|
لسان حال الإنقاذ : ناس البجا فى الشرق ديل ضياع زمن سااااي ؟؟؟
|
مع احترامي الشديد لــ ليبيا / اليمن / اهل البجا لكن ومن غير هارد فيلنغ
الشباب فى السودان عندما يتحدث عن العمل فى الخارج
دائما ما يصفو ا اليمن وليبيا ضياع زمن
ما عارف ليه انتو يا ناس البجا حالكم مع حكومة الإنقاذ يشبه حديث الشباب أعلاه مع ليبيا واليمن ؟؟؟
يعني ليه
ناس الإنقاذ يعتبروا أي اهتمام او مجرد تجاوب ولو قليل تجاهكم ضياع زمن سااي ؟؟؟؟؟
يعني دي درجة من التهميش والله لا تقارن ابدا بأي نوع من أنواع التهميش البتمارس فيهو الإنقاذ الآن مع كل أطراف السودان .
رد الفعل لدي حكومة الإنقاذ تجاه قضاياكم فيهو تهميش فوق مستوى الوصف لدرجة انو الواحد وصل مرحلة أصبح يتساءل اين المشكلة ؟؟ في الإنقاذ أم فيكم ؟؟؟ هل حالكم هذا مرده ضبابية في فهم وتحديد قضاياكم بالضبط ام ماذا ؟؟
و المستفز اكتر من دا كله قضايانا يا يتبناها العم سام عشان تجد قدر من الاهتمام او تترمي و تتهمش بالشكل المستفز دا ؟؟؟
|
|
|
|
|
|
|
|
Re: لسان حال الإنقاذ : ناس البجا فى الشرق ديل ضياع زمن سااااي ؟؟؟ (Re: alsngaq)
|
الاخ ا لسنجك سلام تساؤل جميل ، وكنت اعتقد انه سوف يقدح زناد حوار جاد ومثمر لاخوانى البجا فى المنبر ، ونحن نمر بمرحلة جس النبض بين الحكومة ومؤتمر البجا، طبعا اختنا تراجى مابتقصر فهى نصيرة اهل التخوم قاطبه ، ولكن كما ذكرت فان مااوردته كان تعبيرا عن اشواقها لنصرة المظلوم. هل تذكر بداية تفاقم مشكلة دارفور حين رفض المجلس الوطنى (مجلس الشعب سابقا) طلب تقدم به نواب دارفور فى المجلس الوطنى لمناقشة الاوضاع فى دارفور وكيف تعنتت الحكومة فى ادراج اقتراح مناقشة ضمن اجندة المجلس الوطنى . وتابعنا بعد ذلك الكوارث التى تلت ، فالحكومة هذا عهدها وبالذات مع البجا هل تعلم ان عبدالله خليل وعد البجا بالفيدرالية او الحكم الذاتى قبل ماواحد يقول بغم من اهل الهامش ، دى مقدمة لرفع البوست ودعوة لكل بجاوى للاسهام او تنقل سؤالك دا لبوست الاخت انتصار حتى تعم الفائدة وبجيك صادى
| |
|
|
|
|
|
|
|