Post: #1
Title: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-14-2006, 04:54 AM
هي دعوة للتسامح والتصافي ولم الشمل لنعود اكثر قوة وترابط ما احلى الايام التي خلت اتمنــــى صادقا ومن كل قلبي ان تعود مرة اخري وعشمي فيكم كبــــــير .
يلا يا المثلث الذهبي شدوا حيلكم فأنتم الشعلة النيرة التي تضيء لنا عتمة الليل وكــدر الحياة ..
والله من وراء القصد..
ود الباوقة
|
Post: #2
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: إسماعيل وراق
Date: 05-14-2006, 05:01 AM
Parent: #1
دا مثلث ذهبي أم برمودا
.
.
على كل في الإنتظار
|
Post: #3
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: A.Razek Althalib
Date: 05-14-2006, 05:03 AM
Parent: #1
| Quote: وعشمي فيكم كبــــــير . |
وعشمنا فيك أكبر يا ريس..
|
Post: #13
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-14-2006, 12:37 PM
Parent: #3
اخي الكريم عبد الرازق ..
شكرا على المرور وكان عشمي في انك لم ولن تتخلف عن المجموعة ومساهماتك مقدرة فـــــي لماتنا السابقة ..
ود الباوقة
|
Post: #4
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عبد اللطيف بكري أحمد
Date: 05-14-2006, 05:05 AM
Parent: #1
الكبير كبير يا ود الباوقة ،، وربنا يجمع الشمل على الخير والمحبة،، ونحن إذا في مقعد فاضي طالبين القرب!! وكان أتملت كمان فلتبحر على بركة الله إلى بر أكثر دفئاً ومودة ،،
|
Post: #5
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-14-2006, 05:11 AM
Parent: #4
| Quote: على كل في الإنتظار |
الحبيب اسماعيل وراق .. اتمنى ان يتم ذلك في اسرع وقت ....
بعدين برمودا دا جبتو من وين 
ود الباوقة
|
Post: #14
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-14-2006, 12:49 PM
Parent: #4
| Quote: وكان أتملت كمان فلتبحر على بركة الله إلى بر أكثر دفئاً ومودة ،، |
اخي الكريم عبد اللطيف .. يازول تتملي كيفن وانت برة حـــرم لو ما تركب وتتوهـــــط مانبحـر..
ود الباوقة
|
Post: #6
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عمر الفاروق
Date: 05-14-2006, 05:25 AM
Parent: #1
مستحيلة ..
لأنو في ناس ما الفت ناس في البرهة القليلة ..
بل فارقوهم دون ريدة ما بين يوم وليلة ...
تخريمة :
في انتظار عزومة ملاح نعيمية بي عصيدة يا ود الباوقة ..
|
Post: #17
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-15-2006, 04:44 AM
Parent: #6
Quote: تخريمة :
في انتظار عزومة ملاح نعيمية بي عصيدة يا ود الباوقة .. |
ود الفاروق يا زول نحنا ناس ( قررص ) بس حدد اليوم وتعال حبابك الف ..
ود الباوقة
|
Post: #7
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: حمزاوي
Date: 05-14-2006, 05:32 AM
Parent: #1
أخوي ودالباوقة
مسكاقمي
أنت القائد وأنت الرئيس
بس نحن منتظرين منك إشارة وتعالوا للإستراحة الفلانية ولا المكان الفلاني
ونجي جاهزين وهاك يا سلام وبالإحضان
والكلام الحلو
وحنتصافى ونتعانق
والشوق بحر
|
Post: #8
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: humida
Date: 05-14-2006, 06:34 AM
Parent: #7
ود الباوقة ..
فعلا الكبير ( كبير ) ..
دعوة كريمة من شخص ( كريم ) ..
فقط ( بالنسبة لي ) ..
لا يلدغ المؤمن من جحر مرتين ..
|
Post: #9
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: طارق عبد اللطيف نقد
Date: 05-14-2006, 07:06 AM
Parent: #8
ود الباوقة
لك التحية
ورحب بأي طرح بناء للم الشمل
ونحن بنسخن علي الخط
|
Post: #23
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-15-2006, 01:21 PM
Parent: #7
Quote: ونجي جاهزين وهاك يا سلام وبالإحضان
والكلام الحلو
وحنتصافى ونتعانق
والشوق بحر |
الاستاذ حمزاوي .. اعرف انك دائما رجل المبادرات الطيبة وفاكهـــة حلوة المذاق عندما نلتقي واطرب كثيرا عندما اراك تتمايل طربا في اغنية يا شباب الله .. لك الود..
ود الباوقة
|
Post: #10
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عبد الله عقيد
Date: 05-14-2006, 07:19 AM
Parent: #1
الأخوة بورداب الرياض
لكم التحية
أثني دعوة الأخ ود الباوقة وأتمنى
أن يعود التصافي والود وأن يجتمع البورداب
من جديد مثل ما كانوا من قبل.
وأفيدكم بأنني
سأغادر المملكة إلى غير رجعة
قبل منتصف الشهر القادم
إن شاء الله
هذا للمعلومية
والمفارق عينو قوية
|
Post: #11
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: زول ساكت
Date: 05-14-2006, 08:33 AM
Parent: #10
ودعقيد
Quote: سأغادر المملكة من غير رجعة
قبل منتصف الشهر القادم
إن شاء الله |
الحج مابجيبك آآآآآآلسايب
عين التابا واليابا
|
Post: #12
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عبد الله عقيد
Date: 05-14-2006, 08:40 AM
Parent: #11
حبيبنا عباس
لك التحية
Quote: الحج مابجيبك آآآآآآلسايب
عين التابا واليابا |
ياخوي حجة الفريضة أديناها الحمد لله
الباقي نافلة
بعدين تعال
الحج جابوهو الرياض ولّا شنو..
شفت قوة العين؟!
|
Post: #15
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ابو جهينة
Date: 05-14-2006, 01:45 PM
Parent: #12
عزيزي ود الباوقة
تحياتي و مودتي
سبقتني إلى كتابة هذا البوست فقد كنت قد إتفقت مع ولدنا الهميم معتصم دفع الله على إنزال بوست بنفس المعنى و الأهداف .. و القلوب شواهد ..
الإخوة و الأخوات بورداب الرياض ...
كما قلنا سابقا : تعالوا إلى كلمة سواء ..
لو رصدنا بدقة أسباب خلافاتنا هنا نجدها كلها تصب في خانة السياسة اللعينة .. السياسة و لا شيء غيرها ..
إذن : فلننظر الآن إلى الوطن و ساسته .. حكاما و معارضين و حاملي سلاح و مغبونين و مهمشين و مهشمين .. كلهم يعرضون داخل ساحة الوطن .. و في النهاية ستنساب وتيرة النسيج الإجتماعي بوتيرتها القديمة ..
كلنا سودانيين و نعرف طبيعة بعضنا البعض جيداً ..
فلنقبل بعضنا البعض على علاتنا .. علا الأقل هنا في سَهَلة الغربة الشينة دي .. هذه الغربة التي تبدي لنا أسنانها في غير تبسم ..
و كما يحدث في بيوت الأفراح و القعدات الجميلة .. إجتمعوا كيمان كيمان .. و لكن ليكن الهم واحد و إن تعددتْ السبل ..
الزعلان من زول و ما داير يصالحو .. No Problem .. فليواصل زعلو .. و لكن تعال ضمن المجموعة و تقاسموا الهم ..
حسع شوفوا خلطة الحكومة .. و حينضاف إليها أركاوي .. هل أنتم أشد عداوة من عداوة حاملي السلاح للحكومة ؟ جمعتهم المصالح .. فلتجمعنا مصلحة مشتركة و هي التكاتف و حمل الهم هنا مع بعض ..
نعترف بأن بعض الممحاكات و التلاسن قد فات الحد .. و لكن كل شيء مقدور عليه ..
و الله ما هاين علي أن أرى صوركم القديمة مع بعض و صدى تلكم اللقاءات الحميمة ثم أرى هذا التشرذم المقيت ..
مدوا يدكم جميعا و ألعنوا الشيطان .. و ما حدش ماخد منها حاجة ..
هل من مجيب ؟؟
|
Post: #16
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: معتصم دفع الله
Date: 05-14-2006, 02:45 PM
Parent: #15
تحية كبيرة للريس ودالباوقة ..
على هذه الدعوة الكريمة ..
وأتمنى أن تكلل كل هذه المساعي والجهود بالنجاح ..
لجمع شمل البورداب وعودة الروح لهذه المجموعة الطيبة ..
وقد قمنا في الفترة السابقة باتصالات عديدة من أجل هذا الغرض ..
وكان آخرها الاتفاق مع أستاذنا أبوجهينة لتحريك هذه الجهود ..
وكما عودونا دائماً بورداب الرياض فلن يخزلونا في هذه الدعوة ..
وزي ما قال الريس أبوجهينة ..
مدوا يدكم جميعا و ألعنوا الشيطان .. و ما حدش ماخد منها حاجة ..
وتعالوا لكلمةٍ سواء ..
نذيب فيها الخلافات ونتوحد من أجل غدٍ جميل ومشرق ..
نحن في إنتظار تحديد موعد اللقاء والمكان ..
|
Post: #18
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: مصدق مصطفى حسين
Date: 05-15-2006, 05:57 AM
Parent: #16
معتصمQuote: نحن في إنتظار تحديد موعد اللقاء والمكان ..
|
منتظر منو ؟؟
ما إنت القائد و إنت الرئيس واااااااصل لماتك 
و نحن جاهزين عشان نلم الكراسى ... ما ياهو قدرنا و مصيرنا
ود الباوقه
ألف تحيه و مليون سلام ،
و أسرعوا شويه .
|
Post: #25
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-15-2006, 02:54 PM
Parent: #10
Quote: وأفيدكم بأنني
سأغادر المملكة إلى غير رجعة
قبل منتصف الشهر القادم
إن شاء الله |
اخي الكريم ود عقيد انتم السابقون ونحن اللاحقون ..
بعدين دي مناسبة كويسة نحتفل بشخطكم الكريم في حفل وداع يليق بمقامكم السامي ...
ود الباوقة
|
Post: #30
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عبد الله عقيد
Date: 05-17-2006, 08:05 AM
Parent: #25
الريس ود الباوقة
لك التحية
| Quote: اخي الكريم ود عقيد انتم السابقون ونحن اللاحقون .. |
يا اخوي البليلة جابت ليها ليان
الظاهر ما عندي حظ في (الاحتفال)..
فالجماعة (ناس الشغل) عنقدو
والمحاولات مستمرة
وربك يسوي الفيها خير
لك الشكر
ولصديقي زول ساكت
|
Post: #19
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: حمزاوي
Date: 05-15-2006, 06:18 AM
Parent: #1
قريبي ابوجهينة
مسكاقمي
قلت :
| Quote: لو رصدنا بدقة أسباب خلافاتنا هنا نجدها كلها تصب في خانة السياسة اللعينة .. السياسة و لا شيء غيرها .. |
كدي خليني اختلف معاك شوية في النقطة دي يا شقيقي انا برى لا يوجد خلافات سياسية بيننا ولم ندخل في يوم من الايام في نقاش سياسي او حوار في تجمعنا بل نجتمع اخوان ونتحابب ونتعانق ونسلام ونقضي اوقات جميلة وخلقت بيننا ترابط اسري وصداقات على مستوى العائلات
وأنا أعتقد في وجهة نظري الشخصي أن ما حدث بين بعض الاخوان هي خلافات شخصية وهي عادة بتحدث حتى بين الاخوان في البيت ناهيك عن تجمع يضم عدة أنواع مختلفة الأمزجة وليست للسياسة أية دخل فيما حدث واعتبرها سحابة صيف ستنتهي عندما نلتقى لاننا صار بيننا عيش وملح .
يلا يا سيد الرئيس ودالباوقة
نحن في انتظار اوامرك
وإلى اللقاء
|
Post: #20
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ghariba
Date: 05-15-2006, 06:45 AM
Parent: #1
ود الباوقة
ما ياك الحنين دائما
وطبعا انا قلبي مفتوح في أي وقت كان
وماني زولاً بشيل حاجة جواي ولا عاوز واحد يشيل من ناحيتي حاجة
لانها بصراحة ما محتاجة
وبالمناسبة انا عاوزكم تكونوا حنينين
وأدعوكم لجلسة ضحى تحت ضل التبلدية بتاعتي
وضلها يشيل ويفضل
صلاح غريبة
المشرف على صفحة ظلال التبلدي – جريدة الخرطوم
كل اربعاء
|
Post: #21
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ابو جهينة
Date: 05-15-2006, 06:58 AM
Parent: #20
حمزاوي حبيب قساى
| Quote: انا برى لا يوجد خلافات سياسية بيننا ولم ندخل في يوم من الايام في نقاش سياسي او حوار في تجمعنا بل نجتمع اخوان ونتحابب ونتعانق ونسلام ونقضي اوقات جميلة وخلقت بيننا ترابط اسري وصداقات على مستوى العائلات |
مادام في ألوان طيف سياسي .. فهناك خلاف سياسي ..
ثم
| Quote: وأنا أعتقد في وجهة نظري الشخصي أن ما حدث بين بعض الاخوان هي خلافات شخصية وهي عادة بتحدث حتى بين الاخوان في البيت ناهيك عن تجمع يضم عدة أنواع مختلفة الأمزجة وليست للسياسة أية دخل فيما حدث واعتبرها سحابة صيف ستنتهي عندما نلتقى لاننا صار بيننا عيش وملح . |
بل هي خلافات سياسية و تعارض في أفكار سياسية أدتْ إلى إحتكاك شخصي تماماً كما يحدث هنا في البورد ..
باطن الخلاف سياسي .. و ظاهره شخصي ..
نار الخلاف سياسي .. و رماده شخصي ..
هات الآن في خيالك أي إتنين متحاربين من بورداب الرياض .. ثم أبحث عن سبب خلافهما مع بعض .. ستجد أن هذا مع ذاك و ذاك ضد هذا سياسياً فقط ، و من هنا بدأتْ شرارة الخلاف ..
لو كان الخلاف شخصي بحْت .. لكنا الآن جمعنا الناس فرادى و جماعات في البيوت و حلفنا طلاق و حرم و كلام أجاويد و إنتهى الأمر ..
و لكان لأن الأمر يتعلق بجذور سياسية .. مما يعني أنها ثوابت .. فإن الأمر يحتاج إلى تجاوز كل ذلك من تلقاء الذات دون واسطة ، و بتجرد كامل للتصافح و رمى القديم خلف الظهور .. و كل واحد يتكلم عن ثوابتو دون أن يجرح التاني .. و نتلم و نجتمع زى زمان لا سياسة و لا خلاف سياسي ..
أها شن قول ( ووو أننقا )
|
Post: #22
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: سيد محمد احمد سيدنا
Date: 05-15-2006, 09:13 AM
Parent: #1
اخونا العزيز الصابر حلال العقد ود الباوقه
خيرا فعلت كما عهدتك دوما للهم حامل وللواء المحبه حاضن
فاهلا بالفكره التى جاءت فى وقتها وليكن الجميع برد وسلاما
على هذه المحبه وان يلبوا النداء واكيد لمه واحده سوف
تزيل الثلوج وتكون اهدر من خريف التصادم وتعود الشله الى
سابق عهدها بعد الالم الذى افتعل0
اخى ابو جهينه اكيد انك لاتقبل تخلف احد مهما كانت دوافعه
فعليك بهذا الاخ الاصغر والذى اعرف انك اقرب اليه من حبل
الوريد وشكرى لانك تتحمل كل مصائبنا بهذه الروح الابيه0
اخوانى المتداخلون عج المكان كل حسب خاطره ولكن حان
الغيث بهذه الدعوه الكريمه ان تثبت الارض وتنبت خير
ابناء السودان ليكون انضر من العهود السابقه فهلموا
اى كان المكان0
تحياتــــــــــى
ســـــــــــــيد
|
Post: #31
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: معتصم دفع الله
Date: 05-23-2006, 04:51 PM
Parent: #24
المشاورات جارية لتحديد المكان واليوم ..
وسوف يكون خلال الأيام القادمة باذن الله ..
وكلنا لهفة للقاء البورداب ولمتهم ..
|
Post: #26
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: DKEEN
Date: 05-15-2006, 04:44 PM
Parent: #1
العزيز ود الباوقة
حسن اله عزاكم وعزاء الاسرة الكريمة ..
وبلغ تعازينا لي الاخ وليد شريف الى ان نلتقيه..
بوست العزاء قدر ما فتشتو مالقيتو ..
عيوني مطششات هذه الايام..
دخل الكبر وعم الهم وكثرت علينا الاقاويل..
نسال الله الستر وان يردنا من غربتنا الى اهلنا سالمين ..
او يبدلنا بلادا لايكون المال فيها امرا ذا بال..
بالنسبة لي بورداب الرياض
بصراحة لو ما طعمتو البورداب ديل بي كم بنية مافي فايدة..
زهجنا من الاشكال الناشفة العضمضم دي..
تجي خاشي حفلة تلقى تمبس وش..
تلف يمين تلقى معتصم دفع الله زي العمود..
تقوم ترقص يجي ناطي ود قاسم يرقص معاك..
تمشي تقعد يجيك وراق يبراك ..
ود سمح ساي يا كافي البلا مافي..
والحاجات السمحة الذوق بتجينا في كل ستة شهور مرة ..
يعني ما دايمين وما شغالين بينا..
|
Post: #27
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: سيد محمد احمد سيدنا
Date: 05-17-2006, 02:51 AM
Parent: #1
الاخوه بورداب الرياض
الدعوه جديره بالاهتمام وعمرها التراشقات
لن تبعد الاخوان فهلموا لكلمة سواء0
تحياتــــــــــــــــــــــــــــــى
ســـــــــــــــــــــــــــــــــيد
|
Post: #28
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عمر الفاروق
Date: 05-17-2006, 03:05 AM
Parent: #1
Quote: صلاح غريبة
المشرف على صفحة ظلال التبلدي – جريدة الخرطوم
كل اربعاء |
ياخ والله ده اجمل توقيع اقراهو في كل المنابر السودانية وغير السودانية ..
والله يا غريبة انت زول تحفة ..
تخريمة :
يا دكين من ما انا غبت من حفلات الرياض غاب الولد السمح
ما تخاف جاي ليك يا رشا .. انا جاييك يا رشا ..
|
Post: #29
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عبد اللطيف بكري أحمد
Date: 05-17-2006, 07:15 AM
Parent: #1
Quote: ود الباوقة
اخي الكريم عبد اللطيف .. يازول تتملي كيفن وانت برة حـــرم لو ما تركب وتتوهـــــط مانبحـر..
|
والله عاد دعوة رجال ،، وتب ماقصرت يا راس القايدة ،، ونحن في إنتظار البوردنج ،،
وياريت تكون فسراع حتى نلتقي بود عقيد قبل المغادرة ،،
أنا حقيقة أكثر شوق للقاء بقية العقد الفريد ، لأن الذين جمعتني بهم ظروف العمل و(البزنس يا أبو السيد)هم نعم الأخوة وخير طلائع لجحافلٍ لما نلتقيها بعد،،
أشكرك مرة أخرى ود الباوقة على الترحاب ، وثانيةً أردد : الكبير كبير ،،
|
Post: #32
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: سيد محمد احمد سيدنا
Date: 05-24-2006, 02:12 AM
Parent: #1
اخونا العزيز عبداللطيف بكرى
بكل امانه انا اسعد الناس بمعرفتكم قبل
البزنس وحنقوى الاخوه اكثر بالعمل معا وبعد
دا مايفرقنا الا الجليل الكريم بعد عمر
طويل والمشروع الجديد للاولاد حيكون النسب
والبزنس يكبر اكثر واكثر0
عشان كدا كمان بنحاول لم الشمل ويمكن
ربنا يرزقنا بمعرفة اخوه جدد0
تحياتــــــــــــــــــــــى
ســـــــــــــــــــــــــيد
|
Post: #33
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: عثمان سيد أحمد
Date: 05-28-2006, 06:11 PM
Parent: #32
الأخ ود الباوقة
تحية صادقة
كصدق دعوتك لبورداب الرياض
بما انني يا أخي أعتبر عضو جديد لنج في المنبر
واحتمال أكون من بورداب الرياض .. احتمال
الا انني معك في لم الشمل وأن تعود المياة
كأحلى وأروع عودة لأحلى بورداب
بعدين ما تنسوا تدعونا عشان نشهد حفل
توقيع معاهدة سلام بورداب الرياض
ونلتقى .. مع مودتي
|
Post: #34
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: ود الباوقة
Date: 05-29-2006, 04:40 AM
Parent: #33
Quote: الأخ ود الباوقة
تحية صادقة
كصدق دعوتك لبورداب الرياض
بما انني يا أخي أعتبر عضو جديد لنج في المنبر
واحتمال أكون من بورداب الرياض .. احتمال
الا انني معك في لم الشمل وأن تعود المياة
كأحلى وأروع عودة لأحلى بورداب |
اخي عثمان .. والله لنا عظيم الشرف بوجودك بيننا اخ كريم بين اخوة كرماء ان شاء الله ..
بس اصبر علينا شوية خلي الاختبارات دي تنتهي وبعدين عينك ما تشوف الا النور ..
اخوتي بورداب الرياض الافاضل باذن الله سنلتقي ونتعانق بعد طول غياب ونغني جميعا اغنية الم الفراق
رحمة الله تتنزل على روح الفنان الذري ابراهيم عوض ...
ود الباوقة
|
Post: #35
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: معتصم دفع الله
Date: 05-29-2006, 05:02 AM
Parent: #34
التحية لكل المتداخلين ..
والشكر على تلبية هذه الدعوة الكريمة للم الشمل ..
وسوف نجتهد في تجميع الصف وتوحيده ..
| Quote: اخوتي بورداب الرياض الافاضل باذن الله سنلتقي ونتعانق بعد طول غياب ونغني جميعا اغنية الم الفراق |
تسلم يا ريس وياهو دا الكلام ..
فووووق ..
لمزيد من التشاور ..
|
Post: #36
Title: Re: بـورداب الرياض .. هل من عـودة تاني ام هي مستحيلــة ؟؟؟
Author: walid taha
Date: 05-30-2006, 04:16 AM
Parent: #1
فـــوق يا ريّس
|
|