ألى شبشة -حروفي لا تسعفني الآن-

حروفي لا تسعفني الآن
وقلمي غارق في سحابات الوجع
ساترك الرزاز يكتب
يأتي بكلمات دعاش

لن أعود لمفردات خانعة مرتجفة
لان الحب يأخذ ملامح الجبال
ويمنح القوى
لا الخنوع والخوف
احتاج كلمات بطعم المطر
لكي اكتب سطور من البنفسج
والأمل
أجدك مشغول بأمنيات تشبهني
تجلب المطر
والرزاز
والأمل
ويظل يكتب الرزاز عني إلى أن يأتي خريفي
ليجلب لك
الرزاز
والأمل

اين شبشة؟

شبشة؟
زول ولا المدينة المعروفة على النيل الابيض؟

عادل عثمان
لك الود

زول الله إن محن ما بسعل

يا سلام على شبشة يا هنادي؛
ربما يلزمني البحث قليلاً لآتيك بأحدث صورة له.
و لكن ما أهمية الصور إن كان منطبعاً على الذاكرة.

حسين
لك التحية
ونشكر لك مرورك البهي

Quote: زول الله إن محن ما بسعل

ممكن ترجمة على الشريط يا هنادى يوسف؟

زول الله دا ؟

يا الجواي من قبلي لقيتك قبل اكون في الدنيا خلية


ولاّ


ما شفتو عوض تابع النجمات

يا ساري الليل

لكي التحية

شوك الشوق
محمد الحسن حميد
*********
شوك الشوق لى الشوف آ خَىْ
ضارب قطن النسج الحى
يا منقاش أحزانى إنشرت
وادى الفرح إتمدد صَى
يا راحلين عِـنْ دُغُش الليل
ما لاقيتو جناياً زى ..
تكية نخل الفجُر الجاسِر
فوق فى المتَرَة .. عَرَاجِنْ ضَى
آ رعاوة .. العرب الرُّحّل
ما لاقاكُنْ فى المطرانى ؟
فى كاويقْ الجرف الأمحل
بين أسراب الرهو الراحِل
ساند أكتاف الليل الميّل
عِنْ ساساق الغيمة عليكُن
بين رقراق الخيمة معاكُن
ما أديتوهو شِوَىْ ... بى حرجل؟
*************
آ رطّانة الليلُن ليّل
ما لاقاكُن فى ونساتكُن؟
بين الشادِى وبين كاساتكُن
فى صلواتكن .. عِنْ دعواتكن
أو .. دقساتكُن عِز خلواتكُن
.. زول .. زول الله
إن مِحِن .. آ .. بِسأل
الهبّاد لى غُلبْ أخواتو
الفرّاح عوّان الحلّىِ
الفدّاع لى الليل ظُلماتو
آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وليش ما يرجع من غُرباتو
طوّل طُول .. ما طلّ علينا
وقاطِع مِننا جواباتو
الغابات جات تنشِد منو
والعربان راجين جياتو
أديناهم عرقو .. وعَلَقو
صورتو يقلِّب فى كِتْباتو
ضُل رشاشو .. ركيزة زولو
ساعة سِلمو .. ويوم حوباتو
سِن طوريتو ولون أبرولو
حِس طنبورو البى نغماتو
لهْلَب عِشق الناس الفقرا
وبرّد جوفُن .. بى غنواتو
... ويا غنواتو
الدخلت فينا
تمرق .. جينا على جِلاّتو
وجِيداً جينا .. طلقنا وشينا
وش الدنيا الليلة حلاتو
وش أطفالنا الليلة حلاتو
وغنى معانا غنانا هويتو
غنِّى العالم
غنى حياتو
لا ساومنا عليها قضيتو
ولا فكينا من إيدنا .. وَصَاتُو
ألف شليل يا نورة يفوتو
عشان ما يجيك شليلك زاتو

عادل عثمان - دي ليك - ترجمة في شريط

......
سلامات هنادي،
Re: لوحة المفاتيح ...

......

شبشة ده أنا قابلتو مرة أو مرتين..لكن ما نسيتو...

هو من الأشخاص الذين يتركون إنطباعا دائما في الذاكرة....

أذكر أنه كان زميل دراسة لأختي الصغرى "سارة محي الدين".

مَرّة طال اللّيل عليّ ..
ووصلت الآهات مداها
قلت لي النجمات مو جايي ؟؟؟ ..
قالت الأيام تراها
يا ضيا القمرا القُبَالي ..
شوكة الظُّلْم الخيالي
عَسّمَتْ فوقنا اللّيالي ..
خُبِّي في إسراعِكْ تعالي

يا مناقيش العدالة

--------------------------
حمّيد

شكرآ يا هنادى على هذه الترجمة الراقية..

الصديقة العزيزة والجسورة هنادى تحياتى واسعدنى اننى على البال واشكرك وجميع الاصدقاء المتداخلين واسيف انا لتأخرى ..

كل الود

شبشة

لك الود

في البال
عندما نحاصر
خلف سور مدن
لا تعرف أغنيات المطر
ورقص السنابل
مدن تسخر من سمرتنا
لما تترجع احلامنا
ونقرر نقاوم
بنزكر كل الرائعين
زوادة ومضة الامل والاحتمال

الزميلة هنادي بت الفضل لك التحية

شبشة او لا زلت على قيد الحياة بيننا كلام كثير اتمنى لو ارسلت تلفونك انا في الانتظار
قريب الله

الصديق الراقي قريب الله

لك الودوالاحترام