Post: #1
Title: سلامات يا ناس
Author: محمد علي يوسف
Date: 05-16-2006, 10:04 AM
الاعزاء جدا سعيد انا بانضمامي اليكم
وساكون اسعد بالتواصل معكم
لكم كل احترامي وتقديري
امل ان اكون جيدا بقدرامتيازكم
لكم الودوما فينا من التقدير
(فينا هنا تعني انا واحلامي )
دام المنتدي عامرا بمن فيه
بالمناسبة ارائي مشاترة جدا
ارجوكم تحملوها او أعذروني
ولكم العتبى مقدما
|
Post: #2
Title: Re: سلامات يا ناس
Author: عمر عبد الخالق سعيد
Date: 07-08-2006, 05:25 AM
Parent: #1
| Quote: بالمناسبة ارائي مشاترة جدا |
مرحب بيك في مجتمعنا
|
Post: #3
Title: Re: سلامات يا ناس
Author: محمد علي يوسف
Date: 07-08-2006, 10:03 AM
Parent: #2
تشكر يا عمر مع انو البوست ده
اخد ليه فترة طويلة جدا
وما في اي زول عبرني
لما قلتا الناس ديل مالهم
الغريبة اني ما زعلت وقمت رسلت بوست تاني
والغريبة انوا الناس خشو عليه ورحبو
وحقيقة حيروني
لانو ما فهمت عيب الاول شنو
على العمومما فهمت حاجة
المهم تشكر على المرور والتحيةالجميلة دي
|
Post: #4
Title: Re: سلامات يا ناس
Author: سفيان بشير نابرى
Date: 07-08-2006, 12:09 PM
Parent: #1
اهلاً مرحب
يا محمد علي يوسف
مرحب بيك والدار ماغريبة عليك
وياكا زولة من زمان شديد بس اخرك ساهت
يازول ارح انت زول ماك هين ويلا اشتغل وورينا ...
|
Post: #5
Title: Re: سلامات يا ناس
Author: فيصل محمد خليل
Date: 07-08-2006, 04:38 PM
Parent: #4
مرحبا بك في بيت السودان
ادخول لى جوة
الباب فاتح
فيصل محمد خليل
|
Post: #6
Title: Re: سلامات يا ناس
Author: فيصل نوبي
Date: 07-09-2006, 00:27 AM
Parent: #5
حبابك تاني و تالت ياخ
مبخر كبير
لوووووووول
|
Post: #8
Title: Re: سلامات يا ناس
Author: محمد علي يوسف
Date: 07-11-2006, 08:51 AM
Parent: #5
سلامات
شكرااول و تاني وتالت
وحبابك الف عشرة مية مليون
تسلم يا حبيب
|
Post: #7
Title: Re: سلامات يا ناس
Author: محمد علي يوسف
Date: 07-11-2006, 08:46 AM
Parent: #4
سلامات
الصديق سفيان بشير
تشكر على الترحيب الجميل ده
هسع الواحد يقول ليك(ماك هين) دي مجاملة ساي تقول ليهو لا والله
اتمنى ان الواحد ما يكون تقيل عليكم
والدار منورة بي اهلها ونورهم فايت حتى الجيران
|
Post: #9
Title: Re: سلامات يا ناس
Author: رأفت ميلاد
Date: 07-12-2006, 02:16 AM
Parent: #7
ألف مرحب
|
Post: #10
Title: Re: سلامات يا ناس
Author: محمد علي يوسف
Date: 07-12-2006, 09:17 AM
Parent: #9
سلامات
تشكر يا حبيب
الف شكر
|
Post: #11
Title: Re: سلامات يا ناس
Author: Haytham Abdulaziz
Date: 07-12-2006, 09:38 AM
Parent: #1
الأخ محمد
| Quote: بالمناسبة ارائي مشاترة جدا |
ألف ... ألف مرحب بيك و ابقا شاتر أقصد (داخل) لاجوة و زيدنـا من دلك شويه.
كل الود،،،
هيثم القوز
|
Post: #12
Title: Re: سلامات يا ناس
Author: محمد علي يوسف
Date: 07-13-2006, 03:10 AM
Parent: #11
سلامات هيثم
انت قوازي
ده كلام صاح
يعني ممكن نكون جيران بالحلة
اما مسالة المشاترة اقصد المداخلة دي فحاصلة
ليها كم فترة كدة
بعدين التدلدل ده كان عملتو ليكم بتطردوني بكرة القريبة دي
تسلم باحبيب
|
Post: #13
Title: Re: سلامات يا ناس
Author: محمد علي يوسف
Date: 07-13-2006, 04:33 AM
Parent: #11
سلامات هيثم
انت قوازي
ده كلام صاح
يعني ممكن نكون جيران بالحلة
اما مسالة المشاترة اقصد المداخلة دي فحاصلة
ليها كم فترة كدة
بعدين التدلدل ده كان عملتو ليكم بتطردوني بكرة القريبة دي
تسلم باحبيب
|
Post: #14
Title: Re: سلامات يا ناس
Author: النسر
Date: 07-13-2006, 04:54 AM
Parent: #13
| Quote: (فينا هنا تعني انا واحلامي |
اهلا بيك انتا واحلامك
وشتارتك دى الجابتك لينا
الف مرحب ............. كن بخير
|
Post: #15
Title: Re: سلامات يا ناس
Author: محمد علي يوسف
Date: 07-13-2006, 05:37 AM
Parent: #14
سلامات
حبيبنا النسر
انا واحلامي دي حركة مني ساي
عشان اقول ليكم اني زول رومنسي وكده
وطبعا شكلك سيد العارفين
انه مافي سوداني عاقل ممكن بفكر يحلم في البلددي
ويكون محتفظ بكامل قواه العقلية
لانه البلد دي اكتر مكان في الكون بيغتال الاحلام
معليش على الكلام المحبط لكن ده حال البلد دي
تسلم على المرور يا حبيب
|
Post: #16
Title: Re: سلامات يا ناس
Author: معتز تروتسكى
Date: 07-15-2006, 01:27 PM
Parent: #15
العزيز الحبيب محمد علي يوسف
دى الاليفة نادا الشروق الغنّا لى زراع ارضنا
دى الحنينة زى الشعاع تسكن رواكبنا واوضنا
والجميلة تفوتنا هسع ولسة مشتاقين برضنا
ابو حميد....
ياااااه ...
همس قلبى برهة عن الزمن الذاكرة ..( نموت لتعيشوا انتم ) ..
قال فى الزمن الحضور ...
نشتاق الاوطان .. ونخاف الجوع ... وتلا لسانه شهادة الزمن الحلم ...
كنا نمارس الغربة بعيدا عن الوطن ... نعشق الغيوم ..
لو كانت احبالا نتسلقها للعودة وراء التخوم البعيدة ..
لكن الغيم ههنا عقيم والمدينة تبكى عقدها ...
آه ... يا عزيزى وانا اسمع تنهداتك وهى تجرح هذا الليل ..
حلمت ذات مساء بارد..انك ترقص قرب ألسنة اللهب وتستحم فى البحر الدافئ ...فحدثتك نفسك ان الايام القادمة ستباركك ..
صديقى فى الغياب .. ابوحميد ..احلب ضرع الوحشة المتدلى على السيقان بضراوة ..
تستفيق عندك الذبدة والارتجال لشكل القصيدة الحنونة ... ستساورك وتتاورك المواجع والشكوك لبعض الناس الكنت تشتهى ملاقاتهم ولو على نهد التشهد الاخير قبل اتمام المواجع ..
لا تفرط فى الحلم .. ايقظ ملامح الارتجاء الفيك .. وقل علنى ارتحل وللابحار سفن الوصول .. حيث شاطئ الادمان ولا خوف على المجهول ... بصيص من امل يتطلع .. وفوق رمل الساحل بعضا من تراجيديا الاندهاش تنتظر وصول القادم المنحاز لطبيعة العشق الوطنى الشارد جواك .. يا ليتنى اهواها بعنف .. تلكم المجنونة ..عندما ارتهن نفسى بداخلها تتقافز الاشياء الحميمة وتظلل شرودى .. الغياب ركن من اركان الوحشة السادسة .. والشوق لمن ينتظرون على المجهول رصف الطريق بالابيضاض ... وتقبيل ايادى السلم وغصن من احلام يتدلى .. .. اقطف بتأنى .. ولا تحسب عدد انتظارك ... فالتساؤل يعتريك .. لماذا ؟ ... ههنا ستجدنى ايقظ بعض مشاعرى نحو ابواب الرجا .. وافتقد بعضى واتحسس ... ليس كنابليون عندما يتحسس الجند .. كلا ورب الكعبة .. سألزم حواسى بالتحرك نحوك وللمدى الشايلو جواك ... تحضرنى بعضا من خيول الرقص الكردفانى الحميم وتتطاير امام عينى حبات من ودع شبال يلامس خد الانيقة وبهرجة ... واقف مشدوها كالغريب !! ..
قف !! ..
مديت ليك حبل شوقى بعيد...فات حدودك ليحتويك .. وتأكد من ان العشق ليس وصفا كما افتعل الكاتب ذاك المقال ... العشق حس .. تفسيره يترجم مغناطيسيا ... كالاحلام ... ذات مرة حاولت تفكيك مستوطناته .. وفرتقنى الى غير رجعة ... لملمت اجزاء الشتات وتملكنى الخوف ... لذلك سأجعلك فى التجارب لتفسير معنى الشوق والوحشة ... بعيد منى قريب انت ...بس الضباب .. الضباب يا ماسىز .. غير شكل الملامح .. والجليد جعلنى اتوكأ على مدفأة التوبة والشوق اليك فى الخيال ... واحد قال .. ما اسمو شوق ... يقال له ( انا خرمان ليك ) والتأويل يفسد للود فضيحة ... الجرسة حاصلة يا قلب ... اجعلنى احبذ ملاقاتك فى القريب كالشوف او كاى شئ اخر يجعل من المدينة المغمورة فى سحب الارتهان شفافة وترن ... اجعلنى اندندن على وتر الليل الشتوى بالاهات .. واكبح جماح الفوضى التى تعترينى ... خذلتنى التسمية ..
قف تانى !! ...
لييه دوما الغربة تكشح سيول الريد فى الزول ؟! .. وليه ما بترفع الحجاب الحاجز للادمان على الاخر ؟! ...
الغربة دى ما بتخجل الا من نقطة ضعفها ... وهى ان نقاوم ونقاوم ... لملاقاة عزة وهى تغزل شعرها لاستقبالنا وعلى نقوشها اذكار من زفاف الاغتراب .. تتجلى فوق هدبات عيونها الوان الطار وريشة ترش لون البنفسج فى جيدها ... سترقص للصباح .. ستوزع الابتسامات المجانية دون حياء .. اريدك ان تكون بقربها لقطع الرحط وحول عنقها تظهر مزايا الالفة المشتهيها ... لا تستكين ولا استكين معك .. فأنا وزيرك فى الغياب .. وفى الشوق والزنقة ... هويتك من على بعد كيلو تحت سطح القلب ... ونزفتك للشريان قصيدة ... عزفتك للماشين مسارقة على الوحيح ... وكان اتمنيتك يوم تكون معاى فى زحمة خطاى ... الاول والتانى والتاسع والاربعين من ولوجنا للحرية ... فردت شوقى للاخر فوق المدار التحتانى ... ومشتاق ليك ...
يا ممسوخ .
وكيف ناس اداب وكل الشباب وناس ابو السين..
|
Post: #17
Title: Re: سلامات يا ناس
Author: Muna Khugali
Date: 07-15-2006, 01:30 PM
Parent: #16
مـرحـب بيـك أخـي محمد علي يوسف
مـني خـوجـلي
|
Post: #18
Title: Re: سلامات يا ناس
Author: غادة عبدالعزيز خالد
Date: 07-15-2006, 03:32 PM
Parent: #17
ترحيب بالأخ الكريم
محمد
حللت اهلا
و نزلت سهلا يا اخى
ودى
غادة
|
Post: #23
Title: Re: سلامات يا ناس
Author: محمد علي يوسف
Date: 07-16-2006, 04:49 AM
Parent: #18
سلامات
تحياتي غاده بت ابوها
تسلمي على الترحيب اللطيف ده
تحياتي للاسرة
|
Post: #22
Title: Re: سلامات يا ناس
Author: محمد علي يوسف
Date: 07-16-2006, 04:46 AM
Parent: #17
سلامات
شكرا على المرور والتحية
استاذة منىخوجلي
ويلا بينا خطوة خطوة لي قدام
|
Post: #19
Title: Re: سلامات يا ناس
Author: محمد علي يوسف
Date: 07-16-2006, 04:03 AM
Parent: #16
سلامات
الحبيب جدا معتز
بقدر الشوق الشايلة لوطن تحلم به
بقدر شوقي لوطن نحلم به
اشتاقك وانت تدعي الغربه
اشتاقك وانت دوما بقربنا
بقدر خوفك من الواقع
الا انك ما تزال ذلك الحلم الذي استيقظت انابرحيله
عنا في ذلك الزمن الصعب
ذلك الزمن الذي كنا نحاول فيه
الحفر بالاظافر في ذلك الاسفلت الذي كان ممتدا امامنا
مظلما موحشا حزينا
لنصل الى ماء الحرية الغائبة التي طال تعطشنالها
لست مثلك في التعالي على الواقع السيء والحلم بمساء جميل
فلم يزدني الوطن الا طعم الماساة
ومرارة اليأس
وراية الظلم
ورائحة الحريق
والوان الفشل
ولم تبقى من احلامي السابقة سوى تلك الذكري التي يسكنها قلبي
على امل ان الاتي قد يكون اجمل
لك الحب وكل الحضور
(طبعا انا زول علاقتي بالكتابة الحنينه دي شوية صعبة )
مع ذلك الحنان العندك ده ملاني
لان اخر شيء اصبح متاح في البلد دي هي الحنية
وانت ما تزال معتز الانسان لانك نجيت بحنيتك من البلد دي
وكم اتمنى ان القاك وانت ما تزال انسان
(يعني قبال ما تجي البلد دي )
صدقني ما بتتخيل تاثيرها شكله كيف
احبك جدا وانت تحاول زرع الحلم في دواخلنا
واحبك وانت تتحدث عن الغربة بهذه اللغة التي تستدعي من الوطن الحضور
ملثم جباه ابناءه من امثالك
لك الشوق والحب والفرح والحضور
لك الايام
لك الاحساس يرعاك
لك الوطن تحتويه ويحتويك
لك كل الحب والود والمعزة
ملحوظة
الشباب زي ما خليتهم طيبين ومشتاقين ليك
اما ابو السين فكل ما القاه
بحس بي شوقه ليك زي ما كان
|
Post: #21
Title: Re: سلامات يا ناس
Author: محمد علي يوسف
Date: 07-16-2006, 04:41 AM
Parent: #16
سلامات يا معتز
بالمناسبةاخترت
غنية عجيبةومبالغة
عرفت كيف اني بحبها
لكن ما غريبة عليك ما قلت ليك والله انت لسة انسان
وانسان شديد كمان
÷(همس قلبك )
يا اخي انت رائع
|
Post: #20
Title: Re: سلامات يا ناس
Author: عمر عبد الخالق سعيد
Date: 07-16-2006, 04:11 AM
Parent: #1
Quote: وما في اي زول عبرني
لما قلتا الناس ديل مالهم
الغريبة اني ما زعلت وقمت رسلت بوست تاني
والغريبة انوا الناس خشو عليه ورحبو
وحقيقة حيروني
|
حفيفة كدة
الناس هم المشاترين
ما انت
|
Post: #24
Title: Re: سلامات يا ناس
Author: ajaj
Date: 07-16-2006, 05:02 AM
Parent: #20
سلامات وحبابك الف
جيرانكم في الحلة الجديدة
بت عجاج
|
Post: #25
Title: Re: سلامات يا ناس
Author: ali elhassan
Date: 07-16-2006, 05:12 AM
Parent: #24
بالمناسبة ارائي مشاترة جدا
ارجوكم تحملوها او أعذروني
ولكم العتبى مقدما
الاخ محمد مرحب ببك واخد راحتك فى
التعبير اصلو البورد فى شتارة شديدة
زى كورة المريخ والبن الاثيوبى
|
Post: #28
Title: Re: سلامات يا ناس
Author: محمد علي يوسف
Date: 07-16-2006, 05:29 AM
Parent: #25
سلامات
العزيزعلي الحسن
بالغت في التشبيه
|
Post: #26
Title: Re: سلامات يا ناس
Author: محمد علي يوسف
Date: 07-16-2006, 05:19 AM
Parent: #24
سلامات
بت عجاج
بت جيراننا كيفنك
انشاء الله تمام
تشكري على المرور
والتحية
ولما تجي السودان قولي عوك
مش نحن طلعنا جيران
امكن ناس امي يكونو دايرين ليهم ملح والا كده
|
Post: #27
Title: Re: سلامات يا ناس
Author: محمد علي يوسف
Date: 07-16-2006, 05:26 AM
Parent: #20
سلامات
تشكر يا عمر
انت بس لسه ما شفت الشتارة
لكن لو يوم لقيت ردودي على المواضيع البتستفزني
بالجد حتقول لي(خلي شتارتك دي)
تشكر على المرور
وما عدمناك
|
Post: #29
Title: Re: سلامات يا ناس
Author: معتز تروتسكى
Date: 07-18-2006, 11:31 AM
Parent: #27
محمد عل  ي يوسف
|
Post: #32
Title: Re: سلامات يا ناس
Author: محمد علي يوسف
Date: 07-19-2006, 09:52 AM
Parent: #29
سلامات
يا معتز القلب ده بتاعي
لقيته وين
(مشكلتي علاقتي بالميديا ضعيفة )
يعني مابقدر ارسل ليك صورة اشعة
بس عشان تتاكد انك قاعد جواي كيف
كل الود
|
Post: #30
Title: Re: سلامات يا ناس
Author: عوض حمزة
Date: 07-18-2006, 11:59 AM
Parent: #1
الاخ محمد على يوسف
حبابك الف
وحباب انشتارك الشديد ..
والرهيفه التنقد اريته ما تتلتق..
يامراحب
|
Post: #31
Title: Re: سلامات يا ناس
Author: محمد علي يوسف
Date: 07-19-2006, 09:46 AM
Parent: #30
سلامات
العزيز عوض حمزة
تشكرات شديد على الترحيبات
والانشتار هنا
كويس الما تميتة اوع تكون قاصد
(مرحبتين حباب الشر محل ما بتق)
اخوك جبان وكده وناس شر وشنو شنو دا ما بعرف ليه
|
Post: #33
Title: Re: سلامات يا ناس
Author: معتز تروتسكى
Date: 07-22-2006, 12:26 PM
Parent: #31
محمد علي يوسف
اشتاق وتدفق وتعلم ان تنسكب لاخر قطره…
فى المراسى وكل أصداف القلوب انت حتما ستجئ..
ان لم يكن بوسع ماياتى بك فليس بالامكان ان ياتى شعاع التليباثي
محمد
سنبكى لتلك الاشرعه الاتون باحزمه والافئده؛ وسر الهوى الثالث وسنبكى منهزمين بالافراح منطفئين والايام مزرعة؛ لكل حرائق الاطراف وكل سفاسف المعنى؛ وشئيا من عذاب الانفاس ..
اليناها هنا صمات الاشياء ام هذه جدلية الاسماء؟؟!!..
امانها عفويه التركيز فى صمت القمم ؟؟!!..
ام هى عقوبة الكلام صامتا حتى حدود الكتابه والنزيف على الموت ؟؟!!..
|
Post: #34
Title: Re: سلامات يا ناس
Author: محمد علي يوسف
Date: 08-02-2006, 04:07 PM
Parent: #1
سلامات
تروتو
تسلم يا حبيب
وراجع ليك
|
Post: #35
Title: Re: سلامات يا ناس
Author: معتز تروتسكى
Date: 08-13-2006, 08:36 PM
Parent: #34
خستكة ياولد انت وينك والله مشتاقين ليك ياخ...
|
|