Post: #1
Title: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-02-2006, 06:38 PM
.
عبدالقادر السيّد بخيت
بين عميد و لواء معاش ..و هو جدير بالجمع بينهما خدمة عاملة
من القلائل الذين وصلوا للرتبة العالية و حافظوا على لقب (راجل ضكران) ..
في بلد تنتج تعريفآ للنفاق كل فجر، كان لا بد للشرطة أن تستغنى عن خدمات الراجل الكلس عبدالقادر السيّد بخيت .. فهو آخر من يزيّن الباطل لأحمق .. و من حسرة الأعور أنه سأله عن شكل عينه فأصبح اسم عبدالقادر السيّد بخيت في الكشف الصادر من الـ(قهر) الجمهوري تاني يوم طوالي..
قال للرجل
إتق الله !
بس
تاني يوم شالوه الصالح العام
الله؟؟الله؟؟
موش قلتو هي لله؟
على أية حال خسرانة البلد و الشرطة
لكن الكومندان عبدالقادر السيّد بخيت ذااااتو ما بيشبه بوليس ناس عبدالباقي كلاب!
المهم في الأمر إني عاوز أسالمو
داير ليهو رقم تلفون
بريد عادي أو الكتروني
زولآ يقول أنا لاقيت قريبو
أي حاجة من ريحة الحبايب
و الله الزول دة كان عقيد و نحن ملازمين لكنه كان يعاملنا بندية تخجلنا..أظن أن سبب ذلك هو إطلاعه الواعي و سعة أفقه فقد كان يرافقه كتاب دائمآ و هذا بحد ذاته كان مثار تعليق!..كان يحسن التلاوة و يسبغ الوضوء و يفهم الواجب ..كان لمّاحآ طريفآ و لكنته الشمالية تؤكد أنه من أبناء النوبة بلا تفصيل محسي/دنقلاوي/بديري؟..
الزول السمح دة ان بقى في زول لمّاني في دريبو يكون مشكور بالحيل
.
|
Post: #2
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-03-2006, 04:44 AM
Parent: #1
.
كان مديرآ لقسم العلاقات العامة، رغم أنه لا يكذب،.. كنا بقسم الإعلام.. الإدارة كانت واحدة و المبنى واحد..
كنا نتقاسم السكر و العربات.. و تظهر هنا معادن الرجال..بعضهم كان يأخذ بالرتبة و الشفقة
كان صديقـي العميد (م) عبدالقادر السيّد بخيت..يعفّ عند المغنم..
لازم أسأل منو..في إجازتي ما لاقيتو..ما افتكرتهم يشيلوهو!! لكن زمن أعوج..
و النصيحة مكلّفة..
هل منكم من يعرف أخباره؟؟
.
|
Post: #3
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: أبو ساندرا
Date: 06-03-2006, 05:10 AM
Parent: #1
و أنا رايح لي
ود أختي
العقيد شرطة / بشير وهب الله عبدالجبار
ومشتاق شوق خرافي
لود عمي
الراحل العزيز
الماحي سليمان الماحي
أها شن قولك
تشرب ......
وحاة أمي في هذه الساعة والحر قائظ
والمكيفات تهدر
يهدر بداخلي
حزن فاتك
|
Post: #4
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-03-2006, 05:19 AM
Parent: #3
.
أبو ساندرا الغفاري
| Quote: العقيد شرطة / بشير وهب الله عبدالجبار |
أما هذا فهو خالي لزم ما يلزم
و هو أمانة عندكم ببوليس الدوحة منذ عام1996..فهل فقدت أثره فيها؟
الطريف ان اسم ابنه (الطيب بشير)..لووووول و دي عاملة ليهو مشاكل في طابت..الطفل المسكين بيدفع فاتورة شقاواتي منذ أن كانت الموضة شعر خنفس و بنطلون شارلستون!
لكن بالجد..حصل شنو؟..بشير وهب الله فرتق من الدوحة؟
.
|
Post: #6
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: عصام دهب
Date: 06-03-2006, 05:34 AM
Parent: #4
جنابو ..
تحياتي ..| Quote: عبدالقادر السيّد بخيت |
قرأت البوست .. و كنت على أتصال مع السودان .. و صادفت مع الشخص الذي كنت أكلمه العميد شرطة / الصادق التجاني .. سألته عن العميد شرطة ( م ) / عبدالقادر السيّد بخيت .. أخبرني بأنه يعمل حالياً مستشار قانوني في إحدى الشركات بشارع المطار جوار بنك الثروة الحيوانية .. سوف أزودك على الماسينغر الداخلي بهاتف العميد / الصادق .. حينهاحتكونوا عساكر و بتفهموا لغة بعض و أكيد حيوصلك للإنسان المتميز العميد شرطة ( م ) / عبدالقادر السيّد بخيت .. و أتمنى أن تجتمعوا على الخير كله ..
|
Post: #8
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-03-2006, 06:35 AM
Parent: #6
.
الله الله
الدهــب
و الله لكن دقش
جبتو بي تلفونو؟..
شغلك نضيف..مبسوط أنا منك و من بكري و من بيل غيتس..بس خليها تصبح شوية أشد ليك أحلى سلك للسيد العميد الصادق و نجيب منو تلفون السيد العميد عبدالقادر و نرقد منضبطين زي ما بيقول الكومندان فارس موسى أحد أفهم بواليس الله و الرسول و هو من أبناء الدفعة اتنين و خمسين ما قبل الحساب الجديد..لوووول..الكلام دة بيجيب لي الهوا..
المهم أنا مبسوط منك و من عيار الأربعة و عشرين يا عصام يا دهب يا مجمر..
و تحيا عوالم التواصل الانساني و التقني و تسلموا
.
|
Post: #5
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: أبو ساندرا
Date: 06-03-2006, 05:28 AM
Parent: #1
بشير وهب الله غاب أثره عني من سنين
المعز رجع
ومنى بت سعاد مازالت في خاطري
تلك الطفلة التي في الغماط
داهمها الحزن قبل الآوان
كانت ، ومازالت ، غضة
وحنينة
|
Post: #7
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: Salma Daoud
Date: 06-03-2006, 05:44 AM
Parent: #5
.
.
.
فقط لو كانت درجة قوة و سرعة "الضغته" على الكي بورد تنقل ما يعتمل داخل أرواحنا كما هو...
.
.
.
|
Post: #10
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-03-2006, 06:42 AM
Parent: #7
.
| Quote: ما يعتمل داخل أرواحنا كما هو... |
لا تعجبي يا سلم ..
أعياني طلسـم الصوفية و لن أسـطيع معك صبرآ..
و كيف أصبر على ما لم أحـط به خبرا..
.
|
Post: #9
Title: Re: يا جماعـة رايـح لي قـائد شـرطي متميّز و إنسـان..صديقـي العميد (م) عبدالقادر السيّد بخيت..؟
Author: الطيب بشير
Date: 06-03-2006, 06:38 AM
Parent: #5
.
صديقي أبوساندرا.. الكـهـل المخترف 
أفرز..
تشابه علي العســل
سآتيك بهاتف بشير من هولندا..من النور وهب الله
.
|
|