Post: #1
Title: اسواق واحواش وميادين امدرمان
Author: willeim andrea
Date: 06-11-2006, 10:05 AM
هي دعوه للمشاركه ... وياربي الموجود منها شنو والاصبح اطلال شنو
|
Post: #2
Title: Re: اسواق واحواش وميادين امدرمان
Author: banadieha
Date: 06-11-2006, 10:14 AM
Parent: #1
حوش الخليفة..ميدان الخليفة
سوق الموية..سوق القش..سوق الملجة..سوق العيش..ميادين الأحفاد (تمرأبونا)..ميدان البحيرة: ودي كلها أظنها اتمحت..فسوق الموية وسوق القش قامت عمارات، وسوق الملجة وسوق الجلود بقوا اسواق ساكت..وسوق العيش قام عمارة بنك فيصل أو حاجة كدا..ميادين الأحفاد بقت مباني..ميدان البحيرة بتاع نادي الشاطئ بقى ميدان مولد..ولا تنسى ياويلي أن معلوماتي قديمة بسبب طول الغياب.
|
Post: #3
Title: Re: اسواق واحواش وميادين امدرمان
Author: willeim andrea
Date: 06-12-2006, 11:44 AM
Parent: #1
الحبيب بناديها....
قلته ميدان الخليفه..... ياسلام ... المناسبات في ذاك الزمان.... الزفه ... فرسان علي ظهر الخيول ...طابور الموسيقي ... شارع الخليفه .... وتنتهي في ميدان الخليفه .... المناسبات ... كالمولد النبوي .... صلاة العيد كلها في ميدان الخليفه... وما تنسي الكره ... كم خرج ميدان الخليفه الكثير من فطاحلة كرة القدم... شكرا علي المرور والمشاركه
|
Post: #4
Title: Re: اسواق واحواش وميادين امدرمان
Author: willeim andrea
Date: 06-12-2006, 12:02 PM
Parent: #1
سوق الشجره.... سوق الصور..... السوق الجديد ( جديد في الزمن داك ) سوق التشاشين ..سوق الطيور ... سوق السمك ... سوق الحدادين ...
قلته سوق الملجه .... اها في ده بالذات انا محتار بينما اعرفه وما شاهدته قريبا... كان عباره عن سوق الخضروات المركزي ولو حصل ومريت بيهو بعد الساعه خمسه مساء بتلقي البضاعه ما عندها سيد يعني الخير راقد وزايد ... وفي الناحية الجنوبيه تجار امدرمان ناس الكوارته واولاد ملاح الخ الخ ومن الناحيه الشرقيه سوق الجلود ... ومن الناحيه الشماليه سوق المراكيب وتجاره من الجعافره الخ ... تعال هسي حاجه ما معروفه هي شنو زحمه وبضاعه مكدسه ومختلفه بدون نظام او نظافه يعني حدث ولا حرج زي المكان ده ما عنده وجيع علشان ينظمه وينظفه شفتي كيف يالحبيب
|
|