للموقع التالى للاطلاع على كيفية تقديم الطلبات
http://www.unmis.org/english/recruitement.htm
للاطلاع على نوعية الوظائف المطروحة وطبيعة العمل ومكانه ( اى المدينة التى سوف تعمل بها اذا تم استيعابك) فبامكانك الدخول للروابط ادناه:
لخريجى الجامعات:
http://www.unmis.org/english/recruit-NP.htm
المدارس الثانوية ومعاهد التدريب:
http://www.unmis.org/english/recruit-NGS.htm
العاملين اصلا فى مجال المنظمات الانسانية والتنموية
http://www.unmis.org/english/recruit-nunv.htm
يجب ملاحظة انه ليس هنالك تاريخ معين لناهية التقديم وستجد امام كافة الوظائف مكتوب (deadline open)
ويكون التقديم مباشر للجهات المعنونة وبدون وسطاء وهنالك اكثر من طريقة لتقديم الطلب عبر الايميل او بالبريد او باليد (والعاوز يقدم من مكتب القاهرة هنا باليد انحنا تحت الخدمة او راسلوا اى بوردابى من بورداب القاهرة)
ملاحظة اخرى مهمة وهى ليس بالضرورة ان يكون مقدم الطلب مقيم بالسودان وانما بامكانك تقديم طلبك من اى مكان تتواجد فيه لحين الاستيعاب
حظا سعيدا للراغبين
|
Post: #2
Title: Re: أجر مجزى بالدوررار...وظائف شاغرة كميات
Author: محمد ابراهيم قرض
Date: 06-17-2006, 02:53 PM
Parent: #1
عاطف ..
مشكور على المعلومة ، لكن يمكن للسوداني أن
يشتغل في أي مكان في العالم ، ما عدا (UNMIS) !!
(يونيميس) دي بروقراطية عجيبة و الواحد روحوا تطلع
و ما يقدر يتحصل على عمل رغما عن الكفاءة و المؤهلات !!!
و العجيبة السودانيين الشغالين في (يونيميس) ... عندهم
إعتقاد جازم أن أي سوداني يقدم طلب للعمل ، لابد و أن يشكل
تهديد لهم ؟؟؟ و عليه تجب محاربته و تطفيشه من باب (يونيميس) !!!
و السكرتيرات يا عاطف ...
خاصة سكرتيرات الزعيم الكبير أيان برونك .
يا دنيا مافيكي غيرنا نحن !!!!! أصبحن مراكزا للقوى
بسبب حماية برونك لهن !!
بل ظهرت شواهد تدل على أن المدعو برونك
يرفع من قدر بعض السكرتيرات دون التقيد بالقوانين
و اللوائح !!!! وده كلام الجماعة الأجانب الشغالين
داخل (يونيميس) ..
واحدة سكرتيرة تم تخصيص سيارة (UN) كبيرة لإستعمالها
الرسمي و الشخصي .. طبعا دون أن تؤهلها درجتها (الطبيعية)
لذلك ... و كمان تم التغاضي عن السلم المتدرج للترقيات
عشان خاطر عيون السكرتيرة و يمكن بعد شوية تكون أمين
عام بدل كوفي عنان و تتحسن سمعة السودان!!!
و المسكوت عنه كتير يا عاطف ...
|
Post: #3
Title: Re: أجر مجزى بالدوررار...وظائف شاغرة كميات
Author: عاطف محمد أحمد زكريا
Date: 06-17-2006, 05:13 PM
Parent: #2
Quote: واحدة سكرتيرة تم تخصيص سيارة (UN) كبيرة لإستعمالها
الرسمي و الشخصي .. طبعا دون أن تؤهلها درجتها (الطبيعية)
لذلك ... |
عزيزى محمد
شكرا على المرور والمداخلة
كل شئ جايز
لكن الوظائف دى خاصة بالسودانين ، والسودانين فقط وبداية العمل ح تكون داخل السودان وزى ما انت عارف السودان ده فيه اماكن حتى السودانين زاتهم يخافوا يخشوها
ونوعية سكرتيرات برونك ديل برااااهن بطفشن
مش كان خصصوا ليها عربية ..حررم كان برونك زاتو جابوه معاها ما بتقعد
و الشئ لو بقى من نصيبك ح يكون من نصيبك رغم انوف ........
وتسلم
|
|