ساحة : لمن لم تجتاحـهم حمى كأس العالم ...بعد:

ياجماعة عايز اعرف انا براي بس الما متابع ..

تخريمة :
ما متابع يعني لسه ما مسكتنى الحمى (وجه ضاحك)
لا سألت من اشتراك ولاعارف نظام الاشتراك ..
ولم اعرف ان كاس العالم بدأ امس الا من الموقع
والشريط الاخباري لقنوات الفضائية

لم اعرف ان كأس العالم بالقروش الا قبل فترة قصيرة
عندما اتصل علي اخي الاصغر من السودان - طالبا مني ان اشتري
له كرت اشتراك من الاى ارت تي وارساله له لان الاشتراك غالي في السودان
سالته عن الاشتراك في السودان فقال 750 الف وعندما اتصلت واستفتسرت له
من هنا قالوا لي تقريبا 950 ريال

لكن الليلة بركب القمر الاوربي ..
وبحاول اجرب كلام كمال فرانكلي في القنوات الفضائية
عموما النصر لفرق دول العالم الثالث

المهم الكاس في النهاية ..
وان شاء الله يفوز بيهو السودان ..

الا انني والشهادة لله لا اعرف اسم اي لاعب في كاس العالم
حتى لاعبي السعودية ..ومع ذلك انا مع الاخضر حتى النصر ..

قال صلاح التوم من الله مرة ..ان السودان
سيدخل كأس العالم عندما تعطى افريقيا 53 بطاقة .
دحين ياجماعة غير ساح العاج وتونس تاني منو المشارك من افريقيا ..

لا سباحة
لا رماية
لا ركوب خيل
ولا كرة قدم ...(وجه مذهول)

لكن ياجماعة بالجد بتعجبني التنس ...!!

أخي لؤي
إنت طلعت متابع أحسن مني ، وكأس العالم فعلاً بدأ أمس الجمعة وأنا شفت كورة ألمانيا وكوستاكورتا لا ده لاعب برتغالي أظن كوستاريكا والكورة أظنها أربعة إثنين ، لكين كورة بولندا والأكوادور لا شفتها لا عارف نتيجتها.
السودانيين شعب في سواده الأعظم بلقى متعة ما عادية في مشاهدة مباريات كرة القدم - صديقنا ودريا متعه الله بالصحة والعافية مدمن على المريخ إدمان شديد وقال لي والله فنيلة المريخ دي لو لبستها كديسه أمشي من بحري لي أمدرمان عشان أتفرج عليها حتى لو أجي راجع كداري وأبيت القوى بدون عشا ، فناس زي ديل أقل شئ واجب على حرامية الإنقاذ أن يتفاوضوا مع الناقل الحصري ويدفعوا ليهو من قروشنا السرقوها مننا وظلوا يسرقونها جهارا نهارا ويتوصلوا معاهو لإتفاق يخولهم بنقل مباريات كأس العالم أرضياً حتى حفاظاً على حقوق التاجر ، وأهو منها يشغلونا شهر من الدعاء عليهم ومنها يكونوا طوال فترة حكمهم قدروا يقدموا حاجة ترضي شريحة الجمهور ويكون عائد الإعلانات التجارية لصالح الحكومة

Quote: صديقنا ودريا متعه الله بالصحة والعافية مدمن على المريخ إدمان شديد وقال لي والله فنيلة المريخ دي لو لبستها كديسه أمشي من بحري لي أمدرمان عشان أتفرج عليها حتى لو أجي راجع كداري وأبيت القوى بدون عش

الحمد لله يا الملا عمر اخوووووووووك عندو الهلال والمريخ والموردة والتحرير كلهم واحد
فشنك سااااااااااااااكت ..

المرات التي دخلت فيها استاد لكرة القدم قليلة جدا
وكانت غالبا في دورة مدرسية او مهرجان ما ..

اما المرات التي اشتريت فيها صحف رياضية فهي صفر ..
رغم ان اخوكم يخم معظم الجرائد الصباحية السياسية

اما اذا تقلدت منصب وزيرالرياضة ليوم واحد
فساحل كل اتحادات كرة القدم وادارات الفرق
واقول ليهم شوفوا ليكم شغله تانية ..نعم هكذا شغله تانية ..

يا اخواني البنات الجري دا ما حقي
حقي المشنقة والمدفع الثكلي
حالف باليمين اعز بنات اهلي ..

اها ياترباس لا جري ولاكورة ..والله احسن لينا الجري ..وجرية لاعب واحد
ممكن ترفع اسم السودان فوق ..بعد ان نكسته رؤوس اشباح لاعبي كرة القدم ..

رغم ان صديقي اخذ تأشيرة الشنغن بدون تعقيد..
الا انه مصر انها (بركات) كأس العالم ..

وبكل خبراتي السابقة فارشح وبكل قوة عين
الفرقة التالية لنيل كأس العالم :

1- الولايات المتحدة
2- اميركا
3- USA
4- الدنيا الجديدة

و ان شاء الله ترشيحاتي ما تقع واطة ،،،