Post: #1
Title: (ألسودان..مستهدف)..عباره ماعندها معني
Author: abdalla elshaikh
Date: 06-10-2006, 05:06 PM
Parent: #0
(ألسودان..مستهدف)..عباره ماعندها معني
كل من هب ودب يقول ليك[ألسودان مستهدف]دونـما أي تفكير في مـدلول هذه إلعبارة...فنحن مستهدفون مـمن ولـماذا?...فيا جماعه نحن بلد واقعين فى مثلث (ألجهل)و(ألفقر)و(ألـمرض)..
وعليه يقف ألسؤال فاضحا عورة مانقول..[هل من يستهدفنا إختار بكامل وعيه أن يرمـي بنفسه في أمـراض هذا ألـمثلث?]
|
Post: #2
Title: Re: (ألسودان..مستهدف)..عباره ماعندها معني
Author: ابوالقاسم ابراهيم الحاج
Date: 06-10-2006, 06:25 PM
الأستاذ: عبدالله الشيخ.
لك التحية والاحترام.
يا أستاذ والله بوستاتك جميلة وهى قابلة للناقش وغير موضوعة بإعتبارها مسلمات لاتقبل الجدل حولها ولا تنتظر .
وليتنا نتعلم هذا الاسلوب ونتفاعل من خلالها بالمنطق والذوق الرفيع فى الطرح واحترام المتحاور كما تفعل.
السودان مستهدق!.
من الامبريالية الدولية!.
والصهيونية العالمية!.
واليهودالمغتصبون!.
والمأسونية الخفية!!.
والاستعمار الجديد!!.
وأعداء الأمة العربية!.
لماذا؟.
لا أعرف!.
أحس أنه لم يحترم الانسان السودانى من حكوماته منذ ان خلق الله هذه الحكومات وتسنم أبناءه السلطة والقيادةالى اليوم؟!!.
بإختصار السودان يستهدفه حكامه وأولياءه من بنيه!!.
لك التحية.
|
Post: #3
Title: Re: (ألسودان..مستهدف)..عباره ماعندها معني
Author: Sobajo
Date: 06-10-2006, 06:33 PM
Parent: #2
يا جماعة دي ما عقدة السودان بس ...
دي عقدة العرب ...
اي حاجة يقولو ديل الصهاينة ...
اليهود دايرين يخربو علينا ,..
الغرب استهدفونا في الموضوع ده ..!!
انا قابلت بالمناسبة صديق في اوربا عندو نفس العقدة دي ...
و أخذ يحلف بأغلظ الايمان انو الاوروبيين عملو يوم السبت و الاحد اجازة عشان المسلمين ما يقدرو يصلو صلاه الجمعة ...!!
احنا بنتوهم ولة بالجد الناس دي فايقا لينا ...!!
كل ما نشوفلينا خطين متقاطعين ... الكفار هم السبب ... و الخطين ديل يعني صليب ...
كل ما نشوف نجمة ... نجري نعد عدد الرؤوس فيها لو لقيناها فايتة الخمسة ...
طوالي بتكون نجمة يهودية قبل ما نتأكد اذا كانت سبعة ولة اكتر ...!!
هي عقدتنا العرب جميعاً ... وليس السودانيين بس ...!!
و الله من وراء القصد ... !!
دمتم ..!!
|
Post: #7
Title: Re: (ألسودان..مستهدف)..عباره ماعندها معني
Author: abdalla elshaikh
Date: 06-13-2006, 08:43 PM
Parent: #2
ألأخ أبو ألقاسـم
مدينة[نيو أورليانز]وبعد أن ضربها إعصار[كاترينا]رصدوا لإعـمارها مبلغ...[ستون بليون دولار]وألسودان وبعد دمار إمتد لخمسة قرون رصد لإعـماره.. مبلغ[أربعة بليون دولار]..يجب أن نعرف أنفسنا أولا.
|
Post: #4
Title: Re: (ألسودان..مستهدف)..عباره ماعندها معني
Author: ابوالقاسم ابراهيم الحاج
Date: 06-10-2006, 07:37 PM
سوباجو:
إنيقديف. !!؟.
أذكر ان مجلة روز اليوسف. فتحت ملف عن وجود شعار اليهود فى الازهر الشريف وهو ( النجمة الخماسية).
واللى الموجود فى الازهر ( ثمانية الاضلاع) .
الجماعة حاولو يوضحوا ان دى ما ليها علاقة بالموجود فى اسرائيل ( دوت) ابوالجماعة فى روز اليوسف.
حتى طلبت بعض الجهات الرسمية بتغييرها حتى ما تبقى صداع فى دماغهم!!.
لكن كيفن يطبقوها عمليا اذا كان كل سور فى البلد مليانة بشعار الازهر من اين لهم بكل هذه الميزانية !؟.
قاموا سكتوا الصحفى بأوامر عليا؟!!.
شفت كيف عالم عايشة هواجس؟!.
مع التحية
|
Post: #5
Title: Re: (ألسودان..مستهدف)..عباره ماعندها معني
Author: Sobajo
Date: 06-10-2006, 08:41 PM
Parent: #4
Quote: شفت كيف عالم عايشة هواجس؟!.
|
ما ده المجننا زاتو ...
هم شالوها بلد عديل كدة ...
البخليهم يرسموها نجوم شنو ...
|
Post: #6
Title: Re: (ألسودان..مستهدف)..عباره ماعندها معني
Author: ابوالقاسم ابراهيم الحاج
Date: 06-10-2006, 09:12 PM
Parent: #5
| Quote: البخليهم يرسموها نجوم شنو ... |
سباجو:
إنيقديف!.
والله شىء لا نجوم ولا حاجة! مجرد مربع موضوع على مربع مخلوف الاضلاع .
بس حساسية مفرطة!!.
|
|