المغضوب عليهم محمد السني دفع الله وتماضر شيخ الدين

اها طبعا في ناس بتجي متلبة

اصلو ناس المسرح والسينما مغضوب عليهم في كل مكان, عشان دائما بوروا الحكومات اوجه القصور بتاعها وين

يعني تماضر السمحة ومحمد السني الجميل ديل لو مشوا عيطوا في التلفزيون كان حقنا راح,ويكونوا من الذين انعم عليهم اهل الانقاذ,صلص ساكت يبذوا وعمم وتماضر داك يا الخمار والتلاتة قطع ولونها يكون بمبي فاتح وتكاوينا بالقريشيات كش كش , والسني ديك يا الفلهمة والبوبار مفتاح العربية فوق تربيزة الاستديو المصوراتي لازم يجيبها

اها علا ربنا في الناس ديل قالو يكونو مع القلابة غربة وشوق وفلس
ونواصل

أخونا ..
سيف بن مساعد ..

يا خوي هجمتني ، وقلت أشيل عكازي ده ، وأشوف قصتك دي شنو ؟ باقي الناس ديل أنا ما برضى فيهم أي كلام ( الفنانين )، وبالاخص الاثنيت ديل ، السنى فاكهة مجالسنا ، وتماضر الكانت قريبة هنا ، وأبت تزورنا..
أها وكت بقى يا هو ده كلامك ، خليناك ..

دقة سريعة :
لكن شغلك مع أبونا الشيخ سمح والله ..


يديك العافية .

صلاح عبدالله

أخونا سيف
الله يديك العافية

أخونا وصديقنا وزميلنا السني

وأختنا وصديقتنا وزميلتنا تماضر

بحكم كلنا من قبيلة أهل المسرح

ما نتخيل أبدا دا يكون

لاننا من الغلابة وأهل الغربة والشوق

وبهذه المناسبة نقدم لكم الدعوة

لحضور المهرجان المسرحي الكبير

التي تقيمه فرقة المسرح السوداني بالرياض

في سبتمبر القادم بأذن الله

مع مودتي ...

الجميل صلاح عبدالله

اهل المسرح السوداني مشهود لهم من كل اهل السودان بالعفه والطهر,رغم شحة امكانياتهم فلقد قدموا الكثير

سمعت الاسبوع المنصرم الاخت ناديه احمد بابكر تطالب بعودة اهل المسرح وتقول تماضر شيخ الدين فنانة ورقم كبير في المسرح السوداني وليها وحشة ويا اختي تماضر عودي لينا

لكن باقي ليك تماضر بترضي بي خمج ناس التلفزيون السوداني ده , والله ما اظن وستبقي مغضوب عليها من الجماعة ديل