Post: #1
Title: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 08:22 AM
Parent: #0
مسئول حكومى فاشل بلاهاى للتوسط فى تسوية محاكمة البشير قبل الإنتخابات
برئاسة فكى قرية الهجيليجة جنوب الجامعة الأسلامية بأمدرمان يعتكف الآن 50 فكى (فقراء) حكومى فى خلوة دائمة بفندق الهلتون بالخرطوم لمنع ا لتدخل آلدولى وفق البند السابع تماما أو تحويله ما أمكن إلى البند السادس لميثاق الأمم المتحدة هذا و سوف تستمرالخلوة إلى أجل غير مسمى لمنع المحكمة ا
فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية و توقيع الحركآت
الجنائية الدولية من ملاحقة المجرمين الإنقاذيين و صرف بقية آلحركات عن التوقيع .
كما شوهد البرلمانى السابق الفاشل (م ح أ) فى أروقة لاهاى محملاً ببعض عائدات البترول و الذهب لمحاولة إقناع أعضاء المحكمة بالحل آلوسط و يبدو آن المسئول لم يفرق بين ال AU أو EU .
جاء هذا الأمر من رئيس الجمهورية مباشرة وفق حالة الطوارى المخولة له دستوريا حيث أن حمام الساونة بالفندق قد يساعدعلى الطهارة من ذنوب الإبادة الجماعية ووعد بأن تكون الخلوة القادمة على طائرة الأيرباص أما خلاص أو إلى لاهاى بالقصاص.
عارف سيد أحمد الجاز
لاهاى ---هولندا
|
Post: #2
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 08:23 AM
Parent: #1
اخيراً بقت بالدجل والشعوذة سبحان الله
|
Post: #3
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 08:31 AM
Parent: #2
| Quote: أما خلاص أو إلى لاهاى بالقصاص. |
لا عفا الله عما سلف
|
Post: #4
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 11:14 AM
Parent: #3
2
|
Post: #6
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: اساسي
Date: 05-23-2006, 11:18 AM
مقاتلي الحركات المسلحة يا بقال ما فاضل ليهم الا يختو الفكي في الدوشكا
|
Post: #5
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ayman haroun
Date: 05-23-2006, 11:18 AM
Parent: #1
الوريف بقال
تحياتى
| Quote: اخيراً بقت بالدجل والشعوذة سبحان الله |
هؤلاء ظلمة لذلك دعوات اهلنا ستصلهم مهما صاغوا من حجج
ايمن هارون
|
Post: #19
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 03:19 PM
Parent: #5
Quote: هؤلاء ظلمة لذلك دعوات اهلنا ستصلهم مهما صاغوا من حجج
ايمن هارون |
نعم اخي ايمن هارون
دعوات المظلوميين لا ترد وليس بينها وبين الله حجاب
|
Post: #7
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عمر الفاروق
Date: 05-23-2006, 11:46 AM
Parent: #1
اااااااااااخ لو تلمني في الفكي والوداك المانيا ده !!!!!
|
Post: #8
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: Tragie Mustafa
Date: 05-23-2006, 12:22 PM
Parent: #7
الفاروق
| Quote: اااااااااااخ لو تلمني في الفكي والوداك المانيا ده !!!!! |
الفكي بتاع بقال كان جديته
ابقى جادي وانت تصل المريخ.
تراجي.
|
Post: #21
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 03:24 PM
Parent: #8
تراجي مصطفي
لك التحية والتقدير
شكراً علي المرور والمشاركة
|
Post: #9
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عمر الفاروق
Date: 05-23-2006, 12:37 PM
Parent: #1
| Quote: ابقى جادي وانت تصل المريخ. |
نحن عشااااااااان الجدية دي بتودي المريخ ما بنسويها ..
لو قلتي بتودي الهلال كان جديت ليك ...
تخريمة :
عندي صحبي من شدة ما جادي ومشى المانيا لمن شرط جوازو في الطيارة وقعد يكورك واااااي وااااااااااي ناس الامن شحطوني في ضهري ...
وهو اسة في زحل وماشي على المريخ ..
|
Post: #10
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عصام أحمد
Date: 05-23-2006, 12:45 PM
Parent: #1
السلام عليكم إبراهيم بقال.
هسه إنت وين؟
أقصد هل عدت الي السودان أم لا زلت في ألمانيا.
تحياتي
عصام
|
Post: #11
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عصام دهب
Date: 05-23-2006, 01:06 PM
Parent: #10
| Quote: أقصد هل عدت الي السودان أم لا زلت في ألمانيا. |
السيد / بقال صرح مؤخراً بأنه سوف يعود للسودان بالتزامن مع إنعقاد جلسة مجلس الأمن في الخرطوم ، و لاحقاً صرح مصدر مسئول بالخارجية السودانية بأنه لا صحة لعقد جلسة لمجلس الأمن في العاصمة السودانية ـ لذلك فمن المرجح أن يبقى السيد / بقال بالخارج لإقناع أعضاء مجلس الأمن بعقد جلستهم في الخرطوم حتى يتمكن سيادته من العودة للسودان .. ؟؟ فأبشر بطول زوغة يا مان ..
|
Post: #12
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عبدالله
Date: 05-23-2006, 01:09 PM
Parent: #10
Quote: عارف سيد أحمد الجاز
لاهاى ---هولندا |
بقال الاسم ده ما قريتو كويس
اعتمدت كلامو كيف طيب
|
Post: #13
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: saif massad ali
Date: 05-23-2006, 02:29 PM
Parent: #12
سلام ياناس
بالله عايزين لينا فكي كارب
من الهلتون يشوف الشغلة دي شنو
|
Post: #15
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ادم الهلباوى
Date: 05-23-2006, 02:50 PM
Parent: #13
بسم الله الرحمن الرحيم
إنتو قايلين بقال دا ذاتو هين
هسع هو ذاتو يكون عندو جمجكوتى فى ضراع
وجنكا جكارى فى صلبو وام كموكى وابرده
ماشايفين البورد ده بغلى كيف لما بقال ينزل
ليه بوست .. وفى النهاية كل الصياح يطلع شمار فى مرقه
معليش يابقال قصدنا المداعبة والترويح معذرة .
|
Post: #22
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 03:28 PM
Parent: #15
Quote: بسم الله الرحمن الرحيم
إنتو قايلين بقال دا ذاتو هين
هسع هو ذاتو يكون عندو جمجكوتى فى ضراع
وجنكا جكارى فى صلبو وام كموكى وابرده
ماشايفين البورد ده بغلى كيف لما بقال ينزل
ليه بوست .. وفى النهاية كل الصياح يطلع شمار فى مرقه
معليش يابقال قصدنا المداعبة والترويح معذرة . |
ادم الهلباوي
شكراً ليك ولك التحية والتقدير
لو ملاحظ انت طولت ما شاركت في البورد الليلة الجابك شنو ؟؟ (( جابك الفكي ))
ولا يهمك يأخي انا فاهمك وعارفك انت بتهظر معاي لكن التانين ...............
|
Post: #17
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: Mohamad Shamseldin
Date: 05-23-2006, 02:56 PM
Parent: #13
بقال اخوى
اول ما الواحديفكر فى الفكى يحلحل ليهو مشاكله..موضوعو باظ و مخه ضرب
الصور الفوق دى ناسها مخهم ضارب
فى بداية التسعينات و فى مؤتمر بقاعة الصداقة واحد دكتور اسمه عمر دعا للاستعانة بالجن لتعلية خزان الروصيرص!!
اتمنى ان تسعوا لتنظيف عقول الناس من الدجل و الشعوذة عندكم فى دارفور الكثير منها
لست ضد الصوفية السمحة فمزاجى صوفى . . و ضد الدجل و الشعوذة
|
Post: #23
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 03:31 PM
Parent: #17
Quote: بقال اخوى
اول ما الواحديفكر فى الفكى يحلحل ليهو مشاكله..موضوعو باظ و مخه ضرب |
الاخ/ محمد شمس الدين
شكراً جزيلاً لك
اصلاً ديل موضوعهم بيظ من زمان ومخهم ضارب وما لقوا ليهم حيلة الا اللجوء للشعوذة والدجل
|
Post: #20
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 03:23 PM
Parent: #13
Quote: سلام ياناس
بالله عايزين لينا فكي كارب
من الهلتون يشوف الشغلة دي شنو |
شكراً لك اخي سيف مساعد علي المرور (( الفكي مابيحلهم ))
|
Post: #14
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ABUHUSSEIN
Date: 05-23-2006, 02:43 PM
Parent: #1
كـدي ما تشوف الخمسين فكي ديل بعرفوا إكتبوا الكي بورد صاح و لا برضوا
مشكلتهم في إنو الكي بورد برضوا بالألماني ؟؟؟؟؟
أساسي و عمر الفاروق يا حاقدين كلوا ما تشوفوا ليكم مناضل تكريه في
أبو النضال ذاتو
و لا حاسدين الزول في الكرفته الحمراء دي
|
Post: #16
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: Tragie Mustafa
Date: 05-23-2006, 02:51 PM
Parent: #14
ابوحسين خليك من الفصاحه على بقال
انت الكاتبوا ده شنو؟؟
Quote: إكتبوا الكي بورد صاح و لا برضوا
|
وهل هي يكتبوا ام اكتبوا؟؟؟؟؟
وزي ما اخطأت في حرف حرام على بقال بدل( كي بورد) يكتب (كي بورت)؟؟؟
لكن زي ماقالوا البتكرهوا في الظلام (بتقول ليه بتحدر لي ليه؟؟؟)
لك الله يا بقال.
تراجي.
|
Post: #18
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: hatim
Date: 05-23-2006, 03:03 PM
Parent: #16
Quote: لك الله يا بقال.
تراجي |
|
Post: #30
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ABUHUSSEIN
Date: 05-24-2006, 04:13 AM
Parent: #16
Quote: ابوحسين خليك من الفصاحه على بقال
انت الكاتبوا ده شنو؟؟
Quote: إكتبوا الكي بورد صاح و لا برضوا
وهل هي يكتبوا ام اكتبوا؟؟؟؟؟
وزي ما اخطأت في حرف حرام على بقال بدل( كي بورد) يكتب (كي بورت)؟؟؟
لكن زي ماقالوا البتكرهوا في الظلام (بتقول ليه بتحدر لي ليه؟؟؟)
لك الله يا بقال.
تراجي. |
يا تراجي هو ما عندو يدين إكتب بيهم في الكي بورت و لا محنن و لا إنتي المحامي بتاعو؟؟
بعدين أنا ما مشيت ألمانيا لي مؤتمر
|
Post: #24
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ombadda
Date: 05-23-2006, 03:41 PM
Parent: #1
الفكى بقال
يا أخى ما تتلما
|
Post: #25
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: حيدر حماد
Date: 05-23-2006, 04:21 PM
Parent: #24
يا بقال بدلاً عن هذا الدجل و الشعوذة ... أتمنى أن تعكس لنا بحكم أنك أحد القيادات الطلابية الدارفورية ما حدث فى المظاهرات بالأمس و التى قام بها طلاب دارفور بالجامعات .... أسماء المعتقلين ... عدد الضحايا من جرحى أو قتلى " إن وجدوا " و.. الخ ... لا يمكن يا بقال ... هذا البوست حقيقة مخجل بمعنى الكلمة , أرجو أن تستفيد من سفرتك لألمانيا بأن تكون أكثر علمية و أن تتوسع مداركك بالإحتكاك بالعالم الخارجى و أن تتخلص من سذاجة الريفى و بساطة القروى و ثقافة الحبوبات من حيث الإيمان بالفكى و الوداعية و قراءة الفناجين و البعاعيت و الغول و الشيوخ التى تطير لتصلى فى الكعبة حاضراً و أم بعلو و هلم جرا...
تعرف يا بقال لو قلت كلامك ده للألمان , طوالى ح يعملوا ليك deportation زى الترتيب بدعوى إنك مجنون و خطر على مجتمعهم
|
Post: #26
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-23-2006, 05:09 PM
Parent: #25
الاخ/ حيدر حماد
شكراً جزيلاً لك علي المرور ورفع البوست
انا الان يأخي خارج السودان وحأرجع السودان قريب انشاء الله , يعني بمعني اوضح لم اكن مشاركاً في التظاهرات التي حدثت في الخرطوم
ولكني متابع مع زملائي واخوتي في الرابطة عبر الهاتف عن كل الذي حدث وكتبت وشاركت في بوستات اخري عليك المتابعة
وبعدين ياحيدر حماد انا بقول وبكتب العايزه دون اي وصايا وعليك انت تقول رايك فقط موافق او ضد زي ما الناس السبقوك
قالوا رايهم ما ممكن اصلاً يا حيدر حماد تعمل لي فيهو مهندس وتقول لي ابني عمارة وانت قطية ما قاعد تبنيهو .. هل فهمت ما اقصده ؟؟
|
Post: #27
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: Saifeldin Gibreel
Date: 05-23-2006, 05:43 PM
Parent: #26
الاخ العزيز ابراهيم بغال لك منى التحايا والوّد ، كنت أتمنى لو انك كتبت بوست تشرح لنا ما دار من حوار فى المؤتمر الذى حضرته فى المانيا كممثل لطلاب دارفور فى هذا المؤتمر ، وما هى التجربة والمكتسبات التى جنيتها من هذا المنتدى مثل ما فعلت الاخت عالية عوض الكريم فى ندوة برلين ، فأتمنى ان تتعرف على تجربة المانيا، وهى تجربة ثرة فى مسألة القوميات والاثنيات ، وكيف انهم نجحوا فى توحيد الشعوب الجرمانية مع القبائل الاخرى ، فأتمنى ان تعكف على دراسة هذه الاشياء ، ولتكن لك زاد فى مستقبل الايام ، وانت تطرح شخصك كناشط فى الشأن الدارفورى ـ فهنالك برنامج فى الجامعات الالمانية للطلبة الاجانب والذين يحضرون كضيوف فيمكن بمساعدة اى من الاخوان التسجل فى اى جامعة كضيف زائر ، لتتعرف على تجربة الديمقراطية فى المانيا ونظام مؤسسات الحكم والتى تتمثل فى السلطات الثلاثة التى تحكم المانيا، كالسلطة التشريعية والتى تعرف بالبوندستاك وهو اكبر هيئة تشريعية فى المانيابالاضافة للنظام القضائى والمستشارية التى هى بمقام مجلس الوزراء، بالاضافة للولايات الالمانية وكل لها قوانينها الخاصة ما عدا مجالات الشرطة والامن والهجرة والشئون الاقتصادية فى اشياء فدرالية وهنالك الكثير المفيد الذى يمكن لك ان تجنيه من زيارتك هذه لالمانيا فهنالك الكثير من المتاحف والبيوتات التاريخية فألمانيا هى بلد الفلاسفة والعلماء فلا تنسى ان تزور متحف قوتة ومنزل بتهوفن فى بون ، ولا تنسى ان تطلع على تاريخ بايمر ريبوبليك ، فلا تفوت هذه الفرصة لكى تصب فى صغل تجربتك السياسية والتى نتمنى لها ان تصب فى قضية الحرية والديمقراطية فى السودان.
مع فائق تقديرة
سيف
|
Post: #28
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: حيدر حماد
Date: 05-23-2006, 06:02 PM
Parent: #26
الأخ إبراهيم بقال
Quote: شكراً جزيلاً لك علي المرور ورفع البوست
|
عفواً
| Quote: انا الان يأخي خارج السودان |
أنا عارف كده و شفت صورك بتاع مركوب النمر
| Quote: وحأرجع السودان قريب انشاء الله |
خبر عظيم , أنا كنت فاكرك ح تكسر ركبة
Quote: يعني بمعني اوضح لم اكن مشاركاً في التظاهرات التي حدثت في الخرطوم
|
طبعاً يعنى فى زول بتواجد فى مكانين مختلفين فى نفس الوكت ؟؟؟؟؟؟؟؟
| Quote: ولكني متابع مع زملائي واخوتي في الرابطة عبر الهاتف عن كل الذي حدث |
وهو المطلوب , فأنت زعامة طلابية و رقم لا يمكن تخطيه فى المحيط الطلابى
| Quote: وكتبت وشاركت في بوستات اخري عليك المتابعة |
تابعت و بحثت فلم أجد سوى هؤلاء " الفككة " نزيلى الهيلتون
Quote: وبعدين ياحيدر حماد انا بقول وبكتب العايزه دون اي وصايا وعليك انت تقول رايك فقط موافق او ضد زي ما الناس السبقوك
قالوا رايهم |
وصايا شنو يا خوى ؟؟ أنا قلت ليك رأيى فى البوست الخرافى ده , فآسف جداً إذا أغضبتك .. و لك أن تكتب ما يحلو لك و لك كامل الحرية و لكن للناس أيضاً الحق فى أن يكتبوا و يشبعوك نقداً و نصحاً و حتى تجريحاً " مادام أنت و هم يلتزمون باللوائح "
| Quote: ما ممكن اصلاً يا حيدر حماد تعمل لي فيهو مهندس وتقول لي ابني عمارة وانت قطية ما قاعد تبنيهو |
يا زول ده كلام شنو ؟؟ مهندس و عمارة و قطية و فرن ده شنو ده ؟؟ يا خوى أنا لا مهندس و لا مدرس و لا قلت ليك أبنى عمارة و لا أركب حمارة ,, كل مافى الأمر أن قصة " الفككة " دى ما راكبة عدلها .. فهى خرافات سخيفة لا تستحق الإنتباه و لا تستدعى أن تذكر مع إقليم مشتعل و سلام مهزوز و مظاهرات طلابية فى العاصمة و مظاهرات لاجئى المعسكرات و القوات الدولية تستعد للمجىءو ...و ... الخ .... يعنى البلد مقلوبة فما بالنا بفككة الهيلتون ووداعيات الشيراتون؟؟
| Quote: هل فهمت ما اقصده ؟؟ |
لا ما فهمت ...أنا بفهم حاجة واحدة أن من يؤمن بالخرافات و الخزعبلات من فكى و بعاتى وغول و خلافه لا يستطيع أن ينشر الوعى و المعرفة فى مجتمعه لأن فاقد الشىء لا يعطيه
|
Post: #29
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عصام دهب
Date: 05-24-2006, 03:20 AM
Parent: #28
| Quote: يعنى فى زول بتواجد فى مكانين مختلفين فى نفس الوكت ؟ |
أيوووة في ..
و هو بقال ..
يعني ممكن يكون متجدع في ألمانيا ومسخان ليهو كاس العالم .. وفي نفس الوكت قلبو وروحو وعقلو وحنانو مع الشباب المساكين البتظاهروا في الخرطوم ..
|
Post: #31
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: قلقو
Date: 05-24-2006, 06:08 AM
Parent: #29
الأخ بقال
الموضوع عادى جدا..
هل تذكر وفى اوائل شهور انقلاب الأنقاذ كانت هناك كمية من المؤتمرات الوهمية التى عقدتها السلطة . وفى احد تلك المؤتمرات وهو مؤتمر الأنقاذ الأقتصادى وفى نهاية التوصيات طلب احد المؤتمرين ان تتضمن وصايا ذلك المؤتمر توصية بالأستعانة( بالجن المؤمن ) للمساعدة ولضمان نجاح ذلك البرنامج الأقتصادى الذى اقره ذلك المؤتمر الأنقاذى..تخيل , وعلى ذلك يمكنك ان تقيس..
مع تحياتى
|
Post: #32
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: Tragie Mustafa
Date: 05-24-2006, 08:18 AM
Parent: #31
بقال
تحياتي
شفت يا بقال الناس العامله مكجناك دي ياهم ذاتهم نوع
( الفي الظلام يقول لك بتحدر لي ليه)
وفي (البحر يقولوا لك عججتني)
انت حسه ما كتبت المقال شبوا في حلقك يا ترى لو كتبته كان قالوا شنو؟؟؟؟
تراجي.
|
Post: #33
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ابراهيم بقال سراج
Date: 05-24-2006, 08:24 AM
Parent: #31
موضوع البوست دا ذكرني واحد صياد بيخاف من الاسد مشي لفكي قال ليهو اعمل لي حجاب عشان الاسد ما يأكلني
الفكي قال ليهو انا بعمل ليك حجاب الاسد ما يشوفك وكان شافك ما يقرب ليك وكان قرب ليك ما يهبشك وكان هبشك
ما ياكلك وكان اكلك انشاء الله ما تنفعوا ,,
انا خايف فقراء الحكومة ديل يقولوا للبشير القوات الدولية ما بتدخل وكان دخل ما بيجي الخرطوم وكان جاء الخرطوم
انشاء الله بن لادن يجي
دجل وشعوذة مابيحلكم يا مجرمين (( القوات الدولية قادمة مرحباُ بهم )) (( المحكمة الجنائية الدولية قربت )) الفكي ما بيحلكم
|
Post: #34
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: عاصم ابوبكر حامد
Date: 05-24-2006, 09:01 AM
Parent: #33
العم ابراهيم بقال
كيفك
والله انت عجيب
الناس البجم الهنا ديل قالوا ابراهيم بقال دا سافر المانيا
نرتاح شوية من كلاموا ...
لكن بقيت ليهم شوكة حوت يا عم وربنا يوفقك
وهكذا عهدناك دوما يا ابرهيم ...
اسمعنى الفكى بتاعهم دا قول ليه يحاول يكلمهم يصنوا خشمهم على شان
وقت الحساب قرب يا مان ...
وبلغ سلامى الى كل الاهل والاسرة بطرفك ...
تسلم
|
Post: #35
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ABUHUSSEIN
Date: 05-24-2006, 09:34 AM
Parent: #33
يا بقال لو نساء دارفور و أطفال دارفور و كهول دارفور منتظرينك إنت تعمل ليهم حاجة
و الله إقعدوا مليون سنة في الخلاء تحت الشمس و المطر و البرد
لأنوا يا خوي إنت في ألمانيا. و شكلك كدا منتظر ناس رونالدينهو و زيدان
و عليك الله زول شايل هم مواصلات من أمبده لي العرضة بفكر في نكات و كلام فارغ و دجل و
شعوذه ناهيك عن أطفال شايلين المواعين إمشوا أميال علشان إجوبو مويه علشان إروي عطش
جدوا اللي ما قادر إتحرك مترين؟؟؟؟؟
عليك الله فكنا مليتنا فقر إنت و الوهم المبارياك في كل مداخله دي
| Quote: دجل وشعوذة مابيحلكم يا مجرمين (( القوات الدولية قادمة مرحباُ بهم )) (( المحكمة الجنائية الدولية قربت )) الفكي ما بيحلكم |
القوات الدوليه دي موجودة لسه في العراق و العملتو في أبوغريب كل الدنيا عارفاه
دا غير اللي لسه ما إتعرف و القوات الدوليه دي حا تجي تقعد في نص أهلك ما حاتقعد
في هلتون الخرطوم و لا حا تمشي ألمانيا و كمان ما بكتبوا الكي بورت يعني يا حلو
بعد ما إجوا ما تجي تجقلب هنا فهمتني يا حلو يا لذيذ
|
Post: #36
Title: Re: فى خطوة مفاجئة 50 فكى حكومى بفندق الهلتون بالخرطوم لمنع التدخل الدولى و المحكمة الجنائية
Author: ebrahim_ali
Date: 05-25-2006, 02:15 AM
Parent: #35
(أنا بفهم حاجة واحدة أن من يؤمن بالخرافات و الخزعبلات من فكى و بعاتى وغول و خلافه لا يستطيع أن ينشر الوعى و المعرفة فى مجتمعه لأن فاقد الشىء لا يعطيه )
عليكم الله شوف جنس الدجل والشعوذة الفاكيها فينا بقال دا
والمقال نفسو ما ما رتب وأخطائه كثيرة (نفس صياغة بقال) يعني المقال مضروب ذي مقال كاشا الضربوا الجماعة
ولا عزاء لك يابغال
|
|