Post: #1
Title: الحزب الشيوعى .. امام باب بيتنا
Author: shaheen shaheen
Date: 06-08-2006, 05:26 AM
Parent: #0
(1)
فى لمسة تدل على الذوق الرفيع , والاحترام تم تقديم دعوة كريمة
للاسرة فى كرت فخم راقى مثل كروت الافراح , داخل مظرف ابيض انيق
(الحزب الشيوعى السودانى يتشرف بدعوتكم لحضور الليلة السياسية
الكبرى التى يقيمها بالكلاكلة صنقعت ميدان وردى وذلك فى تمام
الساعة السابعة والنصف من مساء الخميس الموافق 8/6/2006
ويتحدث فيها كل من الاستاذ/ فاروق ابوعيسى والاستاذ/ حيدر عبدالرحمن
المحامى . قراءات شعرية مع الشاعر محمد الحسن سالم حميد)
..........
..........
اولا شكرا على الدعوة الاسرية الرقيقة , ورغم ان مكان الندوة لا يبعد
عن منزلنا اكثر من مربوع واحد, ورغم انهم كانوا من الممكن
(وعادى جدا) ان يتجاهلوا مشقة طرق الباب , او حتى الاكتفاء بالدعوة
شفاهة .. الا انهم لم يفعلوها .
اعجبنى ذوقكم الراقى .
الليلة سوف اكون فى الصفوف الامامية , مستمتعا وناقلا انطباعاتى
فى هذا البوست .
..........
..........
انهض كعنقاء الرماد
من الدمار
(محمود درويش) .
......
شاهين.
|
Post: #2
Title: Re: الحزب الشيوعى .. امام باب بيتنا
Author: عبدالله الشقليني
Date: 06-08-2006, 10:03 AM
Parent: #1
عزيزنا شاهين
الدعوة دليل رُقي ،
ثم الخطو ..
|
Post: #3
Title: Re: الحزب الشيوعى .. امام باب بيتنا
Author: Salwa Seyam
Date: 06-08-2006, 10:55 AM
Parent: #1
|
Post: #4
Title: Re: الحزب الشيوعى .. امام باب بيتنا
Author: عمر ادريس محمد
Date: 06-08-2006, 01:55 PM
Parent: #1
| Quote: ان يتجاهلوا مشقة طرق الباب |
الاخ العزيز
شاهين
كنا نوزع فى بيان للحزب الشيوعى ليلا متاخر ...اخر أيام نميرى .. وكانت الطريقة نذهب فى مجموعتن
واحدة للمراقبة ,والاخرى لوضع البيان فى المكان المناسب, وعادة كان "زلقة" بى تحت الباب والمخارجة باسرع مايمكن .
بعد ان قمنا بتغطية أغلب منازل إحدى الحارات, وفى طرفها الاخير قمت بوضع البيان, فاذا الباب يفتح فى وجهى ورجل طويل عريض يصيح.. ثابت عندك .من الخوف لا ادرى ماذا قلت ,كل الذى التقطتة زميلى من الخلف يقول يازول نحن ما حرامية ,نحن ناس الحزب الشيوعى ودى وجهة نظرنافى نوايا الحكومة محاكمة الاستاذ محمود محمد طه .لدهشتنا جميعا الراجل شال البيان وقعد يضحك, طيب مش كان تعرفوا فى الاول دا بيت منو ؟؟ وطلع الراجل عميد فى الجيش
القصة طويلة وبقت معرفة وعلاقة حميمة وتندر وضحك.. المهم سعادتو قفل بابو وفتنا
وكان تعليقنا كلنا بصوت واحد
والله دا زول راقى خلاص
دحين يا أخى شاهين الراقى بحق هو الشعب السودانى العظيم الذى انجب كل هذا الجمال
لك التحية ولندوة الحزب الشيوعى بالكلاكلة النجاح .
|
Post: #5
Title: Re: الحزب الشيوعى .. امام باب بيتنا
Author: فيصل محمد خليل
Date: 06-08-2006, 03:53 PM
شاهين سلام
ركز في كلام حيدر زول فاهم خلاص.
في انتظار رايك
|
|