الأسلحة الكيميائية وحقيقة استخدامها في السودان في منتدى ميديكس للحوار
|
|
 ما يهمك : مقاطع للوطن الجريح ..
|
مايـهـمـك
لو (جنوب) نزف الجراح
أو(شــمال) بات مسـتباح
لو (غــربك) الآمـن مباح
و (الـشــرق) حمل السلاح
ما يهمك
انــت ياجــبــل الكـحـل
وعـالي مـقامـو فـوق الكل
يــا ركايـز الخـيــر وضـل
شـموخ ( التاكا) و(البركل)
مايهمك
لو فـيكا بيـعت يـوم ذمم
بــكـرة جــرحـك يـلتـئم
الزمان يـلـفـاك ويـرحم
وبالســــلام الغالي تنعم
ما يهمك
يا صرخة في الزمن الخجول
زمن الدقون.. زمن العجول
يـا معلم..... ويا رسـول
منــو نـتـــعلم نــقـول:
ما يهمك
يا وطن (عـزة) و( مهيرة)
يا سيوف ( مهدي) وجفيرة
يا حــريرة .. وياضـريرة
فـوق جـبيـن كل العـشيرة
ما يهمك
لونـعال عســكر تدوسك
نحنا نركع ليـك نبوسـك
في ظلام الــليل نكوسـك
وتصبح النيـلين عروسك
مايهمك
لو زولك الفارس بكى
لا رن طنبورو ولا حكى
ولو نيـلك الخالـد شــكا
ومـــال نخـيـلـك واتـكا
ما يهمك
لـو بلبلـك ما غــنى غرد
وعــشتا زي تائه مـشرد
في صـحارى الدنيا راحل
ومـن هــديـماتـك مجـرد
ما يهمك
لو شـيخك الكهنوتي خانك
وجـيشـك الحـاميك أهانك
برضو حافظين ليك مكانك
وترقـص الأرواح عشانـك
ما يهمك
لواسـمـك الكان يوم مهاب
صار نزيف وحروب وارهاب
لو ضـقـتا يوم مر العذاب
وضـاعـت آمالك ســـــراب
ما يهمك
لو عيـونـك تـبكي تـدمــع
والجــــــروح منك بـتدمي
بـكـرة لـينا تـعود وترجع
والســحايب فـوقـنا تهمي
ما يهمك
لو نعـيمـك غـاب وراح
وامـتد ليلك دون صـباح
لا غنى فيهو الديك وصاح
ومات الكلـب ترك النباح
ما يهمك
أنت لو غرقان في هـمك
والأســى المـدود يغـمك
بـكرة شــاطيكا بيلـمك
وبى حـنان الكل يضــمك
ما يهمك
يا شــمـوع رغم العواصف
ضاوية باقية ونورا زاحف
لـو زمـانـك ظــل واقــف
ودمـعـو من عينـيهو نازف
ما يهمك
يا ســمانا الفوقـنا صافي
ويا عــزيزنا الزيـو مافي
بكرة(المهيرة) تجيكا حافي
و(عــزة) تهتف ليك عوافي
ما يهمك
بــكرة حـزنـك يــبقى عيد
ويـــردد القـمري النشيد
و(دقـــنـة) يظهر من جديد
شـايلو سيـفـو المن حــديد
ما يهمك
نـحـنا أولادك يــمـيـن
نـاس خلاوي ونــار ودين
وديـل بـناتـك عـز يقين
يـدفـعن عـمـر الـسـنين
ما يهمك
لو رجـالـك غــابـو مـاتـو
وكــل رايـع شــالـو فـاتو
أزهري ومحجوب وزروق
وحتى الشمس أبت المروق
ما يهمك
ياالمـقام السـامي قدرك
ياوطــن فـقـد الوجــيع
قـسـمن بالاله رب الجميع
يسـتحـيل ملـيــون تضيع
ما يهمك
وآخــر قــولي أســمـع :
ليك شـبابك بـكرة يرجع
وطـفـلك اليافع بـيرضع
ليك يـسجل عمـرو يدفع
ما يهمك
ما يهمك
ما يهمك ..
*********************
خضر عطا المنان
السادس من أبريل 2006 م
|
|
 
|
|
|
|
|
|
|
 Re: ما يهمك : مkeep it upقاطع للوطن الجريح .. (Re: Elawad Eltayeb)
|
والله يا خضر بعد الحصل ده باقلى يهموا ... الناس ديل رقدوا تب للامريكان واتنازلوا كتير من أجل السلطة ... يعنى بعد ده هم ما هماهم لو الجنوب انفصل أو دارفور أو الشرق بس كيف يكونوا مسيطرين على الحكم... والله حكاية غريبة خلاص الناس ديل والله باعوا السودان عديل كدة وانحنا بنتفرج على البيعة المهببة ... الله يستر ... باقيلك الناس ديل تانى بيمشوا بالهين
| |
|
|
|
|
|
|
|
|
|
Re: ما يهمك : مkeep it upقاطع للوطن الجريح .. (Re: بهاء الدين سليمان)
|
Quote: والله يا خضر بعد الحصل ده باقلى يهموا
|
فناننا الحبيب : بهاء الدين
برضو دا ما يمنع أنو نرفع صوتنا ونقول لهذا الوطن الجريح :
ما يهمك
نـحـنا أولادك يــمـيـن
نـاس خلاوي ونــار ودين
وديـل بـناتـك عـز يقين
يـدفـعن عـمـر الـسـنين
ما يهمك
ياالمـقام السـامي قدرك
ياوطــن فـقـد الوجــيع
قـسـمن بالاله رب الجميع
يسـتحـيل ملـيــون تضيع
ما يهمك
***********************
الشكر جدائل شوق وود اليك ..
خضرعطاالمنان
[email protected]
| |
|
|
|
|
|
|
|
|
|
Re: ما يهمك : مkeep it upقاطع للوطن الجريح .. (Re: خضر عطا المنان)
|
لونـعال عســكر تدوسك
نحنا نركع ليـك نبوسـك
في ظلام الــليل نكوسـك
وتصبح النيـلين عروسك
مايهمك ياوطن
مايهمك ..
this is fantastic
ustaz khider welcome here again
we are all now ready for the very close fall of the corrupt islamist ingaz mafia gang
their days are numbered
please please more
you are welcomed to put your poems in any of my post at any time
mustafa
| |
|
|
|
|
|
|
| |
خضر عطا المنان
Mustafa Mahmoud
Elawad Eltayeb
بهاء الدين سليمان
فيس بوك
تويتر
انستقرام
يوتيوب
بنتيريست