Post: #1
Title: مُعتصم دفع الله.. مبروك الرخصة
Author: walid taha
Date: 06-04-2006, 02:44 AM
..
أُضيف الى سجل مرور الرياض فى بداية الاسبوع الماضى -وبكل فخر واعزاز- اسم اخونا معتصم دفع الله
حاصلاً بذلك على رخصة قيادة خصوصى..
نُحىّ معتصم تحية قوية على هذا الإنجاز وعقبال رخصة (ثقيل)
تحذير لبورداب الرياض والشرقية:
معتصم فى فترة تجربة 3 شهور ويتحمل كل من يركب معه قبل إنقضاء هذه الفترة مسئولية ما قد ينجم من اخطار ;(
ولا قدّر الله
مبروووك معتصم
وليد طه
|
Post: #2
Title: Re: مُعتصم دفع الله.. مبروك الرخصة
Author: أحمد الشايقي
Date: 06-04-2006, 02:46 AM
Parent: #1
تقيل شنو يا وليد طـه
خلينا نقول عقبال المرسيدس,
مقاس 190 الفئة اي.
يلا في امان الله والله بحفظك يا معتصم
أحمد الشايقي
|
Post: #3
Title: Re: مُعتصم دفع الله.. مبروك الرخصة
Author: اساسي
Date: 06-04-2006, 02:57 AM
Parent: #2
مبروك يا معتصم الليسن وعقبال ما تركب الفارهة 
|
Post: #4
Title: Re: مُعتصم دفع الله.. مبروك الرخصة
Author: tmbis
Date: 06-04-2006, 02:58 AM
Parent: #2
| Quote: معتصم فى فترة تجربة 3 شهور ويتحمل كل من يركب معه قبل إنقضاء هذه الفترة مسئولية ما قد ينجم من اخطار |
..
عندو تأمين شامل يا حاقـــــد
انا امس القريبة دي كنت راكب معاهو قدام .. ولا رابط حزام ولا حاجة .. قلت اجرب التأمين دهـ مش امكن يكون مضروب
|
Post: #5
Title: Re: مُعتصم دفع الله.. مبروك الرخصة
Author: saif massad ali
Date: 06-04-2006, 03:34 AM
Parent: #4
الاخ معتصم دفع الله
الف مبرك وعقبال العربية الفارهة
اقول ليكم حاجة
بسوق لي اكثر من 25 سنة
في المانيا في خط السير السريع بسوق ب سرعة 220 و240 كيلو في الساعة بعد دا في الامتحان سقطوني
يودوني الامتحان في الاحياء الشعبية كلها اتجاه واحد وشارع عربية ونصف وسرعة 30 و8 كيلو في الساعة وعجلات وبعد 10 دقائق يقولو ليك ساقط
|
Post: #6
Title: Re: مُعتصم دفع الله.. مبروك الرخصة
Author: Ahmed Abdallah
Date: 06-04-2006, 03:36 AM
Parent: #4
| Quote: انا امس القريبة دي كنت راكب معاهو قدام .. ولا رابط حزام ولا حاجة |
قرقرقرفررر
يا تمبس الولد أتاريه برلوم وأنا ما عارف
راكب جمبي 500 كيلومتر ذهابا وايابا ولا بالغلط
قل لي أساعدكـ ..وانا من التعب قربنا نلحق أمات طه
لاحولآلآلآلآلآ
____________________________
بقطعها في حشاي وما بكلم زول تاني
مبروكـة.. Drive safe
  
|
Post: #16
Title: Re: مُعتصم دفع الله.. مبروك الرخصة
Author: شتات
Date: 06-04-2006, 07:32 AM
Parent: #8
تعرف يا تمبس ..
الولد دا في السـودان يسـوق اللوري يمشى يجيب الحصاد بتاع القمح .. يسوق التراكتر يمشى يحرت الحواشة .. يسوق البوكس يمشى الجنينة يجيب الحليب .. ويسوق "الفيات" يمشى حي الشـاطئ ويشرب بي بالكفوف لما يتكفا ..
وبعد دا كلو ما عندو رخصة لا سودانية ولا سعودية ..
من سنين وانا اقول ليهو يا معتصم ياخي طلع الرخصة ..
قال لي لا .. ما اطلع رخصة ..
قلت ليه يا معتصم ؟ قال لي انا زي صاحبي السعودي "مناحي"
قلت ليهو أها مالو مناحي ؟ قال لي مناحي قال ما يطلع رخصة وقال :
"حنا البدو حنا .. (يعني نحن)
نركب دسـاتـنَّا .. (جمع داستون)
خشم العان مسكـنَّا .. وكل حوادث المرور منَّا"
قلت ليهو والله عفارم عليك وعلى مناحي بتاعك دا .. ان شاء الله ينفعك
المهم يا وليد ما كان في داعي تكشف حال الولد ..
لكن نقول ليهو خطوة عديلة ودربك اخدر .. وعقبال الكرسي اليمين مليان حنان
ويا تمبس دا برضو مكسب .. العمرة الجاية ان شاء الله حا نلقي واحد يسوق معانا وكدة ..وقول لي أحمد عبد الله الرحلة الجاية لي سنار ممكن تاخد ليك نومة ..
ودروب العافية ليكم كلكم ..
ومليون سلام ..
|
Post: #7
Title: Re: مُعتصم دفع الله.. مبروك الرخصة
Author: إدريس محمد إبراهيم
Date: 06-04-2006, 03:36 AM
Parent: #4
مبروك يا معتصم وإن شاء أشوفك على هامر .. مرسيدس شنو ياخ .. والله لو الناس بتسوق على قدر قدرها ومكانتها مفروض تسوق اباتشي يا معتصم ...
ويا تمبس أربط الحزام يا خي ما تمشي تلحق لينا نوبي ..
مع خالص الحب والتجلة ...
|
Post: #9
Title: Re: مُعتصم دفع الله.. مبروك الرخصة
Author: A.Razek Althalib
Date: 06-04-2006, 04:20 AM
Parent: #7
مبروكـ معتصمـ..
| Quote: أُضيف الى سجل مرور الرياض فى بداية الاسبوع الماضى -وبكل فخر واعزاز- اسم اخونا معتصم دفع الله |
غايتو الفخر والإعزاز ده قالب فيهو هوبه ..
بس عليك الله يا وليدــ
من يوم الليلة طرفو ليكم كم ريال لزوم الإستعداد لأسهم مشاركتكم لرسوم مخالفات قطع الإشارات والوقوف في الممنوع..
وربكـ يسلم من أم الكبائر..
وبعد داكـ..
جيبوها لي..
وأوعاكم تودهوها صندوق دكين.. 
وعقبالكم في المسرات..
وبردها ليكم في الجايات..
|
Post: #11
Title: Re: مُعتصم دفع الله.. مبروك الرخصة
Author: نجوان
Date: 06-04-2006, 04:32 AM
Parent: #9
سلام وليد..
الف مبروك الرخصه لمعتصم... ناس الخليج ديل بيحبوا يصعبوا الرخصه على الناس بصوره غريبه جدا... لازم يكون في سبب... لانه لا علاقة لها بالمهاره...
| Quote: في المانيا في خط السير السريع بسوق ب سرعة 220 و240 كيلو في الساعة بعد دا في الامتحان سقطوني |
يعني يا سيف مساعد السرعه دليل على اجادة القياده؟ احتمال لهذا السبب تحديدا سقطوك (يعني استشعروا الrecklessness).
ما قصدي الا خير...السلامه مكتوبه ليك وللمعاك اخي الكريم.
|
Post: #10
Title: Re: مُعتصم دفع الله.. مبروك الرخصة
Author: ود الباوقة
Date: 06-04-2006, 04:26 AM
Parent: #7
معتصم مبروكة الرخصة وعقبال ان شاء الله ما نشوفك مطلع رخصة الاف ستة عشر ....
ود الباوقة
|
Post: #13
Title: Re: مُعتصم دفع الله.. مبروك الرخصة
Author: tmbis
Date: 06-04-2006, 04:56 AM
Parent: #10
يا وليـــد
ما تجي تقول لي الشريط ده .. حقي
انا عارف نفسي شلتو منك .. لكن بس عاجباني الفيات دي
مش احسن من مازدتك ..
يا استاذ إدريس
معتصم انا قاعد اركب معاهو مطمن .. والعمر يهون معاهـــو
|
Post: #15
Title: Re: مُعتصم دفع الله.. مبروك الرخصة
Author: Emad Abdulla
Date: 06-04-2006, 04:59 AM
Parent: #10
معتصم ..
ياخي ازيك ..
صحي زي ما قال تمبس إنك بعد أخدت الرخصة بقيت لمن تقيف في الإشارة بتقوم ترفع يدك و تتكشم إبتسامات و تسلم على الناس الفي العربات الجنبك ؟؟ ..تمبس كمان قال لي : شفت طيبة الزول ده كيف !! .. يكون قايلهم زملاء إشارة و كده ..
غايتو الحمدلله مرقنا من الرياض قبل ( غزو ) معتصم لشوارعها ..
كان أم الحسين زغردت ..
مبروك يا معتصم ..
و تمبس ده ما تركبو معاك تاني .. بيجيب ليك الهوا في نقاط التفتيش .
|
Post: #21
Title: Re: مُعتصم دفع الله.. مبروك الرخصة
Author: walid taha
Date: 06-05-2006, 02:55 AM
Parent: #4
تمبس...عقبالك يا رب
براك جبتها لروحك
|
Post: #12
Title: Re: مُعتصم دفع الله.. مبروك الرخصة
Author: حمزاوي
Date: 06-04-2006, 04:54 AM
Parent: #1
تعرف يا وليد ويا تمبس
انا مما شفت ولدنا معتصم زول اهل العوض قلت اها دا ينفع سواق شيول
يا معتصم أها عندنا في الشركة وظيفة سواق شيول ومطلوب فوراً
والغريبة عايزين سوداني
جاي في مقاسك ( مقاس عامر بس )
وطبعاً انت طلعت الرخصة وبقيت نظامي
كدي حسع نبارك ليك الرخصة
مبروك والف الف مبروك
منك المشاوير ومنها المحافظة عليك من المخالفات
تمبس نسيبي
قاعد جنبو كمان
يا ابني يا روح ما بعدك روح
تخريمة
الحسناوات يمتنعن عن التهنئة
أنا شايفك يا ............
ما تجي داخله
|
Post: #14
Title: Re: مُعتصم دفع الله.. مبروك الرخصة
Author: فيصل نوبي
Date: 06-04-2006, 04:58 AM
Parent: #1
يا معتصم مبروك الليسن
عقبال البورش 4 ًWheel .. بس بشرط تلحق لي ناس كده في بالي (أمات طه)
شكرا وليد
----
ادريس
اخوك كان في المقعد الخلفي .. يعني ما حزام امان .. كانت سجارة
عقبال وليد 500
|
Post: #18
Title: Re: مُعتصم دفع الله.. مبروك الرخصة
Author: عبدالحليم خالد التلب
Date: 06-04-2006, 07:38 AM
Parent: #14
أخوي معتصم
ألف مبروك الرخصة ، وعقبال ما تجددها مرتين ثلاثة وتكون سايق الأودي (التجديد هنا والأودي في السودان ، وأحسبها على كيفك !) ولمعلوميتك ، الرخصة المعاي فاضل فيها سنتين وتنتهي ، وده التجديد الخامس بس ؟! (أمسك الخشب !)
وزي ماقالت الاخت نجوان ، استخراج الرخصة في الخليج ، خاصةً الامارات صعب شديد ، تصدق ولد أختي شغال عسكري في أبوظبي ، و3 سنين (يسك ويعك) في امتحان الرخصة لحدي ما نجح واخدها، وبعدها بستة شهور رجع السودان نهائي ؟!.
وأزيدك من الشعر بيت ، من ينجح في امتحان الرخصة في الامارات بعمل عزومة وحفلة وهيصة ولا أجعص عرس ، وزي ماقالوا ، ممكن بنتك تدخل الجامعة وتتخرج ، وولدك ما يكون استلم الرخصة خلال ذات الفترة ؟! عشان كده البياخد الرخصة عندهم لو ماجيت وباركت ليهو ، احتمال يقاطعك وكأنك ما عزيتو في عزيزٍ لديه ؟!
مبروك مجدداً ، ولكن ، ومع مراعاة الفارق بين البلدين في هذا الصدد ، إلا إننا برضو بنقول ليك : (ياراعي الرخصة الجديدة) ، في انتظار الكرامة والعيزومة ، واللا شنو يا تمبس ؟
وسلمت لأخيك من مخاطر الطريق والتفحيط ، خاصة بعد نهاية الامتحانات !
( ليمو )
|
Post: #17
Title: Re: مُعتصم دفع الله.. مبروك الرخصة
Author: JAD
Date: 06-04-2006, 07:36 AM
Parent: #1
| Quote: تحذير لبورداب الرياض والشرقية: |
يا أستاذ وليد ..
الزول امتد نفوذه حتى الشرقية
مبروك الرخصة يا أخي معتصم .. وعلى بركة الله ..
|
Post: #19
Title: Re: مُعتصم دفع الله.. مبروك الرخصة
Author: Khalid Saeed
Date: 06-04-2006, 08:29 AM
Parent: #17
الرخصة في محفظتك تودع ..
طيف لموزين .. خليته لي هجر الطريق ..
أسمع دي .. واحد أتعلم جديد .. ركب ليك العربية وطوالي ماشئ على البقاله عديل ..
بتاع البقاله بقي يكورك ليه لف .. لف .. لف .. صاحبك قال ليه قفل إنته .. قفل إنته .
لك التحايا.. ياجميل وللشباب الحلوين
خالد الأرباب
|
Post: #20
Title: Re: مُعتصم دفع الله.. مبروك الرخصة
Author: Tabaldina
Date: 06-04-2006, 09:42 AM
Parent: #1
..
.
بعد ما شاب دخلوا الكُتّاب
بقيت تسوق ..
مبروكـ
عقبال ما نشوفكـ فى شارع الملك فهد
وحاسب من سواقه العليا وقطع الاشارات
مودة؛
|
|
