أخطاء شائعة في سماع ونطق كلمات الاغاني السودانية

توقفت الموسيقى لان الفنان نسي المقطع القادم

فاشار له احد العازفين بكتفه كناية عن الدفر

فواصل المغني

(دفرت ) الكاس عن شفتي

بدلا عن رددت الكاس عن شفتي

يا قرجة كيفنك
بالغ فنانك دا
كويس انه ما قال
رگشتة الكاس عن شفتي
(من رگشة)

العزيز

ابوريـــــــــــم

سار أحدهم في مظاهرة تندد بامريكا

وكان يصيح بغضب

داون داون يونس عيد

داون داون يونس عيد

داون داون يونس عيد

داون داون يونس عيد

ويونس عيد هو ما ظنه صاحبنا من

U S A

كنت أجلس مع أولاد الحلة في العتبة ,مرهقين بعد الرجوع من التمرين الكروي,كانت عقارب الزمن تشير إلي بداية الثمانينات.
وقف بهاء يغني ويشير بمعني الكلمات بيديه
وأنا آآآآآه أنا من عيونو الناعسات
يشير فيها بيديه إلي عينيه
ثم يواصل
وأنا آآآآه أنا من ضفايروا السادلات
وأشار هنا إلي ظفر* بنانه

عندها سالت دموع أولاد الحلة من الضحك الهستيري


..............................................................................
(عوضا عن ضفائر الشعر للموصوفه)*.

نامت على يدها ما لم تنله يدي

أحد أصدقائي كان يعزف على آلة الكمنجة في فرقة مصاحبة لفنان من فناني المندلين

قال لي الفنان كان أروش في إنتقاء الاغنيات ويرهقنا كثيرا في بعض المقاطع التي تحتاج (جكة)

بالكمنجة أو الجيتار لان صوته ما كان بيساعد في ملء الفراغ اللي بين مقاطع الاغنية

قال الفنان ده مغرم بأغنية (كان طلعت القمرة)

بعدين قبل ما يصل لـ( بسألوك مننا) كانوا (يلكزوه) لانو كان بينطقها (بسعلوك مننا)

حيدر أخوي

والناس تبشر ...وتتخوجج ( على قول ابوريم ) على الغنا الزي ده

تسلم

الحبيب

نيوباي

وبعدين يدها خدرت


تسلم

با شمهندس

محمد

لكن صاحبك لذيذ

من اشهر المطربين الذين تطرب لهم

ولا تفهم لهم كلمة

الفنان حسن عطية

مرة سمعت واحد بيغني أغنية عشة الفلاتية
عني مالم صدوا وإتوارو
كدا
عني مالم صدوا مشوارم

وأغنية أحمد المصطفى
الدنيا تحلى .. صعابا سهلة .. بس روق واحلا
كدا
الدنيا تحلى .. صعابا سهلة .. مسروق وأحلا

وبرضو أغنية حيدر بورسودان
سحرني وسباني ساحر اسمراني
خلى ديارنا ودع
كدا
خلى ديار مودة



وكتير

العزيز قرجه .. والمتداخلين جميعاً .. تحياتي
العجب العجاب أن هنالك فنان قام بتسجيل أغنية الأستاذ العطبراوي ( ديمه في العشاق .. القلوب مرتاحه .. إنتي ياقلبي المالقيتلك راحه ) بطريقة مغلوطه ..
المقطع الصحيح (( يادموع الدم الجاريه في وجداني ))
فكانت في التسجيل (( يادموع الدم الجاريه في ميداني )) .. خلي بالك زولنا ده بتاع كوره .
هذا خلاف أنو سمعت كثيرا من يتغنى بها (( زينة في العشاق )) .
... أما عن النجـر في الحفلات ( فحدث ولا حرج )
يروي لي صديق .. ,العهده عليه .. أن هنالك فنان كان يحي حفل في منطقة السوكي .. وبناء على طلب الجماهير أهداهم غنية سيرة ..
بنيه من فتوار موقده فوقي النار ..
ولكن المشكله في إنه ماقدر يختم الغنيه ..لأنه كلما آراد أن يختمها يتفاجأ بموجموعة نزلت تعرض .. فما كان منه إلا أن إستغل هذه الهستريا .. وقال :
بنيه من السوكي .. ( صياح كبير جدا من الحضور )
داقه فيني خازوكي ..
مشيت لي أبوكي ...
وأعتقد كما ناس النظام العام والزمن المحدد للحفل .. لكنا الآن أضفنا معلقت السوكي إلى المعلقات السبعة .
تحياتي ،،
خالد الأرباب

أجمل من لؤلوة بضة .. سيبك من شط البحرين

....
يقصد .. صيدت من شط البحرين ..

الحبيب

عصام

سيبك منو

هل نحن كسودانيين نطرب لللحن ام للكلمة ؟

لنحاول جميعا الاجابة

الحبيب

خالد سعيد

حلوة الدموع الجارية في ميداني

تخيل الميدان فيهو خور من الدموع

تسيسير خيتي

الظاهر عليك اللاقط ( اضانك ) بتلقط صاح

بالله هاتي باقي النماذج

تسلمي

قـرجة والشـباب،، سـلام، وشكـرا على المـوضوع الخـفيف الـظريف،،
الفنان، وهـو بالتأكـيد ليس الأسـتاذ وردي،، كان بغـني القمـر بوبا، لـكن غـلبو (يقـفلها).. فأصـبح يـردد (معـلـقاً): بوووبا عـليك تـقيل... بـوووبا عـليك تـقـيل..بوووبا.. ولما لم يجـد للقـفلة سـبيلا.. أشـار للفـرقة المصاحبة بكلتا يديه بعـلامة التوقـف هامسـاً: خـلاس خـلاس خـلاس!...
وعـلى ذكـر صاحـب يـونس عـيد يا قـرجة؛ فقـد حـدث عـندنا في الأبـيض، أيام زيارة بوش الكبير، وكان أيامها نائب ريغان، أبان زيارته لمعـسكرات النازحين حول المدينة أواخـر أيام نمـيري.. وقبل الزيارة بي يوم جاء ناس الإتحـاد الاشـتراكي (أو مجـلس الشعب) للمعـسكر، وشـرحوا للناس عن زيارة بـوش، وقالوا ليهم لامن يصل، تطلعوا كلكم وتهـتفوا:
Welcome Bush,, Welcome Bush
فخـرجوا عند وصوله هاتفين: الكمبوووش.. الكمبووش.. الكمبوووش!

الحبيب

عيسى

والكمبوش مبسوط من الانقليزي الاصلي ده


تسلم

يا قرجة والله الموضوع مبااااااااااااالغة ..
وشلتوا من طرف كيبوردي

صاحبنا قاعد يحلق لي تحت الشجرة وهو بيدندن :
يا نسيم التوية..

وهو يقصد :
راقصين التوية ..

صديق اخر كان بغني معانا في جلسة اغنية للراحل محمد احمد عوض ..
الاغنية كانت " عندي كلمة احب اقولا عن مصيري وعن مصيرك ..
زولنا جاااااااادي شديد وقال:
عندي كلمة احب اقولا ليكم انتو يا حلوين عن مصيري وعن مصيرك ..

من يومها ونحن بقينا نمط الأغنية دي بي إضافات مننا ..
واحد يجيهو ويقول ليهو عندي كلمة احب اقولا ليكم انتو يا حلوين برااااااااااكم وما معاكم ايييييي زول عن مصيري وعن مصير..
وواحد تاني يجيهو ويقول ليهو :
عندي كلمة سر وبي الدس دس عايز اقولا ليكم يا الحولين عن مصيري وعن مصيرك ...

لحدي ما شردناهو من الحلة وكرهناهو الغنا

الدقسة فيها اللحسة ...هو قانون حلتنا ..

أخي / قرجة
تحياتي ..

مرات كثيرة أسمع بعضهم يردد مقطع من أغنية ثنائي العاصمة ..

لا غزال في روضة غنى ..

و هو يقصد ..

لا هــزار في روضة ..


لكنى لأ أعلم هل هذا الهزار ( في روضة غنى ) أم ( في روضة غناء ) ..
أفيدونا ..

و بمناسبة روضة غناء ..

سمعت أن شاعرنا الكبير و إبن مدينتناـ الأبيض ـ المرحوم / حميدة أبو عشر ألف هذه الأغنية
( وداعاً روضتي الغناء ) في مدح مدرسة حنتوب الثانوية حيث كان يعمل جنايني و صدر قرار بنقله من حنتوب إلى الأبيض أو خورطقت فألف هذه الأغنية .. فتأمل سحر هذا الجنايني و إبداع نظمه.. فهل من ينفي أو يؤكد صحة هذه الرواية ؟؟

تلك الأخطاء الشائعة حملت الفنان الجميل الرائع عبدالكريم الكابلي
تسجيل أغاني الراحلين بصوت جهور واضح ومخارج للحروف واضحة
وبدأ بعثمان الشفيع وحسن عطية وغيرهم في رمضان الفائت
ندعو كل من اراد تطريب الناس بأغاني العمالقة ان يرجع لتسجيلات الكابلي

العزيز

خالد المنسي

ياريت يتم تدريب الفنان السوداني على المخارج الصحيحة للحروف

تسلم على الطلة

الحبيب

عصام

لا أتعجب أن روضتي الغناء كتبها جنايني

فلقد رايت بام عيني سودانيين يعملون في مهن هامشية

وهم على درجة عالية من الثقافة

الحبيب

عمر

البوست اعتبرو حقك

لكن...بي حقو

وحقو أن تاتي بكل النماذج الحلوة العندك

الله يطرا صديقى يوسف بدر بالخير قال لى قعدنا فى المانيا فى الستينات سنتين نغنى كيف( يكون )عندك خصامى..قال لى وبعد
صلحوها لينا بى كيف يهون غلبنا نتاقلم عليها.
وبعدين زولك البهتف..حزب الامة ليل ونهار..حزب الامة لن ينهار.

راجع ان شاء الله،،،

ود الموج

ناس المانيا برضو بيسمعو غلط

منتظرين عودتك

يا غالي

صاحبنا عامل فيها فنان ونظام ما بيغني الأغنية إلا يكون فاهم معانيها لأنو حاسي إنو ممكن يوم يعملوا معاهو لقاء في التلفزيون وكده ..
يوم جاني شايل اغنية للراحل رمضان زايد " عيني يا سبب الأذى " وقال لي يا عمر ياخ الأغنية دي كلها واضحة لكن الكلمة دي معناها شنو ؟؟
ويقول لي ( الصدشقا ) ..
زولي كان بيلصق كلمة الصد مع شقا وقايلا كلللللها كلمة واحدة فبيقول في الحفلات :
الصدشقا ..
الكويس إنو طبعاً ماف زول ناقش الموضوع لأنو في النهاية بتطلع كلها صحيحة ..

الراحل العبقري الكاشف يقال إنو كان جالس في ورشة النجارة بتاعتو بيلحن في أغنية ليالي المقرن تقريباً ( اما السواقي بدت تسوق والقمري غنا بكل زوق ) ..
ولمن وصل للحتة بتاعت :
" عند الأصيل لازم نعود " ..
الجماعة الماعهو في الورشة سمعوها :
"لازمنا عود "
صبي الورشة جرى جري طيران وجاب ليهم عود بتاع مرق

Quote: صبي الورشة جرى جري طيران وجاب ليهم عود بتاع مرق

دي عمر

ضحكت لامن قعدت في الواااااطة

واحد اخونا زميل دراسة بالهند ما كان عندوعلاقة بالغناء خالص لكن كان عندو محية مع اغنية ثنائي العاصمة (كلمة منك حلوة) وكان دائما يردد صائحا ( انتي ريحتك حلوة)....ربنا يطراه بالخير.

قرجة ..

يا ظريف..

بوست في السلك ..

عندنا واحد قريبنا خالص بيقول في اغنية كابلي ( أراك عصير الدم ) بدل ( عصّيُ الدمعِ ) آي والله ..
قبل فترة شاهدت في التلفزيون ( ولد ضغيروني ) قاديننا بيهو الأيام دي بيغني أغنية الراحل خوجلي عثمان (أسمعنا مرة ) ولمن يوصل للمقطع بتاع (حن في عمرنا شايفنو مرّ (( من المرور ) ) كان بيأشر بي أصبعو ( علامة العدد واحد ) يعني شايف عمرو مرة واحدة ..

تحياتي

Quote: حن في عمرنا شايفنو مرّ (( من المرور ) ) كان بيأشر بي أصبعو ( علامة العدد واحد ) يعني شايف عمرو مرة واحدة ..

الحبيب صلاح

بيني وبينك وما تكلم زول

اخوك برضو كان فاكرها شايفنو مرة واحدة بس ما تناها

Quote: ( انتي ريحتك حلوة)....

الحبيب

بكتاش

فلور دمور والا بت السودان اصيل


أكيد كانت لسة ما دخلت المطبخ

الظريف قرجة
تحياتي
تشكر على هذه الواحة
هاك دي
واحد بغني رائعة الشفيع
قولوا ليه حبيبك أمسك المجنون
بدلا عن
حبيبك أمسى كالمجنون

اها شفت الجن ده
تحياتي

خالد العبيد .. زولنا ..

والله قوية لمن قوية ، وخلتني أضحك لمن دمعت ..
ياخ معقول .. بالله مسك المجنون ؟؟ بالغ والله ..

تحياتي

صلاح عبدالله

عشرة الايام

لابس احسن ساااااااااااعه
=====================


بدلا عن

مابصح تنسااااااااااها

لعثمان حسين

قرجة
والمتداخلييييييين
اجازى محنكم
ههها
بوست جميل

خيتي

ندى

البياض ...نموذج من غنى البنات

تسلمي

Quote: لابس احسن ساااااااااااعه

استاذنا الموصلي

قلت لي الاغنية عاطفية

بالله ادينا مواقف مرت بيك

ولا تبخل علينا


منتظرين مساهمتك

اولا هاك دي البنات بغنوها كده

وتعبت تعب الموووووووووووت


بدلا عن

وبايد تداعب الموج

من أغنية فراش القاش لزيدان

=========================================================

طبعا ياقرجه اخوك مسجل غلطة فنانين من ابو كديس

لو تذكر اغنيتي شوق الهوي من شعر اللطيف مختار دفع الله وفي تسجيل

الاذاعة سجلتها هكذا

ولو يوم حزني ماهماك أرواح عمري تبقى فداك

بدلاًً عن

Quote: ولو يوم حزني ماهماك أفراح عمري تبقى فداك

وظلت حتي اليوم مسجلة هكذا

وعندما سمعها شاعرها علق على ذلك قائلا

ياخوي انت أصلك (كديسه)

وطبعا في السابق تصحيح كلمة يكلف أن يعود الجميع مغنيين وعازفين للتسجيل من جديد

ولكن التطور الان يسمح لك بتغير حرف حتى

Quote: قولوا ليه حبيبك أمسك المجنون

يعني يا ود العبيد

قطعت مصارينا من الضحك

العزيز قرجة والأخوة،،
بوست ظريف خفيف وهادف ، يمكن نقدر من خلاله نحل مشكلة عويصة لتبديل المعاني بالنطق الخاطيء لبعض الحروف أو المقاطع:

هاكم دي ،،

- ((باغات)) تتمازج ألوانها (لفناني المفضل إبراهيم عوض رحمه الله)

- (ضاجع) في سريرو متوسد (وسيرو)
- سامي (غدرك)
- (عزبني) وزيد (عزابك)
- الأماني (العزبة)
- في غفلة (رغيبي)
- ناس قراب منك عرفو سر (حسني) والصحيح حزني
- (متعزب) سنين ، في تباريح الهوى (والقبيح في الأمر أن ((متعزب)) يقسموها على مقطعين : أولهما متعة))
- واحد قال لي وردي بينطق السين شين في الموس ، وذلك حين يقول (بالموش تجرحني ) وهويقصد رموش تجرحني في أغنية نور العين

البوست مهم ، والأخطاء فادحة ، والإذاعة تسجل ،،
تحياتي ،،

Quote: سامي (غدرك)

الحبيب

عبداللطيف

فعلا عندنا مشكلة كبيرة في حروف القاف والغين والظاء

تسلم

كنت بغنى فى واحده من الحفلات
جانى واحد بين الفواصل وقال لى
اسمع يا brother
انا غايب من السودان لى خمسطاشر سنه
ودايرك تذكرنى الايام الجميله
بالله غنى لينا
وعملت على العناب بالبرب
طبعا قاصد وعضت على العناب بالبرد

مارس ما سكة فبريل
اقصد مارس ماسك كتف ابريل ابو الامين في الانتفاضة

Quote: والناس تبشر ...وتتخوجج ( على قول ابوريم ) على الغنا الزي ده

دي حقيقة

والاكثر من كده كان عندنا فنان في عطبرة في مطلع الثمانينات إسمو مصطفى مضـوي عندو إغنية

إسمها(الوليد الضيف غرَكتنو كيف) وهي مرثية في زول جميل لقى حتفه غرقاً في النهر

تخيل ما ان يبداء في غناء الاغنية دي بعد رمية حزينة وإلا تلقى الجماعة تبشَر وتتخوجج كما قلت

والعجاج حدو السماء.


الوليد = تصغير ولد

غرَكتنو = اغرقتموه في النهر

الحبيب

حيدر

افتكر انو الحفلات لا علاقة لها بالكلام المغنى ...بل فقط بالمزيكة

واحسن حاجة تدق المزيكة والناس تنجلق ترقص وتمشي تنوم



الفنان الذي ذكرته مصطفى مضوي له صوت حزين ومميز

هل تشاركني الراي؟

الحبيب

احمد خليل

ومارس زماااان فك كتف ابريل لما ما لقى منو فايدة

تسلم

برثر

مبيوع

كيفك يا فنان

صاحبك فعلا ليهو خمستاشر سنة

وكويس انو لا زال متذكر عضت على العناب بالبرب

تسلم على الطلة وفي انتظار نماذج أخرى

طيب ماسمعتوا الفنان البقلد الكابلي وهو بغني أغنية آسيا وأفريقيا؟

عليكم الله أسمعوهو بس الزول البحب الكابلي وعندو ضغظ دم او سكر يفضل إنو مايسمعو لأنو المغصة بتكتلو

أخطاء شنيعة تضحك الثكالى بل تضحك عمر البشير العابس دوماً وتفرد شلاليفو.

من روائع هذا المقلد إنه بقول :

وجه غاندي وسط الهند العتيقة صوت طيفور المغني

والصحيح طبعاً هو وجه غاندي وصدى الهند العميقةْ صوت طاغور المغني .

طيفور مين ياعمي الله يرحم والديك أرحمنا بس .

وعلى ذكر المغنيين أتذكر إنو عملوا حفل تكريم للفنان الرحال احمد المصطفى رحمة الله عليه وكان من ضمن فقرات الحفل تقديم شاب ليغني بعض أغاني أحمد المصطفى .

ماحدث إنو احمد المصطفى قام هاج وماج زعلان في نص الحفلة وقال أنا ما متذكر الاغنية دي لكن مستحيل اكون غنيت العولاق البقول فيهو الولد دا

طبعا اخونا فنان الحفلة خرب اللحن وقعد يمط في الكلمات ويعوج لسانو لحدي مالذاكرة قربت ترجع لي فنانا الراحل المقيم.

الازهري أخوي

زي ده تعضيهو في نافوخو ويشكرك على انك اكتفيت بي كده


تسلم

العزيز قرجة كيفنك

اخونا عبد الدائم من ناس الزقازيق السمحين عايز يشارك معاكم

Quote: مالك مجافى الناس عايش براك فى عـلـبـة سهر المنام لى وحدى ياقسيم الريد فوقك الــنـمـل البلال بلال يا بلالى بـلـعـب بـولـو سـال يا بلالى الكـاسـر ضـراعـو امـنتـو الرسول

Quote: : مالك مجافى الناس عايش براك فى عـلـبـة سهر المنام لى وحدى ياقسيم الريد فوقك الــنـمـل البلال بلال يا بلالى بـلـعـب بـولـو سـال يا بلالى الكـاسـر ضـراعـو امـنتـو الرسول

لكن يا ابوريم

الزول السمح عبدالدائم كيف مخلنو يكتب من برة

خلي يكاتب بكري ..وكلنا نديهو دفرة من جوة

في قعدة يحفها جكس من الحلة تقدم ود جيرانا مشاركاً للعريس في حنتو وبي كل ثقة قال حا يقدم اغنية لزينب الحويرص ..

دقينا ليهو الإيقاع وهو نظام الود حافظ شديد :
بول الحقيقة كلمني مالك بي الهجر مألمني ..
بووووووووول يا حبيب ..

والله ما عرفنا نمشي وين
وطبعاً الأغنية هي :
قول الحقيقة كلمني مالك بي الهجر مألمني ..
قوووووووول يا حبيب..

غايتو الله يكون في عون الحبيب

عمر الفاروق

والفنان ده ماسك مكرفون والا شايل قصرية؟؟؟

تعرف ياقرجه الله يديك العافيه

اول يوم في انتفاضة ابريل ناس الاذاعه عاملين استكلاعات من الشارع

واحده بدت حديثها كالاتي

ضاقت ولما استحكمت فرجاتها

وتمت الباقي ضحك
وكان قصدها
ضاقت ولما استحكمت حلقاتها فرجت وكنت اظنها لاتفرج

بالله واحد كدا اضانو نضيفه يكتب لينا كلمات الاغنيه دي

زول اصلي

ضاقت ولما استحكمت حلقاتها

ضاقت تاني



تسلم

الله يجازي محنكم
الواحد يضحك براه كل ما يقرا حاجة في بوستكم ده... لامن اللي حوله يقولوا ده ما له

في التحوير المقصود في بعض كلمات الاغاني السودانية

اغنية ود الامين

ورا البسمات كتمت دموع
وبكيت من غير تحس بيَا



...كتمت ضراط
وفسيت من غير تحس بيَا

حيدر

كيف الغالي

ياخي ده موضوع عايز ليهو بوست برااااااهو

بالله اعمل واحد مصلح بعنوان

اجتهادات في تحوير الغناء السوداني

وعندنا هنا واحد اسمو يازول يازول بجيبو ليك

اصلو زول غاوي تحوير مثال


حبيبي اغمز وانا اغمز ليك




ابوريــــــــــــم

سلامات كبار

قلت لي


جنون كولومبو

مرقنبو قرنبو

عبده

يا دفعة

ويييينك يا رجل ؟

Quote: وطبعاً الأغنية هي : قول الحقيقة كلمني مالك بي الهجر مألمني .. قوووووووول يا حبيب..

الحقيقة إنو الأغنية تقول: قول "النصيحة" وليس "الحقيقة".

سيف بشير

شكرا على التصحيح


تسلم

العزيز قرجة كيفنك

عليك النبي هسع حيدر موش مجنون رسمي

Quote: ...كتمت ضراط وفسيت من غير تحس بيَا

كتلتني يا حنين بالضحك الله يجازي محنك

في التحوير المقصود في بعض كلمات الاغاني السودانية

في الجنائن وطرف المدائن:



في الانادي وطـرف المـقابـر

يـلا نطـشم طشـمي الصـباح

إن شـربنا بنـشرب مـرايس

إن اكلنا بناكل فطايس

إن عشـقنا بنعشق عـجايز

وفي العجايز الشحم الكبار

في التحوير المقصود في بعض كلمات الاغاني السودانية

أجمل حبيب للروح قلبي إصطفاه ... الخ


أجمل حمار في السوق جدي إشتراهــــــو

وماقادر يشدَو ليه..وليه اسباب جفاهــو



وفي تحوير آخر يقال ان الكورس زعلانين ويشيلو:

ليــه... ماتهــز الضـنب ياحمـارَ

قرجة الحبيب

قريبي مرة جدع عداد الكهرباء في الشارع وطلَـق فاتورة الحكومة بالتلاتة وجاب ليهو جهاز حق طاقة

شمسية ربطو في راس البيت وقام شغَلو ليك وهو فرحان ..ادار موجة الراديو وكان عايز يستمع

لبرنامج (دكان ود البصير) سمع ليك صوت مثل صوت (السَخلة) لاغنية (يا حبيبي قلبي حاب رحلة

بين طيَات السحاب) والسبب كان الكهرباء الواصلة للراديو ضعيفة مثل ضعف احجار البطارية بعد طول

استخدام .. يازول عندو ولد شليق كده كان بيسمع في الاغنية وإفتكر الفنان شاب صغير مثله، بقى

يغني وراهو:

ياحبيبي قلبي حاررررر

رحلة بين طيارات السحاب

ابوه .. المستغَرب للصوت قال ليهو:

ياولدي إنت دي حنان بلوبلو ولا اضاني طرشة

الولد قال ليهو .. لا .. يمكن ده محمد سلاَم

اسمعوا ديل كمان


في الصيف او في الصحيان زورني
يقصد
في الطيف

يابا هي الطلعت وانا كيف خلاصي معاك
يقصد
يابهي الطلعه

Quote: الحقيقة إنو الأغنية تقول: قول "النصيحة" وليس "الحقيقة

والله يا سيف انا جبت الحقيقة دي من وين ما عارف ؟؟؟
يمكن يكون عشان وانا بكتب كنت اردد قول قول قول الحقيقة بتاعت شرحبيل ..
تخريمة :
جيت اكحلها عميتها

الأخ عمر... ولا يهمك.. (it does happen in the best of families)

Quote: في قعدة يحفها جكس من الحلة تقدم ود جيرانا مشاركاً للعريس في حنتو وبي كل ثقة قال حا يقدم اغنية لزينب الحويرص .. دقينا ليهو الإيقاع وهو نظام الود حافظ شديد : بول الحقيقة كلمني مالك بي الهجر مألمني .. بووووووووول يا حبيب ..

لكن، لا أتصور ان يكون "ود جيرانكم" بهذه الضحالة، فإذا إفترضنا أنه لم يتبين مخارج حروف الكلمات جيداً – هذا إذا كان قد استمع للاغنية من مؤدي/ة آخر خلاف الفنانة زينب الحويرص – فأين ذهب "حسه العام" (common sense)؟ خاصة وان المشاركة كانت في مناسبة حضرها كثير من الأصدقاء بغض النظر عن نوع (gender) الحضور. أنا شخصياً أتذكر انني استمعت لهذه الاغنية بصوت الفنانة زينب الحويرص في احد برامج التلفزيون وكان يصاحبها على عزف العود الموسيقار الماحي سليمان، الذي اعتقد أنه من قام بتلحين الاغنية... كانت كلمات الاغنية في غاية الوضوح نطقاً وأداء وتطريباً..

وكمان قامت زينب الحويرص بتسجيلها للتلفزيون في وجود حنان النيل وامال النور وكان يعزف على الأورجن الفنان بدر الدين عجاج ..
اما بالنسبة لي موضوع الضحالة فإنت زي شكلك قايلني ناجر الموضوع من راسي وخصوصاً حكاية إنو في جلسة وعرس وكمية من الاصدقاء ..
لكن يا زول تعال حلتنا واقعد مع الشباب وبعدين بتعرف الحاصل ..
وعموماً كده وللضمان انا بقول ليك السبب الرئيسي في لخبطة الموضوع ..
كان عندنا ود جيرانا كان عامل فيها شاعر وناس الحلة كانوا مكجننو ..
فيوم جا قل ليهم يا شباب انا عملت لي ديوان شعر إسمو :
أقول وارتاح ..
طبعاً شماشرة الحلة قالوا ليهو ياخ ما تقوم تلف كده ..والله انت حقو ديوانك ده تسميهو :
ابول وارتاح ..
ومن حينها بدأ اولاد الحلة بتحريف الأغنية عشان يشاغلوا بيها صاحبنا ده وكل ما يلاقوهو يشبكوهو ليك على سبيل المزاح :
بول النصيحة وكملني مالك بالهجر مألمني وقول يا حبيب..
واحد من شباب الحلة (القام يوم العرس) لقط الأغنية من شباب الحلة وما فاهم الحاصل وكان مفتكر إنو هي أصلاً كده ..
فقام تووووووووشك درعا في الحفلة ..
أها إن شاء الله تكون صدقتني وما تفتكر إني قاعد انجر من راسي ..
تخريمة :
أسة في داعي للتعب ده

now your entire story makes a lot of sense

المعذرة لتعبك يا عمر

غير صالح للنشر

بعدين بالله بى نفس اللحن بتاع:
يا جوهر صدر المحافل
روحى وراك إتلطفيبا

حاول قول:

عرقى العيش سواها فينا
سكّرنا ، ورقّدنا طينة

وفى رواية:
سكرانين ورقدنا طينة

تجد العجب

جاييكم راجع ومعاى (بلاوى)

يازول يا سمح يازين

شكراً على قبول الدعوة

قرجة.. انا مشيت للزول وغمزت ليهو عشان يجي لي هنا لنادي الطمبور بتاعنا ده بناء على إقتراحك

الفوق داك، وطلع بتاع (مرايس) مثلي لكن يبدو لي حا نجيب إغاني الانادي كلها هنا، بيتنا في

عطبر كان جمب (الكمبو)، بنعمل تخريمة عزَ الظهر ونقعد نغني مع سواقين اللواري السفرية الجاية

من الشمالية فيهم الرطانة والشايقية ناس مليانة حكاوي وكمان غنا

بجيك صادي ومعاي بلاويهم

فى صحتك يا حيدر

غنيلى يا كروان وأصدح بفنى
يا ملهم الفنان ، ألهمت فنى

مهلب كان بيسمعها (الهم كتلنى)

وأنا عندما كنتُ صغيراً كنت أسمع "أو حين أراك تختال" أداء عبدالدافع عثمان، كنت أسمعها "أو حين رتختا"... وظللت ردهاً من الزمن أحاول فك طلاسم هذه الـ "رتختا"... ولما طالت حيرتي سألت احد العارفين حينذاك... وأفاد..

من الطرائف أيضاً كان هناك من يحاول تقليد عثمان حسين في اغنية "في هواك يا جميل" فكان يقول "جوز نواح سكراني أو سكرانِ" قاصداً "جوز نواعسك راني"...

Quote: وأنا عندما كنتُ صغيراً كنت أسمع

كنا في ديوان العمدة وكنا صغار حينها ,نلهو ونغني
أذكر من الأغاني أغنية مدلـــــــــــــــــــينا
نغنيها حتي نصل المقطعالشرق أتي والغرب أتي)
كانت تخرج من المجموعةالشرقوته والغربوته)



...................................................................................
عندما وصلت منتصف البوست خلعت النظارة خوفا أن تبللها الدموع.أرجو أن يكون ماكتبته صحيحا.

اصدقائي

هشام وحيدر


مهلب كان بيسمعها (الهم كتلنى)


انت مهلب ده ما تخلي يجي بالدرب

هـاك الفنان المبتدئ دة بغني اغنية ثنائي العاصمة دي كيف:

معـاويـة .. معـاويـة في الدرب الطويل

نحن في اول طريقنا ليه تقول لي شوف بديل


كل الشكر،،

هيثم القوز

هيثم القوز

معاوية معاوية في الدرب الطويل

ثنائي العاصمة بعد انتهو من فاصل

جو مارين جنب واحد مسطول

قال ليهم

عليكم الله ده غنا يغنوهو راجلين ؟

مرة واحد بغنى وابو داود قاعد وراه وهو بغنى كيف الحياة غير نيمك وقاصد ليمك ابو داود قال ليه
صوتك جميل لكن باقى البيت بقول من بعدك اصبح حظى زى لون برسيمك،،،

Quote: فى صحتك يا حيدر

في صحتك يازول كمان وكمان

جايي صادي

ناضمني بلا زعل

ياخي ما تشيلني هم

العرس اصلو قسم...قسم

مو غسب ...لازملو مهل

حبيبي

كب الزوغة ومني جفل




والكورس يشيل


تلقى في بيت الجيران يا وهم

من بعدك اصبح حظى زى لون برسيمك،،،



حباب الموج

واصل يا بحر

جديَ الريل أبوقديمة

تعال (نتعشي في الخيمة)

العزيز صلاح ,,,,,,,,,,,الفنان محمد وردى لمن اول مرة غنى بالعربى اغنيته ياطير يا طائر كان بقول!! يا تير يا تاير !!!

سمعت أنه لاعبي الفريق القومي السوداني زمان كان بيرددوا السلام الجمهوري كالتالي:
.....
.....
يحمل العلبة ويحمي ارضكم
.....
.....
نشتري النجدة باغلي ثمن

ناصر

حلوة جداً (يحمل العلبة) دي

سألوا مرة كابتنهم (للتاكد من إنجليزيته)

طيارة بالانجليزي:

قال سودان ايرويز

الغالي الفنان

الموصلي

دي خطيرة ...كونها لسه موجودة في الاذاعة




الحبيب نصر

نحمل العلبة

نشتري النجدة


تسلم



الحبيب

سيف الدين جبريل

ويتير التير ولا زال العزف مستمرا



حيدر كولومبو

خليك شايت طوالي

النصيحة ديدو ,, البريد الشخ انا بريدو

الشـافع الحلفاوي فنطـوط كدا واول غنية (تلقائـيا)

اتعلما ...(دينك دينك جـرى قدامــك)

دي طبعا ..(نيلك نيلك جـرى قــدامك)

تحوير خليجي لمقطع اغنية:

الشحم ده .... أأي
اللحم ده .... أاي

الشحم هذا.....أي نعم أي نعم
،،،، ،، ،،،،، ،،، ،،،،،

Quote: الشرقوته والغربوته

ياراجل والله خليتني أضحك براي .. دي مبالغة ..
الشرقوته ..والغربوته ..
آريدهم .. جوك يغتغتوك ..
سيروا...
تعرف أنا زمان كنت بسمع غنية عجيبة جدأ ..
البورو بور يني .. البوروبو يحنن
شغل بالي ..
تعرف لمن كبرت وبقيت تفتيحه .. لقيته ليك .
القربو يحنن .. والبعدو يجنن ..
وديع وحنين .. شغل بالي ..
شفته العوجه دي كيف ..
ودي عندنا فيها قصة لطيفه ..
كان في عرس في المربعات عطبرة .. طبعاً عطبرة مشهورة بي إنها مرات بتقوم عليها حالة من التطرف ضد الحفلات .. يعني في عز الحفلة والبهجة تقوم تحسد ليك الناس وتقرر تفرتك الحفلة وبي كل بساطة تشبكهم ليك كتاحة وتراب واليوم داك زودته حبه بعد التراب والكتاحة أدت ليك الناس مطره .
المهم الناس كانوا مصرين يتموا الحفلة دخلوا الحوش وعندهم برنده كبيرة .. شبوكلك غنى
القربوا يحنن .. أبو العروس .. جاهم داخل قال ليهم المطره صابه بدل ماتدعوا شابكننا القربوا يحنن والبعدو يجنن .. الله ينعل ديــــن الهين ولين زاتوا .. الناس كلها ضحكت وقالت ليه ياحاج صلى على النبي ..
تحياتي ،
خالد الأرباب

قرجــــة

بوســـت ظريف جداً . ما نســــمعه و نحن صغار يضحكنا و نحن كبــار

أحد أصدقائي قال كان يســـمع علي إبراهيم " يا حليل كســـلا الوريفــة الشَـــاربة من أوضتي القديمـــة " و الصحيح " الشـــاربة من الطيبة ديمة "
أما أنا فكنت أسمع أحمد المصطفي " يتعبني تعب شديد ... لوح الحلاة " و الصحيح طبعا " لو حلحلهـــا "

إتذكرت

قطـــــار و حلـة يا ناس قطـــار و حلـة

حباب

زوار الخيمة الجدد

الايوبي

الخير

.

الله يجازى محنكم ... قطعتو مصارينا بالضحك !!!

يقال أن الرئيس احمد الميرغنى فى احدى خطبه

حيث قال ( ان الحرب كروفر )

بدلا من ( ان الحرب كر و فر )

الفولانى

الحبيب الفولاني

لك التحية


مشكور على الطلة

حباب الفولاني

كسرت ابريقى والدنا ( رائعة الكاشف)
قرأها احدهم
كسرت ابريق والدنا (يعنى ابونا)
( سمعت هذه من الاخ د احمد طراوة حياه الله حيثما كان)

وقرأ احدهم من قصيدة سال من شعرها الذهب
كرزة حفها العنب
كرزة حفها العنب ( والكاف للتشبيه)

اخي الحبيب

الحاج سالم مصطفى

اشكرك كثيرا ان كانت اولى اسهاماتك في هذا المنبر هي مخصصة لهذا الخيط

واسمح لي ان ارحب بك نيابة عن اعضاء الموقع وارجو ان تجد فيه مساحة طيبة لتقديم مشاركاتك


تسلم

انت من حولي بتمر
انت عارف..
نفسي في شية جمر
سيبني في ضل الجزر

الحبيب

ناصر الحاج

انت من حولي بتمر
انت عارف..
نفسي في شية جمر
سيبني في ضل الجزر

لكن يا ناصر اخوي الجزر بيبيعها نية

garjah


تحياتي
بوست ظريف جداً

أول أمبارح و أنا بسمع في أغنية " يا روحي أنصفني" قالت التي تؤدي الأغنية

" دوبت روحي معاني دغيغة الأوصاف "

أنا طبعاً معروفة ما بفوت الأخطاء دي تقول أستاذ لغة عربية بس لكن و الله غاظتني دي لما سمعتها

الدكتورة

الاخت الغالية

نهـــــــــــى

تحياتي وفرحتي بهذا الطلة الوسيمة

وارجو ان تكون عودة مستمرة بدون انقطاع


والمغنية طلعت دغيغة دغة ...ما حصلت


ولا تحرمينا جمال جياتك

قرجة

فرحان انا بطلتك تاني

بحك راسي الخرب واجيك صادي

هاكم دي
وأنا صغير (بأمانة كدي لحدي الثانوي) كنت بسمع اغنية البلابل
لون المنقة الشايل المنقة
لوري المنقة الشايل لمنقة

واغنية الفلاتية
كملت موية بصري

كنت اسمعها
كملت موية بصلي
الصادق

انت عارف يا الصادق

ليه ما تكون تحريفاتنا دي هي الصاح

يعني المنقة الصاح بشيلوها باللوري موش باللون


والا ما كده


تسلم

هاكم دي
وأنا صغير (بأمانة كدي لحدي الثانوي) كنت بسمع اغنية البلابل
لون المنقة الشايل المنقة
لوري المنقة الشايل لمنقة

واغنية الفلاتية
كملت موية بصري

كنت اسمعها
كملت موية بصلي
الصادق

الاخ قرجه
سلام
تعرف كنت بسمع اغنية الاخ الموصلى
الحجروك على محال الحجر ديه
وكانها
الهجروك على محال الهجر ديه
ومرة سمعت واحده بتتغنى باغنية الراحل سيد خليفه
ارمى الودع حلموه بالعلى ما تكلموه
فكانت تقول
ارمى الودع حلموه ووب على ما تكلموه

اختي مروة

حباب طلتك

ارمى الودع حلموه ووب على ما تكلموه

عندما تبدا الوداعية في الكلام بعد رمي الودع

لاااازم من ووووب علي دي

العزيز قرجة

بوست والله ممتع جدا، بارك الله فيك


تعرف وانا صغير برضو ولغاية هسع بسمع ليك الغني زي ما انا عايز مش زي ما بقولوه ناسو، فكنت بسمع ليك غتية صلاح مصطفى اتمنى في لهفة محب للأستاذ محجوب شريف، كنت بسمعها وبرددها: أتمنى في لفة محب ... شال الصقر... لما الصقر من ايدو طار... ويرحل قطار ويعود قطار...

ومحب ده انا الوقت داك متخيلو محب بتاع المغامرين الخمسة

الريس طارق

عندي راجل خالتي الله يرحمة كان بيحور نفس الاغنية مالك مجافي الناس، كان بيحورها:

مالك مجافي الناس...عايش براك في غرفة... ما نحن ناس جيرانك ادينا حبة في علبة

وعندي خالتي اظنها جابداني، كانت بتغني ليك غنية حمد الريح حمام الوادي: وعارف الجاتو ما شوية

الحبيب

ياسر

أتمنى في لفة محب ... شال الصقر... لما الصقر من ايدو طار... ويرحل قطار ويعود قطار...

يازول كتلتنا من الضحك

صقر بي حالو؟

*