البدرى أخوى انت شوفتا برى! انا عندى واحد صاحبى براية حكومة انا مسميهو الجاك همر البقدوا بيهو الظلط للحفريات تقول لى دربكين! دا لو لا قيتو الساعة 12 ظهرا الله يقدرك وتقول ليهوا وين من الصباح! اها ويشبكك انه امس غلبو النوم لانو سمع صوت كشكشة صحى قايلو حرامى لقاهو كديسة النوم طار من عيونو مشى يشرب لقى الزير ما فيهو موية رقد نام جاهو ابكباس وبت ابليس وليلة القدر صحى الصباح لقى المعجون كمل مشى الدكان لقى معجون أبو وردة رجع البيت قطع ليهو فرع حنة اتسوك بيهو سيد اللبن ما جاء شرب شاى بنجقلى مشى وقف فى الشارع منتظر الحافلات كلها مليانة اضطر يركب عكس الاتجاه الكمسارى حاسبوا ماشى وجاى! يعنى ممكن يلاقيك الساعة تلاتة ظهرا جاى من الشغل وشايل بطيخة ومغطى صلعتك بي جريدة من الشمس يوقفك فى الشارع ويقولبك ما شايفنك رحلتوا ولا شنوا والببت حق الورثة عملتو فيهو شنو وبعدين عندنا ماتش فى ميدان الرابطة وما يفكك الا لمن تكسر البطيخة وتشرط الجريدة وتسب الد...! باختصار صاحبنا دا اخير ترقد فى مطر وكتاحة ولا ترقد جنبو! جنى
تعرف يا جني .....مفردات البري انواع ..منها من يبتدي بي انا و انا ...و ده اسمو بري بنكهة حب الذات ...و في بري بيدا بي عندي واحد صاحبي .....ما تخجل و الله ما قاصدك ...و ده بي نكهة القصة حقتي بس خجلان منها و باجلطا في اصحابي ... و وفي البري المساك البيمسكك من يدك لما يلقاك عاوز تنشغل عنو ...و حقوق المولف محفوظة لاولاد حمدتو في بوست بدر الدين شنا .......و في بري السوالات و الله لا قرنك فيهو ده لانو النوع ده لازم تشارك في البري ...و في البري الصامت و ده من العن انواع البري ...لانو بري ممكن يجيك من الصباح و يباريك لغاية ما تنوم.ويبدا بريهو بعد ما تنعس ....و عندنا صاحبنا ده لما يجيك خلاص يوم و راح كنا بنصل لدرجة انو نمشي نقطع الكهربا من البيت عشان يتفكفك... و مش ح تقدر تغمض عينيك ...
05-19-2006, 12:14 PM
jini jini
تاريخ التسجيل: 02-05-2002
مجموع المشاركات: 30774
صديقي لما ما يكتب عن السياسة جني كيفك ومشتاقين قدام الناس ديل رايك شنو؟؟؟
Quote: وإهداء خاص لبدر الدين شنا عشان يآآآمن ويتأأأكد!!
أشكرك حتى تستغيث وتطلب النجدة على أنك (بررتني) وخصصتني بإهدائك لي هذا البوست الرائع والذي يحمل بين جوانحة أقسى أنواع البري والقد حتى أصحبت قدر (قد الببرة) إنتو النوع السادي دا بتلقوهو وين؟؟؟ والله تباري زولك دا إلاَّ يطِّير (جنك) ههههههه
Quote: باختصار صاحبنا دا اخير ترقد فى مطر وكتاحة ولا ترقد جنبو!
قووووووووووية يا جني
شكري وتقديري يا جني يا لذيذ إنت العلاقة بين قصص البري وشباب الإمتداد شنو ما دمت وحداً منهم؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
jini
بدرالدين شنا
فيس بوك
تويتر
انستقرام
يوتيوب
بنتيريست