Post: #1
Title: افكاري تايهة ..
Author: عمر الفاروق
Date: 05-31-2006, 12:45 PM
مدخل :
البورد مليان الأيام دي بي الأغاني واي بوست تفتحو تجيك أغنية ..
منها الذوق الرفيع ومنها الهبوط الإضطراري حسب المناسبة ..
اجد نفسي كثيراً مع هذه الأغنية التي ربما تكون مكررة لي مسامعكم في بوستات اخرى ..
ابراهيم خوجلي الطرب الجميل ...
ابراهيم خوجلي الصوت الحنين ..
ابراهيم خوجلي توتي وريحة النيل..
ابراهيم خوجلي المندلين ...
مع هذا الفنان تظل افكاري تائهة ..
وتظل لهذه الأغنية الوقع الخاص في نفسي ..
|
Post: #2
Title: Re: افكاري تايهة ..
Author: سيد أحمد خليفة
Date: 05-31-2006, 07:54 PM
Parent: #1
الفاروق
انت الاوصافك عديدة
لى ذكرى خاصة مع هذا الصوت الباكى المبحوح
الجامعة الامريكية بيروت
الدرب الاخضر
سنوات النضال العاطفى
شكرا على استثارة الذاكرة والقلب
وشكرا على الذوق الرفيع
|
Post: #3
Title: Re: افكاري تايهة ..
Author: حافظ عبدالعاطى احمد
Date: 06-01-2006, 01:04 AM
Parent: #2
تسلم يا فاروق
اناكايس ليها لى زمن
لنك الحفظ بسرعةجدا
مامعروفة الظروف
|
Post: #4
Title: Re: افكاري تايهة ..
Author: ود المايقوما
Date: 06-01-2006, 02:19 AM
Parent: #1
| Quote: لنك الحفظ بسرعةجدا |
والله ياحافظ انت زول محرج خلاسسسسسس ... الزول يادوب بقول ياهادي في تنزيل الملفات , تجي تقول ليهو : لينك الحفظ ..
ياتمبس الحق زولنا ده سريع ...
تحياتي ياجميل ...
|
Post: #5
Title: Re: افكاري تايهة ..
Author: عمران حسن صالح
Date: 06-01-2006, 02:34 AM
Parent: #4
تعرف يا عمر الفاروق ( منذ الستيات
كنت أردد هذه الأغنية (الحنينة في لحنها ) بكلمات حشو من عندي وحينما أكمل الكوبلي بما فيه من حشو (صاح كدة؟؟) أدخل ليك في كلمة ( أفكاري تايهة ) وكانت هذه الكلمة محفورة جداً في دماغي .........
الشاهدأن اللحن رائع جداً ... ومن ثم بعد ذلك بسنوات طويلة ( تقدر تقول في الثانينيات) وجدت الكلمات واكتمل المشهد عندي .
الله يديك العافية
|
Post: #6
Title: Re: افكاري تايهة ..
Author: Sidig Rahama Elnour
Date: 06-01-2006, 04:18 AM
Parent: #5
يا عمر الفاروق
أنت وكت عندك الغنية دي !!! ياخي النصري أمين ما سأل لمن بحّ صوتو ولمن طفش لوي شمت من البورد دا .... يا حليلك ياالنصري فاتتك بالله ...
نهدي اللحن هدية خاص للنصري أمين ولؤي شمت وللأهل بالعراضة والدغوراب 
هاك الفيديو دا هدية يا عمر
بعيد نفي واحد أخوانا كدة حضر اللحن في الستينات يا عمر
|
Post: #7
Title: Re: افكاري تايهة ..
Author: ناذر محمد الخليفة
Date: 06-01-2006, 02:05 PM
Parent: #1
عمر الفاروق !!!
مبالغة يا راجل !!!
تعر انا ما في شي بيكتل لي حيلي الا ابراهيم خوجلي بالمندلين خاصة لمن يغني الغنية دي !!
تعرف اول مرة أسمع الغنية دي منو بي مزاج كان في جلسة في بيت الدبلوماسي السوماني نزار غانم في العرضة .. الزول دا غناها بي مزاج شديد والجلسة كانت جميلا وأنا (سكرت دون خمرة) وحيلي برد مرة واحدة لمن ما قدرت أرجع البيت .. باقي الليل كلو أرجف من الطرب !!
صنفرة :
طيب انت ما كويس واضانك نضيفة !! ليه بيقولو فنانك المفضل (عوضية عزاب)
|
Post: #8
Title: Re: افكاري تايهة ..
Author: Bakhaf
Date: 06-01-2006, 02:16 PM
Parent: #7
والله يا عمر الفاروق طلعت ما هين
طيب مالهم بقولوا عليك كده
|
Post: #9
Title: Re: افكاري تايهة ..
Author: محمد سنى دفع الله
Date: 06-02-2006, 05:36 PM
Parent: #8
[والله طلعت ماك هين[/
]ياخي خليك في البوستاتالظريفة دي وانقلنا لعالم الجمل وعمرك ما تندم يلا اتحفنا من ابداعك
|
Post: #10
Title: Re: افكاري تايهة ..
Author: عمر الفاروق
Date: 06-03-2006, 00:41 AM
Parent: #1
سيد احمد يا خليفة :
Quote: لى ذكرى خاصة مع هذا الصوت الباكى المبحوح
الجامعة الامريكية بيروت |
تؤبرني يا سيدو
الجامعة الامريكية ولبنان ياخ دي حا تكون كمية من الصبايا الما عادية ديل مش يذكروك الصوت المبحوح ديل يخلوا صوتك انت زااااتو مبحوح..
تحياتي..
|
Post: #11
Title: Re: افكاري تايهة ..
Author: عمر الفاروق
Date: 06-03-2006, 00:46 AM
Parent: #10
الأخ حافظ :
Quote: تسلم يا فاروق
اناكايس ليها لى زمن |
رقاً تكوس ليهو ورزقاً يكوس ليك
أهو جاتك في خشم بابك لا إحم لا دستور..
Quote: لنك الحفظ بسرعةجدا
مامعروفة الظروف |
اطلع بي الدينارية طيب
|
Post: #12
Title: Re: افكاري تايهة ..
Author: ناذر محمد الخليفة
Date: 10-09-2006, 11:48 AM
Parent: #1
يا عمر ....
الغنية طشت من البوست ..
عليك الله أرفعا تاني !!
|
Post: #13
Title: Re: افكاري تايهة ..
Author: النصرى أمين
Date: 10-09-2006, 11:52 AM
Parent: #1
لا حولا
البوست ده من شهر خمسه!!!!!
بس ما سامعين حاجه
احــــــــــــــــــــــــــــــــــــــــــــــــــــى من
ابراهيم خوجلى
|
|