Post: #1
Title: باقة ورد
Author: انا بنت النيل
Date: 06-03-2006, 02:18 AM
باقة ورد لمن يؤدي دوره ويترجل وباقة ورد ندية ..لن يحيلون العمل إلي سباق جميل للتبادل
مقولة جميلة ..فقط
لماذا اختفي فقه الترجل عن حياتنا ..وساد فقه " الكنكشة" في الوظيفة طبعا ..وزاد الطين بله مقترح زيادة سنين المعاش الإجباري الي 65 عام بدلا عن 60عاما .
|
Post: #2
Title: Re: باقة ورد
Author: قرشـــو
Date: 06-03-2006, 02:43 AM
Parent: #1
بنت النيل
تحية طيبة
| Quote: لماذا اختفي فقه الترجل عن حياتنا ..وساد فقه " الكنكشة" في الوظيفة طبعا |
وكيف يستقيم ذلك وبيننا الأستاذ على عثمان محمد طه الذى ترجل للراحل قرنق عن منصبه نائباً أول للرئيس ؟؟؟؟
|
Post: #3
Title: Re: باقة ورد
Author: saif massad ali
Date: 06-03-2006, 02:52 AM
Parent: #2
بت النيل
كنكش الصادق المهدي في حزب الامة فهو ريس الي ان يرحل اطال الله عمره, كنكشا الميرغني والهندي في الاتحادي فهم كذلك الي ان يقبرون اطال الله عمريهما, كنكش محمد ابراهيم نقد في الحزب داك الي ان يرحل اطال الله عمره وابقاه
تقولي لي ترجل والله الا نرجل شعرنا
اخونا قرشو
بلدنا ما فيها زول بترجل لا علي ولا غيرو
|
Post: #4
Title: Re: باقة ورد
Author: نجوان
Date: 06-03-2006, 03:05 AM
Parent: #1
صدقتي والله يا اختي..
| Quote: وساد فقه " الكنكشة" |
نحن شعب مدمن للكنكشه... وهوايته الاجترار... ونتفنّن في الاثنين...
نتوجس من التجديد والابتكار... ونحارب الابداع والمبدعين...
وتقولي شنو..وتقولي منو....
نصيحه..
ما تكتّري من باقات الورود لانه ما حتلقي من تهديها له... فالكنكشه ما زالت بخير وعافيه...
|
Post: #5
Title: Re: باقة ورد
Author: انا بنت النيل
Date: 06-03-2006, 04:39 AM
Parent: #4
اخي الفاضل قرشو ..كيفك
ليته يكون بداية وقدوة لمن يقتدي ولكن ..
|
Post: #6
Title: Re: باقة ورد
Author: هشام المجمر
Date: 06-03-2006, 02:40 PM
Parent: #1
سلام بنت النيل
الكنكشة و السردبة و التكليت ما بتنتهى بأخوى و أخوك
المجتمع السودانى مجتمع فى أغلبو ذو تركيبة متخلفة
أعطاء الفرصة للآخر من صلب الثقافة المدنية
والفارق بين بيننا وبين هذه الثقافة سنين ضوئية
ارجو ان لا اكون قد احبطتك لكن هذه هى الحقيقة
امامنا الكثير من العمل يا بت حلتى
بس الآن نحن راجعين لى ورا وما ماشين لى قدام
وهى لله ...هى لله
إذا كانت هى لله وهم يعتقدون ان ربنا اداهم توكيل عليها
كيفن حيفكوها...ما اظن!!!!
|
Post: #7
Title: Re: باقة ورد
Author: الطيب بشير
Date: 06-03-2006, 06:36 PM
Parent: #1
.
العزيزة بنت النيل
قريب قرايبي ضابط اداري..جابوهو ناس الحكومة بالواسطة و الدوران سنة تسعين..و يشيل و يترقى..أها مشيت الإجازة عامآأوّل لقيتو هاااايج..سألتو مالك يا فلان لعل مافي عوجة..قال لي:
جابو لينا وليدات ما عارفين الشغل ..و رفتوا الخبرات ع شانهم!
قلت ليهو و انت لمن جابوك داك الليلة كان راسك الكبير دة فيهو خبرة؟؟
هي كدة يا أختي كنكش لا تفك..
و الترقية من حق الشباب  ..لا شــك
.
|
Post: #8
Title: Re: باقة ورد
Author: انا بنت النيل
Date: 06-04-2006, 01:05 AM
Parent: #7
سيف والله ضحكتني بكنكش يكنكش كنكشة ..فعلا دي كلمة في الصميم..مرات في كنكشة مقبولة زي المعذبون في الأرض من اصحاب المهن الضعيفة "الخفراء ، السواقين ، العمال " ينزلوا المعاش بدرجات عمالية ظلوا يزحفوا فيها إلي ان تقاعدوا وهم بلا مأوي او معاش يكفي حق العيش ناهيك عن المثير الكثير من بلاوي الدنيا من مرض وتعليم وهذا في السودان بس ، هؤلاء يكنكشوا ليعملوا بالمشاهرة وفيهم من تقوس ظهرة وتحن لحالة فقط المعايش جبارة " ودقريتهم في العمل " هي السبب لا لفوا يمين لا شمال ولا تساهلوا ولا خمشوا ولا حفروا ..والله كريم عليهم ..حلااااال عليهم " الكنكشة".
|
Post: #9
Title: Re: باقة ورد
Author: انا بنت النيل
Date: 06-04-2006, 01:30 AM
Parent: #8
نجوان
وردة بيضاء ندية لك
تجديد وإبتكار شنو حزب الكنكشة دا عملوا ليه برامج تدريبية عديل في إدارة التغيير والتجديد ولا حياة لمن تنادي ، في وحدة إقليمية من وحدات المؤسسة التي اعمل بها حاربوا دخول جهاز الكمبيوتر بشتي الوسائل لأنه في إعتقادهم سيلغي وظائف الكثيرين بدلا عن السعي للمواكبة والتغيير
|
Post: #10
Title: Re: باقة ورد
Author: انا بنت النيل
Date: 06-04-2006, 01:54 AM
Parent: #9
ود المجمر
انت لم تحبطني لأني محبطة اصلا "once" أني شغالة في القطاع العام حيث الإحباط بالجملة ..والمحبطات بالكوم ..وحالنا يحكي حالة النكتة التي تحكي عن تقدبم الجماعة لرجل يلبس افخر الثياب "وطبعا العمة توب عدييل" لكي يئمهم في الصلاة وتقدم الرجل في ثقة وبدأ ب " أقرأ يا عبد" هذا هو حال الذين يعملون بكد واخلاص "ويخمش" من ورائهم الكبار " الهبر" علي قول المصريين
|
Post: #11
Title: Re: باقة ورد
Author: انا بنت النيل
Date: 06-04-2006, 02:15 AM
Parent: #10
الطيب اخوي سلامات
عارف " الرانكر" ودي تسمية المتدرجين في الوظيفة دون شهادات مع احترامي الشديد لهم ولخبرتهم الما ساهلة ..البعض منهم يتهيب الشباب والوليدات الجداد ديل علي حد قولهم ولا يقبلوا أي إنحراف عن مسارهم " طريقة الشغل" فقط يحتاجوا لمسايسة وإقناع براحة ..وبذكر الترقيات للشباب واحد لمن رقوا زميلوا الأصغر منه سنا وسنين خدة اصيب بصدمة سكر الزمته سرير المستشفي ..في الخدمة المدنية..التغيير صعب صعب
|
|