Post: #1
Title: بقال طار استقبلو بالمطار ياناذر الخليفة
Author: saif massad ali
Date: 05-27-2006, 04:27 PM
غادرنا الي ارض الوطن الاخ ابر اهيم بقال, رغم كل شئ كان متاح امامه الا انه فضل الوقوف بجانب اهل بلده بالداخل
نتمني لك وقت سعيدا ابراهيم ونتمني لاهلنا في الداخل الخلاص ونهاية هذا الكابوس
طرشقت كل توقعات ونكهنات اخوانا الطيبين
|
Post: #2
Title: Re: بقال طار استقبلو بالمطار ياناذر الخليفة
Author: saif massad ali
Date: 05-28-2006, 01:23 AM
Parent: #1
ياناذر
|
Post: #3
Title: Re: بقال طار استقبلو بالمطار ياناذر الخليفة
Author: saif massad ali
Date: 05-28-2006, 05:48 AM
Parent: #2
ابراهيم بقال
Quote: الاخ/ سيف مساعد وبقية الاخوة الشرفاء
السلام عليكم ورحمة الله شكراً جزيلاً لكم علي هذه الكلمات الطيبات
وانتم ايضاً تستحقون ذلك وتستحقون كل الود والتقدير والاحترام
علي مواقفكم النبيلة والمشرفة تجاه الوطن عامة ,
الشكر لكم مجدداً
وصلت الخرطوم بسلام مساء الامس سيف مساعد بلغ سلامي وتحياتي الاخوة هناك |
|
Post: #4
Title: Re: بقال طار استقبلو بالمطار ياناذر الخليفة
Author: ناذر محمد الخليفة
Date: 05-28-2006, 07:20 AM
Parent: #1
يا سيف ..
ليه ما قلت لي بدري الكلام دا !!
أنا كان مستعد استقبلوا في المطار رغم اني ما مؤهل للشغلة دي ، الانجازات الحققا بقال في الفترة الفاتت دي مفروض يستقبلوا في المطار نيال دينق او فارق أبو عيسى مش ناذر الخليفة القدامك دا !!
صنفرة :
حمدلله على السلامة يا بقال وعقبال كندا المرة الجاية عشان تتلم مع تراجي بي هناك !!
|
Post: #5
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-28-2006, 08:15 AM
Parent: #4
سيف كدى سؤال بكل جديه انت بى صحك كده وكت قاعد تكتب البوستات دي؟؟
ياربى يكون بقال ده هلمت كول ولا بسمارك ونحن ماعارفين..؟؟
ياخ ارحم نفسك اول شى بعدين ارحمنا معاك..
ياربى لاتمحنا لاتبلينا..
.....
بعدين ليه ماكلمتنى انا ذاتى استقبلو وكت بقال ده شخصيه مهمه كده ونحن ماعارفين ليه ياسيف بالجد انا عاتب عليك..
شنو يعنى انا ماتقول لى انت بعيد ؛كل يهون ..
ومامشكله...
ريدت بقال هى المشكله..
ناذر انت مابتتوصى تكلم ناس اركويت وناس حي المطار وناس الخرطوم 3 ؛ وجيران الجدد الفى الخلا ديلك وكل المناطق المهمشه كمان..
وتحجزو ليهو فى فندق القرين فليدج..
وحفله فى نادى الضباط..
وفى المسرح الكبير مع حشد كبير
بعد داك تعملو ليهو برتكول استقبال بكبار الشخصيات والحكوميه والمعارضه وجدول رحلات..
ولقاءات صحفية واذاعية وتلفزونيه على الهواء مباشر بحضور كل والوكلات والمنظمات الاغاثيه حقوق الانسان وهلمجر العاليمه..
قايتو لو قصرت نسيت شى عارفك مابتقصر..
وماشين فى السكه نمد من سيرتك للجاين يابقال....
|
Post: #6
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-28-2006, 09:02 AM
Parent: #5
اتذكرت شى ياناذر..
شوف بقال ده مايكون صاحبك وقيمك لو ماجاب ليك معاهو قطعة حجر من سور برلين..
ياربى متين نزور الخرطوم .(سورى )
ياربى متين نزور ميونيخ
احييييي
استغفرتك يامالك روحي..
|
Post: #12
Title: Re: بقال طار استقبلو بالمطار ياناذر الخليفة
Author: saif massad ali
Date: 05-28-2006, 05:00 PM
Parent: #4
ناذر
حاولت ان اتصل بك تلفون لكن الظاهر التلفون غلط
|
Post: #7
Title: Re: بقال طار استقبلو بالمطار ياناذر الخليفة
Author: AMNA MUKHTAR
Date: 05-28-2006, 09:10 AM
Parent: #1
| Quote: طرشقت كل توقعات ونكهنات اخوانا الطيبين |
|
Post: #8
Title: Re: بقال طار استقبلو بالمطار ياناذر الخليفة
Author: Tabaldina
Date: 05-28-2006, 09:13 AM
Parent: #1
..
.
قبل شوية ما كان طاير على فرانكفورت
حسي بقي فى الخرطوم
العن ابو الكنكشن زاتو
اكيد دى اللفتهانزا 
عارفهم الالمان خطرين شديد فى الطيران.
اسمعنى ما تتزاوغ منى
انا دا داير اطير لى شهر بس
لفرانكفورت ..
ورينا درب الفيزا بتاعت الشينغن
كلم لى بقال .. ان شاء الله 
قلت شنو!؟؟
|
Post: #9
Title: Re: بقال طار استقبلو بالمطار ياناذر الخليفة
Author: Tabaldina
Date: 05-28-2006, 09:20 AM
Parent: #1
..
.
عارفه يا آمونه
مساعد دا لو رسل لى الزيارة
وبقينا فى سرج واحد قصدى المقعد 42 و43
اخوانا الطيبين حيقولوا الناس دى حترجع
لانهم عارفين مكسر فى الكتاحة والغبار
واحلى مكان بلدي السودان
بس تزقعاتهم بتجلى لانهم بقطعه ليهم فى راسو
وفللي على هاملتون
بعد ما اشوف فرانكفورت ..
|
Post: #10
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-28-2006, 09:35 AM
Parent: #9
فوق لمزيدا من الهبل والعبط..
ودقى يامزيكا..
|
Post: #11
Title: Re: بقال طار استقبلو بالمطار ياناذر الخليفة
Author: saif massad ali
Date: 05-28-2006, 04:28 PM
Parent: #10
معتز
Quote:
فوق لمزيدا من الهبل والعبط..
ودقى يامزيكا.. |
مالك يا اخوي زول اخونا نحتفل به شنو العبط والهبل هنا ممكن افهم الزول دا ما كان صاحبك
|
Post: #18
Title: Re: بقال طار استقبلو بالمطار ياناذر الخليفة
Author: Tragie Mustafa
Date: 05-28-2006, 11:13 PM
Parent: #10
سيف شكر لك يا غالي
وصل ولدنا بقال بالسلامه
وناس المنبر اليشوفوا ليهم شغله ثانيه بدل
بقال هاجر ...بقال زاغ...بقال لن يرجع ...الخ.
تبلدينا
مشتاقين(رغم كراهتك لتفاهة الثوار)
يا سيدي هاملتون ترحب بك وما تقول الدنيا ربيع وما احلاها في الربيع.
انتو يا جماعه الود تروتسكي ده الحارق رزه شنو؟؟؟؟
بقال الشباب ديل ما تشتغل بيهم شغله
واستعد للمؤتمر القادم
والعايز يطق يطق والعايز يطرشق يطرشق.
لك الود.
تراجي.
|
Post: #34
Title: Re: بقال طار استقبلو بالمطار ياناذر الخليفة
Author: Tabaldina
Date: 05-29-2006, 03:34 AM
Parent: #18
..
.
Quote: تبلدينا
مشتاقين(رغم كراهتك لتفاهة الثوار) |
بالأكتر؛
اعلم تماماًعدم اتفاقنا فى من هم الثوار
ومسالة التهميش ومن هم وكيفية المعالجة للمهمشين
وهل تصلح نتفق ام لا نتفق مع إتفاقية ابوجا.
بس هاملتون دى اصلها كيف إذا انت
عندكـ راى فى خروجى من البلد وفى كتاباتى.
عندكـ رد بهناكـ
|
Post: #13
Title: Re: بقال طار استقبلو بالمطار ياناذر الخليفة
Author: ناذر محمد الخليفة
Date: 05-28-2006, 05:23 PM
Parent: #1
سيف مساعد ..
Quote: ناذر
حاولت ان اتصل بك تلفون لكن الظاهر التلفون غلط |
معناتا أبراهيم بقال دقسك بس !!
صنفرة :
الطريق المستقيم أقرب الطرق للوصول الى الهدف !!!
|
Post: #14
Title: Re: بقال طار استقبلو بالمطار ياناذر الخليفة
Author: هشام مدنى
Date: 05-28-2006, 05:25 PM
Parent: #13
| Quote: الطريق المستقيم أقرب الطرق للوصول الى الهدف !!! |
قصدك روما
|
Post: #15
Title: Re: بقال طار استقبلو بالمطار ياناذر الخليفة
Author: فيصل نوبي
Date: 05-28-2006, 05:32 PM
Parent: #14
يا خال
سلامات
و تحايا
و شوق بالكوم ياخ ..
روما كيف ؟؟
|
Post: #16
Title: Re: بقال طار استقبلو بالمطار ياناذر الخليفة
Author: ناذر محمد الخليفة
Date: 05-28-2006, 05:36 PM
Parent: #14
الخال هشام مدني
أفتقدتك والله وانت كنت خير ناصح لي !!
فقط ............
أرجو منك الا تسئ قراءة الموقف !!!
فتظلمني من حيث لا تدري !!
صنفرة :
أبنك ناذر ..
|
Post: #17
Title: Re: بقال طار استقبلو بالمطار ياناذر الخليفة
Author: هشام مدنى
Date: 05-28-2006, 05:40 PM
Parent: #16
مكانتك والنوبي عندى كبيرة بالجد
ساعات بحب اشاغلكم كده
أحي فيكم روحكم النقيه والطيبه
دمتم دائما بخير
|
Post: #19
Title: Re: بقال طار استقبلو بالمطار ياناذر الخليفة
Author: bob
Date: 05-29-2006, 00:06 AM
Parent: #17
جهــز العــود يا ناذر....
نوبـى ...انتا برضو كنتا فى فرانكفــورت ؟؟
حمد الله على سلامتكم انتا وببقال وبالفعل شرفتونا !!
بقال جبته لى معاك شنو من فرانكفروت؟؟
الحفله وين كلمونا ما تنسوا
|
Post: #20
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 01:02 AM
Parent: #17
| Quote: مالك يا اخوي زول اخونا نحتفل به شنو العبط والهبل هنا ممكن افهم الزول دا ما كان صاحبك |
سيف ازيك ياخ..
لمن تجى تسالنى السؤال ده ..
ماتزعل لكن دى حقيقه..
العبط مستشرى فى المكان ده بسرعة الانفلات ..
كدى ماتمشى بعيد عاين للمداخلات الفى البوست ده بس من هنا وقس..
نجيك ..
انت دلوقت البتعملو فيهو ده ماعبط يسالك الله ماعبط؟
قايتو لو بقيت الكلمه قويه عليك اتقبلها لكن دى الحقيقه..
شنو بقال طلع بقال نام بقال وبقال..
ياسيدى انت بتقول بقال صاحبى انا ما افترضته انو ماصاحبى لكن هو قبلك عارف واصحابى عارفين البغلط فيهم ماقاعد ارحمو بخت ليهو الكلام تاخ تيخ فى وشو واسالو انا الكلام القاعد اقولو ليهو ..
فيبقى بى نفس الفهم انا مارست الشى ده..
ويابقال انا لمن احب اتكلم معاك مابجى انصحك قدام الناس ديل الا الموضوع يفوت حدو واعتقد مش فات حدو ده فات حدو وحدود..
وانتو قاعدين تساهمو فى العبط ده..قلنا افتراض بقال زول صغير (رغم انى ماقاعد اؤمن بالحته دى انا لمن كت فى سادسه ابتدائى كنت ماسك بيتنا والدى كان فى الغابة – تقول لى صغير)
المهم ماعلينا سلمنا بى جدلية صغير دى ..
انتو مالكم صُغار؟؟؟
مابتعرفو تفرقو الصاح من الغلط؟؟!!
وبرضو ماتقول لى ماعبط..
يازول انا ماعندى معاك شى لكن الشى الاعوج قدر ما اقدر بقول فيهو رائى..
وبث..
-------------------------------------------
Quote: انتو يا جماعه الود تروتسكي ده الحارق رزه شنو؟؟؟؟
بقال الشباب ديل ما تشتغل بيهم شغله
واستعد للمؤتمر القادم
والعايز يطق يطق والعايز يطرشق يطرشق. |
اوكى ياست تراجى لاحظى انك بتقولى انا لايوق مابقول ليك لا..
ومصره تعملى فيها ظريفه وانا عادى قاعد اجلى النظر..
اولا اتكلمت معاك ولا البوست بتاعك ولا الكلام عنك..
ثم تعالى انا احرق رزى فى شنو ؟؟!!!وفوق كم؟؟!!
فى العبط ده ولا الهبل ده؟؟!!!
الشغال بى بقال منو ؟؟
بقال فى ركن بقال ضربت ليهو بقال ماشى جزر البلطيق بقال المبارح حمارتهم ولدت بقال وبقال
اجيب ليك البوستات العمليتها انتي بس خليك من سيف والبقية..
ومن اتحرك ركبو السيد المؤمون بقال ورينى جيت فتحت خشمى...
ياسيتى انا يدى فى مويه بارده تجاه القاعدين تعملو فيهو ده ؛
والموضوع اللامى الخلق ماقاعد احب اخش فيهو عشان عارف نظريه البيضه والجداده الحاصله هنا..
بعرف بتين اتكلم فى الموضع وقع ليك..
عموما برضو بنقول دى تفوت..
قال مؤتمر عام(وقليبى عليك يالرتاي)..
انا لمن ابقى اجيك بجيك فى موضوع نقاش مافيهو تميز بين الرجل والمراءه..
يعنى دواس فكرى.
لكن لو عايزى اى جدل بيزنطى بالعباطه دي برضو في ماتقولى مافى لكن زى ماقلت ليك انا مجلى النظر...
بس ماتتعودي...
والله اسمعك درر..اوريك انتى وين...
التحايا النواضر..
|
Post: #22
Title: Re: بقال طار استقبلو بالمطار ياناذر الخليفة
Author: Ahmed Abdallah
Date: 05-29-2006, 01:48 AM
Parent: #20
Quote: انت دلوقت البتعملو فيهو ده ماعبط يسالك الله ماعبط؟
|
تروتسكى
خلي العبط يـا ولد
بلاش خزعبلات معـاك
________________________
شايل موسكـ وحـايم ....
أو كـما قال سجيمان.....!!
|
Post: #21
Title: Re: بقال طار استقبلو بالمطار ياناذر الخليفة
Author: Tabaldina
Date: 05-29-2006, 01:44 AM
Parent: #1
..
.
قلبي الله يصبركـ
|
Post: #23
Title: Re: بقال طار استقبلو بالمطار ياناذر الخليفة
Author: Ahmed Abdallah
Date: 05-29-2006, 01:52 AM
Parent: #21
حالتكـ تحنن اليتيم
______________
إزيـك .....
|
Post: #24
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 01:58 AM
Parent: #23
| Quote: حالتكـ تحنن اليتيم |
|
Post: #25
Title: Re: بقال طار استقبلو بالمطار ياناذر الخليفة
Author: عثمان حسن الزبير
Date: 05-29-2006, 02:05 AM
Parent: #23
Quote: تروتسكى
خلي العبط يـا ولد
بلاش خزعبلات معـاك
________________________
شايل موسكـ وحـايم ....
أو كـما قال سجيمان.....!! |
| Quote: انتو يا جماعه الود تروتسكي ده الحارق رزه شنو؟؟؟؟ |
والله صحي الفاضي يعمل قاضي
تروتسكي الود الصغير ده ذعلكم عشان وراكم قدر شنو إنتوا فارغين وفاضين ...
لهذا تستمر الإنقاذ جاثمة على صدورنا ..
يا للمهازل ..
|
Post: #26
Title: Re: بقال طار استقبلو بالمطار ياناذر الخليفة
Author: Ahmed Abdallah
Date: 05-29-2006, 02:11 AM
Parent: #25
Quote: تروتسكي الود الصغير ده ذعلكم
|
الشيء اللي أنـا عارفه إنه تروتسكي
أكبر منكـ (ما قاصد انه أكبر سنا أكيد)
|
Post: #27
Title: Re: بقال طار استقبلو بالمطار ياناذر الخليفة
Author: عثمان حسن الزبير
Date: 05-29-2006, 02:23 AM
Parent: #26
Quote: الشيء اللي أنـا عارفه إنه تروتسكي
أكبر منكـ (ما قاصد انه أكبر سنا أكيد) |
أكيد
وأكبر من ناس كتار كمان شايلين عقول مشلوخة زي ...
|
Post: #28
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 02:30 AM
Parent: #27
صراحه مابسمح ليك تقول كده فى عثمان ..
انت مابتعرفو عشان تحكم عليهو ..
عزيزى عثمان ارجوك ماتجى هنا لو سمحت
وماتطل هنا
الموضوع ماتقلبوه شكله ..
الموضوع اساسا مع سيف وبقال..
فاساسا انا حاولت اتجاوز كلامك عشان الموضوع مايبقى شربكه ..
بس انا حاقول كلام عثمان بتعديل..
لهذا تستمر الإنقاذ جاثمة على صدورنا ..
يا للمهازل ..
لانو اقلاها مابتقدرو على تحمل النقد..
والصراحه..
الله طولك ياروح..
|
Post: #29
Title: Re: بقال طار استقبلو بالمطار ياناذر الخليفة
Author: Tabaldina
Date: 05-29-2006, 02:31 AM
Parent: #1
..
.
| Quote: شايل موسكـ وحـايم .... |
هو كان حايم بيعمل فى شنو!؟
- ورمز لسجيمان - حتى لا يفهم المعنى خطأ لذا لزم التعديل
| Quote: حالتكـ تحنن اليتيم |
ردكـ يجنن يا الحنين
الله يسلمكـ يا أبوحميد؛
| Quote: والله صحي الفاضي يعمل قاضي |
حقاً!!؟
___ مخرج حكيم ________
وتكاثر عبيط القرية ليصبح بوتقة منهم
تشمل كل الخلية من ملكة وملكـ وجنود وعسكر وعمال نظافة.
|
Post: #30
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 02:39 AM
Parent: #29
شى مؤسف ومؤلم..!!؟؟؟!!
|
Post: #31
Title: Re: بقال طار استقبلو بالمطار ياناذر الخليفة
Author: Rasha Hatim
Date: 05-29-2006, 02:55 AM
Parent: #30
| Quote: شى مؤسف ومؤلم..!!؟؟؟!! |
حقا شيء مؤسف ومؤلم ان تحاولوا خلق طرق للتهاتر والاستخفاف من لا شيء,,,
مع احترامي يا معتز الا انك اول من انحرف بهذا البوست ليتوجه لهذا المنحى,,, ما بالكم كيف تحكمون؟؟؟
اوشق عليك ان يحتفي الاخ سيف مساعد بابن من ابناء السودان قد انجز حقا ما الم ينجزه الكثيرون ممن في مثل عمره او يزيدون (موش بقال دة مواليد كم وتمنين والا انا غلطانة؟؟) فلماذا تبخسون الناس اشيائها؟؟؟
ومثل هذا البوست كان حريا بالكتابة لانني قرات مداخات عديدة عندما سافر بقال وهم يطعنون في انه قد وجد مخرجا ولن يعود. ولو كنتم مكانه لما عدتم!!
من هم على شاكلة بقال ندر ومن هم على شاكلتكم كثر,, ولهذا ستظل الانقاذ جاثمة على صدورنا!!!
فهلا ارعويتم!!!!
محبتي لكم غير منقوصة كونكم ابناء بلدي
|
Post: #33
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 03:22 AM
Parent: #31
خالص التحايا
العزيزه
Rasha Hatim
ياستى من خلال كلامك يبدو انو فى حلقه مفقوده بالنسبه ليك ..
بالاضافه الى انو لو قريتى كلامى ده بتانى شويه كان مداخلتك حيكون شكلها تانى
وصراحه ماعندى شى اضيفو ليك غير دى وجهة نظرك من حقك تقوليها ماعندى مشكله بس قبل اطلاق الاحكام فقط كان يمكنك التروي فى قراءة الاحداث..
لك خالص مودتى واحترامي..
والتحايا النواضر..
|
Post: #36
Title: Re: بقال طار استقبلو بالمطار ياناذر الخليفة
Author: Rasha Hatim
Date: 05-29-2006, 03:40 AM
Parent: #33
كما توقعتك من خلال مداخلات عديدة قراتها لك,, قلمك لا يتصيد الغث,, فلك شكري واعتذاري.
استنكرت عليك فقط استهجانك للاحتفاء بعودة بقال او الحديث عنه!!! انااراه جديرا بذلك!!
ولكل وجهة نظره ولكل الحق في التعبير عنها,,, فلنا ان نرفض فكرة او شخص بعينه,, ولكننا لا نملك
الحجر عليه او على كيفية طرحه لافكاره!!! فمن حق امنة الانحناء لبقال ومن حق سيف الاحتفاء به,,
ومن حقنا ان نشارك بالرفض او القبول باسلوب يرتقي بكاتبه قبل ان يصيب هدفه..
ومرة اخري لك ودي واحترامي
رشا
|
Post: #37
Title: Re: بقال طار استقبلو بالمطار ياناذر الخليفة
Author: معتز تروتسكى
Date: 05-29-2006, 04:34 AM
Parent: #36
Rasha Hatim
شكلك مافهمينى لكن خليها كده مافى مشكله
وليظل الاحترام بيناتنا
يلا انا مشتت فتك بعافية
|
Post: #32
Title: Re: بقال طار استقبلو بالمطار ياناذر الخليفة
Author: Tabaldina
Date: 05-29-2006, 03:15 AM
Parent: #1
..
.
Quote: هو كان حايم بيعمل فى شنو!؟
- ورمز لسجيمان - حتى لا يفهم المعنى خطأ لذا لزم التعديل |
حقيقة المس اندرستاندنغ ياأبوحميد
بقي مشكلة..
Am outtttttttt
|
Post: #35
Title: Re: بقال طار استقبلو بالمطار ياناذر الخليفة
Author: Ahmed Abdallah
Date: 05-29-2006, 03:36 AM
Parent: #32
تبلدينا شال كرعيه في راسه
وهاااااكـ يا فكيكـ ...
______________________
hope to see you somewhere else
Till then
wishing you all the best
|
Post: #38
Title: Re: بقال طار استقبلو بالمطار ياناذر الخليفة
Author: saif massad ali
Date: 05-29-2006, 04:47 AM
Parent: #35
رشا حاتم
مرحب بت الخالة
انا متابع البوست لكن مترفع عن الصغائر حتي لا يقع البوست في الخور
تحدثت الي بقال بان لايستجيب لاي استفزاز من اي شخص
ابراهيم رفض يمدد اقامته اسبوع هنا
الحبيب تبلدينا
نحن مش اتفقنا انو تسجل لنا زيارة هنا ولا كيف
|
|