عبد الكريم الامين احمد..رافقتك الســــــــــــــــــــلامه.......

الحبيب الاديب المهندس عبد الكريم الامين احمد..شعلة بورداب الدوحه ..احد الاقلام المتميزه فى هذا المنبر .. ذلك الشاب الخلوق المهذب والممثل بفرقة شتات بالدوحه سيشد الرحال هذه الايام الى ربوع الوطن الحبيب بعد غيبه ليعانق ترابه ويحتضن اهله ويروى اشواقه وحنينه .

هنيئا لك نوم الحيشان الفى السهله والملايات تهبهب.. هنيئا لك شاى الصباح مع الوالده خديجه والاخوت والوالد الامين ومع الجيران..

هنيئا لك وانت تزور الخرطوم ..مدنى .. سنار.. ابونعامه.. كمبو الرى..

الابيض.. المجلــــــــد (غريقه النقره..دينقا ام الديار) جوبا نار مندكوروفى الجيب

سنفتقدك الدوحه مؤقتا يا كيكى .. وبوردابها .. وكذلك شتات المسرحيه

قالو الوصايه فى المهله سلام لكل اهل السودان شرق غرب شمال جنوب محل ما تقبل..

بالله تحيه حاره وعناق احر للولد الجميل يوسف سعد قول ليهو نيفين يتسال منك

وللوصايا بقيه....

كيكي لك الحب
وكل الاماني بالوصول بالســـــلامة
وتجي مليان بالحكايات والونسة الجديدة
وقصص الغلابا والمساكين وأبناء السبيل
كيكي لك المحبة الخالصة والمودة وتمشي وتجي راجع لينا بالســـــــــلامة



والي كل الذين ينتظروا مولد النجوم الزواهر أقول لهم أنتم على موعد مع إفتتاح لم يحدث في هذه الدولة الواعدةوسوف ترون !!!
الإجازة على الابواب نقول لكل المسافرين مع السلامة ومودتي وإحترامي

تمنياتنا له بطيب إقامة وقضاء إجازة سعيدة

اخي حيدر ..
لك الشكر والتحية..
لهذه الكلمات الطيبة...واتمني ان نلتقي معا ذات يومي
فانت اسما وعلما سمعت له منذ الف عام وعام..
وما تقصر مع متولي اللذيذ..

مرحبا بك يا كرومه في السودان وبكل العصافير المهاجرة.جبابك عشرة.

Quote: مرحبا بك يا كرومه في السودان وبكل العصافير المهاجرة.جبابك عشرة

مرحب اخي الاكبر بانقا الياس
نشتاق كثير اليكم والي الوطن
وحتما سنلتقي باذن الله....

صديقي الجميل محمد السني دفع الله..
لا ادري ماذا اقول...ولكن ان اتيح لي ان اقول شيئا..
فاقول لك انني فخورا بصداقتك ايها الزول المبدع المسكون بحب الوطن والدهشة..
وحتما سنعود اليك والي شتات لكي نتعلم منك الابداع..والجمال
لك ولاختي احلام..الف وردة ووردة..

.......
حلاوة العودة غنيناها في موّال..
وبعدين توقيت كويس خالص.. تماماً مع ملمّة البورداب يوم 22

......
ربّنا يكتب السلامه
.......

الاستاذ الجميل السنى.. شكرا لهذه المداخله البتشبهك..

حقا سنفتقد هذا الولد الحكاى وخاصة نحن فى شتات.. لكن عشمنا ان يعود الينا مشبعا بالامانى

والحاكايات السرمديه ..ويكون رد شوقه من والدته واخواته اللائى ينتظرنه بشوق وحنين دافق..

بالسلامه يا كيكى..

حيدر حسن ميرغنى/ سلامات يارائع .. كيفك وكيف ناس كولومبو والله خرمان لى شاى سيلان

تحياتنا وشكرا على المرور..


الفاتح وديدى/ لكن اخترت مقطع جميل يا رائع بس اتمنى انكم تحتفوا وتحتوا هذا الانسان الرائع

خاصة وانه انقطع من السودان فتره.. ماتقصروا ..شكرى الجميل

عميق شكري عزيزي ضحية، لك الجمال، حيث ماتقع عيناك، وقلبك، وخيالك.. وذكراك..

والله، غير قادر على وصف، هذا الذات الإنسانية المسافرة إلى سويداء الوطن..

أحس بالإشفاق على نفسي، وعلى حروفي الباهتة، الكسيرة، الكسيحة، حمال هزيل، هي اللغة حين تقارب
هذا الشخص الملئ، برائحة ما، يعيش بداخله كرنفال من الأنس، والطيبة، والفهم، لا داعي لإحراج اللغة..
ولكن سعيد، من يدخل في هالته، المضيئة، ليل نهار..

فلتقر عين أهلك، واطفالهم، وليفرح الوطن، بأبن غائب، وقد عاد للحيشان البسيطة، والسماء الصافية، والأمهات المعجزات...

تشكر اخي الانسان الاديب عبدالغني كرم الله ..
فلك مني التحايا..والمودة.

سلاما سلام ..اخي وديدي..
اجل انه الوطن..والديار ..ومراتع الصباء
نعود اليها في الاحلام الف مرة ومرة..
ولكن الان,,,سنذهب اليها فعليا ونتحسس بوجداننا صداه الطيب
واهله الكرام..
ويشرفني حضور احتفال البورداب لاعانق الجميع هناك..

إذن على بورداب الدوحة التهيؤ لإنفصال الروح عن جسدهم
ولو إلى حين
رافقتك السلامة
والبنات السمحات

الزميل ضحية : تحياتي :
كرومة : علم وهندسة : وسيكتب بعد عودته الى الدوحة يوميات عائد من الخرطوم : رافقته السلامة

سلامات
وعوافي
ياريس كيفك
..
وهـا الدوحة تتهيأ لتخلع عنها ظلالها الدافئة ...
عبدالكريم ...
وتركت البراح خيمة للشوق ..
سافر مطارات الوداع ضجت قدامك وراك..

اووووووه...

انه اذن ود رملية صديقي اللدود
تاكد با ود رملية بانني سوف اشتاقكم بين كل ثانية والاخري
فانتم عالمي ودوحتي
فلك مني من الود اجزله..

الصديق الجميل فيصل الزبير
تحياتي وشكري لكلمات الوداع..
واصيك بصحبك هاشم كرار وبوست ام المفاجات (محمود محمد طه)
العب مع هاشم (مان تو مان)..وقفل عليه الحجج
والبداليه في الدورات..وليالي حي النجمة..
ولك حق الاستعانة (باماني) فانها حكومة قوية وحاسمة

الله..يا ابوساندرا
فانت روحنا ودمنا..
قف
سازور الديم لاحي مراتع الصباء التي انجبت لنا (ابوساندرا)
ذلك الاخ الاكبر والصديق الخرافي..
والقلب الكبير..
تحياتي لساندرا وماهي و(ماما) شادية

الله يصبركم يا ضحية على فراق هذا الصنديد.
ولكنه سوف يعود وجرابه مليان دوم وحكايات. وغزوات ليلية!
يا كيكى رافقتك السلامة

اديبنا وحبيبنا الراقى /عبد الغنى كرم الله

شكرا على هذه الكلمات الدرر ..فانت صاحب قلم رشيق لا يجارى زى ماقلت انت انا هنا تفضحنى

اللغه.. عشمنا ان يعود كيكى بالسلامه ومعه حاجات كتيره جميله..


ابوساندرا/ نحن لم نهيأ فقط بل اعلنا الحداد .. لان الروح انفصلت عن الجسد منذ ان اعلن

كيكى سفره قبل ما يسافر.


الفنان القدير الممثل / ودرمليه

وينك يا جميل مختفى ..صاحبك كيكى اعلن سفره الذى اشبه بسفر طارق مغص والجاك فى (نص شتات)

لكن لم يظهر حتى الان الساده اصحاب الامانات والوصايا.. (جلكسه) وكراتينه.


العزيز /فيصل الزبير التحيات الخوالد وشكرا على المرور..


عادل عثمان / يا ذاكرة الكاميرا وينك يا راجل يا شفيف الدواخل.. والله صاحبك كيكى قرر يسافر

وقال لازم يصيف فى كمبو الرى مع ناس سوفيت واخرين.. شكرا على الحن الجميل وسلام لى كردفان.

يا سلام يا عادل عثمان ..يا صديقي النبيل..
تعرف يا عادل اجمل الاشياء في هذه الموقع هو التعرف لزول جميل نبيل
في قامتك..
واحس تماما بانني اعرفك منذ الالاف السنوات..وجرت بيننا احداث مشتركة
وعشنا معا بين احبابننا البسطاء وملح ارض الوطن..
حتما ساشتاق لمباراة مداخلاتك والتمتع بها..وسوف اشتاق لبوست
(ONCE UPON TIME) الذي يقراه لي صديقي (هاشم كرار) باصرار شديد
عبر الهاتف..وهوشديد الاعجاب بك وبلغتك العالية ويتمني ان يلتقيك
ذات يوما ما...
لذا انت مطلب رسمي وشعبي في الدوحة..ومستهدف من كل القطاعات

عادل عثمان...
قف!!!
نحن نحبك تماما....

الاخ ضحية..
لك الشكر والتقدير علي هذه الكلمات الطيبة..ولكن لماذا ياخي فانا الان احس
احساس حقيقي بالخجل ازاء هذا الاحتفاء المدهش بوداع شخصي المتواضع..
ولكن اعود واقول اجل انها العودة الي الوطن..الي ربوع عزيزة علي نفسي
تتجول في داخلي دوما..بشخوصها وعبقها وجمال كل اهل السودان من كل الجهات..
واتلهف الان وبداء العد التنازلي لمعانقة اهلي وكل عالمي الجميل..اصدقائي
القدامي ..صديقاتي ..كل الناس الطيبة الذين لم يبرح حبهم قلبي يوما..

الأخ عبد الكريم الامين احمد..رافقتك الســــــــــــــــــــلامه

وتجد الأهل علي أحسن حال وتعود بالسلامة

شكرا الاخ كامل محمد...
واتمني ان القاك بيننا في الدوحة..
حتي يطيب بنا المكان ونتعرف اكثر الي شخصك الجميل

كيكى

ياموطن نقاء وجمال الدواخل يا مواطن سودانى

يا من ترافق السلامة وترفق بها يابهىء من غير تباهى

سوف نتماسك اكتر فى غيابك لانك حبوبتنا التى تهدهدنا كى ننام بسلام

ثم نصحوا على تفقدها لنا

عود ياكيكى و تلقى هنا وهناك فى رجاك ناس بحفظوا الوداد ياوديد



همسة: ضحية قلبى على ود رملية هل يطيق الفراق ولو لحين000

بدرالدين الامير..
رب اخ لك لم تلده امك..
سوف اشتاقك..واشتاق لاشيائك الرائعة واولها موامراتك المحبكة
وروحك الطيبة الجادة المرتبة..
تحياتي
لفائذ وحمزة..
وسوف احط الرحال في (اربجي) لاشكيك لاهلها الكرام ..
وسوف اعانق (لبيد)..واخته..فانهم ابناي..(ولا اقول ليك انهم اخواني)(لمزيد من الدقة)
واسلم علي كل اهل اربجي الكرام..
واقول لهم لقد ارسلتم للوطن رجلا عالي الهمة وشاهق الطموح..

والله يا باشمهندس حاسدك عديل كدة
النبي فوقك لو جيت جنب الامتداد تسلم لي عليه
انت د.صلاح وين غاتس

Quote: والله يا باشمهندس حاسدك عديل كدة النبي فوقك لو جيت جنب الامتداد تسلم لي عليه انت د.صلاح وين غاتس

تشكر دكتور طارق..
الامتداد محطة مهمة من محطات اجازتي..وعندي شلة (وست) لابد من المرور عبرهم
انهم شلة من اصدقائي الجميليين بالقرب من (اجزخانة باببكير)..
ديل اهم الناس ..وعبرهم ساحي لك الامتداد...

الموضوع بقى رسمى

Quote: الموضوع بقى رسمى

اوووووه..الريس الكبير..باشمهندس معتصم..
ايوه الان الامر رسمي..(وانا لازم روح بلاد)..
وسافتقدك ايها الاب الروحي يا باش..واها اي وصاية لاهل (ربك)..

كيكى

فى اربجى حاتعرف من مهاد بنتى انها صديقة شخصية لنفين مورس وسوف تجد لديها صور خاصة لها

ماهى برضو بكاية زى عمها كيكى وللدقة عمها الاكبر

يا بدر
مهاد اكيد بعد السنين الجميلة وسط هديل قماري الجزيرة
ووصوت ماء النيل عندما يعبر بالقرب من اربجي
ودعاش صباحات الحقول ..ورنين النوبة الاربجية
بتكون نست (نفيين)..
وانا ذاتي نفيين موريس دي حدها معاي (ابوسمرة)
لانو صوتها بعمل لي زغللة وانا زول ماشي بالبر
اقوم اخش لي في(لوري) ساكت..

تخريمة ..
قد تكون نيفبن ضمن اجندة كثيرة مهمة في الجلسة الاولي مع (قوبي) فكي كمبو الري..

عبد الكريم

سلامات

ويا بختك,وان شاء الله تلقى السودان افضل مما تركته.

وناس ضحيه ليهم الله.

بالله احتفال ناس سودانيز اون لاين عايزنك تلحقوا وما تنسى لمسات الهامش.

لك الود.

تراجي.

كيكى ياصاحبى ياخى انا بضحك معاك

فى داعى لاسلحة الدمار الشامل وفكى قوبى

وياسيدى انت الاخ الاصغر لمهاد ولبيد وغسان


همسة: الابن كيكى عندى زوارة لفكى قوبى ممكن توصلها له معاك

اوووووه
تراجي الرهيبة..
لك امتنناني وشكري العميق
والمهمشين سنكون معهم في كل الاوقات
وسنرتوي من عالمهم الجميل..
واتمني حضور برامج البورداب
لك الشكر وابقي عشرة

Quote: كيكى ياصاحبى ياخى انا بضحك معاك فى داعى لاسلحة الدمار الشامل وفكى قوبى وياسيدى انت الاخ الاصغر لمهاد ولبيد وغسان همسة: الابن كيكى عندى زوارة لفكى قوبى ممكن توصلها له معاك

تخاف يا عباس..ما قلتوا نوبة..
كلام اول ما بتحول..ولك ان توسط (عماد عبدالله)..و(صلاح عبدالله)..
..,(الفكي ابوساندرا)..

وبعد داك مفروض اقراء (الروووووووب)..قبل سفري بعدة ايام

كرومة ..
يا طعم الدوحة .

أكره الوداعات ..
و أكثر أكره البتر المؤقت للنبض ..
و كثيرا أكره الخواء ..
وأظنني سأمر بمراحل ( الردة ) هذه في غيابك
( غفر الله لك يا صاحبي )
.. سأخدر موضع كيكي في القلب بالجلوس إلى أصدقائي في الكمبو..
نعاقر سيرتك ..
فنثمل .. قدر ما الله أدانا.
و نرقب أوبتك بغنيمة
( أوليست غنيمة رائحة الوطن تعلق في الحشا ؟؟ .. )

يبرد حشاك يا صاحبي الذي أحب .
و تتبارك شقيش ما تقبل يا كريم ..

همسة للدوحة :
يا غانية .. ها يهجرك الطنبارة واحدا واحدا .. ( يوسف سعد .. كرومة ) .. ينسلون من تحت أثوابك و روائحك و مفاتنك الشهوة .
وبوصلة الحبيبة ( تمغنط ) نبضهم ..
يستقبلون قبلتهم الأولى .. وحبلهم السري ( الوطن ) .
البلد التي تنام هناك و تصحو وفي قلبها: ( أحي يا وليدي .. يا حليلك ) .
لا عزاء لك إذن ..
سيضاجعك الحزن .. و الوحدة
ريثما عودة .

كــيــكي ..

أصدق أمنياتي لك بقضاء إجازة سعيدة بالسودان ..
وشكلك كده الإجازة دي ح ( تمدهــــا ) لأنه شايف ( لفتـــك ) طويلة ..
حاسدك عدييييييييييل كده ..
العقاب بنحرسو ليك ( تب ) وسأسجل كل المؤامرات التي ستحاك في غيابك خاصة من جهة (عمك الكبير ) وإنت عارفو براك ..
أتمنى ان تجد الاهل جميعاً بخير ، وسنفتقدك ، وستفقد الدوحة أحد أركانها الأساسية لفترة قصيرة ، ثم يعود بعدها الفارس (كيكي) محملاً بحكايا جديدة ، وسرد أكثر امتاعاً ، وذاكرة تصويرية ( ماشاء الله ) ..
أحكي لنا ، كيف أصبح أهل الكمبو ، والى أين وصلت جوبا بنيرانها ، وماذا حلّ بالخرطوم بعد الأحداث الكبيرة التي مرت بها ، هل ما زالت كما هي أم أن تجاعيدها قد زادت ..
كيف هم الشماشة ، وستات الشاي ، والفول والتسالي ، والموظفين والدكاكين والباعة المتجولون ..وووووووووو... وحركة نص البلد في أوقات اليوم المختلفة ، متى تهدأ مدن السودان التي ستزورها مساء .. ما تخلي حاجة ، سجل كل ما يقع عليه بصرك ، وتعال متعنا بحكيك الممتع ..
( ما تطول الغيبة ) كما قال محمود تاور ..
كل طائر مرتحل عبر البحر قاصد الأهل حملتو أشواقي الدفيقة .( عثمان حسين + حسين بازرعة) ..
وها أنذا أحملك أشواقي لكل البلد ، من أقصاها الى أقصاها .. وعليك التبليغ ..

رافقتك السلامة يا صديقي .. وإجازة ممتعة ..

صلاح عبدالله

كيكى الروب للارباب فكينا السمح قوبى

وكان انت شايف الرجرجة والدهماء لهم مثل علم وسماحة فكى قوبى انت بطريقتك مع الفكى

لكن انا باخد الامر من فكى قوبى حتى لو قال 0000000

شكرا صديقي واخي ابو صلاح.
وطبعا ما داير وصية عليك الله(مان تومان)..بالذات مع صحبك(الجلكين داك).وسجل
لي اي حركة..(حركاتهم دي يسوها لزول صحبو ما عندو هديدة)..
وبعدين خروف عماد لو فاتني..(حقي انشاءالله تخزنوا لاخوك شرموط)..انشاء الله بجيه راجع..
سازور مدن كثيرة واتمتع بجمال اهلها..وبجيك يا ابوصلاح
لك شكري وتحياتي..

Quote: كيكى الروب للارباب فكينا السمح قوبى

كده انت سماح وبراءة..لكن والله تا الله..اي حركة كده ولا كده
جماعتي والقروب بتاعي قاعدين..واي تلفون من عماد عبدالله..اوابوصلاح
او معاوية الطيب..طوالي بباصي الملف للخطير قوبي..!!!!!!!!!!

Quote: كرومة .. يا طعم الدوحة . أكره الوداعات .. و أكثر أكره البتر المؤقت للنبض .. و كثيرا أكره الخواء .. وأظنني سأمر بمراحل ( الردة ) هذه في غيابك ( غفر الله لك يا صاحبي ) .. سأخدر موضع كيكي في القلب بالجلوس إلى أصدقائي في الكمبو.. نعاقر سيرتك .. فنثمل .. قدر ما الله أدانا. و نرقب أوبتك بغنيمة ( أوليست غنيمة رائحة الوطن تعلق في الحشا ؟؟ .. ) يبرد حشاك يا صاحبي الذي أحب . و تتبارك شقيش ما تقبل يا كريم .. همسة للدوحة : يا غانية .. ها يهجرك الطنبارة واحدا واحدا .. ( يوسف سعد .. كرومة ) .. ينسلون من تحت أثوابك و روائحك و مفاتنك الشهوة . وبوصلة الحبيبة ( تمغنط ) نبضهم .. يستقبلون قبلتهم الأولى .. وحبلهم السري ( الوطن ) . البلد التي تنام هناك و تصحو وفي قلبها: ( أحي يا وليدي .. يا حليلك ) . لا عزاء لك إذن .. سيضاجعك الحزن .. و الوحدة ريثما عودة .

اوهههههه
انه اذن عماد
تدري ياعماد ستشدني الي الدوحة حبال ابداعك وجمال روحك
والدهشة..
شيخي النبيل.
انت من علمنا معاني الجمال في هذه الغربة.ويذكرنا دوما بذلك الوطن
الذي انجب العديد من اهل الدهشة وانت شيخهم جميعا..
دمت ايها النبيل,,وحتما سنلتقي...

كيكى انت بس ختينى سيدى فكى قوبى

لكن اولاد عبدالله امرهم ساهل عندى هراشين

واحد بخاف من مرتو والتانى بخاف من بنتو

Quote: كيكى انت بس ختينى سيدى فكى قوبى لكن اولاد عبدالله امرهم ساهل عندى هراشين واحد بخاف من مرتو والتانى بخاف من بنتو

عشان نخطيك من النووي (قوبي) لازم تورينا البخاف من مرتو (منو)
والبخاف من (بتو) منو في اولاد عبدالله..يعني لازم تخليك واضج..

(ازر وايس).. الملف الخطير.(سيدا) من يدي دي ليد النووي( قوبي) ومعاهو جلابية
وفتيل ريحة..وبياض مفتوح كمان

اخي ضحية لك كل الشكر
كريم لما ترجع بالسلامة محملا باقاصيص وحكاوي الاجازة ماتحرمنا منها
اتمني لك اجازة سعيدة وماتنسي تمشي محل لذيذ وامواج وتورينا رايك
تحياتي لجميع الاهل

يا ود يا خائن........ما قلنا سنغافورا........او تجي عمره.....المهم كاويق في ام بده.....والبيسال ما بيتوه.....تحيات خاصة للسماني والتجاني..والنجمي الطيب سكر......ولعمنا احمد الحاج واولاده

صديقي..وفردتي متولي..
سلامات..وباي باي يافردة..
ابقي عشرة علي البوست بتاع البتاع..واخوك ح يجيب ليك صنف نكات اصلي
من المصنع زاتو..
بس لازم البوست يكون فوق ,,ايها النبيل,,
دمت وطبت يا متولي يا بعضا منا..
بزور امواج وبشوف الحاصل شنو وبيدك هلو..

عزيزي هواري حمدان هجو..
ياخي والله الواحد خجلان منك عديل,,لكن تقول شنو..
طبعا سنغفورة عامل الزمن مهم..والاجازة (قصيرة),,
ولكن الايام بيننا...
التحايا ستصل الي الجميع وكاويق ..بلم ليك فيها ..بلم ليك فيها..
ورث الشلك كمان...وابراهيم كويعة..وبخيت علي طه..وامين كدالو..

الاخ الغالى عبد الكريم ...

تمشى وتجى بالسلامه ... وزى ما قالو القبالى ...يا بختك...

ماشى لى موية النيل .. وصوت القمارى .. وضل النيم .. وريحة الدعاش ..والقبلى شال!!!

اطرانا ... وسلم لينا على القريب والبعيد .. ابدا السلام من جمارك مطار الخرطوم !!!

ويالله تكون لينا عوده...

اختي الغالية..وزميلتي العزيزة
رندة حاتم..
حضورك الباهي الطاغي زين مراسم وداعي بغناء الاخوة والدهشة..
شوقي العالي الي ذلك الوطن الجميل يجعلني افتت روحي علي
كل ترابه لكل ارتوي من عبق الوطن.عبق الاهل_وفخامة النيل_ وكل الاشياء الرائعة في بلادي..
تشكري وحتما سنلتقي.....

سلامات
وعوافي
ياخلاصة الخير الفني الناس
ترياق الزمن المتعافي
...
هذا الولد يشبه شاي الصباح ..وريحة جبنة الضهرية ..
رامينا في درب الشوق مالك ....
سافر ياكرومة .. وونتف ريش الدريبات الوليفة.. وقبًل بنوت الشارع .. قبلن بالنظرات العالية ... ستات الشاية والتسالي ... شوارع الفريق وعمدان المحبة العتيقة ... اولاد الحي (كمبلت - ودس دس (دسوسية) - ونط الحبل - ) .. النسوان متلمات في ضحي الفريق والبن دخانو عالك في السما .. الكمسنجية ... والكماسرة .. والذين يتبادلون التحايا وارقام الهواتف النقالة بي شباك الحافلة .. الذين يمشون في الزلط ويتضاحكون وكانهم في نزهة نيلية ... كورنات الفريق في عصير بارد والحجاج محولقين في الضُمنة .. ودكان الفريق (كل دكان في كل فريق يساوي دكان ودالبصير) يناقشون قضايا الفساد ويكشفون لغزلان الحي بي تحت تحت ...
سلم علي دفاع وسوق المجلد ابجاهين وعلي العريبي وناس عرديبا وترجوك ودوانكي الحامية ..
سلم علي شوارع الخرتوم شارع شارع ..
ياخي مشتاقين والله العظيم ...

ياااااااه
انت اذن ودرملية...احدي هداية الرب في هذا الزمن القاسي..
ان تصادق انسان بقامة ودرملية انه اذن الخلود..
شاعر ومثقف ومسرحي بتفنن في الدراما..
ودرملية يذكرني دوما بالنبلاء العظام في اروبا القديمة..
وايضا يذكرني بالعظماء من ابناء وطني. روحه الشفيفة تخفي في داحلها شفافية
عالية وانسانية بها (روح القدس)..
ساسافر يا دوملية
واعانق كل بلادي واحدثهم بشوقك العالي..
سابداء من عمال المواني والحماليين واشاركهم عطاءهم وبساطتهم الحميمة
واتبادل معهم (نخب التمباك)..
وسامتلي مرة اخري من عبق الشارع وروحه واحدثهم عن ملهمهم(ودالرملية) واخريين
في الدوحة هنا..جمعتنا بهم حبهم للوطن وكل اشياءه الجميلة..
ستصل تحياتك ناس ابوجاهين ..وستكون انت محور حديثنا...
لك الشكر اخي عبدالرحيم علي (هكذا) اطراء.و ابقوا عشرة
علي كوخ الجمال والاخاء والابداع الذي يجمعنا هنا في الدوحة..

ألاخ صاحب البوست
والعظماء بورداب الدوحة
اسمحوا لى بهذه الاطلالة لتحية ولدنا كيكى
وهذا بعض مماكتبته فى بوست الهندسة والمعمار انقله لكم للفائدة

ياكيكى شايفك بقيت على سفر ومااديتنى خبر
ان بقيت على وعدك وح تغشانا فى جدة جيب لى معاك شوية غاز ونشرة اخبار من الجزيرة وزى اربعة خمسة امتار مربعة من سماوات الدوحة المعطرات باقى مافى حاجة فى قطر غيرهم
وان بقيت ماشى بفوق لينا تصحبك السلامة وسلم لينا على العقاب
شايف ناس الدوحة عاملين ليك بوست وداع يااخى الناس ديل طيبين اوى
كاتبين فيك كلام لم يقال فى جابراييل جارسيا ماركيز
غايتو ماعارف الناس ديل سحرتهم كيف .. انت كيكى الزمان زاتو ولا المساحة كانت ظالماك
عجبى والله ...
ومكانك سوف يظل شاغرا فى البورد لحين عودتك لانه لايوجد من يضاهيك فى الرواشة واللقافة
وانا فى انتظار ردك

اخوك احمد التجانى

اووووووووووه
احمد تجاني...انت يا زول الجابك الدوحة شنو..
والله يا ابوصلعة مالك علينا ياخي
الناس ديل روحنا ودمنا..
وانت والله زول بتاع لخبطة ولوجيت الدوحة ح نضمك ليتم (ودالرملية وضحية وريسك ح يكون زول اسمو
بدرالدين الامير)...
انت عارف لو ما المساحة دي..وصداقتكم دي الواحد كان ختا اللفاقة والرواشة دي
وبقي زول (سيدا)..
عموما حا اجيب ليك من الدوحة عبق الجمال السوداني وروح الاصدقاء الجميليين
والحلوييين..
اسمع عليك الله انتظرني في (باب شريف).
كيكي جاي ..جاي لكن يوم السبت...
سوف اتصل بيك قبل السفر يازول بطل اللقافة دي..

رافقتك السلامة ياكيكى ياصاحب القلم
الانيق والخيال (الجامح جدا ) ..والمفردة
التى تصور الشخوص وتجعلهم حضور بكل تفاصليهم ..

رحلة سعيدة فى ربوع الوطن وايام جميلة
بين العشيرة والاصدقاء ..وعودا حميدا بأذن الله

ودى لك ...

شكرا الحبيب محمد عبدالرحمن
ولك تحياتي ايها الشهم الاصيل ..انت عارف الواحد لمن يلاقيك بحس بحنين خاص
لمكان جميل عبرنا عبره سويا..ويتاكد تماما كم هي جميلة روح ذلك المكان..
فلتواصل في بوست (كوسو) لدعم الشباب حتي يحرزوا (السيوبر هاتريك)..
اسمع سامر علي اربجي لكي احي مراتع صباكم
وعليك الله توريني (القرعي)...
لك تحياتي واشواقي
اخوك كريم

ضحيه الفريد.. كيف حالك أخى الغالى

جميل أن نحتفى بوداع هذاالكريم(ودالامين)

البارع.. أها يا كريم.. وانت ماشى لى بلد الحيشان..

وبيوت الضيفان.. وناس عشا البايتات.. وأهل الحاره..

والملمات.. وناس القلوب العامره... بلد الخريف والمطر

وريحة الدعاش.. وعناقريب مفرشه بره..وأهل متقالدين ..

وبرش مفروش بره جنب خشم الباب..وناس الله والجيران والحله.

أها وصيه فى الذمه.. سلام شديد..وتحاياما ليها حد..ومعانقه

حاره لى كل أهل(كمبوالرى)... سلام لى أخونا المناضل(سوفيت)

ولى(أحمد ننق)..والعم(أحمدكنيش)..وماتنساأخواتى العزيزات

(بليه)..و(جوك)..و(حواء ليمون)...سلام لى دبله..وأبوالليل

وزينب خوجلى..وتحيه خاصه لى (عمك كوى) وبتو الجميله فطومه

و(كاويك) سار الليل.. وعلى ودأب سلس والعكر..ولى كل أهلنا

فى(الكمبو الجميل) حتى ناس الجنكو..و(جنكوعوضيه)..أهدى لهم

جميعاهذه القصيده المتواضعه:

أمنيات غير مستحيله
....................

أريتنى لو أنا كنت غابه

بتحمل أقوات....الغلابه..

أوكنت فوق الصيف سحابه

بتمسح أحزان.... الكآبه..

أو كنت حاجه.... بتشدو

جوه غنا ....الربابه

تخلص الناس ....من عذابه..

أريتنى لوأنا.. كنت نسمه

بتسرى فوق .. قمم الرحابه

وتشيل من .. الايام صعابا..

أو كنت ...........بسمه

ترجع الروح .......لى شبابا..

أو كنت ...نغمه على وتر

ما أصلو زول..فى الدنياجابا..

أوفكره ... رائعه

على صدور ...ماانسده بابا..

أريتنى ... لو أنا كنت

يمه ... وكنت يابا..

للمرابطين فى متاهات الخرابه

وللنفوس التايهه فى زمن الحرابه..

أريتنى لوأحرف مضيئه على الكتابه

بتكسر أقلام............الرتابه..

وترجع أوقاتناالعظيمه من اغترابا..

وتبقى واحات.............. للبشر

تبقى للوادى.............. النهر

تبقى للعطشان............. مطر

تبقى للضهبان............. شجر

تبقى للمشتاق............. سفر

تبقى للبستان............. ثمر

تبقى للاغصان.............. زهر

وتبقى للاطفال..حكاوى مع السحر..

تبقى.................. الشمش

تبقى.................. القمر

تبقى..................الشروق

تبقى...................الفجر

تبقى الظلال........عز الضهر..

تبقى المدارس....... والحقول

تبقى المزارع....... والنخيل

تبقى الرواح ....تبقى المقيل..

تبقى الهنا .... وتبقى الغنا

وتبقى المنى.... الما مستحيل

..............

أخى عبدالكريم..تصحبك السلامه والامانى الطيبه.. كنت أتمنى أن

تشهد معى وأنت بالدوحه( لبوست حار جدا) لمجموعة مقالات باسم.....

(مشاهد خلف الرؤى)..أرجوأن تكون حاضرا معى.. متابعتك تهمنى جدا..

وحتى لا أنسى أشكرك جدا على تزكيتك لى ببوست(ضيف على الهواء)..

ألف تحيه ليكم...... مامون أحمد ابراهيم

اوووووه
اخي وصديقي مامون احمد
تعجز الكلمات..وتقف حائرة في هذة اللحظة
ولكن كل الذي ادريه انني مكنا لك بشكر يصعب وصفه ومحبة عالية
وستصل تحياك لكل اهل البلد..وكل اصدقائك البسطاء في (كمبو الري)
وساحدثهم (بمامون) الذي احتفي عاليا حبا لهم وانحيازا لقضياهم وغني من البعد
من الملهم (منضرة)..وغازل كاويك بكل براءة وحب كبير..وارتشف شاي الرضية من البعد
وهزم ليالي الغربة وهو يستدعي كورال (الجنقو) عندما يعودون من الحصاد
فرحين كاسبين مالا من عرق جبينهم يغيهم الفقر والعوز والجوع
مرة اخري شكرا اخي وحبيبي مامون..وسلامي للاسرة ولصديقي
الفنان المهذب صلاح (فالولة)....

كيكى
مرحبتين بيك بالخرطوم
والحرارة المودعنك بيها ناس الدوحة
حتلقى مننا احر منها بس لما تجى ما تعمل زى المغتربين وتتختفى وما تظهر الا وانت مسافر
نتوقع تلفون بمجرد وصولك 912347755

مرحب ومرحبتين
المهندس ابوبكر عثمان..
كيف لي ان اتجاوز التاريخ وكل الاصدقاء الرائعيين
فانا في شوق كبير لمعانقتكم والجلوس سويا في ساحة الريفيراء
والتمتتع بالزكريات والارتواء من حنين الاصدقاء الخلص..
تحياتي لكم جميعا وسوف اتربصكم حتي اعرف متي تتجتمون في الريفييراء

الرجاء افادتي بمواعيد جلستكم الشهرية..لاني زول اقاليم ساكت..

الجلسة الشهرية هى فى الجمعة الاخيرة من كل شهر من الساعة السابعة والنصف وحتى الحادية عشر مساء
فى هذا الشهر يعنى حتكون يوم 30 يونيو ولابد ان التقيك قبلها لانى فى هذا التاريخ سأكون بالدوحة ان شاء الله

مرحب ابوبكر..
حليلك وحليل شنطتك العجيبة ديك..
مجرد وصولي ح اتصل بيك باذن الله
المواعيد دي مناسبة تماما وانا بكون في الموعد مع بقية الشباب
..مرحب بيك في الدوحة
وضروري تلاقي الاخوان البورداب مش تلبد لي مع صحبك (عجبان) في مدينة خليفة..

سفرك بكرة قالو

يا ناس مالكم ومالو


قشة ما تعر ليك واشارتك خضراء زي الكتاب الاخضر


يلا فرتق زي ما قال ابندرق

Quote: قشة ما تعر ليك واشارتك خضراء زي الكتاب الاخضر يلا فرتق زي ما قال ابندرق

كويس يا خليل ارجاني..
انا حسي بدق ليك في النوية ..وبوزع شربات بهناك في اليوم الحار بهناك..
والليلة طريتني ابندرق..ده زول لذيذ خلاص..

تعرف الزول ده قصتو طبعا لذيذة خلاص..
مرة ضرب لي تلفون زي الساعة 12 نص النهار وقال لي (ياكريم) تعال عندك امانة
عندي تعال شيلها..ولازم تجي ولو ما جيت انا بزعل منك..
قلت ليه خلاص انا بجي المغرب..
اها مع المغرب كده مشيت ليهو في بيت العزابة..لقيتو (نايم) ولمن شافني قام صحي
وكان (طاشم) شديد..
وهو راقد في السرير..بيقول لي يا زول انت الجابك شنو..وداير شنو..ياجن..
قلت ليهو يا درق انت مش اتصلت بي وقلت لي تعال..
قال لي يا زول فرتق..فرتق ياجن
فرتق..يا....فرتق
الله يا ابندرق..مالك يازول..
قال لي انا ما بعرفك انت ذاتك منو..فرتق يا زول فرتتتتتتق..فرتق ياجن..
(طبعا مع العلم انو زول صحبي شديد..بس من ما يطشم بكجني كجين شديد)
لك التحية صديقي ابندرق..
وياهو مفرتقين..ياخلو؟؟

كرومة يا رائع

Quote: الامتداد محطة مهمة من محطات اجازتي..وعندي شلة (وست) لابد من المرور عبرهم انهم شلة من اصدقائي الجميلين بالقرب من (بقالة بابكير)

انا في انتظارك يا طاير علي داري
وصل رسايل يا طاير وطن البشاير
وافرد جناحك يا طاير علي داري

قبال تعود لازم تروح من تاني مرة
ما تنسي زول في الحلة إلا
تسلم عليهو وتبوس ايديه

ونحن متأكدون بأنك ستترك أريجا وعبقا طيبا في كل مكان تحل به

مع صادق أمنياتنا بإجازة هانئة سعيدة

الجميل..صديق حمدتو
رفيق الليل والغني الطاعم
سلام..
حضورك البهي زادالمكان بعبق الدهشة والفرح..
وابقي عشرة علي تيتا ومتولي والجمري وخليل..وواصلو الدهشة والامتاع
شكرا حمدتو..شكرا

اذن
آن الاوان لآن ابحث عن
فضاء ادس فيهو ورطه غيابك
التي يصعب احتمالها,,,
ساتجه غربا لاجد مكانا آخر
ينسيني كيكي,,,

ولن يدوم غيابك كثيرا عنا لانك تعلم ماذا تعني لنا
صاح مش؟؟؟

تعال محملا به لتعلمنا كيف نكون به
وجيب لي معاك من هناك
نبق
دوم
جبنه بيضاء
وواحده مضفره
وشيه من سوق الناقه
وحبيبه مصنوعه من حليب امي...
و
و
و
و

لفيصل عباس طعم اخر
صوفي جميل..وعطيل كابح جماحه..وشاعر لكنه بخيل بجمال شعره..
في منزل يعج بالمغتربين العزابة ذات مساء ما في هذه الدوحة
مر فيصل عباس بهذه المجموعة النبيلة المشاغبة..
ومنذ ذلك اليوم..والي الان..لم يمر صباح ويرن جرسه واورن جرس هاتفي
لنناقش اشياء شتي..علامتهم المميزة الادب..والشعر
والحديث عن مدن المستحيل وعثمان بشري..وكان كان العوام الذي مات مرتين...
وايضا هنالك حديثا يشابه كتابات (محسن خالد)..
فيصل لك التحية
ولك من الوطن احاديثا واحاديث نغزي بها تلك التلفونات الصباحية..
وامسك الخشب,,,

الاخ الحبيب كرومة

مسافر وين مخلينا

لكنها الحمد لله سفرة للاهل والحبايب والحوش الكبير

تحياتى وسلامى لكل من تودهم ومن تلقاهم فى رحلتك

الى الوطن

لو لاقيت فتاح ( الكج ) كبر اللفة لانو بجيب ليك الهوا

تمشى وتجى بالسلامة

حبيبي واخي تيتا..
سلام ياصديق والف شكر..
وبركة بالشوفة والطلة والله
ايوه مسافر ولكن ما بخليكم يا اصدقائي واحبائي..ولنا عودة لواراد الله..

تخريمة..
شد سلك للجك.وحنفية عشان ما يعملوا مع صحبك عنكبة يدقسوا ..
تسلم تيتاوي فحتما سنلتقي

كريم يا كريم!
أودعتني الغربة وتهم بالعودة؟؟
سوف أوفق أوضاعي وأقص اترك خطوة خطوة
حاملة على رأسي تاج صداقتك الجميلة
يضيء دروب قادمة الينا
سلم لي على بنياتي وغنيماتي وبقيراتي
وعلى كل هديدة في المنتقة
على حمدة وكليتيمة وكل ست شاي في المنتقة
حدا ترب اليهود
سلم على أمير مارسدس
وعمو أبكر
ودكان مصطفى
بعدين اوقف اندك
سعادتي شدو في حالى الصفاء
وخالتو شادية في ساعات العنكبة
حتى أسأل العنبة الرامية في بيتنا

انا عكس المودعين

اتلهف لمقادرتك الدوحه
لكى
تهطل
علينا
هنا
فى
السودان

ولكى ترد لى شيئا من انفاسى وسعادتى

اوصلك الله واميرتك الجميله بسلام لكى نبل الشوق



راجيك

ماتنسى شىء من رحيق احبابى

رافقتك السلامة ولو سمحت ظروفك انا اطلب كتاب الشيخ بابكر بدري

ثلاثة اجزاء اسم الكتاب حياتي عنواني بطرف بكري ابو بكر

او الدوحة عادل سعيد ابو جقادو

رافقتك السلامة ولو جيت علي مدني قول سلام بيتنا محطة البلابل

اركويت مدني ليس الخرطوم يفتقدك المنبر ان شاء الله قدمك ل ابو

ابراهيم نتمني ان تكون خطاويك محفوفة بالسلام والطمائنينة

ودعناك الله

مرحب الاخ صبري الشريف..
ولك الشكر والتقدير
وساخذ عنوانك البريدي من عادل ابوجقادو وباذن الله سيكون
طلبك مقضي,,فانت تامر يا اخي العزيز
لك الشكر والتقدير..

اوووووووووه
شادية عبد المنعم..
شكر لك مني احلي التحايا...
واشتاق ان اسلم علي (ليم) ذلك الاسم الخرافي
لاري في عينيها نضال وثقافة امها المعطا
لك والود الكثير...

الجميل عبدالكريم

أعلم أن الدوحة سترفع بعض فتنتها لحين عودتكم الميمونة، وسلوانا انك ستكون برفقة البلد، وننتظر حكايا وحكايا الهامش والكمبو الذي أصبح برقعة المليون إلا قليلا.

العزيز ضحية

لماذا استعجل الود عبد الكريم الذهاب للعمرة

وكما تعلم الذهاب للعمرة والحج من المراحل الاخيرة

وبعدها نذهب للعلاج بالاردن وبعدها نذهب للمقابر احمد شرفي


المهم سيزور مكة شخص من كمبو الري وصديق مقرب للمهمشين


ومن مكة سيذهب للسودان غانما سالما بسيارته الجديدة

واطلقنا دعوات كبيرة بالسودان لاستقباله

وانشاء الله يوصل بالسلامة بدون عناء

Quote: الجميل عبدالكريم أعلم أن الدوحة سترفع بعض فتنتها لحين عودتكم الميمونة، وسلوانا انك ستكون برفقة البلد، وننتظر حكايا وحكايا الهامش والكمبو الذي أصبح برقعة المليون إلا قليلا.

مرحب باخي الغالي نادوس..
ولك التحية ايها النبيل..وستظل الدوحة محمية بجمالك ونبلك وسودانيتك الطاغية
لك من الشكر اجزله..وتحياتي للجميع..

Quote: العزيز ضحية لماذا استعجل الود عبد الكريم الذهاب للعمرة وكما تعلم الذهاب للعمرة والحج من المراحل الاخيرة وبعدها نذهب للعلاج بالاردن وبعدها نذهب للمقابر احمد شرفي

شنو يا خليل خشمك فوقو (التمباك)..عايز تجيب خبري مالك يا زول..السنة دي
مجاورين كوسا للرحمة والغفران وحبا في الرسول..
ما تخاف بجيب ليك (موية) زمزم..تغسل بيها راسك الماكن ده..وبشحد
ربنا يديك بت الحلال عشان تبطل (المقابضة) ...ويخليك تخت الكورة في الوطة
وتبطل الزوغان من المنبر...
وتسلم يا وريف وبيناتنا ورافة قادمة(او كما قال صحبك)

Quote: انا عكس المودعين اتلهف لمقادرتك الدوحه لكى تهطل علينا هنا فى السودان ولكى ترد لى شيئا من انفاسى وسعادتى اوصلك الله واميرتك الجميله بسلام لكى نبل الشوق راجيك ماتنسى شىء من رحيق احبابى

حبابك يوسف سعد صديقي واخي الصغير..
اديها صنة ..بس مسافة السكة..وباذن الله نلتقي..
تحياتي لصديقي الاصغر( سارية)

Kiki:

I wish you a safe travel, an enjoyable vacaton
and best regards to your family all over sudan

and thanks Dahia

كيكى : المفارق عينه قويه

شكرا الاخ عمر بوب
ولك من الشكر اجزله اخي .. المهندس بوب