Post: #1
Title: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: WADKASSALA
Date: 05-19-2006, 07:46 AM
سـلامات
آهـا يجـيك واحــد طـاير يقول جداد شـنو وأنفلونزا طيـور ياأخوانا أنا قاصد الأعـضـاء الجدد ماتفهمونــا غلـط بعدين البوســت يروح خـور أبوعنجـه.
السؤال قائم????
|
Post: #2
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: Salah Abdulla
Date: 05-19-2006, 08:24 AM
Parent: #1
ود كسلا..
إبن المدينة التي أشرقت بها أول شمس (عشقي ) ..
سلام وتحيات ..
أنا في المنبر العام جديد .. لكن قديم جداً في سودانيز أون لاين .. ونفسي ما حار لكن ( قايم ) وبيني وبينك ( البيتور ) لي نفسي الشلاقة والخرمجة والشوت الضفاري .. وكتير ما بتدخل ( بس بعاين بي عيوني ) بحتار في المحن دي ..
والجديد مصيرو يقدم .. والقديم كان جديد ، والقصة ماشة ..
أها كدي وريني الزول ( الجديد ) النفسو حار ده منو ؟؟ خلينا نهديهو شوية ..
صلاح عبدالله
|
Post: #3
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: ناذر محمد الخليفة
Date: 05-19-2006, 08:26 AM
Parent: #1
ود كسلا كيفك ..
لا لا ما تخاف انا فاهمك كويس !!
صنفرة :
والدليل اهو :
|
Post: #4
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: bayan
Date: 05-19-2006, 08:32 AM
Parent: #3
لأنهم مناضلين
وجاين ينظفوا البورد من الكيزان..
ودي حرب بتدورلها قويم نفس شديد
خاصة لما يكون مافي كيزان
ولازم يعملوهم بالغصب..
|
Post: #5
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: WADKASSALA
Date: 05-19-2006, 04:21 PM
Parent: #4
أخـوى صـلاح ( أبـو عــاج )
ســـلامات
قلت لى أول حب فى كـســـلا . طيب وين آخــر حب إنشاء الله ياهو زاتــو.
هو مازول واحد النفســو حـااااار هم ناس كتـاااااااااار.
~~~~~~~~~~~~~~~~~~~~~~~~~~~~~~~~~~~~~~~~~~~~
فـنـان عـرسـى / نـاذر
كـيفنك أريـتك طـيـب
آهـا زى صـنفـرتك دى فى ذمــتـك مـابتـخـــوف وتخـليـنا مانجـى السـودان
وإنت عــارف إنــو هـشـــام دا حـبيبنا وأخـــونا.
~~~~~~~~~~~~~~~~~~~~~~~~~~~~~~~~~~~~~~~~~~~~
أخــتى / بيــان
دكـتورة / نجــــاة
كيف حـالك وأزيـــك
تـصـدقى فى ســنة 2001 فى تنســى واحد سـودانى طـول من البلد لقيتو عـامل دوشـــه كبيره مع أستاذى / عبد الله عبد الوهـاب ( كارلوس ) وقال لى كارلـوس إنتو يا الشويعيـه عملتو إنقلاب يونيو 1989بمساعدة الترابى والبشـير . أستاذنا سـأل الراجـل ... ياأخونا جـبت الكلام دا من ويين??
كان رد الراجل... من جريدة ألوان بتاعت الحـزب الشـويعى.... فصـمت أسـتاذى عبد الله وقال لى بالله شــــوف.....
أوع يكون الزول دا كمــان معــانا هنـا فى الحــوش.
لك تقديرى وإحـترامى
|
Post: #6
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: doma
Date: 05-19-2006, 10:08 PM
Parent: #5
Quote: تـصـدقى فى ســنة 2001 فى تنســى واحد سـودانى طـول من البلد لقيتو عـامل دوشـــه كبيره مع أستاذى / عبد الله عبد الوهـاب ( كارلوس ) وقال لى كارلـوس إنتو يا الشويعيـه عملتو إنقلاب يونيو 1989بمساعدة الترابى والبشـير . أستاذنا سـأل الراجـل ... ياأخونا جـبت الكلام دا من ويين??
كان رد الراجل... من جريدة ألوان بتاعت الحـزب الشـويعى.... فصـمت أسـتاذى عبد الله وقال لى بالله شــــوف.....
أوع يكون الزول دا كمــان معــانا هنـا فى الحــوش |
لوووووول سلام يا ود كسلا
والله النوع دابقي متل الهم في القلب وهنا في البورد دا .وهاك يا كوراك وثكلي و دعكيبه ويبكو وما عارفين الميت منو. ممكن في غفله زمن تطلع انقاذي وعنصري وجلابي ومتجولب وكوز وفي احسن الاحوال ضنب كوز. يا ريت لو نفسهم حار عن درايه ولا قرايه لكنه بس لؤم كدا وعشان ياكدوا مقوله Empty barrels make the most noise
|
Post: #7
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: Abureesh
Date: 05-19-2006, 11:55 PM
Parent: #6
| Quote: وفي احسن الاحوال ضنب كوز |
تـومـة،
شفتى ليك كوز عندو ضنب؟ دا كوز شنـو؟
|
Post: #8
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: bayan
Date: 05-20-2006, 00:45 AM
Parent: #7
| Quote: كارلـوس إنتو يا الشويعيـه عملتو إنقلاب يونيو 1989بمساعدة الترابى |
لوووووووووووووووووول
تعرف مشكلة صاحبنا دا اسمو..اي زول مفتكر كارلوس دا بالضرورة
يكون شيوعي..
بعدين يكون اسمك كارلوس
ومن معهد الموسيقى
دا قطع شك شيوعي..
واسع في ناس كتار في البورد بيكونو مفتكرينو مستنير
ليه ضل...الله يديه كي بورد عربي بعد دا نشوف اشراقاتو
مع انه فصل للصالح العام برضو حيكون
كوز..
اسمو دا بجيب الهوا
نالف فيه نكتة( يعني قاطعها من راسي دا)
مشى يخطب بت صاحبو المقدمو قال لابو البت
والله كارلوس اخونا دا طالب القرب منكم
الابو بهجمة شديدة قاليه منو؟
تحياتي لك وله
|
Post: #9
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: doma
Date: 05-20-2006, 01:22 AM
Parent: #7
سيد شاب البورد ابو الريش
والله انا لابعرف كوز لا اضانو الا شايفه المناضلين الجدد يقولو ن ارفع صوتك اصرخ كذب لفضح الكيزان واذيالهم ولا ازيالهم
|
Post: #10
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: قرشـــو
Date: 05-20-2006, 02:34 AM
Parent: #1
Quote:
والله انا لابعرف كوز لا اضانو الا شايفه المناضلين الجدد يقولو ن ارفع صوتك اصرخ كذب لفضح الكيزان واذيالهم ولا ازيالهم |
ياخى الله يفتح عليكم ويدخل البهجة فى نفوسكم
والله ضحكت ضحك اصلو ما معقول
البوست ده بقدرة قادر ومن قولة تيت اتحول لقفشات جميلة جدا
الله يديكم العافية
|
Post: #11
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: WADKASSALA
Date: 05-20-2006, 11:23 AM
Parent: #10
الرائعين
DOMA / محمد عثمان أبو الريش / نجـاة محمود/ قرشـــو
ســلامات وكيفنكم
ربنا يعدل الــحــــال ويروق الجماعة إيــاهم
تحياتى ومودتـــى
|
Post: #12
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: عثمان سيد أحمد
Date: 05-20-2006, 07:17 PM
Parent: #11
الاستاذ ود كسلا
لك التحية العطرة مش المسخنة
أول حاجة ياخوى أنا جديد لنج جدا جدا جدا
لكن لسع ما سخنت وما دخلت الفورمة
امكن نسخن في مقتبل الايام ( حلوة مقتبل دي )
ويقوم أخونا بكري يسجلنا في فريق المنبر القومي
ويمكن نفوز على جزر الواق واق 6 صفر
لك محبتي بدون سخانة
|
Post: #13
Title: Re: يـا أخــوانـا إنـتـو النـاس ( الجــداد ) مـالهـم نفـسهـم حــار كـده ??
Author: WADKASSALA
Date: 05-21-2006, 10:33 PM
Parent: #12
???????????????????
|
|