برنامج ظلال و فضائية السودان ... و الورم !!! ضيف الحلقة شخص يدعى رمضان أحمد السيد !!

رائعة الأستاذ أبو اللمين ( الجريده ) كانت ممكن أن تكون ( كفارة !!! ) الحلقة تكفيرا عن هباب ذلك المستصحف الإنقاذى ( العينه !!! ) ... لكن حتى جريدة أبو اللمين ما خلونا نكملا و نقرأ و نتبحر فى مقالاتها ... خاصة و قد عوقبنا ( تعذيرا !!! ) و على مدى ساعة كاملة ( بنعيق !!! ) ذلك الرمضان أحمد السيد فكان لابد من كفارة !!! فصودرت ( الجريدة !! ) .. و الصدمة ما تزال فى أشدها!! لنفاجأ ب ( بت الغبشاوى !!! ) ثم يعقبها ودالبلال WHATS A DAY يا تلفزيون الهوس و البركه فى ال NBA
عبدالماجد

البركه فى رمضان ( الشهر !!! ) لكن ( رمضانكم !!! ) ده يا ا( انقاذيين !!! ) عمرى ما سمعت بيو !!!
كسره :
تلفزيون ( زعيط !!! ) بن ( معيط !!! )
عبدالماجد

صراحة الطريقة الكان بتكلم بيها غياظة
بغض النظر عن انو انقاذي ولا غيرو ..

اول شي برنامج ظلال ظل ولفترة يقدم شخصيات متميزة وفي اعتقادي الشخصي هو برنامج توثيقي اكثر من برنامج اسماء في حياتنا الذي ظل الجزلي يفرضه علينا طيلة هذه السنوات ..
برنامج ظلال برنامج خفيف الظل وتكون فيه الإجابات مختصرة ..
احمد الله انني تمكنت من مشاهدة هذه الحلقة المعادة صباحاً وكان رمضان احمد السيد فيها اكثر ثباتاً واكثر وضوحاً في الإجابات ..
رمضان احمد السيد رضيتم ام ابيتم هو رئيس تحرير اعظم صحيفة رياضية وهي صحيفة قوون ..
رمضان احمد السيد رضيتم ام ابيتم هلالي غيور ..
اما بالنسة لطريقة كلام الرجل فهكذا حباه الله بهذه النبرة الصوتية وهي ليست تعالي او ميوعة ولكنها طبيعة الكلام ...
رمضان احمد السيد نعم يكتب في بعض الاحيان بتسرع ودون مراجعة فتكثر الاخطاء ولكن هذا لا يمنع من انه صحفي مؤهل بغض النظر عن الميول او غيره ..

Quote: رئيس تحرير اعظم صحيفة رياضية

وفاز بجائزة المجلس 7 مرات متتالية!!!

Quote: يمنع من انه صحفي مؤهل

يا عمر بس أقرا " أخطاء كل يوم" وتعرف براك!!!

Quote: رمضان احمد السيد رضيتم ام ابيتم هلالي غيور ..

و ( رشاشه !!! ) كمان ؟؟؟؟؟ حسسسسبى الله ونعم الوكيل !!!!
عبدالماجد

العزيز عبد الماجد

يا اخوي

عليك الله تلفزيون الانقاذ ده بالكثير ساعه عند اللزوم

عشان ما يقتلك لينا ناقص عمر.

ونحن الزيك ده عايزنه يعيش كثير ويعمر كمان.

بالله هباني كيفنه ,ان شاء الله انبسطه في رفقته.

تعال شوف ناس ( من الحب ما قتل ) كتب الفاروق:

Quote: رمضان احمد السيد نعم يكتب في بعض الاحيان بتسرع ودون مراجعة فتكثر الاخطاء ولكن هذا لا يمنع من انه صحفي مؤهل بغض النظر عن الميول او غيره ..

بالله شوف الما بخجل ده.

يعني زولك ده يكتب وعشان هلالبي يغلط ومسوح ليه,لانه في نظرك مؤهل,ونحن الما قلنا صحفين ناطي لينا
كل يوم في حرف او كلمه عشان تغالط ,اها نعدل لك كوتك ده:

Quote: تراجي مصطفى نعم تكتب احيانا بتسرع ودون مراجعه فتكثر الاخطاء ولكن هذا لا يمنع من انها سياسيه مؤهله بغض النظر عن الميول وغيره....

حس لو زول كان كتب لك كلام زي ده كان نشفت ريقه.

غايتو يا دكتور عبد الماجد ربنا يكون في العون

صحيح الاختشوا ماتوا.

تراجي.

Quote: يا اخوي عليك الله تلفزيون الانقاذ ده بالكثير ساعه عند اللزوم عشان ما يقتلك لينا ناقص عمر.

الأخت تراجى ...
مساك الله بالخير ...
و الله تلفزينم ده أنا وقفت منو زمان و رميت طوبتو كمان !!! بس اليوم داك كان اجازة ال MEMORIAL DAY و براى يدى مشت ( تهبش !!! ) فى المحن ( الريموت كونترول !!! ) !!!

Quote: بالله هباني كيفنه ,ان شاء الله انبسطه في رفقته.

أما أخونا هشام فقد غادرنا صبيحة اليوم الخميس عائدا الى دالاس هو و أسرته بعد ان قضينا أجمل اللحظات و أمتعها و قد كان أقصر أسبوع فى حياة الواحد فهشام هو هشام ... مرح لا ينضب ... فلقد تركوا لنا فراغا كبيرا ...
عبدالماجد

Quote: الحلقة تكفيرا عن هباب ذلك المستصحف الإنقاذى ( العينه !!! ) Quote: لكن ( رمضانكم !!! ) ده يا ا( انقاذيين !!! ) عمرى ما سمعت بيو !!! حاولت أركب الجملتين مع بعض ما ركبن!!! كيف عرفتا انو مستصحف انقاذى و عمرك ما سمعتا بيهو؟؟؟ رمضان نعم صحفى مؤهل وعصامى بعد أن كان يعمل بمصنع النسيج السودانى و الان يحضر ماجستير اعلام بجامعة الخرطوم عايزين تأهيل أكتر من كدى؟؟؟ و رمضان صحفى مؤهل و لكنه غير موهوب (يعنى زى أنس العاقب كمل علم الوسيقى لى حدو و لم يقنع) أما رمضان فنجبه لأنه يحب الهلال باخلاص و نحنا شعارنا فى الهلال: يا بناس بريدو و أريد كل البريدو أما أنت يا سيد عبد الماجد فتكرهه لانه يحب الهلال و معذووووور فى دى مع أحترمى للجميع