نوع من النفاق

يبدو لى اننا فى فنون النفاق سوف نتفوق على الأخوة المصريين , فقد طالعت فى احد الصحف السودانية الأعلان النفاقى الآتى والذى اصابنى بالغثيان من كمية النفاق الرخيص التى وردت به .
بسم الله الرحمن الرحيم
الأمين العام لديوان الضرائب
والهيئة النقابية وكافة العاملين بالديوان
تغمرهم آيات السرور بعودة
السـيد / الزبير احمد الحسن
وزير المالية والأقتصاد الوطنى
سالما معافى الى ارض الوطن بعد رحلة الأستشفاء,حيث ظلت قلوبهم معلقة معه حتى من الله عليه بالصحة والعافية واعاده الله بحمده لأهله بأرض الوطن لماصلة عطائه الثر ,شاكرين المولى عز وجل على ذلك .((ليتها ظلت معلقة ولم تنزل ابدا)) .
اسرة العلاقات العامة بالديوان ....
ياترى كم من العاملين بالديون سوف يحظون بهذه التهنئة بالصحف حين عودتهم للعمل بعد شفائهم ؟
لو تمتع المواطنين من الممولين لديوان الضرائب بربع ما يتمتع به سيادة الوزير من حنان ديوان الضرائب الدافق لما تخلف احد من دفع كافة ماعليه من ضرائب .
اسوة بديوان الضرائب هل ممكن اشارك ؟
اصالة عن نفسى ونيابة عن كل العاملين بالشركة نشارك السيد/ المدير العام وانجاله قلقهم المشروع وفزعهم العظيم على كلبتهم المدللة (توتا) التى تعانى من يومين من حالة من الأسهال والأستفراغ , اصلها( بتسـنن) .

لا ياقلقو..دا ذوق وابريشيشين اجتماعي واصلو الناس زمان كانت بتضبح وهسع بقت تردح..وبعدين ياقلقو ما تلومت ياخوي أنت وكل ناس سودانيس أونلاين من طرف ما فتحوا بوست للإطمئنان على صحة دكتور الباقر ربنا يواليه بدوام العافية..وانا احترت "هؤلاء أطمئنوا على صحة دكتور الباقر" تلقى قائمة في الصفحة الأولى ونتف في الصفحات الداخلية ومربع في الصفحة الأخيرة..والحقيقة أنا ما ظنيت في ناس تحرير الجريدة لكن ظنيت في المطمئنين على صحة دكتور الباقر هل أرادوا الإطمئنان لله في الله أم إطمئنان مع نشر الإسماء؟

قلقوا سلامات
انت قلقان من شنو؟ فى ظل الأنظمة الشمولية حيكون سلاح الناس شنو (لكسب العيش) غير النفاق وبعد شوية (سوبر نفاق) ,,يعنى لغاية تكوين فرق (حسب الله) للأستقبال فى البيوت وهكذا,,معايير الثقة تبدأ بضمان الولاء وبقيت عبارات (الدهنسة) ومسح الجوخ قديمة مع سطوة الكيزان وكثرة الأكلين من (القصعه),,,المصيبة انو الموضوع يتطور ويبقى سلوك عام وحسع فى البورد دة بكون فى (تلميع ساطع) لبعض الناس وبرضو مصالح,,,,
رجل اعمال سودانى (ذرى) مشى ليهو واحد شايل برنت من سودانيزاون لاين وغيرو عشان يوريهوا (نشاطو) من خلف الستار فى الدفاع عنو,,,وطبع الراجل ماقصر معاهو عشان الباقين يعرفو,,,
نفاق شنو دى علاقات عامة ومن ميزانية الحكومة,,,!!!