Post: #1
Title: تنبيه هام وعاجل الى أعضاء الجالية السودانية بالمنطقة الشرقية
Author: Badri
Date: 05-18-2006, 01:06 AM
تتواجد بعثة السفارة السودانية يوم الأحد القادم الموافق 21/5/2006م وذلك لإنهاء كافة المعاملات القنصلية للإخوة السودانيين المقيمين بالمنطقة الشرقية بمقر فندق الدمام.
لذا وجب التنبيه إلى أن هناك فئة دأبت على جباية مبالغ بغير وجه حق تحت ما يسمى برسوم دعم الجالية وبما انه لا توجد إي جهة شرعية ممثلة للجالية السودانية بالمنطقة الشرقية لذا لا يحق لأي جهة تحصيل هذه الرسوم كما لا يحق لأي جهة حجز الجواز أو المعاملة نظير أي رسوم عدا الرسوم المفروضة من الدولة والتي باتت معروفة للكل. وكنا قد تطرقنا لهذا الأمر في موضوع سابق عاجل لسعادة السفير: أوقفوا نهب أموال مواطنيكم بالمنطقة الشرقية
أما فيما يتعلق بأمر الجالية فان اللجنة التمهيدية برئاسة المهندس سانتينو أنيس تعمل على قدم وساق لإنهاء كافة الترتيبات اللازمة للدعوة لجمعية عمومية لكافة السودانيين بالمنطقة الشرقية لانتخاب مباشر لممثلي الجالية السودانية بالمنطقة الشرقية.
|
Post: #2
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Alshafea Ibrahim
Date: 05-18-2006, 03:45 AM
Parent: #1
أخي بدري
شكرا
وسنكون هناك لنتحرى عن أمر هذه الجالية المزعومة
وانتهى عهد الوصاية على المغتربين - وسنبدأ العمل مع الجادين الشرفاء في تكوين جالية إن كان لابد من ذلك -
اخوكم
الشفيع
|
Post: #3
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: مهيرة
Date: 05-18-2006, 04:13 AM
Parent: #2
الى الامام
انتهى عهد الظلام
تحياتى
|
Post: #4
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: hatim
Date: 05-18-2006, 04:34 AM
Parent: #3
|
Post: #6
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: حمد فتح الرحمن
Date: 05-20-2006, 00:58 AM
Parent: #4
الاخ بدري
ندعم جهودكم لفضح الممارسات غير القانونية باسم مغتربي المنطقة
و نرجو من الاخوة بالمنطقة دعم اعمال اللجنة التمهيدية لقيام جالية شرعية تمثل الجميع .
|
Post: #5
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: ثابت محمد
Date: 05-20-2006, 00:55 AM
Parent: #1
يا بدري
سلام
السفارة دي مما سمعنا بيهم جايين قبل أسبوعين ونحن منتظرين
البوست نزلو صلاح غريبة وزاغ منو
هسي البضمن لينا أنو كلامك مايطلع زي صلاح غريبة شنو ؟؟
أما بخصوص الجالية والجباية
والله أنا أكثر من عشر سنوات في الشرقية
يوم واحد لا قابلتني جالية ولا سمعت ليها بنشاط
كونوها كيف ومتين الله يعلم
نحن شعب فاشل وظاهرة صوتية .. فقط لاغيـــر
أصلو ما عندنا حاجة منظمة أو مدروسة
كلو بالبركة
هسي إن شاء الله ناس السفارة ديل يجيبو معاهم جوازات فاضية وخطـَّاط
مايقومو يكعوجو لينا الكتابة في الجواز براهو جوازنا يخجـِّل
ياخبر بفلوس بكرة يبقى ببلاش
منتظرين
|
Post: #7
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Mohamed E. Seliaman
Date: 05-20-2006, 01:20 AM
Parent: #5
صاحب البوست والبقية
السلام عليكم ورحمة الله
Quote: الى الامام
انتهى عهد الظلام
تحياتى |
بس بعد ما تدوني قروشي يا دكتورة.
الشفيع ياخوي ما تعمل طناش
تعال سوقنا معاك بكرة وشوف لينا طريقة للتعويض سريع سريع
عاوز اشتري سيارة
------------
حزروا فزروا الناس ديل ما حضروا في الموعد
السابق ليه؟
--------
حسب مصادر جبهة كونامى فإن الاسباب مخجلة بالجد!!!
تدفع كم يا الشفيع ؟
تحياتي
|
Post: #8
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Badri
Date: 05-20-2006, 11:40 AM
Parent: #1
الأعزاء
الشفيع
د.مهيرة
حمد فتح الرحمن
ثابت
محمد أي سليمان
لكم التحايا لمناصرتكم لموضوع البوست ... ولي عودة بالتفصيل عن ما دار بخصوص الجالية.
|
Post: #9
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Alshafea Ibrahim
Date: 05-20-2006, 12:39 PM
Parent: #1
الحبشي
بديك سيارتي اها موافق ؟؟
ممكن تبدأ القصة
منتظرين
|
Post: #10
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Mohamed E. Seliaman
Date: 05-21-2006, 00:28 AM
Parent: #9
السلام عليكم ورحمة الله
| Quote: بديك سيارتي اها موافق ؟؟ |
موافق بس تدفع الفرق+التعويض وبصراحة الدكتورة أنا عفيتها
لأنو هي ما كانت عارفة.
نديك القصة الصغيرة دي :
اخر مرة ذهبت لتجديد جوازي (العام الماضي)
عند البعثة بالدمام قمت أول حاجة سألت من برة برة
هوي ناس رسوم التجديد كم؟
فعرفت أنها مية ريال وكسر من المية
وعملت الاجراءات إلى أن وصلت خطوة الدفع عند المحاسب
قام طلب مني تسديد المبلغ (((زايدا)))عليه مية ريال غير رسوم
التجديد . قمت سعلتو مستنكرا : ميه زيادة ليه؟
قال دي مجهود حربي !! قمت قلت ليهو حرب شنو بعد اتفاقية السلام
قام زعــل بالحيل ووراني العين الحمرة وقال لي كلاما عجيب خلاص
أنا قمت طلبت مقابلة مسعول البعثة وأظنو القنصل
وطوالي توش قلت ليهو رسوم تجديد الجواز مقدارها كدة ؟ صاح ؟
قام قالي صاح . طوالي أنا قمت اشتغلت معاهو ((حنك كونامى داك))*
في قصة المية ريال الزيادة دي
قام هو طوالي وقع الورقة بعدم دفع المية ريال
ومشيت للمحاسب ودفعت فقط رسوم التجديد
بالمناسبة المحاسب كاد أن يطرشق عندها !!!!
----------------
* حنك كونامى كان مبني على انو أنا عندي ريالات
لكن ما عايز ادفع غير الرسوم (يعني ما حنك ظروفي )
-------------------
ده كلو كوم
وقصة ما حضروا في الموعد السابق كوم تاني
|
Post: #11
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: ثابت محمد
Date: 05-21-2006, 00:45 AM
Parent: #10
Quote: ده كلو كوم
وقصة ما حضروا في الموعد السابق كوم تاني |
محمد سليمان
صبااح الخير بتوقيت الخُـبر
الموعد الفاات راح في خبر كان
هسي الليلة الأحد والساعة الثامنة والنصف صباحاً
الجماعة ديل وصلو نمشي ليهم ولا لسه ؟؟
غايتو بقوا زي المطر قالو البارح في الهفوف
إن شاء الله الليلة يهطلو علينا هنا
مودتي
|
Post: #12
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Badri
Date: 05-21-2006, 01:21 AM
Parent: #1
Quote: ((حنك كونامى داك))*
|
غايتو لو حنكك الكونامي البتكتبو هنا دا كان القنصل كتب للمحاسب يدفع ليك مية ريال
محمد تحياتي
عمنا المحترم جداً ثابت
لملم أوراقك وأتجه صوب فندق الدمام الآن أضمن ليك وجودهم لكن ما أضمن ليك تلقى خطاط كويس مسألة الخطاط دي أسأل منها صلاح غريبة
|
Post: #14
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: abulinah
Date: 05-21-2006, 02:00 AM
Parent: #12
الأخوة الأفاضل
ليكن معلوما أن رسوم دعم السلام و التي جاءت عقب رسوم دعم المجهود الحربي هي رسوم إختيارية و ليست صادرة بقانون و إنما يقوم البعض بدفعها لعدم معرفتهم بهذه المعلومة. هذا للتنويه.
أخوكم
وليد - الرياض
|
Post: #15
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Mohamed E. Seliaman
Date: 05-21-2006, 02:17 AM
Parent: #12
السلام عليكم
| Quote: غايتو لو حنكك الكونامي البتكتبو هنا دا كان القنصل كتب للمحاسب يدفع ليك مية ريال |
موش كدي بالله يا بدري!
شوف أنا بكتب هنا كونامى مجانافي منبر بكري !
|
Post: #13
Title: Re: تنبيه هام وعاجل الى أعضاء الجالية السودانية بالمنطقة الشرقية
Author: Alshafea Ibrahim
Date: 05-21-2006, 01:56 AM
Parent: #1
الأخ محمد الحبشي
الجماعة وصلوا من مصدر موثوق
بس تعال بعد المغرب والباقي خليه علينا
ومنتظر الجزء الثاني من القصة
|
|