Post: #1
Title: اضغط علامة الويندوز + حرف الإل في الكيبورد وأديها صنّة
Author: Frankly
Date: 05-20-2006, 08:15 AM
Parent: #0
وبس
|
Post: #2
Title: Re: اضغط علامة الويندوز + حرف الإل في الكيبورد وأديها صنّة
Author: الزنجي
Date: 05-20-2006, 08:37 AM
Parent: #1
فرانكلى
جربتها
حلوة
الله يديك العافية
امين
الزنجى
|
Post: #3
Title: Re: اضغط علامة الويندوز + حرف الإل في الكيبورد وأديها صنّة
Author: Frankly
Date: 05-20-2006, 12:49 PM
الأخ الزنجي
الله يخليك
تعرف أنا كتبت البوست دا وأنا في قمة الزهج من حال المنبر
يا أخي في ناس هنا لا يعجبها العجب لا الصيام في رجب
وعشان مداخلتك دي
جرب دي كمان
زر آلت وزر الإنتقال (سهمين متعاكسين)
وبعدها جرب دي
علامة الويندوز وحرف الإم
يا أخي دا الزهج ولا بلاش
يديك العافية
تحياتي
كمال
|
Post: #4
Title: Re: اضغط علامة الويندوز + حرف الإل في الكيبورد وأديها صنّة
Author: حسين يوسف احمد
Date: 05-20-2006, 12:58 PM
Parent: #3
الأخ فـرانكـلي ..
مشـكوووور !!
بس إخـرب كيبـوردك ، جهجهتنـي !!!
وجـايييك ، ح أدهشـك !!
ولك السلام .. ولنـا السـلام .. فـي زمـن البحـث عـن السـلام .. حتـى مجـئ السـلام
|
Post: #5
Title: Re: اضغط علامة الويندوز + حرف الإل في الكيبورد وأديها صنّة
Author: معتز تروتسكى
Date: 05-20-2006, 01:33 PM
Parent: #4
Frankly
ياحاج يطرشنى كان فهمت شى. .
اتردت قلت ياربى يكون هكر اسلامي. .
قايتو اتقطعت واتوكلت ..
برضو مافهمت شى..
دى الحاجات الشغاله ولا شنو..؟
المهم مشاغوووووووووون ياخ
ومشتاق ليك شوق زول داير يفخخوه..
|
Post: #6
Title: Re: اضغط علامة الويندوز + حرف الإل في الكيبورد وأديها صنّة
Author: Frankly
Date: 05-20-2006, 01:47 PM
Parent: #5
الأخ حسين يوسف احمد
يا ألف مرحب بيك
وسلمك الله من كل شر
ومنتظرنك
الشين شان وا( ماعلااف معناها شنو)
معتز أنت لسع صاحي
إنت كمبيوترك ما بيفهم عربي وانجليزي عشان كدا ما بينغع معاك الكلام الفوق دا
لكن عندي ليك واحدة خاصة بالشاينيز
يا شباب دي خاصة بمعتز ما تجربوها إلا إذا كان عنكم لغة صينية
اضغط على زر رد على تحت في نهاية هذه المداخلة واكتب ردك زي كل مرة وبعد ما تختار الألوان وتكبر الحروف ما تضغط على "اضف رد" بل اضغط على "Alt" أولاً وخليك ضاغط و أضفط على "F4"
وتعال وريني النتيجة
منتظرك
|
Post: #7
Title: Re: اضغط علامة الويندوز + حرف الإل في الكيبورد وأديها صنّة
Author: Frankly
Date: 05-20-2006, 02:08 PM
Parent: #6
شنو يا معتز نمت ولا شنو؟
أوعى تكون angry
حلوة موش؟
تصبح على خير
مودتي
كمال
|
Post: #8
Title: Re: اضغط علامة الويندوز + حرف الإل في الكيبورد وأديها صنّة
Author: معتز تروتسكى
Date: 05-20-2006, 02:17 PM
Parent: #6
اسمعنى انا اساسا جهاز فيهو مجموعة لغات لكن اللغه الرسميه انجليزى..
فجربت الاولى
| Quote: اضغط علامة الويندوز + حرف الإل في الكيبورد وأديها صنّة |
جابت لى لوحة ال (to begin click you user name)وقع ليك موضح فيها البرنامج الشغاله+ ( unred mail messages) كالعاده ضغت وخشيت عادي ؛دى مافيها اشكاليه..
وجربت فى التانيه الصفحه طارت قبت الجهاز ده مسكون ولا شنو. .
يعنى نهايتو الوهمه والقمطه وشنو. .
والله تجنن على احرش ليك ناس العيون الضياقت ديل مش يجو يشلوك انت يجو يشيلو منبر بكرى ده كلو يودهو الخور . .
انا صاحى قلت اشوف نهايتك +حبة شوق..
يعنى ده مانساهر ليهو ولا شنو..
بالمره اخطف رجلك سريع وتعال ساهر معانا. .
|
Post: #9
Title: Re: اضغط علامة الويندوز + حرف الإل في الكيبورد وأديها صنّة
Author: قرشـــو
Date: 05-21-2006, 03:02 AM
Parent: #1
حلوة يا فرانكلى
تعرف دى فسرت لى حاجات مرات بتحصل دون ارادتى
معناها بعض المفاتيح لها خاصية لابد من معرفتها لتجنب ازالة نصوص مهمة او ما شابه
الله يديك العافية
|
Post: #10
Title: Re: اضغط علامة الويندوز + حرف الإل في الكيبورد وأديها صنّة
Author: حسين يوسف احمد
Date: 05-21-2006, 01:07 PM
Parent: #9
الشـباب الـرائـع ..
تحـياتـي وحـبي ..
هـاكـم دي ، عبـارة عـن قـولـة خـير ، وأرجـو أن تعجبكـم ..
ومـا تخـافـوا أنـا ح أديكـم ليهـا بشـرحهـا ..
العـزيتز تـروتسـكي :
Quote: اتردت قلت ياربى يكون هكر اسلامي..
قايتو اتقطعت واتوكلت .. |
وبالمـرة شـوف الهكـر القـومـي ..
العـزيـز فرانكـلي :
Quote: وسلمك الله من كل شر
ومنتظرنك |
جيتـك وانشـاء اعجبـك الشـغل ..
قـرشـو العـزيـز ..
| Quote: معناها بعض المفاتيح لها خاصية لابد من معرفتها لتجنب ازالة نصوص مهمة او ما شابه |
وعشـانك ايهـا الفتـى النبيـل ، نبـدأ بخـاصـية بعـض المفـاتيـح ...
F4 = عنوان موقع من الهيستوري (احد المواقع التي قمت بزيارتها سابقا )
F5 = للقيام باعادة تحميل نفس الصفحة
ESC = لايقاف تحميل الصفحة التي تقوم بتحميلها
HOME = للذهاب الى اعلى الصفحة الحالية
END = للذهاب الى اسفل الصفحة الحالية
Page down or SPACE = الى الاسفل لتحريك الشاشة او صفحة كاملة
Page up or SHIFT = لتحريك الشاشة او صفحة كاملة الى الاعلى
ALT + Left Arrow = للعودة الى الموقع السابق
ALT + Right Arrow = للذهاب الى الموقع الذي يليه
CTRL + B = فتح المفضلة وتنظيمها
CTRL + D = اضافة الموقع الى المفضلة
CTRL + H = لفتح ملف الهيستوري (التاريخي) الموجود بالجهاز
CTRL + L = لفتح موقع جديد
CTRL + N = لفتح صفحة جديدة للمتصفح
CTRL + O = لفتح موقع جديد
CTRL + P = لطباعة الصفحة
CTRL + R = اعادة تحميل الصفحة
CTRL + S = لحفظ الصفحة الحالية
CTRL + W = لاغلاق نافذة المتصفح
بصـراحـة كـدا يـا شـباب ، لـو أفـادتكـم أدعـوا لينـا ، ولـو قـديمـة قـولـوا عشـان نـديكـم مـن بيـت الكـلاوي ..
ولكم السـلام .. ولنـا السـلام .. فـي زمـن البـحث عـن السـلام .. حتـى مجـئ السـلام ..
|
Post: #11
Title: Re: اضغط علامة الويندوز + حرف الإل في الكيبورد وأديها صنّة
Author: قرشـــو
Date: 05-22-2006, 04:05 AM
Parent: #1
الأخ حسين
شكرا يا سيدى وحتى لو قديمة برضو الذكرى تنفع المؤمنين والواحد بنسى الحاجات البيعرفها
لكن كده بنعش الذاكرة من جديد
وبرضو فيها حاجات جديدة
الله يديك العافية
|
Post: #12
Title: Re: اضغط علامة الويندوز + حرف الإل في الكيبورد وأديها صنّة
Author: Sobajo
Date: 05-22-2006, 04:18 AM
Parent: #11
فـــــــــــــرانكلي ...
حسيـــــــــــن يوسف ...!!
الله يجعلها في ميزان حسناتكم ...!!
قـــــــــــــرشو ..
مع انو ما اديتنا حاجة لكن برضو كتر خيرك و بارك الله فيك .. و جزاك الله خيرا
ً
و دمتم
|
Post: #13
Title: Re: اضغط علامة الويندوز + حرف الإل في الكيبورد وأديها صنّة
Author: Frankly
Date: 05-23-2006, 02:50 AM
Parent: #12
ألف ألف مرحب بال أخوة الكرام
الدكتور معتز تروتسكي
والأخ الحبيب عمدتنا قرشــو
حسين يوسف
والفنان سوزباجو
وألف شكر للأخ حسين يوسف لإثرائه البوست بهذه المعلومات القيمة
وأشاركه بهذا الموضوع البسيط
علامات التنوين على لوحة المفاتيح "الكيبورد"
shift + ا = أ
shift + غ= إ
shift + ل= لأ
shift +ف=لإ
shift + ض= َ الفتحة واذا أردنا تنوين الفتح نكرر العملية
shift + ث = ُ الضمة واذا أردنا تنوين الضم نكرر العملية
shift + ق = ٌ تنوين الضم
shift + ء = ْ سكون
shift + ذ = ّ الشدة
shift + ش = ِ الكسرة
shift + س= ٍ تنوين الكسر
shift + ن = ، الفاصلة
shift + ز = . النقطة
shift + ك = : نقطتان فوق بعض
shift + ص =: الفتح
تحياتي
فرانكلي
|
|