جنجويد (مكسيك) وراء احتجاب الاخ محمد سليمان....

العزيز محمد سليمان اقوى واشجع صوت دارفوري بالمنبر غائب غصبا عنه عن محبيه وقرأه

ويبعث لكم جمعا بسلامه.

وقد سرق كمبيوتره كاملا وبه باس ورده,مما اجبره على الاكتفاء بمجرد القرأه

وعدم المقدره على التعليق.

يعتذر عن عدم مقدرته الرد على البوستات,ويطمئن احبائه بأنه عائد قريبا,فقط

ينتظر ان يمده الاخ بكري ابوبكر بالباس ورد مرة آخرى.

وانا بصفتي احد قرأه (المدمنات) اقول له نفتقد قلمك بشدة بيننا,والبورد

بلاك كوم تراب,وسلامة كمبيوترك,وديل اكيد الحراميه ديل مرسلاهم لك حكومة الخرطوم

وكان الاخ محمد واثناء رحوله قد استعان بعمال مكسيك فما كان منهم الا ان عادوا وسرقوا

كمبوتره واغراض آخرى ونقول للاخ محمد الجاك في مالك سامحك في صحتك,اما الجاك في (باس وردك)

دي ما عارفه يكون سامحك في شنو؟؟؟؟

ومن هنا نناشد الاخ بكري ابوبكر ان يتكرم بارسال الباس ورد للاخ محمد سليمان لان الوقت حرج ويحتاج قلمه.

ومنتظرنك يا ابو حميد .

تراجي.

العزيز محمد سليمان

الجماعه ناس ود عقيد طلعه باين( كورنجيه) وكله مختف مع كأس العالم

لكنهم اكيد بتاوقوا للبورد ومتفسحين وشامن نفسهم لغيابك.

غايتو كأس العالم ان شاء الله دائما ,لما مننا جنس عالم كانوا جنهم ارهاق الباندوث.

تراجي.

- المارشـــال ( كوزتــاوي ) .. مكنتو خفت وبقى شغال من الأرشيف..
- محمد سليمان Cheap shoot قندولــي وعندو بهائم في ضهر بيتم ممكن يشتري ليهو مية كمبيوتر كان بطل الجلدنة بتاعتو دي ..
- مشيت للقاضي وقال لي ما فاضي .. بقى حريف جدا يجي داخل انصاص الليالي بعدما الناس تحضر الكورة التانية وتنوم..
- تاني منو ياربي .. تاني منو يا ربي .. تاني منو؟؟

أيوة..
انتي:
لقيتي البوست ( بورندي ) .. قلتي تعمليهو محلات ساندوتشات ..؟

..
يحليلك .. ويحليل ( طظـــاتك ظـــاطه )*




*
ظـــــاطه.. من ظـــــاطووو

كفارة يا بوحميد ..
بكرى رجع الراجل دة سريع .. (الباسورد بس ، اوعى يحنكوك للكومبيوتر ، عارفهم الزغاوة ديل )

تراجى :

Quote: وكان الاخ محمد واثناء رحوله قد استعان بعمال مكسيك

جلابة ولا هامش و لا اهل مركز ولا متمكسكين ساكت ؟ التحديد مهم .

اراكى يا اخيتى قد جنيتى على اهل المكسيك ، وطفقت تشوهين فى سمعتهم ، و اعلمك بانه لم يخفى على فطنتنا ما دسستيه بين السطور من ان اهل المكسيك حرامية اولاد لذينا .
هل تراكى تعلمين برايهم فينا ؟


شفتى كيف نط الحلق دة ساهل

برهان تاج الدين

والله كنت حاسباك راجل عاقل طلعته من الجماعه اياهم,سبحان الله.

Quote: جلابة ولا هامش و لا اهل مركز ولا متمكسكين ساكت ؟ التحديد مهم . اراكى يا اخيتى قد جنيتى على اهل المكسيك ، وطفقت تشوهين فى سمعتهم ، هل تراكى تعلمين برايهم فينا ؟

كيف جنيت عليهم؟؟؟؟؟لو السرقوا مصريني كان كتبت مصرين ,ولو هنود كان كتبت هنود

وهذا لا ينطبق على الجنس كله,لكن انت عايز تعلق وبس,وطبعا لك مطلق الحريه.

Quote: و اعلمك بانه لم يخفى على فطنتنا ما دسستيه بين السطور من ان اهل المكسيك حرامية اولاد لذينا

اين هو ما دسسته بين السطور,يا اخي اتقي الله.

Quote: هل تراكى تعلمين برايهم فينا ؟

وهل يهمني رأيهم فينا؟؟؟؟؟

Quote: شفتى كيف نط الحلق دة ساهل

بالله....لا ما شفته!!!

عالم فارغه بشكل...

تراجي.

يا استاذ تمبس

انت قدر ما نقول تعقل مصر ماتعقل

وشايفاك مكثر الرشاقه والتحرش.

اولا:

يا استاذ

محمد سليمان ما طلب انه اوضح غيابه للزيك,لكن لقرائه الذين تابعوه ببريد الياهو بتاعوا

وسألوا عن احتجابه.

ومحمد سليمان لم يشكي من عدم الكمبيوترات بمنزله,ولكنه شكي من فقد الباس ورد

بتاعته التي كان لا يكتب(خروج) ولا (دخول) وانما يتركب كمبيوتره ذو البرامج العربيه

متصل بالاون لاين على طول.

و(الجلدنه) دي شوف ليها مكان آخر ولكنها لا تستخدم لوصف محمد سليمان.

وتشكر على المرور و الرشاقه.

تراجي.

Quote: يا استاذ تمبس انت قدر ما نقول تعقل مصر ماتعقل وشايفاك مكثر الرشاقه والتحرش.

..
اهــا جينا للكلام المقصود زاتووو ..
الرشــاقة دي أول حاجة بديتيها أنت . وأنا جيت تميته ليك مش خاته ليك مية وش .. وعامله فيها ( بهجت الاباصيري ) ؟؟ اها انا جيت تميته ليك .. انت اتراشقي وانا بتراشق ورانا حاجة ؟؟
بعدين إذا سمحتي .. تمبس حــاف من غير استاذ بالجد كدا .. لانو ما برتاح للكلمة دي وبحس انها اكبر من حجمي ..
( التحرش ) دي شنو بالضبط ؟؟
كلامي مشى وجا في محلــو .. تهبشي الناس .. وتجي تقولي اتحرشو بي .. حسع الله بيسالك كان البوست دهـ خليتيهو في مكانو ومشى محل ما عايز يمش .. من غير ما تعملي منو هوليلة زي دي .. كان في زول ( اتحرش ) بيك زي ما بتفتكري ؟؟ اها بعد شوية طلعيني كمان قاطع لي اشارة مرور فوق للتحرش دهـ ..
..

Quote: انت قدر ما نقول تعقل مصر ماتعقل

الكلام دهـ ما لذيذ يا تراجي .. واقع ليك ؟؟
لانو ممكن اسمعك فيهو كلام كتير خــــلاص .. واطلع ليك خرمجتك البتعملي فيها هنــا ده وعملتيها مع ناس كتار هنــا ده اطلعه ليك عدم عقلانية ووعـــي .. وبقدر علي كده والله اصلو ما بتغلبني
لكن ( حــاشاك ) من عدم العقلانية أنت زولة كبيرة وواعيـــة .. وأوزني كلامك صاح قبلما تطلعيهو من خشمــك .. وده بمثابة تنبيه ليك .. اتفقنـــا؟؟ الكلام الفارغ خليهو طرف والشتيمة بتاعتك أنت عارفاها ما بتنفع معاي ..
..

Quote: محمد سليمان ما طلب انه اوضح غيابه للزيك,لكن لقرائه الذين تابعوه ببريد الياهو بتاعوا

لغتك لســـه ما عاجباني ..
بعدين محمد سليمان القال ليك توضحي ليهــــو ده ما خلاص وضحتي ليهو .. والناس ديل من ضمنهم انا ذاتي .. مش محمد سليمان زميلنا دهـ والا واحد تاني .. اهــا مش كان تخلي البوست يمشي يا ترفعيهو بي اي اسلوب تاني ..ما كان في داعي ( تتحرشي ) .. بالمناسبة هنا الاستعمال الصاح لي عبارة تتحرشي يعني دخلتها في مكانه ظاتووو ..

Quote: و(الجلدنه) دي شوف ليها مكان آخر ولكنها لا تستخدم لوصف محمد سليمان.

لالا الموضوع ده بنحسمو انا وهـــو .. أنت اطلعي منهــــا.. ما تعملي لي مشكلة مع الراجل انــا ما صدقت أنو بقى صاحبي .. وبنهظر مع بعض .. والراجل بقى يضحك كمان ويغني .. أنت ما ملاحظة للحركة دي والا نمشي الارشيف ؟؟ مالك عايزه تخربي الود البيناتنا .. كان Cheap Shot جا وقال انا ما صاحبو يا قال لي كلمة جلدنــه دي ما مقسمه معاي .. بعدين بنشوف لينا اقتراحات تانية كويس ؟؟ ما تتحسسي من المسالة دي

Quote: وتشكر على المرور و الرشاقه.

لالا انــا قاعد هنــا يا تراجي ما ماش مكان .. انا بشجع البرازيل والهلال .. بحضر كور البرازيل بس .. يعني من كمبيوتر لي كمبيوتر .. والحمد لله فضلت خيرك الخير باسط ..
اما موضوع الرشاقة دهـ .. عليك الله ما تحرمينا من النعمة دي .. والله انا كان ما كمية السعادة البتدخلني لما اقرا ليك والانشراح ده .. والله من شهر اربعة الفات كان ( جنيت )..
..

اها جيبي من جــوهـ راجيك ..


بس اوعك تتراشقي

وفوق كمان عشان بكري ابوبكر يرد علينا.

تراجي.

برجني كرتوفكي

كدي واحدهـ .. واحــدهـ
البوست دهـ كــان ماشي الثورة بالنص .. فجــأة شكلو ح يمشي المنشية
..
المــوضوع الرئيسي للبوست:
سرقة كمبيوتر Cheap Shoot حسب الحيثيات المرفقــة .. ودي حاجة ما كويسة ونكبه لاتستاهل الشماتـــه.. لحدي هنــاكويس
..
البوست دهـ قبيل قبلما اتغدي بشوية لاحظت ليهو كان قرررررررررب يمشي الصفحة التانية بالعربي كدا مافي زول هببو...
مشيت اتغديت وجيت .. لقيتو فـــوق .. دخلت شان اعرف الحرامية قبضوهم والا شنو؟؟
..

Quote: الجماعه ناس ود عقيد طلعه باين( كورنجيه) وكله مختف مع كأس العالم لكنهم اكيد بتاوقوا للبورد ومتفسحين وشامن نفسهم لغيابك. غايتو كأس العالم ان شاء الله دائما ,لما مننا جنس عالم كانوا جنهم ارهاق الباندوث.

الكلام دهـ ما بيحمل أي معنى خلاف .. استعداء واضح ومحاولة لي تحريف مسار البوست ويقوم يجي عبد الله عقيد .. يا اي واحد من الجماعة .. وكلمة جماعة دي مقصود بيها طبعا فئة محددة يعني ( x ) من الناس بمعنى آخر المجال مفتوح وتعالو اتفسحو في البوست دهـ على وزن الفي بطنو حرقص وكان قلتو اي كلام يتكتب ليكم كلام زي دهـ :

Quote: والله كنت حاسباك راجل عاقل طلعته من الجماعه اياهم,سبحان الله.

..أو ده

Quote: عالم فارغه بشكل...

..
طيب الفراغ دهـ كيــــــــف ؟؟ والاستعداء وجرجرة الناس لي حتات ما كويسة بيكون كيف ؟؟
..

في انتظــــار... الجانب القانوني في المسالة دي

أتمنى أن يعود للأخ الفاضل محمد سليمان باسوورده الضائع .

اهلا تراجى ليك وحشة ... محمد سليمان نتمناك بيننا .. كونوا بخير

شكرا النسر

شكرا آمنه مختار

على المرور

تمبس

في (بريك) بين شوطتين ولا شنو؟؟؟؟؟

يازول استمتع بكورتك ومبروك عليك لافي استعداء ولا غيره

يعني ما نهظر مع ود عقيد وجماعته ولا شنو؟؟؟؟

وانت اوع تكون حاسب روحك من جماعته؟؟؟؟

وحياتك ما كنت حساباك معاهم.

وطلعته كمان بتاع كوره...حلوه دي ومال ما بنشوفك في بوستات هلال مريخ ليه؟؟؟؟

تراجي.

تراجـــي..
ما تجري واطي وتكتلي لينا البوست دهـ بلا كورة بلا ( تحرشات معاك ) بلاي من ما جابوك في التلفزيون الواحد بقى ما بقدر يتكلم معاك كلمتين على بعضيهــم..
..
انــا ما شي أنوم خلاص الرزق سبــــح..
وأنت حقــو تزغردي لــي .. مش كنتي عايزه البوست دهـ يتملي مداخــلات ( واتحرشتي ) اها انا مليتو ليك لمن دفــق.. ما أظن قصرته معاك وبرضو طلعتيني مجنون ..

صباح الله بي خيرو .. نتمو بكـــره كان الله حيانـــا

بعدين في حاجة صغيرة اتذكرتها حسع قبلما امشي انووووم..

Quote: محمد سليمان ما طلب انه اوضح غيابه للزيك,لكن لقرائه الذين تابعوه ببريد الياهو بتاعوا وسألوا عن احتجابه.

.. يعني مثلا الحركة العملتيها دي كويسة تكلمي بكري وتكلمي القراء وتخلينا في الصورة ..
عادي جــدا انا القدامك دهـ قبل كدا عملتها مع ترهاقــا.. ومع أخــونــا جاد اهــا أخونا جاد ده في زول عمل جسمي انتحل بي اسمو ظاتووو ..يعني دخل وكتب وقال هو جاد .. وبعدين قام جاد اتصل على انا القدامك ده وكان منطط عيونو من الحركة دي .. المهم عالجنــا المسالة مع بكري والحمد لله ..
يعني حسع كان بكري قــال لي يا تمبس الباص وورد بتاعي راح .. ممكن افتح ليهو بوست زي حقك دهـ .. مش بكري ظاتوو عندو باص وورد وممكن يروح منو يا يسرقو حاجاتو برضو ؟؟
ممكن افتح ليهو بوست يا أنتي تفتحي ليهو بوست برضو اصلو مافي مشكلة..
بس لكن المشكلـــة الكبيرة جدا .. في أنو نقوم ( نتحرش ) بي الناس ..
اصلو ما ممكن يكون مفتوح بوست لي باص وورد زول رايح منو ومسروقه حاجاتو والبوست يقوم ما يردو عليهو لي أي سبب من الاسباب والله اعلــم أقوم طوالي (اخللووو)..
( والله والله والله ) كان محمد سليمان رضى بالحركة دي .. انا القدامك ده ما برضــــاها ليهو..

لانو ( التحرش ) علي الناس بالطريقة دي ما كويس يا تراجي .. حرام عليك يـــاخ
حسع كان ود عقيد جا داخل ليك هنــا وقال ليك الكلام ده .. وبشاشا كان في ..
تخيلي كان البيحصل شنو؟؟

عليك الله أنت قاعده تنومي مرتاحه لما اتنين يتشاكلو مع بعض وأنت السبب ؟؟


اي سؤال ؟؟
والا نتم الباقي بكـــره كان ربنا حيانـــا؟؟

محمد سليمان.
سلامات الجاك فى مالك سامحك.
ونتمنى عودتك قريبا.

الحبيبة: تراجى. الواحد شوية مشاغيل والله ما شاف غياب الاستاذ: محمد بالله سرعوا العملية, والبركة فى الاستاذ: تمبس.
رافع البوست طوالى وما قصر معاكى تب!!.

مع التحية لك وله.

ابو القاسم سلام

وباين مشغول لانك مسجل غياب.

تحياتي لك.

تمبس

والله اشهد انه ريده شديده لمحمد سليمان.

كثر الله خيرك,لكن وحاتك بكري مع السودان داك مشغول وما اظنه بيرد بسرعه.

المهم شكرا لك وامسحها لينا في وشي اي حاجه مزعلاك.

اه ان شاء الله البرازيل تخد الكأس ..قصرنا معاك.

تراجي.

Quote: عالم فارغه بشكل...

فضلة خيرك يا خالة .

اها بس دة الانا قاصدوا .. يعنى لمن ناس تتكلم و تقول الحبشيات سمحات تجى طايرة و تشبكينا رايهم فينا و رايكم فيكم و خدشتوهم و شنو ما بعرف ,
عاد الفراغ دة كيفنهو ..
بعدين شايفك اخدتى كلامى جادى شدييييد و هاك يا كوتات و رد سطر سطر .
عليك الله انا مالى بى ناس المكسيك ولا ناس سقط لقط .

ايييييييييييييييييك

اتاريك يا برهان ماسكه لي من البوست داك.

برجع لك بهناك لما افضى شويه من كنداكة نورتاور.

تراجي.

الاخ/ محمد سليمان

لك التحية والتقدير حقيقة افتقدناك ولم نكن نعرف سبب الغياب
الجاتك في كميبوترك سامحتك نتمني عودتك قريباًبأذن الله وشكراً
الخالة تراجي مصطفي علي المتابعة

Quote: برجع لك بهناك لما افضى شويه من كنداكة نورتاور.

لا عاد الرسول فيك .. عليك الله خلينا ناخد لينا نضمة نضمتين و نمشى نشوف اشغالنا .. بعدين الحبشيات ديل ليهم رب يحميهم .كدى شوفى بقال دة مالو .. شايفو جا هسه .


محمد سليمان رد الله غربتك ياخى .. برة جوة ما مريحنا .

في انتظار فارسنا محمد سليمان

لكن يا بكري ما حيرتنا عديل كده.

انتو يا جماعه اوع يكون محمد سليمان مع وفد المقدمه المشى الخرطوم

غايتو الترابه في خشمنا لو عملتها يا محمد.

تراجي.

****