د. كمال شداد يتهم صحيفة الصدى الرياضية بالطعن في عقيدته !

العنوان الرئيسي لصحيفة الصدى


الخبر بالصفحة الاولى


الخبر بصفحتي الوسط

أما خبر الاتهام فقد ورد اليوم بصحيفة سودانايل الإلكترونية:

Quote: قال الدكتور كمال شداد رئيس الاتحاد السوداني لكرة القدم أنه وجد نفسه مضطرا اليوم للإقدام على خطوة لم يتخذها منذ أكثر من 45 عاما وهي فتح بلاغ جنائي ضد صحيفة الصدى الرياضية التي أبرزت على صدر صفحتها الصادرة صباح الأحد 4 يونيو 2006م خبرا كاذبا يطعن في عقيدتي وإيماني وهو خبر قصد به تكفيري , وأكد الدكتور شداد في تنوير صحفي بأنه قام بالفعل بفتح البلاغ وأنه بلاغ سيبقى ولن يسحب مهما كانت الترضيات لأن للصبر حدود , وأضاف شداد الذي كانت نبرة الأسى بادية في حديثه بأنه لأول مرة يتحدث وهو حزين ومتألم لإقدامه على هذه الخطوة التي دفع إليها دفعا, ومضى شداد يقول لقد ظللت أتحمل الإساءة والتجريح والأكاذيب لأكثر من 45 عاما لم أسأل أحد ماذا كتب ولماذا كتب , لم أمنع أحد بأن يقول ما يقول ويكذب ما يكذب ويسئ ما يسئ رياضيا , هذا هو مصدر حزني أن أدفع لمقاضاة صحيفة الصدى ومقاضاة العضو عبد الحميد عابدين مصدر القول الكاذب

العنوان (المثير) يشكل -بحسب رأيي المتواضع- سقطة كبرى لصحيفة الصدى الرياضية التي عرف عن كبير كتابها (مزمل أبوالقاسم) انتقاد طريقة إدارة الدكتور كمال شداد للاتحاد العام لكرة القدم، لكني لم أتوقع أن تعمد الصحيفة للنيل منه بهذه الطريقة المتواضعة.

Quote: ومضى شداد يقول لقد ظللت أتحمل الإساءة والتجريح والأكاذيب لأكثر من 45 عاما لم أسأل أحد ماذا كتب ولماذا كتب , لم أمنع أحد بأن يقول ما يقول ويكذب ما يكذب ويسئ ما يسئ رياضيا

لن يحتاج الدكتور كمال شداد أن يذهب أبعد من الصفحة الأخيرة لصحيفة الصدى الصادرة صباح اليوم الأحد للتدليل على صدق ما ذهب إليه بشأن صبره على الاتهامات المتكررة، فقد حمل العمود اليومي لمزمل أبوالقاسم بين طياته ما يمكن اعتباره اتهاماً للدكتور كمال شداد بتبديد المال العام:

Quote: * صدق أو لا تصدق.. ميزانية يبلغ حجم الدين فيها ملياراً وستمائة مليون جنيه لم تحظى بأي نقاش! * وقد تبرع أحد أعضاء البصمة والإشارة بتقديم مقترح يقضي بقفل باب النقاش.. فتم قفله بكل بساطة! * ورفض شداد مقترحاً من مولانا محمد عثمان خليفة باستمرار النقاش.. لأن الحديث عن الميزانية (الخيرية) محرج للدكتاتور! * لم يصدق أن أتته فرصة التهرب من مناقشة التبرعات الخيرية.. والأموال المهدرة في غير محلها! * وكانت تلك سقطة تاريخية لشداد الذي ظل يتشدق بحرصه على المال العام عبر السنوات! * لم يسأل أحد عن كيفية تبذير مئات الملايين على مصارف لا علاقة لها باللعبة! * ولم تثر ثائرة أحد على المال المهدر بلا وجيع.. ولم يتلقى الاتحاد الفاشل حتى كلمة تقريع!

مالنا ومالم !!! ( رشاشات !!! ) و ( اشكلوا !!! ) فى بعضم !!!!! فلا خير فيهم جميعا للعظيم ... المريخ ....
عبدالماجد

Quote: لقد ظللت أتحمل الإساءة والتجريح والأكاذيب لأكثر من 45 عاما

.. عليك الله الجابرو شنو ؟ الناس ما طايقاهو , ما يمشي يشوف ليهو شغلة تانية.
بالرغم من تحامل صحيفة الصدى عليه , الا انه اثبت فشله الذريع في ادارة الاتحاد العام , وما عندو شغلة غير انتقاد الاخرين , والاجدر به ان ينتقد نفسه قبل الناس

تحية طيبة للجميع

Quote: عليك الله الجابرو شنو ؟ الناس ما طايقاهو , ما يمشي يشوف ليهو شغلة تانية. بالرغم من تحامل صحيفة الصدى عليه , الا انه اثبت فشله الذريع في ادارة الاتحاد العام , وما عندو شغلة غير انتقاد الاخرين , والاجدر به ان ينتقد نفسه قبل الناس

بالضبط كده يا يحي الشريف ! لكن كلو نضال فى نضال

الكوز احمد الريح

محاولة الزج باسم مزمل ابو القاسم فى الموضوع، تسلل واضح للعيان

الارباب تحت الشجرة ما قال ليهو كم بيت شعر كده لتخليد الحادثة

أحمد الريح
الناس في شنو وإنت في شنو
مزمل واختاروهو الناس أفضل صحفي رياضي، وإنتهى الموضوع.
الكلام في شداد والأرباب والتجمعات تحت الشجيرات!
إنت بايع ولا زي عمر الفاروق كده

Quote: الصدى تقاضي كمال شداد تقدم الدكتور كمال شداد رئيس الإتحاد العام لكرة القدم ببلاغ جنائي ضد صحيفة (الصدى) وقال في مؤتمر صحفي عقده أمس أن الصحيفة أوردت خبراً كاذباً وشككت في عقيدته وإيمانه واتهمته بالكفر.. ومن جابنها تؤكد (الصدى) انها لم تكذب ولم تشكك في عقيدة شداد أو تتهمه بالكفر وإنما أوردت الخبر حرفياً كما ورد منسوبا لمصدره هذا وستقوم (الصدى) اليوم بفتح بلاغ ضد الدكتور كمال شداد لإتهامه للصحيفة بالكذب الصريح وإتهامه لها بأنها شككت في عقيدته دون أن يقدم دليلاً على حديثه.. وكان الأستاذ إسماعيل حسن رئيس التحرير قد تلقى تكليفاً بالحضور في العاشرة من صباح اليوم بالنيابة بشكوى من الاتحاد العام.

Quote: صلاح إدريس يشيد بالصدى اشاد السيد صلاح إدريس رئيس نادي الهلال بصحيفة (الصدى) وقال أنها من الصحف المفضلة والتي يحرص على قراءتها يومياً لما تتميز به من جرأة وموضوعية وقوة في الطرح والرأي وقال أن (الصدى) ظلت وفي كل يوم تؤكد حياديتها وموضوعيتها وأمانتها في نقل الأحداث بعيداً عن الإنتماءات الضيقة متمنياً ان تواصل الصحيفة في الخط المتميز الذي اختطته لنفسها.

Quote: أحمد الريح الناس في شنو وإنت في شنو مزمل واختاروهو الناس أفضل صحفي رياضي، وإنتهى الموضوع.

عارف قصة صحفيكم المفضل وليه رجع السودان ؟؟
عارف حكاية القسم الرياضي التي كان مسئول مزمل عنها ولماذا تم إلغاء الصفحة وإغلاق القسم الرياضي؟؟؟
نحكي ليكم هنا ولا نفتح بيها بوست ؟؟؟
تخريمة :
يا راكوبة ياخ احمد الريح من بيتم بيشوف كشافات الإستاد تجي تقول لي يبيع ؟؟؟
انت قايلو جاي ساكي تيراب التلج ؟؟؟

عمر وأحمد
استاد ودنوباي الجديد بعد افتتاحه بالأمس، بدون أرباب ولا رشاشات، بقيتوا براكم!

يا اخوي صورك دي ما ظاهرة كان بي جاي كان بهناك ..
شكلهم كده كشحوا في تراب وقروا ليها يس !!
اها فيها شنو يا اللخو ..

تعليق برنامج عالم الرياضة

ودالفاروق
الموقع محظور في المملكة!!

الصور تاني ياعمر

بني صهيون

Quote: الموقع محظور في المملكة!!

بركة

انا عارفو محظور لكن الشمار حرقني قلت اسالك جايب لي شنو يا بتاع الكفواي انت

بمناسبة صور ملعب ودنوباوي الجديد يستحضرني موقف لعبد القادر محمد زين بعد ما بقا محافظ لي امدرمان ..
جوهو ناس الموردة قالوا ليهو عايزين تبرع عشان نصلح بيهو إستادنا قام رفض ليهم ..
جوهو ناس ودنوباوي قام وافق ليهم على طول وفعلاً ناس ودنوباوي بدو التنفيذ..
ناس الموردة الموضوع حرقهم رجعوا ليهو تاني وقالوا ليهو : لي ما اديتنا تبرع ؟؟
قال ليهم : ياخ إنتو ما جادين

جماعتك طلعوا كل سنة يمشوا يشيلوا تبرع والإستاد في حالتو خرابة ساااااااااااااااااكت

Quote: محاولة الزج باسم مزمل ابو القاسم فى الموضوع، تسلل واضح للعيان الارباب تحت الشجرة ما قال ليهو كم بيت شعر كده لتخليد الحادثة

سلامات يا محمد الامين أحمد
غايتو إنتو يا المريخاب عندكم مشكلة مع التسلل ده! قبل كده قلتو قوون الرشيد المهدية سنة 87 تسلل وقوون أسامة الثغر سنة 88 تسلل وقون وليم سنة 92 تسلل وقوون صالح بهجة منتصف سنة 2005 تسلل وقوون قودوين آخر سنة 2005 تسلل!! القوون الوحيد القلتو ما تسلل قوون صبري الحاج سنة 94 لكن قلتو هبش الكورة بيدو
________________________________
الجزء الذي نقلته عن مقال مزمل الذي ورد بصحيفة الصدى يوم الأحد فيه اتهام -بحسب رأيي المتواضع- لدكتور شداد بتبديد المال العام، عندما يكتب الصحفي عن التعاملات المالية عليه ضبط كلماته جيداً حتى لا يتعدى الحد الفاصل بين المطالبة بالتحقيق في صرف الأموال واتهام الآخرين بتبديدها،
أما بخصوص الأرباب تحت الشجرة أو فوق الشجرة (زي فيلم عبدالحليم حافظ) فأنا غايتو الأرباب ده ما نافع معاي! نحن الرئيس كان ما بيغلب المريخ ما بنسميه رئيس... بنسميه قائد مجلس تسيير مؤقت

سلامات يا يحيى الشريف،
ما عارف أرد عليك ولا على صورتك!!

Quote: عليك الله الجابرو شنو ؟ الناس ما طايقاهو , ما يمشي يشوف ليهو شغلة تانية. بالرغم من تحامل صحيفة الصدى عليه , الا انه اثبت فشله الذريع في ادارة الاتحاد العام , وما عندو شغلة غير انتقاد الاخرين , والاجدر به ان ينتقد نفسه قبل الناس

تحامل صحيفة الصدى عليه هو مربط الفرس، أما فشله في إدارة الاتحاد العام فلا علاقة له بما اتهمته به الصدى يا يحيى!
______________________________________
رحم الله غزال الهلال الأسمر والي محمد عبد الله وأسكنه فسيح جناته،

مرة الهلال لاعب مع بري في إستاد الهلال، والي الدين -كالعادة- أصابه أحد المدافعين في ثلث الساعة الاول للمباراة، واستعد المدرب لتغييره، اللحظة دي كان في فاول للهلال قريب من خط 18 من الناحية الشمالية الغربية، والي الدين شاور بيده للمدرب عشان يأخر التغيير شوية، إتلعب الفاول باتجاه الوالي الذي قفز للكرة برشاقة تميز بها وأسكنها برأسه في الزاوية اليمنى البعيدة عن الحارس هدفاً جميلاً غادر بعده الملعب!
كان آخر ظهور له بشعار الهلال في مباراة الهلال النهارية المعادة أمام الزمالك المصري بإستاد الهلال في شهر أربعة سنة 2001، لعب بديلاً في الشوط الثاني وابتدر لمساته الساحرة للكرة بلعبة هوائية صفق لها ( الهلالاب ) كثيراً رغم تأخر الهلال يومها بهدف.

راكوبة العزيز

Quote: مزمل واختاروهو الناس أفضل صحفي رياضي، وانتهى الموضوع

كيف يكون أفضل صحفي وهو يسخر من مهنة رمضان أحمد السيد (عامل الأسطبة) ؟!
كيف يكون أفضل صحفي وهو يبرر لجماهير المريخ هتافها المشين -الذي وصل المذياع لمستمعي الإذاعة في كل مكان- ضد حكم مباراة المريخ وهلال بورتسودان ؟!
طبعاً المريخاب هم الذين اختاروا مزمل كأفضل صحفي، لو كنت مشاركاً لذهب صوتي لصاحب القلم المحترم الأستاذ عبدالمجيد عبد الرازق.

Quote: إنت بايع ولا زي عمر الفاروق كده

أنا مع بيع إستاد الهلال لكن بعد بناء الإستاد الجديد، عشان زي ما إنت عارف السودان بلد ما فيهو ضمانات... يقوم صلاح إدريس يبيع الإستاد ويجي مجلس تاني لا مال له مثل صلاح إدريس ويصبح الهلال العظيم بلا إستاد!!
الحاجة التانية وممكن يكون فيها عنصرية لأمدرمان: الإستاد الجديد لازم يكون في أمدرمان عشان عبق التأريخ الجميل يظل موجود، أمدرمان التي احتضنت الهلال العظيم بكل الحب لسنين طويلة تستحق ان يبقى بها الهلال كي يبادلها حباً بحب ووفاءاً بوفاء.
________________________________
بمناسبة أمدرمان: معلق تلفزيوني لإحدى مباريات المريخ الإفريقية شكلو معجب بكلمة ( ضاحية ) قال: ... هنا من ملعب المريخ الجميل بضاحية العرضة جنوب

Quote: يا راكوبة ياخ احمد الريح من بيتم بيشوف كشافات الإستاد تجي تقول لي يبيع ؟

مرة يا أبو عمير الهلال لعب مع رايون سبورت الرواندي في بطولة الأندية الإفريقية (سنة 1994)، فاز الهلال في أمدرمان بهدف رأسي جميل للوالي الغالي رحمه الهلال من ضربة ركنية نفذها الفنان تنقا (*)، بعد إسبوعين الهلال لعب مباراة الرد في رواندا، الوقت داك ما كان في اتصالات زي اليومين ديل، الدنيا كانت رمضان ونحن مساهرين منتظرين الكشافات بتاعة استاد الهلال تنور

يا زول الساعة اتنين صباحاً الكشافات نورت، انتظرنا ناس البيت يرجعو (كانوا معزومين عشا)، جو الساعة اتنين ونص وأصرينا -أنا وأخوي- يودونا بالعربية استاد الهلال نتأكد بس عشان ننوم مرتاحين! مشينا لقينا كشافة واحدة منورة عشان صلاة التهجد

تاني يوم جا الخبر الأكيد في الجرايد: الهلال مغلوب أربعة واحد !! وعشان ما يجو راكوبة ومحمد الأمين فرحانين (بالذكرى) أذكرهم بفوز الجيش الرواندي على الزمالك المصري برباعية مماثلة قبل عامين.
__________________________________
(*) أوو تنقا، تنقا تنقا تنقا



يا حليل أيامك يا منصور بشير مصطفى، هل يمكن أن أنسى ضربة الجزاء في مرمى كانون ياوندي الكميروني (سنة 87) التي لعبها تنقا بطريقة فنية رائعة... ما بتتوصف ؟! يومها فاز الهلاااال... وصعد الهلاااال (زي ما قال علي الريح)، ومشينا استاد الهلال بعد الكورة وهتفنا مع الهلالاب العنصريين: هلالنا غلب يا حلب... لكن لاراش كان عندو راي تاني!

احمد الريح الكوز :
يا زول مالك علينا من الصباح تجر لينا شريط ذكريات الهلال وبطولاته الافريقية وجولاته في احراش وادغال افريقيا ..

Quote: بعد إسبوعين الهلال لعب مباراة الرد في رواندا، الوقت داك ما كان في اتصالات زي اليومين ديل، الدنيا كانت رمضان ونحن مساهرين منتظرين الكشافات بتاعة استاد الهلال تنور يا زول الساعة اتنين صباحاً الكشافات نورت، انتظرنا ناس البيت يرجعو (كانوا معزومين عشا)، جو الساعة اتنين ونص وأصرينا -أنا وأخوي- يودونا بالعربية استاد الهلال نتأكد بس عشان ننوم مرتاحين! مشينا لقينا كشافة واحدة منورة عشان صلاة التهجد

طبعاً يا ابوحميد زمان لمن كان دوري الخرطوم مولّع هلال اهلي هلال خرطوم 3 هلال موردة ووو..
والله كنت بكون قاعد في خور ابو عنجة وبحضر الكورة ..
طبعاً ما بحضرها في التلفزيون لكن بكون قاعد في الكبري وبسمع صرخات جمهور الهلال فبقوم احسب عدد الصرخات وده بيكون عدد الاهداف البيكون احرزها الهلال وطبعاً بعد داك ننتظر الحافلات الجاية من الإستاد ليطمئن قلبي فتعرف يا قريبك مرات النتيجة تلفق ومرات ما تلفق يعني مثلاً انا احسب لي 7 كوراكات وافتكر النتيجة 7-صفر تقوم تطلع 4-صفر والتلاتة كوراكات الباقية تكون كورة في العراضة ولا زول حاوروهو
اها مرات بمشي بيتنا في ضاحية الثورة وهناك ما بتسمع الكوراك فبقوم الساعة 9:45 مسا بطلع فوق راس البيت (لاحظ راس البيت وليس السطوح ) وبشوف ليك الكشافات ولعت ولا طافية ..
مرات كتيييييييييرة الكشافات تكون طافية وبكرة تلقا الهلال فائز وقليلاً ما تولع الكشافات والهلال مغلوب ..
الوالي الغالي رحمه الله تحسرت عليه كثيراً في مباراة الهلال ومريخ الحصاحيصا وحينها كنا داخل الاستاد ولم نكن نتمنى دخوله فهو لم يتعافى بعد والهلال كان متقدماً بأربعة اهداف وما ان دخل ارضية الملعب إلا ودوى الملعب بالتصفيق الحار وما هي إلا دقائق إلا وتحول الملعب لسرادق عزاء وكنت انا ابكي عليه وهو يخرج مصاباً ومتألماً بعد ان اصابه لاعب مريخ الحصاحيصا ويومها جائني الإحساس بأن الوالي ما بيقوم منها ..نعم الموت أسباب ولكنها كانت القاضية وليست إصابة الضو قدم الخير له كما يظن البعض..
نعم كانت هي الإصابة التي اضاعت الوالي الغالي ..
ونعم كانت هي الإصابة التي حرمتنا من الأهداف الطائرة وأهداف العنوة والغصب ..
وياااااااااا له من نهار مشؤوم ازاعت فيه عالم الرياضة الخبر في منتصف النهار لتأكد ما كنا نتابعه بين السلاح الطبي ومستشفى القلب ونادي الهلال..
رحم الله والي الدين ..

ودالريح تاني

Quote: الهلال مغلوب أربعة واحد

الغريبة الكورة دي بالذات لحدي هسي نتيجتها مامعروفة، وأي رشاشة بديك ليها نتيجة، وما تشتغل باللي إنكتب صبيحة اليوم التالي، لأنو النتيجة كانت أكبر!

ودالريح
السخرية ليست من المهنة في حد ذاتها، بل على مهنة الصحافة ذاتها، والتي أتاحت الفرصة الآن لكل من لا شغل له بأن يسمي نفسه صحافياً، مما أثر سلباً على المهنة والعاملين فيها والعارفين بأصولها.
وبيني وبينك حتى (الرشاشات) يسخرون من كتابات رمضان!
وصدقني اختار مزمل عدد كبير من قراء الصدى بما فيهم الهلالاب، وإن استطعت اجلب لي صحافياً آخراً، يستحق هذا التتويج، باعتبار أن الصحافة الرياضية اصبحت مقسمة اليوم بين الهلال والمريخ أيضاً.

Quote: ويجي مجلس تاني لا مال له مثل صلاح إدريس ويصبح الهلال العظيم بلا إستاد

حتى مال صلاح إدريس لا يضمن لكم استاد، زريبة جديدة يمكن، وغايتو السيناريو القلتو ما بعيد، وحتبقوا لا كورة لا مقصورة لا زريبة ولا عنتورة
أما (خرمجات) معلقينا خليها ساكت، وكويس الوقفت على (ضاحية)

المجروس احمد الريح


تحية وتقدير ..


ممكن تورينا سبب شطب عوض حسب الرسول من الهلال ؟



وماتستعين بالفاروق لانه في الزمن داك كان بيلعب بلي ...

تحياتي


يامان دهـ المريخ وياهو دهـ السودان ..