Post: #1
Title: لمن كنت صغير/ه بلعب بالتراب
Author: اسلام عبد الرحمن عمر
Date: 06-17-2006, 07:25 AM
تبتبا تبتب
باكر تعرف تقرى وتكتب
ويااااااااما ترتب
تبتبا تبتب ....
***************************************
سرحت شديد وانا بسمع فى عقد الجلاد بتردد فى رائيعة الانسان النبيل الاستاذ محجوب
شريف ربنا يرد غربتوا ويديهوا العافية انشاء الله وهو بيكتب عن اجمل مخلوقات الكون
الاطفال فى العمل الرائع تبتبات لفرقة عقد الجلاد ...
سرحتااااااا واتذكرت طفولتى ؟؟؟؟؟
كميه من الحاجات القاعدة فى البال ذى الحصلت هسع ؟؟؟ وجوه واحداث وقصص ومواقف
وامكنه قاعدة فى مكان ما فى الذاكرة ...اايييييييييييه
حبيت افتح بوست للحكى عن جمال الايام ديك والتفاصيل الهسع بقت مافى كلوكلو
البيت ...والشقاوه ... الروضه واول ايام المدرسة ... الاساتذه والكتب والاصحاب ووووووو
يدكم معنا نحكى عن الايام ديك كلنا تعالوا نتذكر ونحكى ......
تخريمه :
ياريت لو فضلنا اطفال على طول
واكيد راجعين ................... للحكى .
|
Post: #2
Title: Re: لمن كنت صغير/ه بلعب بالتراب
Author: Zongiya
Date: 06-17-2006, 03:21 PM
Parent: #1
اسلام اسمك حلو
امس كنت بسمع الاغنيه دي..حلوه
تحياتي
|
Post: #3
Title: Re: لمن كنت صغير/ه بلعب بالتراب
Author: اسلام عبد الرحمن عمر
Date: 06-18-2006, 00:56 AM
Parent: #1
زنجيه :
حلوه الدنيا فى عيون الاطفال الحلوين وفى ضحكتم وفى بكيتم
وووووووو .
تعرفى ؟
وانت كمان حلوه ... شكرا على المرور من هنا ؟؟؟ تعالى واحكى عن طفولتك
واتذكرى .....الايام ديك .
|
Post: #4
Title: Re: لمن كنت صغير/ه بلعب بالتراب
Author: اسلام عبد الرحمن عمر
Date: 06-18-2006, 02:17 AM
Parent: #1
اها ......
فترة قبل المدرسه او الروضه فى بداية التمانينات تقريباً والعمر بين تلاته لى
خمسه سنين كده الفتره دى بالذات اكتر فترة قاعدة فى زاكرة الزول فترة اكتشاف
الدنيا البسيطة والهى عباره عن البيت الروضه خشم الشارع قريب كده والدكان .
الروضه بتاعتنا كانت بعيده شويتين لى شافع صغير والمشوار من الروضه لى البيت ده
اطول مشوار كان بمشيهو الزول ..
برنامج الروضه ذى اى برنامج يومى لعب ونطيط وكواريك واناشيد وماما حنان ادتنا علوم
قالت لينا كلام مفهوم ثورت مايو للتعليم ..يوم ادونا النشيد ده مشيت البيت لى ابوى
الله يرحموا سالنى الليله ادوكم شنوا فى الروضه قلت ليه النشيد ده قال لى النشيد ده
ما سمح تانى ما تقولوا بلا مايو بلا كلام فارغ وقعد يطنطن اليوم كلوا فى كلام اناما فاهم
ليه حاجة الحكومة دى حتى شفعنا مادايرين يخلوهم فى حالهم ...؟؟
ماما حنان دى انا ما قاعد اريدها لانها نهرتنى نهير شديد لحدى ما قلت انا الروضه تانى
ما ماشيها والروضه زاتوا كعبه ولا حلوه وقصتى مع ماما حنان انو عندى صاحبتى شديد فى
الروضه حلبيه كده وعندها جزور فى المصريين اسمها هالة , اها هاله دى انا اليوم كلوا
بكون لاصق جمبها فى الروضه والعصر بدرى بحمونى والبس الريدا الماخمج وامشى ليها فى
بيتهم .. اها
انا وهالة دى كنا فى الروضه وروضتنا السور بتاعا معمول بى شجر حنه ومعاهو سلك شايق
وانا بلعب كده زنقتنى بولا مشيت هنالك جمب السلك عشان ابول وانا واقف ابول كده هالة
جاءت جاريه سالتنى داير تسوى شنوا قلت ليها داير ابول قالت لى انا ذاتى دايره ابول
وانا واقف ابول قامت قعدت تحت وبقت تبول انا استغربت جداً للحاجه دى ليه البت دى ما
وقفت على حيلا وبالت ذى كده قمت بى كل براءه قعدت تحت اعاين ليها بس ماما حنان شافت
المنظر ده وادتنى هرشششه لمن نطيت ؟؟ قعدت ابكى وانا ما عارف روحى شاكلونى ليه ولا
عملت شنوا غلط ومن اليوم داك حلفت تانى ما امشى الروضه الكعبه دى ولا اصحاب هالة زاتوا
..............................................
يتبع :
|
Post: #5
Title: Re: لمن كنت صغير/ه بلعب بالتراب
Author: اسلام عبد الرحمن عمر
Date: 06-18-2006, 07:17 AM
Parent: #1
*
|
Post: #6
Title: Re: لمن كنت صغير/ه بلعب بالتراب
Author: اسلام عبد الرحمن عمر
Date: 06-19-2006, 03:34 AM
Parent: #1
اللعب :
طيب ....
جانب حلو تانى من جوانب حياه الاطفال الجميله اللعب وطبعا 90% من دنيتهم لعب وفرح ونطيط .. واللعبات كتييييييييره خالص تبداء عن الاولاد من الكورة (كورة الشراب ) لى الدافورى فى عمر اكبر حبه ووووووووو كدى خلونا نتذكر لعبات زمان :
نط الحبل :
نط الحبل لعبه مشتركه بين الاولاد والبنات وغالبا بتوكن فى البيت مع الاخوان /ت واولاد الجيران فى النهار ولا عصير كده وعلى العموم هى لعبه متسلبطين فى الاولاد ساكت يعنى اكتر حاجه بيلعبوها البنات
كمبلت : (او كمبليتا )
ينبع
|
|