Post: #1
Title: شاعر جديد و قديم و ادونا رايكم
Author: هشام كمال
Date: 06-10-2006, 03:41 AM
ضمينى و ادعى الكائنات و اتجردى
قابلنى و شك فى منامى الماصحى
ضمينى و ادعى الكائنات و اتجردى
وترنى حسك لما هاج فينى المشى
ضمينى و ادعى الكائنات و اتجردى
خبيت و ما أخرنى شى
غير العيون الجاحظه فيك
ضمينى و ادعى الكائنات و اتجردى
ادعيهاللعزا كان تجى
وتلقى المواسم فى حماك
كان مرة تمرق بين ايديك
صبيان يناتلوا الريح جياد و يتباطنوا
ضمينى و ادعى الكائنات و اتجاهرى
جاهريها بالقول الشفيف
عيدى الخلايق للرصيف
و استنى طلعة قمرتك
و ابدى الحياة من شهقة النيل و التراب
رعشات اياديك الملاذ
و النوم خزاز
تبديهو وسنا ما ممات
ترجع طيورك تنتشى
والنيل يحاسب غفلتو
تصمد عضاى و ما تئن
تشهر خيارات السموق
ترجاكى تعلن جذوتك
و ابداكى يا وجعى العديل
من ها الطريق الما محن
قدام عضامى الما قوت
فى السيرة حنة و كرنفال
ابداك رحيل ضامى الشهيق
عينيهو تشعل فى الحريق
و الريق بليل و اليوم جليل
و الوعد ورطان فى دماك
يا نخلة يا لون الصحاب
يا وردة يا خمرة سحاب
يا كل البنات السافرن
و يونس هواهن ما مرق
من بطن حوت العشق امين
محمد سيق الدوله
الخرطوم مدنى
اكتوبر 1997
|
|