Post: #1
Title: الرحيل عز الكوشيين! ماقبل الرحيل.
Author: Bashasha
Date: 06-07-2006, 10:45 PM
Parent: #0
اها ياجماعة الكوتة من الوكت المخصصة للمنبر حتنتهي بكرة باذن الله.
البوست ده خاص بي اي موضوع معلق لاي عضو اوقارئ، مع بشاشا قبل مايكسح!
عشان ماالجماعة يتنفسو شوية، اصلي مكتم عليهم، اوحاجيهم صادي ربما قبل شهر 9!
كالعادة ده استذان منكم، احتراما ليكم قراء واعضاء.
حاكون موجود لحدي بكرة اوبعدها نستودعكم صاحب الوداعة!
اي حاجة؟
احنا تحت الخدمة.
|
Post: #2
Title: Re: الرحيل عز الكوشيين! ماقبل الرحيل.
Author: Tragie Mustafa
Date: 06-07-2006, 10:57 PM
Parent: #1
بشاشا
سلام
لكن ما دشمان تمام!!!
اوع تفتكر اني تركتك لوحدك وان كنت انت قادر عليهم
ولكني كنت غائبه في العاصمه الكنديه منذ يوم امس.
جيت اليوم ولقيت البورد قال الروب من بشاشا.
ومليون بوست لبشاشا....غايتو العملته في الجماعه وحياتك زلزال ما بيعمله
عافيه منك اخوي...والله راجل بمليون انت.
امشي لرزقك اخي ربنا يوفقك...وتمشي وتجيئ بالسلامه.
اما انا فبرضه مغادره في اجازة...قد تطول وقد تقصر.
ويا جماعه العفو و العافيه.
ونخلي الجماعه يتفسحوا شويه ويشموا نفسهم.
في ناس كثيره مشغوله وحتغيب اوعى تفتكروا الناس هربت بس في قضايا اهم.
مؤتمر المانيا
مؤتمر اديس ابابا
مفاوضات اسمرا
الحمد لله كوكبه من البورداب مشغوله ربنا يديهم العافيه و القدره.
البركه في الوجوه الجديده
ناس طالب حمدان تيه وناس ابو القاسم وبقية الشباب.
لكم الود.
ويا بشاشا الا تردفني في عجلتك لانه عمر الفاروق ماجاب لي عجله.
|
Post: #3
Title: Re: الرحيل عز الكوشيين! ماقبل الرحيل.
Author: Bashasha
Date: 06-07-2006, 11:17 PM
Parent: #1
تراجي كيف حالك!
الجماعة قطعناهم النفس، عشان كده، قلنا نديهم حبة بريك، والا فطسو ضمة، واحنا مابنحمل بلاهم!
عمر الفاروق ده، هدية السما لينا ياتراجي، لانو بتاع دراريب او مامستهبل او فهلوي ذي الجماعة!
احنا عددنا قل شديد، لكن مسكة طالب حمدان للوردية ريحتني للاخر!
كده فرقة اخونا "طناش" يطراه الله بالخير، اتسدت تب!
يابريمة:
اوعدك المرة الجاية نفتح موضوع علاقة النوبة بالنوبيين، بالذات في وجود طالب حمدان او خالد.
د.ابكر
شايفو لما منبر الكوامر رسمي، اوخلانا ضمة!
انشاءالله المرة الجاية، نقلل من الدكشمان، اونكتر من بوستات التعريف او رؤوس المواضيع.
بس لازمني اتعلم طباعة بالعربي او لوحة مفاتيح!
|
Post: #4
Title: Re: الرحيل عز الكوشيين! ماقبل الرحيل.
Author: doma
Date: 06-08-2006, 01:21 AM
Parent: #3
بشاشا والله ح نفتقدك شديد . يا كافي البلاء حتي امثالك مصادرها عربيه . هم الكوشيين ديل رحل ؟؟؟
|
Post: #9
Title: Re: الرحيل عز الكوشيين! ماقبل الرحيل.
Author: عبد الله عقيد
Date: 06-08-2006, 10:13 AM
Parent: #3
هي (تكتح) وهو (يضرّي)
هي:
Quote: بشاشا
سلام
لكن ما دشمان تمام!!! |
هو:
Quote: تراجي كيف حالك!
الجماعة قطعناهم النفس، |
وطبعا التبرير جاهز..
ما هربنا.. انا كنت وين ما عارف.. انت قدها وقدود.. هلمجرا
تاني بس ياهو الصقع دا
ما عندنا ليكم رخرخة
تاح تراح
وتكبو الزغة..
|
Post: #10
Title: Re: الرحيل عز الكوشيين! ماقبل الرحيل.
Author: tmbis
Date: 06-08-2006, 10:53 AM
Parent: #9
Quote: تاني بس ياهو الصقع دا
ما عندنا ليكم رخرخة
تاح تراح
وتكبو الزغة..
|
يا ود عقيد ..
نحن .. جلابــة امدرمانيين ساكت .. مرات مرات بنقنص ..
علا لكن شغلك دهـ شغل .. ( همبته ) .. همبتت صبيان البطانـــة البقولو عليها
..
بشبش ..
يا خــوي نحنا عارفين بطارياتك انتهت .. وماك زول دواس لما النحاس يندق ..
اهــا الصبي ده فنجرية منو ساكت .. ( عتقــــــــــك ) ..
المره الجاية لمن تجي .. تعال داخل بالباب الوراني وفتش على ود عقيد ده بي وين .. وخد منو الازن
..
ود عقيــد..
انا بتبرع ليك بي ( بيــــرق ) كلما تشوف الامير الكوشي ده في بوست ..
بس ( غز ) ليهو البيرق ده
|
Post: #5
Title: Re: الرحيل عز الكوشيين! ماقبل الرحيل.
Author: Adrob abubakr
Date: 06-08-2006, 01:50 AM
Parent: #1
تمشو وتجو بالسلامة يا أمراء كوش وأكسوم (أبو لهب وحمالة الحطب!)
|
Post: #6
Title: Re: الرحيل عز الكوشيين! ماقبل الرحيل.
Author: waleed500
Date: 06-08-2006, 01:54 AM
Parent: #5
ما قلتو نوبة................
|
Post: #7
Title: Re: الرحيل عز الكوشيين! ماقبل الرحيل.
Author: فيصل محمد خليل
Date: 06-08-2006, 02:19 AM
اوع تكسح وانت زعلان مني
اجازة سعيدة
فيصل محمد خليل
|
Post: #8
Title: Re: الرحيل عز الكوشيين! ماقبل الرحيل.
Author: Bashasha
Date: 06-08-2006, 10:01 AM
Parent: #1
دومة،
في سر ماعايزين نبوح بيهو:
انتي عارفة كلام صلاح احمد ابراهيم، بتاع نحن اعرب العرب، كلام حاصل؟
بس ودعقيد مايسمعني!
نعم هناك مراجع تاريخية بتقول الكلام ده!
هناك من العلماء الكبار من قال، ان الجزيرة العربية هي الموطن الاصلي للكوشيين!
طبعا الركة في مفردة كوشيين!
يعني اخوكي عربي كوشي، وليس بعربي سامي، اوده الفرق!
مفردة عربي تعني صحراء اوحاجة ذي دي! ده كلام من الذاكرة ياخوانا Don't Quote me
فاخوكي صحراوي، كوشي!
عوووووك يااخوانا، ده كلام ونسة، Don't Quote me ياخلق، رغم انو الكلام ده موجود فعلا!
|
Post: #11
Title: Re: الرحيل عز الكوشيين! ماقبل الرحيل.
Author: برهان تاج الدين
Date: 06-08-2006, 11:10 AM
Parent: #8
قطر عجيب ..
لاكين عليك الله يا تراجى لمن تجى اديس قولي لينا عوك ..
يمكن اكون مداوم بى هناك .. نعمل الواجب . مع انو شغلنا شكلو قرب يخلص .
بشاشا الشيوعين ديك فايت منهم بى مغستك كدى ساااكت ؟
|
Post: #12
Title: Re: الرحيل عز الكوشيين! ماقبل الرحيل.
Author: Bashasha
Date: 06-08-2006, 01:05 PM
Parent: #1
ودعقيد،
يازول والله بعزك لله في الله!
طبعا، دوام دواسي انتهي، ختيت درقتي اوسيفي، او قعد انجم، في قعر شدرة ضليلي، قبال، مااصد راجع قاصد اهلي!
نا عربي زيك، بس عربي كوشي ياودجعل، التايواني!
|
Post: #13
Title: Re: الرحيل عز الكوشيين! ماقبل الرحيل.
Author: Adrob abubakr
Date: 06-08-2006, 01:32 PM
Parent: #1
| Quote: نا عربي زيك، بس عربي كوشي ياودجعل |
ما هذا يا بشاشة معقول بعد النضم ده كله في النهاية تطلع عربي؟!!!
والله بالغت عديل كده!
|
Post: #21
Title: Re: الرحيل عز الكوشيين! ماقبل الرحيل.
Author: عبد الله عقيد
Date: 06-10-2006, 09:57 AM
Parent: #13
الأخ ادروب ابو بكر
Quote: ما هذا يا بشاشة معقول بعد النضم ده كله في النهاية تطلع عربي؟!!!
والله بالغت عديل كده! |
انصدمت مش كِدة؟؟؟
بس ما اظنك انصدمت عشان بشاشا طلع عربي
يتخيل لي انصدمت لأنو بشاشا بعد الدواس دا كلو
قال إنو بيعزني.. مثل ما أعزه واقدره واحترمه.
وارجو الا تنصدم..
فهذا هو الاساس الذي يجب أن يكون عليه الحوار
مهما بلغت حدة الحوار والاختلاف..
نحن العرب عندنا هذا المبدأ حتى في القتال
يقاتل الرجل عدوه وهو معجب به ويكن له الاحترام.
لأنو الاحتقار (جهل) ولا ينبع الاحتقار إلا من شخص يحس في داخله بأنه محتقر.
اما المحترم فهو يحترم غيره بالضرورة.
أرجو أن تسود ثقافة احترام الآخر مهما بلغت حدة الخلاف.
تقديري للاخ بشاشا
ولك أيضا تقديري واحترامي.
|
Post: #14
Title: Re: الرحيل عز الكوشيين! ماقبل الرحيل.
Author: Bashasha
Date: 06-08-2006, 02:35 PM
Parent: #1
تمبس كيفنك،
صدقني ماعندي اي شئ شخصي معاك ولا مع اي من خصومي، الملتزمين بي شرف خصومة ناس بامسيكا، وددكين، اوغيرم، الكانو بحلحلو غريمم المكتوف، يناولو سيفو اودرقتو، او بعد داك ينبرش الطرور، اويثبت الصنديد!
طبعا ذي الاخلاقيات دي، للاسف في وعينا مربوطة بالقيم العربية، اوده ماصحيح بالمرة.
كل شعوب الارض عندها قيم ذي دي.
|
Post: #18
Title: Re: الرحيل عز الكوشيين! ماقبل الرحيل.
Author: tmbis
Date: 06-08-2006, 08:34 PM
Parent: #14
بشــاشا..
سلامـــات..
زي ما شفت .. ( الصقع ) كلو كان قانوني .. وكلامي ده بقولو لي ناس ( القــانون )
امور شخصية ( حسب استحضارنا لي ذاكرتنا الجينية ) ما عندنــا..
بنتبع الحد الأدنى لمقومات الحوار الصحي .. وأهم شئ فيها تعرف مقدرات خصمك .. وخطة اللعب البلعب بيها .. وأنت زي ما قاعد تقول لعبك خشـــن ..اهــا نحن الجلابة ديل ( صقعنا ) خشن مع الناس الخشنين ..
شان كدي ما تفتكر انو في شئ شخصي وتاخد في خاطرك وتفوت بي وشك.. ( خلينا من حركات العرب بتاعتك دي )...
الله يعدله عليك وعلينا..
وراجع البوست دهـ كويس
بشاشا أبو (لهب) وتراجي (حمالة الحطب).. مالكم ومال العرب..!!؟
|
Post: #15
Title: Re: الرحيل عز الكوشيين! ماقبل الرحيل.
Author: AMNA MUKHTAR
Date: 06-08-2006, 03:10 PM
Parent: #1
| Quote: الجماعة قطعناهم النفس، عشان كده، قلنا نديهم حبة بريك، والا فطسو ضمة، واحنا مابنحمل بلاهم! |
| Quote: عمر الفاروق ده، هدية السما لينا ياتراجي، لانو بتاع دراريب او مامستهبل او فهلوي ذي الجماعة! |
نتقابل فى ساعة خير..
باذن الله.
|
Post: #16
Title: Re: الرحيل عز الكوشيين! ماقبل الرحيل.
Author: Yassir Tayfour
Date: 06-08-2006, 03:51 PM
Parent: #15
الاخ بشاشا
تمشى وتجى بالسلامة
________________________
رحيلك الآن زكرنى بالبوليس الكندى
يقول ليك جيب الرخصة، الإنشورنس، والملكية وانت فى سرك تقول يا الله عديها على خير...
فجأة البوليس يجيهو call يقوم يرجع ليك ورقك "بدون ما تعرف الحاصل شنو" ويولع "انوارو" مسرعا نحو مصدر ال call...
|
Post: #17
Title: Re: الرحيل عز الكوشيين! ماقبل الرحيل.
Author: Bashasha
Date: 06-08-2006, 04:44 PM
Parent: #1
ادروب،
ابقو عشرة علي القاب، ا
احنا اصلا قلال، ولكن كم من فئة قليلة،..لزمت الفئة الكبيرة جحارا!
|
Post: #19
Title: Re: الرحيل عز الكوشيين! ماقبل الرحيل.
Author: Bakhaf
Date: 06-09-2006, 10:17 AM
Parent: #17
اجششششششششششششششششششش
شنو يا منقه
صدرت اوامر عليا بالانسحاب مت ترهاقا ولا شنو ؟
يا زول تمشي وتجي بالسلامة
بس عليك الله سوق معاك تراجي دي عشان ما تخرب ليك الرصة
باقي هي شترا واشتر من عمر الفاروق كمان
|
Post: #20
Title: Re: الرحيل عز الكوشيين! ماقبل الرحيل.
Author: A.Razek Althalib
Date: 06-10-2006, 02:47 AM
Parent: #19
الرحيل عز الـ..
ومهزوم ومأزوم كمان يا بشاشا..
ياخي لو قالوا ليكـ.. أنت زول فطيس..
أُكل نفسكـ وسوي ليكـ منها مناصيص..
مثل كوشي بائد..
بشاشا..
معقولة بس..
يا أبو عريب..
والخلي عادتو قلة سعادتو..
عيىىىىىىىىكـ...
لغادي..
غيب وتعال تلقانا نحن يانا نحن..
نص مذكرة القبائل العربية الي بعثة مجلس الامن الدولي التي زارت السودان
|
Post: #22
Title: Re: الرحيل عز الكوشيين! ماقبل الرحيل.
Author: Adrob abubakr
Date: 06-10-2006, 12:53 PM
Parent: #1
الأستاذ عقيد
| Quote: نحن العرب عندنا هذا المبدأ حتى في القتال |
يا أخي شنو النرجسيه هذه كلنا نمتلك قيم التسامح ليس العرب وحدهم!
مستغرب أنو طلعت الإتنين عرب ...
أنا خفت يا عقيد بشاشة يقع في تناقض يفقد معه المصداقية بسبب عهر المجاملة (طبعا ده مصطلحه!) مما يجعل من سجالاته معكم مجرد تمضية وقت!
لكن مأخذي عليه في الفقرة الأخيرة أنو جعل من العرب كأنهم الأصل والعكس هو الصحيح أي أن العرب هم جزء من أوكسوم حينما كانت في الجزيرة (العرب العاربة) وجزء من كوش بالإنتساب إلي هاجر..
يمعني أن أوكسوم وكوش لا ينتمون إلي العرب إنما العرب تنتمي إليهم
وقع ليك!
|
|