Post: #1
Title: الحــق ...كهرباء ســد مروي ....إلي مصـــر
Author: Asskouri
Date: 05-16-2006, 06:50 AM
لقد ظللت اقول منذ فتره طويله ان خزان الحمداب هو مشروع مصري تقيمه مصر لدفع مصالحها الاستراتيجيه في السودان، ولن يحل مشكلة الكهرباء بالسودان لان جل كهربته سييذهب الي مصر المحروسه. الان بدات الصوره تتضح رويدا رويدا... فكهرباء السد ستذهب لمصر والسودان يعاني الامرين.. تحت دعاوي ربط الوطن العربي بالكهرباء يتم تصدير الكهرباء من الخزان لمصر ويظل شعب السودان يعيش في ظلام دامس.. الغريبه ان كاتب الخبر قال مصر حا تورد كهرباء للسودان... ياراجل هي مصر لمان بنت السد العالي وكان عندها فائض في الطاقه صدرته للاردن ( ويمكن اسرائيل تحت ... تحت) وبالرغم من إغراق مدينة حلفا بكاملها لم تصدر مصر للسودان كيلوا واط واحد... حايدوكم كهرباء من وين ومصر حاتكون من اكبر الدول العندها عجز في الطاقه في ال 25 سنه القادمه...
قال حا يحلوا مشكلة الكهرباء في السودان...
أقراء ما تحته خط..
Quote: الثلاثاء16مايو2006
الراي العام
خلال الـ (15) سنة القادمة
استكمال منظومة الربط الكهربائي بين الدول العربية
تقرير : محمد ادريس
توقع تقرير اقتصادي عربي ان تشهد السنوات الخمس عشرة المقبلة استكمال منظومة الربط الكهربائي بين الدول العربية، كما توقع ان يسهم ربط الدول العربية مع الشبكة الاوروبية وشبكات الكهرباء في بعض الدول الافريقية في ايجاد فرص لتصدير كميات كبيرة من الكهرباء الى اوربا.
واكد التقرير الاقتصادي العربي الموحد للعام 2005م الى انه بالاضافة الى الفوائد التي ستحققها دول مجلس التعاون الخليجي وليبيا والجزائر من تصدير الكهرباء الى الدول الاوربية فسوف تستفيد كل من مصر والاردن وسوريا وتونس من ايرادات رسوم مرور هذه الطاقة عبر اراضيها.
ويشير التقرير الى انه بالاضافة الى مشاريع الربط الكهربائى يجري حالياً دراسة جدواها، الاول لربط اليمن بالشبكة الجنوبية للسعودية والثاني لربط السعودية بمصر والثالث لربط السودان بمصر والرابع لربط جيبوتي باليمن.
ويهدف المشروع الاول إلى ربط اليمن بالشبكة الجنوبية للسعودية وذلك لتزويد المنطقة بالكهرباء من خلال الطاقة التي سيتم توليدها في اليمن من محطة توليد مأرب الغازية التي يتم انشاؤها للاستفادة من الغاز الطبيعي بتلك المنطقة.
ويهدف مشروع ربط الشبكة السودانية بالشبكة المصرية وذلك للاستفادة من الطاقة الكهرومائية التي سيتم توليدها من مشروع سد مروي لتزويد الشبكة المصرية خلال السنوات الاولى للربط ثم تزويد الشبكة السودانية بالطاقة الفائضة من الشبكة المصرية عندما ترتفع الاحمال في السودان بحيث تستهلك كامل الطاقة المنتجة من سد مروي.اما مشروع ربط الشبكة المصرية بالشبكة السعودية للاستفادة من الاختلاف منحنيات الاحمال في الدولتين ان تحتوي الشبكتان على اكثر من ثلث اجمالي قدرات التوليد في الدول العربية.
وابان التقرير ان دراسة بخصوص مشروع الربط الكهربائي اوضحت انه في العام 2010م ستكون مصر والجزائر وليبيا مصدرة للقدرة وستكون تونس والمغرب مستوردة لها في حين تظل لبنان مستوردة للقدرة الكهربائية من سوريا وسوف تستفيد كل من الاردن وسوريا من مرور الطاقة الكهربائية من خلالهما عبر تحصيل رسوم عبور للطاقة.
واشار الى ان حجم التبادل بين مصر والاردن سوف يقترب من القدرة التصميمية الحالية للخط، ويمثل مشروع ربط جمهورية الكونغو الديمقراطية بمصر واحداً من المشاريع البالغة الطموح ان ينطوي على انشاء محطة للطاقة الكهربائية في جمهورية الكونغو الديمقراطية ونقل الطاقة الى مصر عبر السودان وجمهورية افريقيا الوسطى وتشاد.
|
|
Post: #2
Title: Re: الحــق ...كهرباء ســد مروي ....إلي مصـــر
Author: محمد الامين احمد
Date: 05-16-2006, 07:31 AM
Parent: #1
تحية طيبة للجميع
كهرباء سد مروى الى مصر ، دى اسمها صفاقة
مصر شنو و فى مناطق فى السودان حتى الان لا تعرف ما هى الكهرباء
|
Post: #3
Title: Re: الحــق ...كهرباء ســد مروي ....إلي مصـــر
Author: شرف الدين آدم إسماعيل
Date: 05-16-2006, 08:08 AM
Parent: #1
الفاضل / Asskouri
تحية ليك وانت تقول كلمة حق ...
على فكرة فى ناس الكهرباء بتجى ماشه فوق منهم وهم عايشين فى ظلام
الناس دي لو ما وصلتها الكهرباالحال ما بنصلح
مع خالص احترامى
|
Post: #4
Title: Re: الحــق ...كهرباء ســد مروي ....إلي مصـــر
Author: مزمل التريكى
Date: 05-16-2006, 09:15 AM
Parent: #1
هوووووووووووووووووووووووووووووووووووووووووووووى
ده كلام خطير جدا
|
Post: #5
Title: Re: الحــق ...كهرباء ســد مروي ....إلي مصـــر
Author: Hussein Mallasi
Date: 05-16-2006, 09:26 AM
Parent: #4
سلامات يا عسكوري
مشتاقين
بوستك دا اقرب بوستاتك شبهاً بالبوست بتاع تهجير ناس بورتسودان.
|
Post: #6
Title: Re: الحــق ...كهرباء ســد مروي ....إلي مصـــر
Author: Asskouri
Date: 05-16-2006, 10:54 AM
Parent: #5
وين يا ملاسي
والله شوقك ده ( خوفني)
ياربي أكون عملت حاجه كده ولا كده...! استر يارب...
انا قعدت في السودان اربعه شهور ... ما لمينا فيك... مرتاح طبعا ماب تشتغل بالمهجرين الزينا.
بورتسودان ... إنت مذكر بورتسودان لسع والله الله يكون في عونا... مويه وكهرباء قاطعه.. اقراء البوست بتاع هاشم نورين... كل ما تجي حكومه تبيع ليهم الوهم... هسي الانابيب وصلت وين... وزير الماليه قال حاتقوم مدن فوق خط الانابيب... رموا الساس ولا لسه...
|
Post: #7
Title: Re: الحــق ...كهرباء ســد مروي ....إلي مصـــر
Author: adil amin
Date: 05-17-2006, 04:56 AM
Parent: #1
الاخ الحبيب عسكوري
سلام شديد
والله اول مرة الواحد يجد تجسيد لمعني قصيدة الشاعر المرهف محجوب شريف حفظه الله
ما بفهم المكتوب
البقرا بالقلبة...
هسع انت قريت الخبر ده كويس من اولو لاخرو وفهمتو ...
وكمانضيف ليك هناك مشروع لنقل كهرباء من افريقيا الي اوروبا
انت ينقصك كثير في معرفة الشبك الكهربي بين الدول واثاره الايجابية...لمن واحد يقول في شبك مع مصر حقو تفرح..لانو الكهرباء عبر هذا الشبك يتغطي كافة الشمال..وبعدين الكهرباء هي العمود الفقري للتنمية الحقيقية حتخدم المستشفيات والمدراس وكل اوجه الحياة المعاصرة..وانت لا زلت تعاني من وعي السودان القديم..كراهيتك للحكومة تعميك حتي من من انجازاتها التنموية..والكهرباء دي ما حيشحنوها بالطيارات لمصر بل عبر ابراج وعبر الشمال من الحمداب الي حلفا
|
Post: #8
Title: Re: الحــق ...كهرباء ســد مروي ....إلي مصـــر
Author: Al Sunda
Date: 05-17-2006, 05:36 AM
Parent: #7
| Quote: حيشحنوها بالطيارات لمصر بل عبر ابراج وعبر الشمال من الحمداب الي حلفا |
يا استاذ عادل
نحن (النوبيين) لينا 42 سنة بنحنس في المصريين يدونا كهرباء من السد الذي اغرقنا ولم نحصل عليه
وقد وصل تيار السد العالي او كهربته وعبر قناة السويس إلى الاردن .
وبعدين الرئيس بذات نفسه قال ما حيدينا كهرباء لرفض النوبيين قيام سد كجبار
قضية عسكوري أكبر من حكاية كهربة السد.
لك مودتي
|
Post: #9
Title: Re: الحــق ...كهرباء ســد مروي ....إلي مصـــر
Author: Asskouri
Date: 05-17-2006, 06:41 AM
Parent: #8
| Quote: والكهرباء دي ما حيشحنوها بالطيارات لمصر بل عبر ابراج وعبر الشمال من الحمداب الي حلفا |
بالله ياعادل، تتخيل انا كنت قايل حاينقلوها بـ ( رحل او قليبه) وطبعا إتخيلت ليك ناس الشماليه سايقين الدواب بتاعتهم وشغالين عتاله ينقلوا في الكهربا ويفرغوها في اسوان.
لكن كان حايرحلوها بالطايرات بكون كويس، يعني مطار مروي الجديد ديه بنوه عشان يشحنو منه الكهرباء.. كده ورينا ال(Ballet) بشيل كم كيلوا واط؟
|
Post: #10
Title: Re: الحــق ...كهرباء ســد مروي ....إلي مصـــر
Author: محمد الامين احمد
Date: 05-17-2006, 01:14 PM
Parent: #1
***
|
|