يا محجوب شريف .. يا الغنيت لوطنك وشعبك - للشاعر حسين حمزة

يا الغنيت لوطنك وشعبك
يا محجوب يا أعظم شاعر
يا مهموم بقضايا بلادك
يا العارفنك صامد وثائر
في حفظ الله إنت تسافر
وترجع لينا سالم وظافر
وتعود لينا بصحة وعافيه
يا محبوب الشعب الصابر
كل دعوات الشعب معاك
يا محبوبو الأول وآخر
والأطفال دعواته لألله
ترجع ليهم حالاً باكر
لابس توب العافية وراجع
وتمسح ليهم ألف مواجع
يا الغنيتو غناكا عشانم
بكل الود والحب الطاهر
مريم ومي راجنك ترجع
يابا عشان الشعب بحبك
وبرضو عشان خاطرنا أنحنا
ورفيقة دربك أميرة قلبك
والنفاج راجيك يا رايع
يسمع منك أحلى روائع
وكل أفراد الفرقة يا غالي
مشتاقين كلماتك ولحنك

تحت شعار:
دينك كم علينا
مطوية غاية في الروعة أعدها الفنان التشكيلي شمس الدين آدم بشارة .. حوت كلمات عن محجوب .. ومقتطفات من أشعاره ..
أسطوانة وشريط كاسيت تحوي بعض أشعار محجوب ..
محجوب حتى وهو في رحلته للاستشفاء أطلق حالة من الحيوية وسط السودانيين الذين تنادوا من كل صوب تضامناً مع شاعرهم الأغر .. نسأل الله أن يعود محجوب للوطن بكامل العافية والفرح .

عما قريب
محجوب يطيب
والحال يطيب
يا محمد أحمد تستجم
والبيت يتم
تفرح فرح تتلم تلم