دومة الى المانيا.......Gute Reise Doma

دومة الى المانيا.......Gute Reise Doma


05-14-2006, 10:08 AM


  » http://sudaneseonline.com/cgi-bin/sdb/2bb.cgi?seq=msg&board=60&msg=1147597712&rn=0

Post: #1
Title: دومة الى المانيا.......Gute Reise Doma
Author: bayan
Date: 05-14-2006, 10:08 AM

ستغادر حبيبتنا دومة شرق آسيا
الى المانيا ..لحضور دورة تدريبية
في العمل السياسي..
وكذلك لتطور مركبها الكيماوي ضد العنصرية
التى اجتهدت فيه طيلة سنوات عمرها..
و نتمنى ان تمد رجلها للسودان
لترى اهلها المهمشين في بير الترك..

وانا والتروتكسي وراك حنكون يتامى

Gute Reise Doma
Post: #2
Title: Re: دومة الى المانيا.......Gute Reise Doma
Author: Tragie Mustafa
Date: 05-14-2006, 10:19 AM
Parent: #1

مبروك يا بيان

لدوما

وان شاء الله نشوف صورها

ونعرف جضومها كيف لانها شغاله لجضيمات بقال

يا عيني على بقال قالوا ليه جضيمات

امانه يا ناس المانيا

كما عملته برامج تسمين لبقال

حتى لما يرجع نشوف الجضيمات العايزه تكالات زي جضيماتي.

وتكونوا مشكورين.

ويا سيف مساعد

بالله لو زارك بقال عليك الله كان ما وصيت نسرين تظبط ليه مديده حلبه كاربه

وشيلوه الباقي في بستله(المانيه) عشان يمشي بالباقي للفندق باقي الفنادق دي

فيها جوعه اسألوني منها

كثر خير كستاوي

كان ما كنافة نايله مرته الرائعه الجابه لي كان الجوع كتلني في وشنطون.

تراجي.
Post: #4
Title: Re: دومة الى المانيا.......Gute Reise Doma
Author: saif massad ali
Date: 05-14-2006, 10:26 AM
Parent: #2

خاله بيان

الالماني ما عندك

gute Reise
Post: #12
Title: Re: دومة الى المانيا.......Gute Reise Doma
Author: bayan
Date: 05-14-2006, 11:00 AM
Parent: #4


lol saif Ich kann einbisschen Deutsch
Post: #13
Title: Re: دومة الى المانيا.......Gute Reise Doma
Author: doma
Date: 05-14-2006, 11:02 AM
Parent: #4

شنو يعني يا سيف ما مرحب بي في بلدكم دي ولا شنو ؟؟
Post: #14
Title: Re: دومة الى المانيا.......Gute Reise Doma
Author: saif massad ali
Date: 05-14-2006, 11:06 AM
Parent: #13

الاخت دوما

Quote:
شنو يعني يا سيف ما مرحب بي في بلدكم دي ولا شنو ؟؟


ياسلام وين لقيناك لمن ابينا مرحب بيك في كل وقت والله

عوج درب هنا وهناك والله
Post: #8
Title: Re: دومة الى المانيا.......Gute Reise Doma
Author: bayan
Date: 05-14-2006, 10:40 AM
Parent: #2

Quote: وان شاء الله نشوف صورها


عاد لو دومة جابت صورها هنا
تاني اي واحدة حتسحب صورها
بكثير من همهمات الخجل والحرج

بدل
لا عطر بعد عروس
لسان الحال حيقول

لا صورة بعد صورة دومة...
تعالي لينا هنا انا ذاتي بعرف اعمل باسطة وبسبوسة
ما حصلت لما مرة مرضت وقلت لبناتي انا حأموت
بتي الفي النص كان عمرها خمسة قعدت تبكي وتبكي قالت لصاحبتي
لو ماما ماتت البيعمل لينا الباسطة والبسبوسة منو؟
وذهبت نكتة في العالمين
..
Post: #9
Title: Re: دومة الى المانيا.......Gute Reise Doma
Author: doma
Date: 05-14-2006, 10:42 AM
Parent: #2

يا بت نحن ولاد الناس الكاده الجوع اللاحسه الكوع
قايلانا متلك ضاربين الهامبيرقروالراحات
الله بسالك دا مظهر زول مهمش؟؟في الناس الحضرو ديل في ناس ممكن اقول عليهم من المهمشين من صورهم الا بقال دا تريان ومملس ولابس ولا وزير خارجيه
عيني بارده ما بسحرو شايفاك تتخرجي فيهو من عيونا
تخيلي يا تراجي انا لما اشوف ماسي اهل دارفور ملاح الويكه بمسخ علي ولما اتذكر انكسار عيون نورا بصوم اليوم كله وانت تاكلي من بسبوسه لي باسطه نايله وتكوسي مديده الحلبه لي بقال واطفال دارفور بياكلوها لقمه بي مويه والله موت الضمير كعب بالحيل
Post: #3
Title: Re: دومة الى المانيا.......Gute Reise Doma
Author: معتز تروتسكى
Date: 05-14-2006, 10:25 AM
Parent: #1

خلوله بيان
مامادوما دي نحن فى وراها وراها..وين ولا نعمل معارضه هنا فى شرق اسيا..
تتم لينا حق التذكره ذهاب بس الرجعه دى خليها علينا ؛
نحن ذاتنا عايزين تاهيل سياسى
كانت تمت لى حق التذكرة الاقامه مافى مشكله اها انتى كفينك..
اها معنا ولا مع الخيانه..
Post: #10
Title: Re: دومة الى المانيا.......Gute Reise Doma
Author: bayan
Date: 05-14-2006, 10:45 AM
Parent: #3

Quote: مامادوما دي نحن فى وراها وراها..وين ولا نعمل معارضه هنا فى شرق اسيا

تروتسكي ارعى بقيدك اي شنكبة عنكبة في بلدك دي بيودوك الجبال
انت قايل نفسك في اوربا...
زينب حيرسلو ليها طائرة خاصة
تغشاك وتغشاني..
Post: #5
Title: Re: دومة الى المانيا.......Gute Reise Doma
Author: luai
Date: 05-14-2006, 10:28 AM
Parent: #1

تعرفي يادكتوره اليومين ديل معجب شديد
برئيس بوليفيا ..اعاد لغة التأميم
وامم الغاز ..وقال لناس الشركات اعلى مافي خيلكم اركبوه ..
فلو عندك لي بعثة لبوليفيا انا جاهز ..
عايز لي مؤتمر عن ثقافة التأميم ..
ما تخافي
بتكلم بوليفي كويس ....
Post: #11
Title: Re: دومة الى المانيا.......Gute Reise Doma
Author: bayan
Date: 05-14-2006, 10:53 AM
Parent: #5

Quote: فلو عندك لي بعثة لبوليفيا انا جاهز ..
عايز لي مؤتمر عن ثقافة التأميم

سجما يا لؤي
انت بقيت شيوعي؟
الغتس حجر السودان شنو غير التأميم حق نميري..
بعداك الكيزان جو خصخصوها.
(من الخصاصة)

خليني اشوف ليك
مؤتمر
كيف تغيظ البنك الدولي..

مودتي
Post: #6
Title: Re: دومة الى المانيا.......Gute Reise Doma
Author: DKEEN
Date: 05-14-2006, 10:32 AM
Parent: #1

Quote: ونعرف جضومها كيف لانها شغاله لجضيمات بقال


بقال فيهو جضيمات؟؟

يا ام ضراعات
Post: #15
Title: Re: دومة الى المانيا.......Gute Reise Doma
Author: Tragie Mustafa
Date: 05-14-2006, 11:33 AM
Parent: #6


الله يجازي محنك يا دكين

والله ضحكته ضحك لمن عيالي بسألوا يا امي في شنو؟؟؟؟

قلت لهم البركه في ناس البورد

Quote: يا ام ضراعات


كثر الله خيرك ....

هنا في حاجه اسمها (مكرونة Food Bank) للناس المساكين زينا

لانه الشحم هنا حق الفقراء,الاغنيا ما بيشحموا لانهم بيتحكوما في نوع غذائهم

مش زينا بيتموها من الفود بان,وهذا يعادل ما يعرف في امريكا بالفود استامب

وامشي اسأل منه ساره منصور.

اما يا دوما الحمد لله عندنا محلات اسمها (فاليو فلج) تلبسي اررقى موديل

بس سكند هاند...اها شفتي نحن غلابه كيف.....ومهمشين كيف؟؟؟؟؟

خليها في سرك

بس مكاواة ناس الفاروق بنقدر عليها والراجل يقدر يقول سكند هاند.

تراجي.
Post: #7
Title: Re: دومة الى المانيا.......Gute Reise Doma
Author: Frankly
Date: 05-14-2006, 10:40 AM
Parent: #1

ألأخت العزيزة بيان
لك الشكر وللأخت العزيزة دوما رحلة سعيدة وموفقة وتصل بالسلامة بإذن الله

Gute Reise Doma

تحياتي
كمال
Post: #24
Title: Re: دومة الى المانيا.......Gute Reise Doma
Author: doma
Date: 05-14-2006, 11:56 PM
Parent: #7

تشكر يا فرانكلي يا مهذب يا ظريف
Post: #16
Title: Re: دومة الى المانيا.......Gute Reise Doma
Author: خالد العبيد
Date: 05-14-2006, 04:17 PM
Parent: #1

العزيزة خالة العيال بيان
تحياتي
اتمنى رحلة جميلة وموفقة للعزيزة دوما ( شروق )
Post: #17
Title: Re: دومة الى المانيا.......Gute Reise Doma
Author: الطيب بشير
Date: 05-14-2006, 04:25 PM
Parent: #1

.

أهلين (خالتنا) بيان..(وش شايل شهادة تسنين)

العزيزة دومة

بالسـلامة..و كل التوفـيق

دعـوات و تحايا سـوما قبل سلامي..

لا علم لي بالألمانية..لكن:

الله يحفضـك حفض الموية في البير..و السيف في الجفير..و الطير لامن يطير..بركة جدي الشيخ الطيب

ودّ البشير المعظم و كبير ..الجبل اللي التنير..سماني الحضرة الكبير..

ملهوزة:

لو عاوزة ترجمة تمشي طابت..

.
Post: #31
Title: Re: دومة الى المانيا.......Gute Reise Doma
Author: doma
Date: 05-15-2006, 01:50 AM
Parent: #17

Quote: العزيزة دومة

بالسـلامة..و كل التوفـيق

دعـوات و تحايا سـوما قبل سلامي..

لا علم لي بالألمانية..لكن:

الله يحفضـك حفض الموية في البير..و السيف في الجفير..و الطير لامن يطير..بركة جدي الشيخ الطيب

ودّ البشير المعظم و كبير ..الجبل اللي التنير..سماني الحضرة الكبير..

ملهوزة:

لو عاوزة ترجمة تمشي طابت

شكرا لكما يا ابا بشير وام موحي
عارف يا الطيب عجبتني المويه في البير دي عشان كل ما ينشلوا منها تاني بتجم بس الزول الما عندو حظ يجي يلقاها قاطه.(من ارث التهميش وكدا )
اها طابت دي مهمشين ولا منغنغين ؟؟؟
Post: #18
Title: Re: دومة الى المانيا.......Gute Reise Doma
Author: AMNA MUKHTAR
Date: 05-14-2006, 04:29 PM
Parent: #1

Quote: عاد لو دومة جابت صورها هنا
تاني اي واحدة حتسحب صورها
بكثير من همهمات الخجل والحرج



يا لهيافتك ..!








تفكير ( حرومى ) بحت.
Post: #19
Title: Re: دومة الى المانيا.......Gute Reise Doma
Author: saif massad ali
Date: 05-14-2006, 04:32 PM
Parent: #18

[
الطيب بشير

QUOTE]
الله يحفضـك حفض الموية في البير..و السيف في الجفير..و الطير لامن يطير..بركة جدي الشيخ الطيب

ودّ البشير المعظم و كبير ..الجبل اللي التنير..سماني الحضرة الكبير



لووووووووووووووووووووووول

عايز ترجمة
Post: #20
Title: Re: دومة الى المانيا.......Gute Reise Doma
Author: عصام أحمد
Date: 05-14-2006, 04:55 PM
Parent: #19

WAN VIE KOMME dUTCHLAND?
DANKE
Post: #21
Title: Re: دومة الى المانيا.......Gute Reise Doma
Author: عصام أحمد
Date: 05-14-2006, 05:03 PM
Parent: #20

بمناسبة المانيا دي قلت أراجع القريتوا زماااااااان مقدمة في اللغة الألمانية

يا ناس ألمانيا صححوني لو غلطت.

سؤالي ده تركيبوا صاح؟

ت ح ي ا ت ي
Post: #22
Title: Re: دومة الى المانيا.......Gute Reise Doma
Author: bayan
Date: 05-14-2006, 07:57 PM
Parent: #21

من عاشر قوما يا ام اربعة واربعين
من جيتي البورد دا
حرفتو وجهتو...
بقينا حروم
نتكلم عن الموضة والنضال الموضة
وسبب النضال..

الهيافة في صورك الذي غلاف السيديهات بتاعة الافلام
ذات الميزانية المنخفضة..
Post: #33
Title: Re: دومة الى المانيا.......Gute Reise Doma
Author: doma
Date: 05-15-2006, 02:29 AM
Parent: #21

Quote: WAN VIE KOMME dUTCHLAND?

مرحب بيك يا عصام احمد
اها دي الا نسال منها سيف ود عوج الدرب باقي مجضمها الالمانيه دي
ابقي في الجوار لما يجي
Post: #32
Title: Re: دومة الى المانيا.......Gute Reise Doma
Author: doma
Date: 05-15-2006, 02:25 AM
Parent: #20

عصام احمد مرحب بيك
دي الا نسال منها سيف ود عوج الدرب باقي مجضمها اللغه الالمانيه دي
Post: #23
Title: Re: دومة الى المانيا.......Gute Reise Doma
Author: doma
Date: 05-14-2006, 11:29 PM
Parent: #18

Quote: ويا ناس المانيا واروبا عموما شدوا حيلكم من تاجوجنا القادمه

اي زول ما بقدر على الهبباي وقليبه ضعيف يتلم طوالي وقد اعذر من انذر
Quote: يا ساذج المانيا دي لما مشت ليها امونه اظنك كنت تتسكع في اذقة استادك داك القلته كنت بتلعب فيه

فاهم,ولما كنا بنصيف في اثيوبيا ومصر كنت انت بتلعب بلي في خور ابو عنجه,لانك لا تعرف كلمة نصيف

ودي بيعرفوها ناس بورتسودان بس.,ولما كنت بتلعب (بلي) كنا نحنا بنلعب تنس واسكواش....واسأل

ناس بوتسودان الجدجد من جيران نادي التنس وناس نادي التنس فاهم.

وكان تقول مهمشين ولا غيره نحن الحمد لله عملية لوز ما بنعملها في السودان فاهم.

Quote: ولن اتحث عن مظهرها واترك لكم الباقي

عشان ما احرق الفيلم لكم, آمنه مختار التي اعرفها كانت من اجمل وارقى بنات بورتسودان

ولاحظ لما نقول بورتسودان دي كلمه ليها وقع خاص

فبورتسودان ميناء وملتقى للحضارت ولن اتحدث عن سفيراتنا في الجامعات

اختلاط الدماء و الثقافات في بورتسودان جائنا باروع السلالات

والكلام ده بجيب لينا هوا كثير اليوم.

عثمان محمد صالح

سالت عن عمرها

في قولة للدكتوره بيان قالت (44 سنه)

وفي قولتي انا اقول لك انها اصغر مني بعامين

وارجع للبروفايل وخلي الباقي في سرك.

وانا لست كاذبه في ذلك


اها يا امنه مختار قلت انقل ليك بعضا من هيافه تراجي بس حكايه لبسك المن كريستيان ديور و وارماني ما لقيتها
تفكيرصبياني بحت وحرومي شديد.
Post: #25
Title: Re: دومة الى المانيا.......Gute Reise Doma
Author: ولياب
Date: 05-15-2006, 00:11 AM
Parent: #23

رحلة موفقة للعزيزة دوما

تصحبك السلامة في الحل والترحال .
Post: #26
Title: Re: دومة الى المانيا.......Gute Reise Doma
Author: doma
Date: 05-15-2006, 00:21 AM
Parent: #25

ابني الغالي ولياب تحياتي وامنياتي الطيبه ليك وللاسره
شكرا لمرورك اللطيف
Post: #27
Title: Re: دومة الى المانيا.......Gute Reise Doma
Author: Abureesh
Date: 05-15-2006, 00:30 AM
Parent: #25

(تـومـة)

كيف حالك ومبروك البعثـة لألمـانيـا..
祝好运
viel Glueck
بعدين يا معتـز شنـو حكايـة خالـة دومـة وخالـة بيان دى.. بطل التطفل دا!
Post: #30
Title: Re: دومة الى المانيا.......Gute Reise Doma
Author: doma
Date: 05-15-2006, 00:56 AM
Parent: #27

ابو الريش حبابك ياسيد شباب البورد
تسلم ليك الياسمين ولي ناس تروتسكي باقات الورد
Post: #28
Title: Re: دومة الى المانيا.......Gute Reise Doma
Author: Tragie Mustafa
Date: 05-15-2006, 00:40 AM
Parent: #23

والله يا دومه وبيان

دخلنا البورد ده قبل رجعتكم الميمونه

وما كنا بنكتب كلام زي ده

لكن لما زودتوها

وكتبتوا لامونه صورك بلدي

وعمرك 44 كان لابد ان يتصدى لكم بنفس اللغه.

والحشاش يملأ شبكته.

تراجي.
Post: #29
Title: Re: دومة الى المانيا.......Gute Reise Doma
Author: doma
Date: 05-15-2006, 00:47 AM
Parent: #28

Quote: وكتبتوا لامونه صورك بلدي

وعمرك 44 كان لابد ان يتصدى لكم بنفس اللغه.


تراجي ما كنت قايله انك كاذبه كمان وكت جابت ليها كذب جيبي لي كلاماكون قلته انا دومه فيه اشاره لصوره امنه انها بلدي او عمرها44 سنه؟؟؟ وانا ليس بمسؤوله عما تكتبه بيان . لمعلوميتك انا الهيافات دي ما بشتغل بيها الله يكبر العقول والصور والحركات دي نحن ما في بيوتي كونتست والجمال ما جمال الصور يا ست البنات
Post: #35
Title: Re: دومة الى المانيا.......Gute Reise Doma
Author: banadieha
Date: 05-15-2006, 02:34 AM
Parent: #29


دوما حبيبة قلبي..تعالي طلينا في مكة نجضمك وتجضمينا.
Post: #37
Title: Re: دومة الى المانيا.......Gute Reise Doma
Author: doma
Date: 05-15-2006, 03:25 AM
Parent: #35

Quote: دوما حبيبة قلبي..تعالي طلينا في مكة نجضمك وتجضمينا.

يا ولد يا بناديها انت استهبالك دا ما بتخلي
انا عازمني صيف في بافاريا تقول لي مكه
مكه اللهم بارك فيها بنجيها في مواسمها
Post: #64
Title: Re: دومة الى المانيا.......Gute Reise Doma
Author: doma
Date: 05-17-2006, 08:51 AM
Parent: #28

Quote: والله يا دومه وبيان

دخلنا البورد ده قبل رجعتكم الميمونه

وما كنا بنكتب كلام زي ده

لكن لما زودتوها

وكتبتوا لامونه صورك بلدي

وعمرك 44 كان لابد ان يتصدى لكم بنفس اللغه.

والحشاش يملأ شبكته.

تراجي.



لووووووووووووول وتاني لووووووووول .
Post: #34
Title: Re: دومة الى المانيا.......Gute Reise Doma
Author: لؤى
Date: 05-15-2006, 02:30 AM
Parent: #1


دكتورة بيان
التحايا والأشواق



العزيزة دومة
رحلة سعيدة وموفّقة ، وأمنيات بالسداد والنجاح في كلّ الخطوات ..





محبّتي

ـــــــــــــــ

انا في البعيـد مشتـاق لهمسة من الوطن يـا نسمة
[email protected]

Post: #38
Title: Re: دومة الى المانيا.......Gute Reise Doma
Author: doma
Date: 05-15-2006, 03:40 AM
Parent: #34

العزيز لؤي
اشكرك مرورك يبهجني
Post: #36
Title: Re: دومة الى المانيا.......Gute Reise Doma
Author: Dr.Mohammed Ali Elmusharaf
Date: 05-15-2006, 02:38 AM
Parent: #1

الاخت الكريمة بيان
معزتي واحترامي
مرحب بلاخت دومة عند الجيران المانيا....والدعوة مفتوحة لزيارة هولندا....كل الداتا للاتصال في البروفائل.
تقديري
محمد علي المشرف مختار
Post: #39
Title: Re: دومة الى المانيا.......Gute Reise Doma
Author: doma
Date: 05-15-2006, 03:44 AM
Parent: #36

الدعوه مقبوله يا دكتور محمد علي المشرف
شكرا ليك كتير . ما بتقصروا ياكم ابناء السودان مضيافيين وعزاميين
Post: #40
Title: Re: دومة الى المانيا.......Gute Reise Doma
Author: عصام دهب
Date: 05-15-2006, 03:46 AM
Parent: #36

Quote: وانت تاكلي من بسبوسه لي باسطه نايله وتكوسي مديده الحلبه لي بقال واطفال دارفور بياكلوها لقمه بي مويه

وش قاعد يمطَق ..

Quote: والله موت الضمير كعب بالحيل

صحي و الله ..

Post: #41
Title: Re: دومة الى المانيا.......Gute Reise Doma
Author: bayan
Date: 05-15-2006, 03:55 AM
Parent: #36

Quote: والله يا دومه وبيان

دخلنا البورد ده قبل رجعتكم الميمونه

وما كنا بنكتب كلام زي ده

لكن لما زودتوها

وكتبتوا لامونه صورك بلدي

وعمرك 44 كان لابد ان يتصدى لكم بنفس اللغه.

والحشاش يملأ شبكته.


يا سلالالالالالالالالالالالالالالالالالالالالالام على التضامن مع امونة

وين كنت لما امونة مطارداني بساقط القول؟
انا كنت ساكتة ليها شهرين
ما خلت فرضا ناقص في النبذ
لما قالت بتكره نموذجي
امونة الزولة الصفر الكبير انسانيا
سوت ليها راس وقعر في البورد
وقالت بتكره نموذجي
اها عايزاني احيها واشكرها ولا شنو؟



ايوة راي في صورتها بلدي وبلدي شديد كمان
دا كلامي ما كلام دومة
ليه عايزة تجمعينا مع بعض

اسمعي يا تراجي وعي صاحبتك
تسيب الشلاقة واستعداء الناس
وتقعد في ال. واطة
الزولة دي الى الان فاتحة لي
3 بوستات ومعاي ناس
فتحت لي بوست انا وملاسي
دفاعا عن راشد
كان دخلها شنو
شتمتني فيهو وقالت لي نص
الى الان ما عارفة نص دي شنو
وبوست مع نور
وبوست مع نور وعبدالرحمن
دا شنو دا؟
زولتك شليقة وغبيانة
ما تتبعيها
وعيها لو لمت روحها مافي زول بيصلها
ولو كلامك حق حشاش وشنو
دا تهديد جربي املي شبكتك
ونشوف
Post: #42
Title: Re: دومة الى المانيا.......Gute Reise Doma
Author: Tabaldina
Date: 05-15-2006, 04:14 AM
Parent: #1

..
.
لا .. وموسيقي حسب الله
الفى باب مطار الخرطوم البدفع حقها منو!!؟

إندهاشة ..

اكيد جاية باللفتهانزا
بس اهم حاجة الكونكشن كايرو

Quote: لمعلوميتك انا الهيافات دي ما بشتغل بيها الله يكبر العقول

عليكـ الله بركنى هنا بس ..
المنظر بقي شكلو ما حلو
وانت ست العارفين لمن الواحد شكلو ما يبقي حلو
ببقي كيف !!؟


خارج الإطار :
انت ما تعملى اسكنر لصورة الباسبورت
بتاعك هنا وكمان مزرعة الخيول
Post: #43
Title: Re: دومة الى المانيا.......Gute Reise Doma
Author: doma
Date: 05-15-2006, 04:42 AM
Parent: #42

Quote: لا .. وموسيقي حسب الله
الفى باب مطار الخرطوم البدفع حقها منو!!؟


وشركه التبلدي بتعمل في شنو ؟؟؟!! كله علي حسابها
وعشان خاطرك الغالي وانت عارف انه الغالي بيرخص ليك انا عملتSchluss >
Post: #44
Title: Re: دومة الى المانيا.......Gute Reise Doma
Author: nadus2000
Date: 05-15-2006, 04:45 AM
Parent: #42

الخالة الغالية

التحية لكي وللحاج ولست الحسن والجمال الأمورة وإبنك الغالي
ونتمنى ليك رحلة موفقة عامرة بالعطاء والتحصيل.

ألمانيا دي سكتها مش بعند بيتنا، أدينا غشوة.
Post: #45
Title: Re: دومة الى المانيا.......Gute Reise Doma
Author: doma
Date: 05-15-2006, 05:05 AM
Parent: #44

ابني الغالي نادوس شكرا ليكم
يا جميليين جوا وبرا
نتمني ذلك .
كونوا بخير وعافيه
Post: #46
Title: Re: دومة الى المانيا.......Gute Reise Doma
Author: ajaj
Date: 05-15-2006, 05:28 AM
Parent: #45

اختنا الحبيبة دوما
مرحب بيك وحبابك الف بلا كشرة
وكان المانيا ما شالتك ندخل معها كل الدول المجاورة




راجعي مسنجرك
Post: #47
Title: Re: دومة الى المانيا.......Gute Reise Doma
Author: doma
Date: 05-15-2006, 06:35 AM
Parent: #46

عجوجه العجوه معطونه بي عسل تسلمي بت حشاي
تشيلك العافيه .
لك خالص الدعوات الطيبات وكثيف الموده
Post: #48
Title: Re: دومة الى المانيا.......Gute Reise Doma
Author: mohamed elshiekh
Date: 05-15-2006, 10:08 AM
Parent: #47

الفاضلات الاخوات الحبيبات
امنه, بيان, تراجى , دومه. (ترتيب ابجدى) لكن الموده .....

هذه دعــــوة منى لكن جميعا للتصافى والتسامح ....
اقدمها تضامنا مع دعوة الاخ خضر عطا المنان
http://صدقونى : هذا لا يليق

قالت الاخت الفاضله تراجى :


Quote:


الله يجازي محنك يا دكين

والله ضحكته ضحك لمن عيالي بسألوا يا امي في شنو؟؟؟؟

قلت لهم البركه في ناس البورد



والله لا اشك على الاطلاق (رغم غلظة جملة دكين)
انك فعلا ضحكتى من القلب .....
فلماذا لانجعل من كل الذى قيل فكاهةْx فكاهه...
وتضحكن جميعكن ......

اخواتى الحبيبات
لا اضع نفسى هنا مصلحا اجتماعيا ولست مثاليا .. ولكن
تعلمت من تجربتى الشخصيه والبسيطة جدا
بأننا لن نخرج من هذا النفق النتن الذى
وضعنا فيه الا بقبولنا بعضنا البعض
رغم اختلافتنا..
دعونا نقرع بعضنا البعض بالحجه والبرهان
وننأى عن شخصنة الخلاف بيننا ..
فهذا هو طرق التهلكه وضياع قضيتنا الاولى
..... سوداننا الجديد ....
انتن املا لهذا الغد الموعود ...

كان يدار امرنا فى ما مضى برؤيه ورأى ذكورى جدا
ولكن الان والحمد لله لنا نساء نفاخر بهن ونباهى بهن
قادرات على صياغة وبناء فجرا جديد لامتنا .. جنبا لجنب
مع شقائقهن .... بل وفى الطليعة احينا ...


هنا فى هذا المنبر اجبرننا اخوات فاضلات بأن ننحنى لهن
احتراما واجلالا ..
اكسبننا يقينا بأن مكانهن هو الطليعة وقيادة ركب هذه الامه
نحو الامل المرتجى .... ليقننا ايضا فى صدقهن وفى علمهن
وتجردهن......
اخواتى وصديقاتى ....


هذه دعوتى لكن.....

واعلم علم اليقين بان لكل واحدة منكن قلبا يسع
محبة الدنيا ......

فهل هنالك من فيض على بعضكم البعض ولو بقطرة



لكم محبيت ومودتى
وعظيم تقديرى واحترامى




الخاله الفاضله دوما
تصحبك السلامة اينما حللت
Post: #49
Title: Re: دومة الى المانيا.......Gute Reise Doma
Author: bayan
Date: 05-15-2006, 10:19 AM
Parent: #48

Quote: لا اضع نفسى هنا مصلحا اجتماعيا ولست مثاليا .. ولكن
تعلمت من تجربتى الشخصيه والبسيطة جدا
بأننا لن نخرج من هذا النفق النتن الذى
وضعنا فيه الا بقبولنا بعضنا البعض
رغم اختلافتنا..
دعونا نقرع بعضنا البعض بالحجه والبرهان
وننأى عن شخصنة الخلاف بيننا ..


الاجواد ود الشيخ
ما قصرتا.. ما كتبته حلم جميل
يراودنا من سنيين..

حاملي الاختام ناس انت كوز انت
امنجي ما خلو حاجة في البورد دا
لاحترام ولتقدير..

الزولة الاسمها آمنة دي براها اختارت اقبح الطرق
وهو التهجم والرجم.. بدون اي سبب
سوا انها تظن اني كوزة وواجب عليها محاربتي.
وهي التي تنكبت هذا الطريق
وكنت اصمت عن الاساءة والتهجم
لكن لما فات حدو وبقى غير محتمل
بقى لازم الزول يرد..
ولا كيف؟
...
دعوتك جميلة
تراجي زولة اوكي نتحاور ونختلف
ولكن شايفاها شغالة كاسحة الغام
لآمنة التى اصبحت مصدر متاعب للكل
وصارت ست الخور بدون منازع كل يوم هاجمة زول ببوست
لو قدرتوا على آمنة دي
البورد بيبقى فيه حوار..
وشكرا ليك لدعوتك الجميلة وفي ميزان الحسنات..
Post: #51
Title: Re: دومة الى المانيا.......Gute Reise Doma
Author: القلب النابض
Date: 05-15-2006, 10:40 AM
Parent: #49

العزيزة بيان

سلامات

والعزيزة دوما

طلي.. علينا

في لندن

وسيف مساعد بيوصلك لي عندنا

أصلوا عيناه سفير النوايا الحسنة...بأوربا

تسلمي..

وتحياتي للمحترمة بيان
Post: #53
Title: Re: دومة الى المانيا.......Gute Reise Doma
Author: doma
Date: 05-16-2006, 05:27 AM
Parent: #51

الابنه الغاليه القلب النابض
شكرا علي الدعوه وبناغمك بالمسنجر .
اطيب التحايا لبنت الاحفاد
Post: #50
Title: Re: دومة الى المانيا.......Gute Reise Doma
Author: doma
Date: 05-15-2006, 10:33 AM
Parent: #48

الابن الفاضل محمد الشيخ
والله لا احمل لهن الا كل خير ومحبه خالصه لا تشوبها شائبه
تعاركت مع تراجي واختلافي معها ليس اختلاف مبادئ ابدا ولكن اختلاف وسائل فقط ولها مني كل المحبه
والتقدير واطلب منها العفو .من جانبي صافيه وبيضاء لبن كما يقولون
Post: #52
Title: Re: دومة الى المانيا.......Gute Reise Doma
Author: Abureesh
Date: 05-15-2006, 11:39 AM
Parent: #50

الاخت تـومـة،

ما فى طـريقـة غشـوة لنيويورك؟
Post: #54
Title: Re: دومة الى المانيا.......Gute Reise Doma
Author: doma
Date: 05-16-2006, 07:49 PM
Parent: #52

Quote: الاخت تـومـة،

ما فى طـريقـة غشـوة لنيويورك؟

العزيز ابو الريش سيد شباب البورد
بنتمني ما في شئ بعيد المنال (ربنا بدي الجنه علي قول امي)
Post: #55
Title: Re: دومة الى المانيا.......Gute Reise Doma
Author: bayan
Date: 05-16-2006, 08:09 PM
Parent: #54

Quote: بنتمني ما في شئ بعيد المنال


عمري ما كنت قايلة الفحيط البوردي والنضال الكيبوردي
بيسفر..
بس يا دومة تتبني ليك قضية سخنة كدا
وتشوفي مجموعة تعمليهم الخيانة
وتنزلي 10 بوستات تشتمي الخيانة
جزء يمشي الخور وجزء يقعد
بتجيك دعوة من الامم المتحدة..
وتمشي للزمان تشوفي نيو يورك
بس بالله ما تنسي صاحبتك
لازمن تشوفي ليها طريقة..
وليك على امشي وراك بوست بوست
اشكرك وارفع اسهمك...
واعملك جان دارك
السودانية...
اسخن قضية اسع
هل يقطع الافارقة العرب البحر الاحمر راجيعن بعد
1400 سنة من الاقامة في السودان..
فلازم نحفظ كيان القبائل الشمالية
انقذوا عرب السودان وكدا...
دي قضية بتسفر حتت كثيرة والله..
اوعي تجي تقولي انا افريقية
لانه الجماعة ديل شايفنك عربية عاد..
مهمها يحصل حيقطعوك البحر حيقطعوك.
Post: #56
Title: Re: دومة الى المانيا.......Gute Reise Doma
Author: Abureesh
Date: 05-16-2006, 10:13 PM
Parent: #55

Quote: بس يا دومة تتبني ليك قضية سخنة كدا
وتشوفي مجموعة تعمليهم الخيانة
وتنزلي 10 بوستات تشتمي الخيانة
جزء يمشي الخور وجزء يقعد
بتجيك دعوة من الامم المتحدة..
وتمشي للزمان تشوفي نيو يورك


الأخت بيـان رقـم واحـد،

خطـة ما بطـالـة، لأن الطريقـة الجينـا بيهـا أنا وأنتى لنيويورك (وفلفادلفيا) دربهـا طويل..
شـاعـر الصوفيـة قال:
الليلـة الطريق أوصـافو قسين لى
درب الليل طويييييل ودرب النهـار أبى لى
Post: #57
Title: Re: دومة الى المانيا.......Gute Reise Doma
Author: ALGARADABI
Date: 05-16-2006, 10:34 PM
Parent: #1

Quote: Gute Reise Doma

ما عارف معناها شنو
لكنا نخوض مع الخائضين فى بحر الألمانية..
دعوة:
لو الطيارة صرجت و نزلت دبى أسالى عننا....
مع تمنياتنا لك برحلة سعيدة
Post: #58
Title: Re: دومة الى المانيا.......Gute Reise Doma
Author: Abureesh
Date: 05-16-2006, 10:41 PM
Parent: #57

الأخ القرضـابى،

Gute Reise معنـاهـا bon voyage

لكن "صـرجت" دى هى الدايـرة تفسيــر!
Post: #59
Title: Re: دومة الى المانيا.......Gute Reise Doma
Author: ALGARADABI
Date: 05-17-2006, 03:02 AM
Parent: #58

الأخ أبو الريش
تحياتى
Quote: لكن "صـرجت" دى هى الدايـرة تفسيــر!

التصريج لغة إخطاء الهدف
و التصريج شرعا (و ده فى الكورة)إنك تشوت الكورة تجاه مرمى الخصم تلقاها بى قدرة قادر
مشت على قونك!!!
و هنا المقصود أنو الطيارة تجلى و تنزل دبى
Post: #60
Title: Re: دومة الى المانيا.......Gute Reise Doma
Author: Mustafa Mahmoud
Date: 05-17-2006, 03:44 AM
Parent: #59

dear dr. byan
srry still in english
i would like to wish doma a nice journy to germany and safe return
by the way can i too call you antee ???
or i think you should call me uncle
lol
Post: #66
Title: Re: دومة الى المانيا.......Gute Reise Doma
Author: doma
Date: 05-17-2006, 09:06 AM
Parent: #60

تشكر يا مصطفي محمود
ربنا يسمع وشوشاتك ويستجيب
Post: #65
Title: Re: دومة الى المانيا.......Gute Reise Doma
Author: doma
Date: 05-17-2006, 09:02 AM
Parent: #57

المحترم القرضابي
شكرا ليك وربنا يستجيب لدعواتك ونصرج في كل مكان فيه حبان.
سلمت وشوكرا لخوضك مع الخائضينا
Post: #61
Title: Re: دومة الى المانيا.......Gute Reise Doma
Author: يحى الشريف
Date: 05-17-2006, 03:47 AM
Parent: #1

الاخت Doma
امنياتي برحلة موفقة
..
مودتي
Post: #67
Title: Re: دومة الى المانيا.......Gute Reise Doma
Author: doma
Date: 05-17-2006, 09:09 AM
Parent: #61

العزيز يحي الشريف
اشكرك بحراره ومرحب بيك
لك خالص الموده
Post: #62
Title: Re: دومة الى المانيا.......Gute Reise Doma
Author: قرشـــو
Date: 05-17-2006, 05:18 AM
Parent: #1

العزيزة الدكتورة بيان

لك التحية

يعنى شايف اليومين ديل المانيا فاتحه ابوابه على مصراعيها

ايه الحكاية

كله المانيا المانيا

مع انه العزيزة دومه ليست كاولئك ولكن اصبح الملتقى المانيا

ودومه تستاهل تجوب بلاد العالم كله

ووصيها بالله تكتب لينا انطباعاتها عن المانيا وهى هناك

تحياتى لدومه وكل الأحباب
Post: #69
Title: Re: دومة الى المانيا.......Gute Reise Doma
Author: doma
Date: 05-17-2006, 09:21 AM
Parent: #62

[B]العزيز قرشوا انت الخير والبركه
المانيا دي شهادتي فيها مشروخه
طابت ايامك [/B]
Post: #63
Title: Re: دومة الى المانيا.......Gute Reise Doma
Author: قرشـــو
Date: 05-17-2006, 05:30 AM
Parent: #1

يا دكتورة

شنو حكاية الخالة بيان والخالة دومه دى ؟؟؟؟

البورد تم احتلاله ولا شنو ؟؟؟
Post: #68
Title: Re: دومة الى المانيا.......Gute Reise Doma
Author: ajaj
Date: 05-17-2006, 09:21 AM
Parent: #63

Quote: شنو حكاية الخالة بيان والخالة دومه دى

بنسأل زيك يا قرشو درشو
دايرين يكبرو لينا النجمات ديل باي طريقة ...حسادة...ما يمشو يشفو الكبار وين ويقولو ليهم يا حبوبات ان شاء الله


يا دومة يا عسل اووعي تكوني بتحبي الدنور عشان انا ما بحبو وعديل كدة ما حاعزمك عليهو....لكن نمشي الراين والماين والغابة السوداء واوصلك لحدي حدود المانش واخليك تقطعي براك لتصلي للقلب النابض ....قصرنا معاك
Post: #70
Title: Re: دومة الى المانيا.......Gute Reise Doma
Author: 3bdo
Date: 05-17-2006, 10:43 AM
Parent: #68

دومة
كراعنا حارة للدرجة دي
يا ستي بالف سلامة ...كنت اتمني اقابلك في بلدكم الطيرها عجم دي ... بس فيها جنس جري
Post: #71
Title: Re: دومة الى المانيا.......Gute Reise Doma
Author: doma
Date: 05-18-2006, 00:21 AM
Parent: #68

عجوتنا بالعسل والله ما قصرتي معاي تب ومامتك دومه تكفيها بس جوله في ال ٍSchwarzwald
Post: #72
Title: Re: دومة الى المانيا.......Gute Reise Doma
Author: doma
Date: 05-18-2006, 00:25 AM
Parent: #71

Quote: دومة
كراعنا حارة للدرجة دي
يا ستي بالف سلامة ...كنت اتمني اقابلك في بلدكم الطيرها عجم دي ... بس فيها جنس جري

ابني الغالي عبدو
سعيده بيك كتير وبتمني تزورنا مره قادمه
بنكون في الانتظار