Post: #1
Title: واحد يقنعنى ............... للمجربين فقط
Author: WadAker
Date: 05-20-2006, 12:33 PM
:::::المجربين :::الذين خاضوا التجربة واقتنعوا ::
|
Post: #2
Title: Re: واحد يقنعنى ............... للمجربين فقط
Author: اساسي
Date: 05-20-2006, 12:37 PM
Parent: #1
اها بي شنو؟
|
Post: #3
Title: Re: واحد يقنعنى ............... للمجربين فقط
Author: WadAker
Date: 05-20-2006, 12:38 PM
Parent: #1
دا التعليق الرسمى على الصورة ككل ::::::
A picture taken 20 May 2006 shows rebels from the Sudan Liberation Movement (SLM) in Tina, a small village next to Tawila, a town located 70 kms west of al-Fasher, capital of Northern Darfur. This branch of the SLM loyal to Abdulwaheed Mohamed Nur didn't sign the peace deal with Karthoum. They demand more rights, but have been threatened by the UN security council of sanctions if they don't agree to the peace before May 31. AFP PHOTO/RAMZI HAIDAR
:::::::::::::::
بس انتو تعليقكم شنو على الحجبات التى على السلاح وهل هى حقا تقى من الرصاص وبمعنى ادق عن الموت وهل جربها احدكم........ المسالمين يمتنعون
|
Post: #4
Title: Re: واحد يقنعنى ............... للمجربين فقط
Author: اساسي
Date: 05-20-2006, 12:43 PM
Parent: #3
طيب انا مرة بعيني دي شفت لي حجابات شغالة تش والله لكن ما حقت طلق حقت سكاكين
كنت مرة في جنوب كردفان وصادف انه في عشاكر قايمين من الدلنج لي مندي لاحقين ليهم متحرك كدا
اها العربية الراكبنها جات قاطعة وسط الجماعة ديل كان معاهم قايد الحامية ولا محافظ ما عارف
اها وقفنا نتفرج في اللمة العساكر معنويات الف جا واحد عمك كدا مربط حجابات من اخمص رجليه الي شعره ان اسعفتني العربية
وكان شايل ليهو سكين مكنة ساطور عديل اها الزول دا جاب ليهو كم حبل كدا وكم منقة وجدادة ضبحها قدامنا بالسكين يعني السكين شغالة تش
اها بعد انتهي منها ختا السكين في رقبتو واشتغل بيها كمان في نحره اها السكين غير تقول سيييييييك سييييييييييك الحبة دي ما بتعملها
والله زولنا ما جاته التكتح وجلد الرقبة دا يمشي معاها هناك ويرجع بي ركشة
|
Post: #5
Title: Re: واحد يقنعنى ............... للمجربين فقط
Author: Alshafea Ibrahim
Date: 05-20-2006, 12:46 PM
Parent: #1
ودعكر
مع التحية والتقدير دائما
الحجبات دي من عين عنان ضد العقوبات المحتملة
أها الحكومة ذاتها كسبت فصيل شريك (محجب) يعني الفكي واحد،
سمعت أنهم يعتقدون أن اللغم لا يؤثر على السيارة المحجبة ؟؟؟؟؟؟؟؟؟؟؟؟؟؟؟
بس عاوز استعين بصديق (ميداني) لو ممكن عشان نأخذ الإجابة الصحيحة
اخوك
الشفيع
|
Post: #6
Title: Re: واحد يقنعنى ............... للمجربين فقط
Author: معتز تروتسكى
Date: 05-20-2006, 01:54 PM
Parent: #5
WadAker
الحبوب ازيك ياخ
قايتو شغلانتك دى الا تجيب ليها بقال ولامحمد سليمان ولاعاصم ولامحمدين ولاشاو او اى واحد ليهو علاقة بى تشاد..او دارفور او اي واحد من الثوار. .
وكان عايزين جكس شوفو اقرب زوله لى ناس دارفور وجربو فيها ..
بس لو مالفقت شيل شيلك سجن وغرامه واذيه للبشريه..  .
اساسى
جيت ناطى قايلو شنو هو اوع تكون قايلو زى الكنت قايلو انا. .
كواديك الثوار !!
|
Post: #7
Title: Re: واحد يقنعنى ............... للمجربين فقط
Author: WadAker
Date: 05-21-2006, 11:43 AM
Parent: #1
اللخوان جايكم واحد تلو الاخر وخاصة الناس الفهمو الشغلانة بالمقلوب ..بالجد الحاجة دى جادة وانا قلته ادعمها بكم صورة واجييكم طاير.....هاكم "رامفورى" دا
|
Post: #8
Title: Re: واحد يقنعنى ............... للمجربين فقط
Author: WadAker
Date: 05-21-2006, 11:46 AM
Parent: #1
كشفوا للشفت دا ::::من النوع البجيب ابوكباس :::نسال الله السلامة:::
|
|