## ضوء صوت الحراز ##

في البدا كان الضوء



ذي فكرة شالة الصوت



عزفت دموع الليل



خيط الفرح حنة




رقص الضوء مبسوط سمي الاسم بالصوت*





رضينا احمد .. عنفوان الهجين لام من رحم الشيك واب من عمق السودان .. اكتشفت الضوء عندما اصتدمت به في 1974 .. وهامت به علي ضفاف البحر وموسيقي الراي .. وعشر من السنين في الجزائر .. ومن ثم براغ حيث انضمت لفرقه تعزف موسيقي الجاز ........

اسم الابوم الاول .. بالصوت

وكان عمق السودان هناك حيث الجمال ...
بارا ..
والحاسد عينو جبارة ..
...
..
.
رضينا كما علمت انك قد طلبتي لنك للبوست ..
اتمني ان تمدني بالمذيد من المعلومات ..
وبعض الاعمال الجديد ..
ولك التحايا
يا بد بلدي
..

بما انو انا مستمتع بالزولة دي براي
فلازم ابقي برااااااااااااااي

حكاية جميلة يا خواض
زى اهازيج ونشيج الهنود الحمر والغجر والمعذبين فى الارض..
وزى اغانى تنويم الشفع.. lullabies
وزى اختراع اللغة البشرية.
حاجة كده غريبة. فيها بداية الخليقة ونشيج الفقدان. وغضب النزول من الجنة!

يا سلام عليك يا رضينا احمدوفا
يا نصف شيكية ونصف سودانية
وكل اقوالى امام الدهشة والاحتفاء بهذا النشيج المجروح فى الاساطير.

Quote: وزى اختراع اللغة البشرية. حاجة كده غريبة. فيها بداية الخليقة ونشيج الفقدان. وغضب النزول من الجنة!

يا الله عليك يا عادل ... احساسك عالي
في الويب بتاعه عندها مشروع اسمو
Voicescape

Quote: Voicescape Invitation to a trip. The way through a field, forest and rain for one woman and many of her voices. The intersection of sound with shape and colour of soil. "Voicescape" is a concert with projection, a live performance connecting voice with a film screen, a confrontation of vocal and visual structures. It is the search for the sonic shape of the Czech landscape, its colours and curves. Ridina Ahmedová works with a sampler which enables her to provide real time voice loops and layers. Vocal compositions unwind in a spiral. Similarly, the projection is a minimalist composition rather than an illustration of the landscape. Experiences from wandering through a landscape which surrounds us are somewhat subjective, but despite that we all share them in some way, all of us who live in the middle of forests, hills, fields and wayside crosses. Voicescape is conceived as a trip, a walk through the landscape with several stops - in a field, on a hill, in the rain… The singer sings on stage, but she is not the most prominent - a projection screen is behind her. She is not the centrefold - rather a figure passing through a landscape, just a humble wanderer. The premiere of Voicescape took place in November 2003 in NoD, Prague. The performance was awarded as the Best new project of the year 2004 at the Prague festival Next wave. Voicescape

.
حـرّم ما بخليك براك.. إت يازول بي صـِحك؟

شكراً لتقديم هذا الضرب الجديد (على الأقل بالنسبة لي) وقد تخيلت أنها نمنمة أثناء انجاز عمل رتيب وشاق، كمناولة قوالب الطوب من يد عامل طُلبة لآخر و لآخر ولآخر، حتى السقف!

تسلموا..

مذهله يا رضينا
دائما عندك المختلف يا خواض
شكرا على البوست الجميل
هشام

مش كده هشام ..
صوت .. تريان
ومّندي

عدلان .. تسلم حبوب
وعشان تستمتع اكتر واكتر .. دي واحده من الحفلات بتاعته صورة وصوت

http://stream.node9.org/lemur/nod_streams/Ridina%20Ahmed_HLASEM.mov

خواض يا عسل

وإنت رضيت لينا الصوت النديان المليان ده

طوالى رضت علينا الأيام المجدبة اللامه فينا دى

والله إنت زول عسل

لأنو فيك شفاء للناس

أبو ذر

ترضي عليك وتراضيك
ورضينا ترد الروح وبيها رضينا
حبوب .. تسلم

اصلك ما تخلى
او تودر درب الابداع

يا صديقى المتشبع
والذى يشع منك الابداع خجلا

جيتك مشدوه لقيتك بتغني ...
سمع طاعم ...
مسكت حسي في اول لفة ريق ...
بلعت الصوت ... وزاد الاكسجين في الدم...
صلبت عيني قصادك وسلبتني حاجه كانت من زمان بتفرفر تحت جلدي .
من وين اجيبك ... وكيف تدخل بدون نحنحه .
فاجأتني ... وانا كنت طالع من فرح مدسوس وكفيف .
عشت معاك متوتر ومرتاح .
القصد كان بلة نشاف.
وسرحت بعييييييييييييد .
تحت اللمبه وباقي الليل
ساقتني ... وانا كنت ماشي بدون زعل ...
صورة وصوت ... و حواس
اشتغلت فيني ... وانشغلت بيك
كنت هناك لم خليت اسمي هنا ... وبطاقة باسم دوله تانيه ...
مشيت ... قدام عسكري الحدود ... ما قال حاجه
بس ... ختم علي باقي الخيال الكنت فيهو ...
ومشيت ... بدون شنطه ...
افتش علي اسم غرقان ...
ولون حفيان ...
و هم ...

.

ابوعاقلة ابوعاقلة
عارف ..
لي زمن .. شطحه كده
ما قدر ارتب .. دولابي
بمرق كل يوم من خشم بقرة
وبرجع مكوي
ما الحيل واقف سيخه وفتران
......
اها تقوم تدقشني بي بكلماتك القصيرة
سداسيات والدنيا رمضان
لا اقدر ارد لا الحيل .. بتشد
ياخي اقول ليك
..
تسلم رضينا

Quote: اصلك ما تخلى او تودر درب الابداع

ياصديقي
انا ما بخلي ..
بس هو ما يقطع نفسي بالجري

ينتج السودانيين المتزوجين من اجنبيات
بالذات المتزوجين من جهات بلغاريا والشيك واوكرانيا وبخارست حاجات كده مباااااااااااااااااالغة .. بنات كده يستفدن من العمر كما يجب ..
مدهشين في كل مايصنعون..

في حبهم
في نشيدهم
في علاقاتهم
في اسفارهم..

عادل عثمان كالعادة جاب الرايحة ووصف الحالة التي تصيب السامع والناظر ...

الخواض ..
انتا كعادتك غتيت.. تلبد تلبد وتجي مارق بي تحفة..

دمتا رايق

تغيييييييييييييييييييييييب يالخواض وترجع بالتحف ,,,,,,سلامات يازول من زمناً كان كله تميز

يا يبت يا نيل
سلاماً سلام
وعيني باردة علي رزين
ورغم الشاغل ما تكتري الغيبة

ديكن .. هو ما قلت يا اخ اللغه

عارف ناس الشرق ديل طاعمين كيف وحنين كيف وحلوين رياله بس


والسايق سايقه الرايق