Post: #1
Title: عن حبيبتي أنا بحكي ليكم : أين هي ؟؟
Author: sudania2000
Date: 06-10-2006, 05:00 PM
الله يديكم الفي مرادكم حبيبتي بنت الاحفاد وين؟؟
تكون مشت العمرة؟؟
لا تلفون لا مسج لا بوست
شنو الحكاية ؟؟
اظهري يا بنوتة
|
Post: #2
Title: Re: عن حبيبتي أنا بحكي ليكم : أين هي ؟؟
Author: Hozy
Date: 06-11-2006, 00:25 AM
Parent: #1
انتي زاتك كنت غاتسة وين يا حبيبة
بت الاحفاد
اخر مرة شفتها قالت حتاخد اجازة شوية
يمكن امتحانات
يمكن زهجانة من مشاكل كانت مشتعلة وقتها
( والله أعلم)
كلكم والله ليكم وحشة حبايبنا زمااان
|
Post: #3
Title: Re: عن حبيبتي أنا بحكي ليكم : أين هي ؟؟
Author: bint_alahfad
Date: 06-11-2006, 06:09 AM
Parent: #2
عسولتى
كتر خيرك البتسألى, ماهانت عليكى العشره
ويسأل منك الخير يارب
وكثر خير برضو الاتصلو بى يستفسروا عن غيابى
زمان كان اجمل حاجه بتميز سودانيذ اونلاين انهم بسألوا عن بعض لوغاب فيهم زول, حسه الا الواحد يسمع بموتو فى الجرائد
جزاك الله كل خير للسؤال ومابغيب عنك ياحبيبه الا الشديد القوى
ان شاء الله سأحاول الاتصال بكى فى اقرب فرصه
مودتى دوما
ودعواتك بعمره رمضان هذا العام بأزن الله
الحبيبه هوزى
جزاك الله خيرا للدخول هنا والسؤال عنى وليكى وحشه شديده والله
وفى امان الله
لا اله الا الله
|
Post: #4
Title: Re: عن حبيبتي أنا بحكي ليكم : أين هي ؟؟
Author: sudania2000
Date: 06-11-2006, 09:25 AM
Parent: #3
Quote: زمان كان اجمل حاجه بتميز سودانيذ اونلاين انهم بسألوا عن بعض لوغاب فيهم زول, حسه الا الواحد يسمع بموتو فى الجرائد
|
يا بت انا هسي زمان و لا حسة و خبرك في الجرائد ما جا لسة 
الله يديك طولة العمر و تفرحي بعيالك و تحجي 50 حجة
لكن بس دعواتك الايام دي انا جوطة عدوك
|
Post: #5
Title: Re: عن حبيبتي أنا بحكي ليكم : أين هي ؟؟
Author: sudania2000
Date: 06-11-2006, 09:28 AM
Parent: #2
Quote: انتي زاتك كنت غاتسة وين يا حبيبة
|
حالة نفسية يا عسولة
المكتب البيت و البيت المكتب
الحر بخليني ما فاهمة حاجة علي قول عادل امام
عاوزة ارجع زحل و غلبتني المرقة
بنت الاحفاد رسلي التذكرة قوووووووام
|
|