ملخص ما سبق: لكم حبي جميعاً ...

http://بالعديل و الزين..جعفر بشير.. (( يفوز)) بنضال حس...مة لبورداب الخرطوم)

http://ختتى فى كشف زواج العزيز جعفر بشير / ابوآمنه.


شكرا لجميع من في المنبر ...
ولكل الذين هنأوا في البورد والذين شاركوا بالحضور والذين اتصلوا واضافوا بعدا آخر لاحتفال الزواج ...
كما لايفوتني الشكر الخاص للعزيزة سناء خالد والأخ خالد كودي لافرادهم بوست للتهنئة ولكل الذين ارادوا فعل ذلك ...
وتحية خاصة لكم من نضال حسن حسين التي قرأت كل حروفكم الجميلة ووصفتها بأنها اجمل هدايا الزواج ...


العزيز بكري ابوبكر: شكرا لكل هذا الجمال بما فيه أهل الوطن الافتراضي والاغاني والورود.
الخالة doma : لم اتمني وجودك في المنبر كما تمنيت في ذلك اليوم ... شكرا لك كم اسعدتني
الجندرية: لم اتمني غياب احد (لطول اللسان) مثلما تمنيت غيابك ... شكرا لك لانك خيبت ظني واسعدتني.
بورداب الخرطوم: الله يخليكم .
حسين ملاسي: وجودك وبقية الشباب كان عرسا آخر ... لك ولهم كل حبي ...
خالد كودي وندي علي: ختتك مقبولة لكن مسالة (واستعين ببعض اصحابك من الكلمنجية ليشتغلوا على رمزية المهر فيما يتعلق بالأمر الكمى) … ما بتحلني مع عروس زي دي تقعد تغالطك في تحديد مفهوم مصطلح الرمزية للسنة الجاية …
maia لما عاينت للبروفايل عشان اشوف دي منو زميلة الدراسة الجديدة معانا في المنبر وبتسال مني لما كنا برالمة لقيت عدد البوستات 1115 يعني اقدم مني؟؟؟ طيب وين انت من مشاكل الدنيا والعالمين الكانت قايمة هنا دي؟ ...
أبو ساندرا: آمنة دي كانت للتمويه.
د. بشار صقر: الف مبروك لك اولا وتحياتنا الي العروسة.
العزيز فيصل: انت دائما معي برغم المسافة.
الأعزاء سيف خليل و Imad Khalifa:
شكرا لك ولأم العيال عزيزي سيف .. وكل الناس كانت هناك لكن ما اديتهم وقت لمركز عبدالمجيد امام.شكرا لجميع الشباب وبلغوهم تحياتي وتحيات نضال.
المهندس صلاح غريبة: بلغ تحياتي الخاصة لرئيس وأعضاء جمعية أبناء الأبيض الخيرية بالرياض. مع كل الشكر لك.
دكين: والله قلنا نديها حريتها (الي حين)...
محمد أبوجودة : شكرا لهذا الفيض الغامر من السعادات
عمر ادريس: كان ما اخاف الكضب الباب ده اظن شفتو في كتاب المطالعة زماااااا ن ...
محمد عبدالرحمن: الدور والباقي علي الناس الزايغين ...
الخال Badreldin : مبروك وشكري لك ولكل آل قباني .
عمر علي: تفتكر عندهم حجة تانية ؟
Tragie Mustafa: مناضلين و مناضلات...
jini : ومنحني احتمال المستنيرين متجه راسيا ... (رغما عن كل الانوف ... )
esam gabralla:شكرا ليك يا غالي لكن ياخي خالد كودي ده مالك باقي ليهو في رقبتو ...
عبد اللطيف بكري أحمد: شكراً لك ولجميع أهل الأبيض الذين أهدوني نضال ...
nadus2000: لكم تمنيت ان التقيكم معا في السودان ولكن لنا موعد بإذن الله ....
بروفيسور عوض محمد احمد: شكرا لك علي هذه الروح الجميلة وشكرا لحضورك.
Basheer abusalif: شكرا لك ولكل الشباب ... وأنت الاكثر احتراما يا عزيزي.
معتصم الطاهر: طبعا كان في نقل حي لاغنيتك ... مشكور جداً

معتصم دفع الله - saadeldin abdelrahman - محمد السر – العم حمزاوي – الخال Yasir Elsharif - walid taha - إسماعيل وراق - خالد عويس - abuguta - SAdo7 - عبد الله عقيد - saif basheer - عادل فضل المولى - Salwa Seyam - manubia - فارس موسى - Adil Isaac - جمال هباني - Elmuez - mansur ali - Abdulgadir Dongos - لؤى - عبد المنعم عمر عثمان - نادية عثمان - Dr Mahdi Mohammed Kheir - Sabri Elshareef - تولوس - Agab - النصرى أمين - Ahmed El-Neel - انعام عبد الحفيظ - lana mahdi - معتز تروتسكى - Mohamed Suleiman - أحمد أمين - munswor almophtah - Tabaldina - ابونمو وادي - Elmosley - luai - مهاجر - الصادق خليفة - الصادق اسماعيل - Dr. Moiz Bakhiet - JAD - مهدى الصادق السيد - محمد امين مبروك - زرياب كنيش - صديق الموج - الملك - othman mohmmadien - Rashid Elhag - أحمد الشايقي - tmbis - تيسير عووضة - Deng - الطيب بشير .

Sawsan Ahmed - Tumadir - AMNA MUKHTAR
لكم كل الحب والود وشكرا علي وجودكم.

تحايا خاصة: سفيان بشير وهالة الأحمدي وعارف الصاوي وبكري الجاك ...
وعذرا لكل من لم يكتبه قلمي فالجميع في قلبي ...

سفيان بشير:
أي اكل (راقي) لمسناهو في مصر دخلنا في ورطة مرة متسمم انا ومرة نضال ... اها قلنا نرجع من البداية ناكل طعمية ونحاول نتأقلم شوية شوية ... يعني ورانا ورانا …

ولدنا الماهو هين(جعفر بشير)

حمد لله على سلامتك

ومبروك انت لنضال ومبروكه نضال لك,

مكانك خالي ينتظرك.

الساحه السياسيه تغلي و الشارع ايضا.

وجعفر بشير يتحزم للعوده للعمل السياسي

وننتظرك ومعنا نضال هذه المره.

تراجي.

ياجعفر

تحياتى ..والف مبروك مرة ثانية ..

ياخى اتخيل قبل يومين كنت بفتش لى تلفونك عشان

اتصل عليك ...وسألت صاحبك (الميت ) ده ..لقيتو

ماعارف ليك طريق ولاتلفون ..وقال لى احتمال

يكون جا السعودية ...

على العموم تحياتنا للعروسة وبتكون طالبنى تلفون ...

ودى ..

الحبيب محمد عبدالرحمن
تحياتي

كلامك كلو وصل .. تلفونات شنو كمان المحتاجين ليها ...
لكن عموما صاحبي ما بكون قصر بس فعلا كانت في مشكلة تلفون لانو قعدت في السودان 4 يوم وبعد كدة القاهرة وتاني السودان وقصة جايطة خالص ...

تحياتي لك وللشباب... وصاحبي ابقي عليهو عشرة

العزيزة تراجي

الواحد يمشي السودان يلقي هالة الاحمدي وعارف الصاوي وحسين ملاسي... يمشي مصر يلقي بكري الجاك يرجع السودان تاني يلقي رجاء العباسي وطلال عفيفي وقرمبوز وبقية الشباب ... عارفة المسالة شكلها قدر ومصير ... بس العودة للمنبر هي الفرق ...

الف مبروك يا جعفر [ ابوآمنة]
حياة زوجية سعيدة
وعودآ حميدآ

العزيز عمر

الله يبارك فيك يا حبيب وعقبال بقية الشباب ...

جعفر بشير

عوداً حميداً مُستَـطاب ..

والعودُ أحمد ،، ولا شك أنّك قد عدتَّ بروحٍ " نِضالـ" يـّــة جديدة ..


مرحباُ بكَ ، مُجَـدَّداً في مُعتَرك الإغتراب ، وعَطَنِه ! ، وانتَ تُودّع

حياة الشـلهتة الفَرَدانية ، وتستقبل حياة الشـلهتة المنضبطة إلى حين ..

مع امنياتي لكَ بالتوفيق ،،

مرحباً بك يا جعفر ... وربنا يديم الأفراح
ولنا بعودتك أفراحٌ وافراح ...

شكرا عزيزي صديق رحمة

ولي ايضا افراح بوجودكم ..

العزيز ابوجودة

طبعا ما طمنتني خالص بخصوص .. الشلهتة المستمرة ... برغم الفرق مابين الفوضي والانضباط ...

كل الود وتمنياتي لك بحالة شلهتة فردانية حتي عودة الاسرة ..

جعفر العريس
تحية كبيرة ليك وللمدام ،،، وشكلي كده ما باركت ليك من خلال البوستات ،،، بس أصلا أنا باركت ليك يوم سفرك ،،،
المهم يا سيدي ألف مبروك ، وبيت مال وعيال ،،، وربنا يهنيكم ...

وأهم من ده كله ، حفلتنا في الرياض متين ؟

الخال ودقاسم

انت البركة كلها ياعزيزي ... واكيد ما قصرت ولا بتقصر
بس الاسماء نسختها من البوست ردا علي حضورهم الجميل ...

والحفلة بتاعت الرياض ما بعيدة ... شكرا ليك ولكل بورداب الرياض .. الجو في البيت وفي (المنبر العام) ...

عُذراً للتكرار ..

وبرضو ألف مبروكـ..











يعني عملتها بدون أحم ولا دستور..

ألف مبروك وربنـا يسـعـدكـم ببعض ...

مني

شكرا Muna Khugali

ودوام السعادة بين الجميع ...

أبورزقة سلامات ...

انت زاتك مختفي من الرياض يا حبيب ... عموما تشكر يا سيدي ..

جعفر بشير

سلامات

يازول لسه اول شهور العرس وقمنا في اللخبطه

يعني بعد كم سنه ما حتتذكر اسمك
كتبت منى خوجلي:

Quote: ألف مبروك وربنـا يسـعـدكـم ببعض ... مني

ورد جعفر بشير:

Quote: شكرا أمنة مختار ودوام السعادة بين الجميع ...

تراجي.

تراجي اصلك ما بتريحي ...

خلاص عدلناها ... يعني بعد كم سنة حاتكون قصة بايظة


لكن عارفة عندي لخبطات كتيرة في اسامي البورد ... طبعا اشهر واحدة بين ندي علي وندي أمين ... بس تاني الواحد ينسخ الاسم ويرد ما يعمل فيها بعرف كويس ...

سلام

الاخ الحبيب - باشمهندس -: جعفر :

سلام عليكم ،،

تعرف من تغييرك اسم ابو آمنة لي جعفر بقت تفوتني بعض حاجاتك ، شايف كيف ، عايز أبرر
الف مبروك ، وعقبال عيال كتار ،
تسعد يا صاحب .

الحبيب متوكل

انا ذاتي مما غيرت اسمي بقت تفوت علي حاجات .. ومقبولة يا حبيب

جعفر بشير
نضال حسن حسين



والللللللللللللللللللللللللللللللللللللللللللللللللللللله

ماعاااااااااااااااااااااااااااااااااااااااااااااارررررررف


التهاني المباركات لكم .

وحياة زوجية اكثر سعادة

وافر الرحمة والمودة بينكما

وزرية صالحة


مجدي شبندر

.....
حمدلّة على السلامة ومبروك تاني ياعريس
فتّشت إسمي.. مالقيتو.. عملت تاني سيرش بالأوبشن بتاع (فايند أون ذيس بيج)..
برضو لاحياة لمن تنادي.. قلت يبقى أكيد العريس ده لسّة ملخوم.. بالعموم.. تهانينا تالت وعُقبال لينا..
.....

صديقي جعفر


سلامات و بركة فى الطلة

انا من اكثر السعداء بهذا الزواج لانه اتاح لي فرصة للقاء بك وبالاخت نضال بعد انقطاع دام اكثر من 9 سنوات, اعتذر ثانية عن عدم تهنئتي لك علي النت و علي عدم اتصالي بك واعتذر عن عدم تقضية الوقت الكافي برفقتكم ابان تواجدكم بالقرب مني, فانت كما تعلم ياصديقي ان للعبودية اشكال و اسوأها ذاك النوع الذي نختاره بانفسنا.

سعدت كثيرا و لك مني اصدق الامنيات بحياة عامرة



بكري الجاك

الاخ جعفر بشير

الكلام دا ما سمعنا بيه ... احتمال لعدم المتابعة

على كل الف الف مبروك وعقبال البكارى

كل الود
فتاح

ألف مبروك..

بيت مال وعيال

وربنا يهنيكم ببعض

ومرحبا بالعودة..



مع اننى العلم أننى زعلانة

كنت فى الخرطوم ولم يدعونى أحد..!!

الفاتح وديدي

التحايا والحب

كويس انك لقيت لي مخرج ... طبعا ورطة كتابة الاسماء كبيرة ومن البداية كنت عايز اعمل مجموعات عشان عارف حالخبط .. لكن ما قدرت لانو في ناس محتاجين ردود خاصة وبعد شوية بقي كل لازم اكتب الاسماء والقصة جاطت.
عموما يا حبيب الناس القريبين بعرفوا يلقوا لينا عذر وبالمرة كمان في اسماء تانية فتشها لي معاك عليك الله وكان لقيت اكتبها لي معاك قبل ما اصحابها يكتشفوا الطشاش ..

شكرا لكل الايام الجميلة

شبندر الحبيب

انت وين ذاتك لامعروف في جدة ولا في الخرطوم ولا في اي مكان ...
اها يا حبيب في ناس مفروض بعد كدة يا يتلزموا يا يمشوا المتحف ... (متحف الفن الحديث دار الاوبرا المصرية) ...

العزيز بكري الجاك

تحياتي يا حبيب

وحقيقي لساني عاجز عن شكرك فما قدمته لنا بدءا بأن نلتقيك ونهاية بكل الايام الجميلة كانت التي قضيناها سويا وما استرجعناه كان افضل ما يمكن ان يكون بعد كل هذا الغياب ...

وبخصوص وصاياك العشرة تم تنفيذها بدءا من لقاء الأخ فايز السليك نهاية بعدم افتعال المشاكل مع نضال مرورا بوصية الأخ آدم في جدة وبالمناسبة كنت اتحدث معه قبل ربع ساعة وخلال هذا الاسبوع سيتسلم الوصية وعذرا للتأخير لأسباب فنية مفهومة ..

والشكر وحده لايكفي

عزيزي عبدالفتاح

وربما ايضا لأن الوقت كان قصيرا مابين الذهاب للسودان ومابين الزواج ... زعارف انك مت بتقصر

كل الود

العزيزة آمنة
تحياتي

دعوة الخرطوم كانت من خلال البورد في موضوع الأخت سناء خالد .... وياستي عذرا ولكن سنلتقي أكيد.

وشكرا لك