Post: #1
Title: بقال القيافة الفايت الناس مسافة - مرافقا لوكيل وزارة الخارجية
Author: اساسي
Date: 05-13-2006, 10:22 AM
اتهم الاخ بقال مني اركو مناوي رئيس حركة تحرير السودان بتوقيع الاتفاق مع الحكومة السودانية ووصفه ببيع قضية دارفور وهو الرجل الذي حمل السلاح سنوات وفاوض ايضا لعدة اشهر حتي خرج باتفاق مع الحكومة بقال من موقعه في الخرطوم وزع صك الخيانة لمني اركو في مناطق الحرب والشدة ...
ولم يجف حبر بقال بثمانية واربعين ساعة الا وكان مرافقا لوكيل وزارة الخارجية مطرف صديق مفاوض طرف الحكومة السودانية لاتفاقية نيفاشا ومن مهندسي سلامها .. في المؤتمر الذي يحاضر فيه مطرف صديق في المانيا ...
ولبقال في حكمه شئون؟
علي صدر المنصة يحاضر وكيل الوزارة
بقال ينصت ببراءة
الرجل يحدر لجميع المستمعين
وبقال يرسل نظرة بريئة
|
Post: #2
Title: Re: بقال القيافة الفايت الناس مسافة - مرافقا لوكيل وزارة الخارجية
Author: saif massad ali
Date: 05-13-2006, 11:53 AM
Parent: #1
الاخ اساسي
هذا مني للتوضيح
المؤتمر اسمو مستقبل السلام في السودان
الحضور من كل الاطراف
عدل ومساواة ممثلة ب هارون عبد الحميد ووفد رفيع المستوي , الحركة الشعبية لجنوب السودان ياسر عرمان,مؤتمر البجة دكتور ابو امنة حزب الامة عبد النبي علي وعبد الرحمن بشارة دوسةومن الحركة النسائية دارفور مريم تكس ممثل الحكومة متطرف صديق
غياب الحزب الاتحادي
|
Post: #3
Title: Re: بقال القيافة الفايت الناس مسافة - مرافقا لوكيل وزارة الخارجية
Author: bob
Date: 05-13-2006, 11:56 AM
Parent: #2
| Quote: غياب الحزب الاتحادي |
ما عنــدك فكرة يا عوج الدرب لى ناس الحزب الاتحادى مافشين ؟؟
|
Post: #4
Title: Re: بقال القيافة الفايت الناس مسافة - مرافقا لوكيل وزارة الخارجية
Author: saif massad ali
Date: 05-13-2006, 12:00 PM
Parent: #3
الحزب الاتحادي غائب منذ 1969 وحتي يومنا يا بوب
الحزب ملان بالناس الماعندها ضمير ولا حس وطني اهم شئ عندها تكوش وبس
وكان الله في عون القاعدة
اجبتك بكل صراحة وصدق
|
Post: #5
Title: Re: بقال القيافة الفايت الناس مسافة - مرافقا لوكيل وزارة الخارجية
Author: bob
Date: 05-13-2006, 12:10 PM
Parent: #4
Quote: الحزب ملان بالناس الماعندها ضمير ولا حس وطني اهم شئ عندها تكوش وبس
وكان الله في عون القاعدة
|
عوج الدرب ..اتفق معك تماما فيما ذكرته اعلاه ..واضيف شيئا وانما ليس الحزب الاتحادى وحده الذى تنطبق عليه تلك القاعده ..وانما جميعهم ...
احترامى لصدق طرحك
|
Post: #6
Title: Re: بقال القيافة الفايت الناس مسافة - مرافقا لوكيل وزارة الخارجية
Author: Abd Alla Elhabib
Date: 05-13-2006, 12:11 PM
Parent: #4
دوسةومن الحركة النسائية دارفور مريم تكس ممثل الحكومة متطرف صديق
loooolz ya Saif...that is a good one !!
|
Post: #7
Title: Re: بقال القيافة الفايت الناس مسافة - مرافقا لوكيل وزارة الخارجية
Author: abcde
Date: 05-13-2006, 12:16 PM
Parent: #4
| Quote: الحزب الاتحادي غائب منذ 1969 وحتي يومنا يا بوب |
يعني المسجلين حضور عملو شنو يا سيف
وهنا ممكن نطبق نظرية نوم الظالم
واكون اصدق منك, الجمهور بدا يفقد الثقه في الجميع ... الجميع
|
Post: #8
Title: Re: بقال القيافة الفايت الناس مسافة - مرافقا لوكيل وزارة الخارجية
Author: bayan
Date: 05-13-2006, 08:51 PM
Parent: #7
هل سيقدم باقال ورقة في هذا المؤتمر؟
لانه اذا قدم ورقة ومطرف قدم ورقة
حتكون كارثة على ناس دارفور
لانه مطرف كادر خطابي لا يشق له غبار باللغتبن.
رجل اريب حاذق الذكاء وماكر..
استضعاف الاعداء وعدم معرفة مقدراتهم خطأ كبير..
اتمنى ان يكون بقال فقط يشارك بالحضور.
ومن العنوان عرفت ان ما تدعيه الحكومة
من انفتاح وثوبان الى الرشد
حادث والدليل سفر باقال مع وفد رسمي...
|
Post: #9
Title: Re: بقال القيافة الفايت الناس مسافة - مرافقا لوكيل وزارة الخارجية
Author: doma
Date: 05-13-2006, 10:01 PM
Parent: #8
Quote: لانه اذا قدم ورقة ومطرف قدم ورقة
حتكون كارثة على ناس دارفور
لانه مطرف كادر خطابي لا يشق له غبار باللغتبن.
رجل اريب حاذق الذكاء وماكر.. |
كدي لما بقال يجئ يورينا قال شنو
هو طبعا لو قدم ورقه بيكون كتبوها ليهو بعدين من مظهره ود عز, مهمشين شنو وبطيخ شنو ولو بقوا ناس بقال الخدودهم منفوخه وتلمع اولاد مهمشين اريت السودان كله بي تهميشهم
|
Post: #10
Title: Re: بقال القيافة الفايت الناس مسافة - مرافقا لوكيل وزارة الخارجية
Author: ALGARADABI
Date: 05-13-2006, 10:25 PM
Parent: #9
| Quote: غياب الحزب الاتحادي |
و انتا مشيت وين؟؟؟
خير من يمثلنا يا ود مساعد
أحجز كرسيك و قول الداير تقولو نيابة عن الاتحاديين
أنا شخصيا موافق
و اسامة خلف الله برضو موافق
ده لو لسة الجماعة متذكرننا
|
Post: #13
Title: Re: بقال القيافة الفايت الناس مسافة - مرافقا لوكيل وزارة الخارجية
Author: ABUHUSSEIN
Date: 05-14-2006, 09:42 AM
Parent: #9
| Quote: بعدين من مظهره ود عز, مهمشين شنو وبطيخ شنو ولو بقوا ناس بقال الخدودهم منفوخه وتلمع اولاد مهمشين اريت السودان كله بي تهميشهم |
دوما كيف حالك و أحوالك
شكرا لي الدعوة دي و ربنا إهمشنا و إخلينا أكتر ناس مهمشين في الدنيا كلها
|
Post: #16
Title: Re: بقال القيافة الفايت الناس مسافة - مرافقا لوكيل وزارة الخارجية
Author: Tragie Mustafa
Date: 05-14-2006, 10:13 AM
Parent: #13
كتبت دوما:
Quote: بعدين من مظهره ود عز, مهمشين شنو وبطيخ شنو ولو بقوا ناس بقال الخدودهم منفوخه وتلمع
اولاد مهمشين اريت السودان كله بي تهميشهم |
حسه بقال بقت خدوده منفخوه...لاحول ولا قوة الا بالله.
ورد عليها ابو حسين:
Quote:
دوما كيف حالك و أحوالك
شكرا لي الدعوة دي و ربنا إهمشنا و إخلينا أكتر ناس مهمشين في الدنيا كلها |
آمين يا رب العالمين.
تراجي.
|
Post: #18
Title: Re: بقال القيافة الفايت الناس مسافة - مرافقا لوكيل وزارة الخارجية
Author: doma
Date: 05-14-2006, 10:30 AM
Parent: #16
وايه رائيك يا تراجي انت ذاتك بت عز وما بت مهمشين . وما في ود مهمشين لابس بدله بقال الابسها انت قايلانا نحن جايين من وين؟؟؟ولا كمان ح تقولي لي الالمان صرفوا ليهم بدل لبس ؟؟!!
مشينا المانيا دي قبالوا لابسين لينا بنطلون مرقوع وجزمه اكل عليها الدهر وشرب استلفتها من صديقتي شفتي يا ستي بنات المهمشين كيف ؟؟؟؟ و من الشمال خلاء اسمو بير الترك في الخريطه ما ح تلقيهو
|
Post: #23
Title: Re: بقال القيافة الفايت الناس مسافة - مرافقا لوكيل وزارة الخارجية
Author: doma
Date: 05-15-2006, 01:30 AM
Parent: #13
Quote: دوما كيف حالك و أحوالك
شكرا لي الدعوة دي و ربنا إهمشنا و إخلينا أكتر ناس مهمشين في الدنيا كلها |
ابو حسين حبابك
اريت حالك زين تسال منك السعاده . اي يا اخوي الله كريم
لينا بي تهميش تراجي وبقال.
قالوا اكلو ودسوا براه بمرق حسو بقال بي البلدي لابس مركوب قطع الجنينه تراجي تقول ود مهمشين لكين ما زوله سياسيه والسياسه اصلها لعب التلات ورقات علي قول اخونا اب ريشه الله يطراه بالخير.
|
Post: #11
Title: Re: بقال القيافة الفايت الناس مسافة - مرافقا لوكيل وزارة الخارجية
Author: Adrob abubakr
Date: 05-14-2006, 06:07 AM
Parent: #1
يا جماعة بقال جاء يمثل طلاب دارفور..
إنتو بس موتوا من الغيظ!!
|
Post: #12
Title: Re: بقال القيافة الفايت الناس مسافة - مرافقا لوكيل وزارة الخارجية
Author: saif massad ali
Date: 05-14-2006, 06:30 AM
Parent: #11
الخاله بيان
Quote:
هل سيقدم باقال ورقة في هذا المؤتمر؟
لانه اذا قدم ورقة ومطرف قدم ورقة
حتكون كارثة على ناس دارفور
لانه مطرف كادر خطابي لا يشق له غبار باللغتبن.
رجل اريب حاذق الذكاء وماكر..
استضعاف الاعداء وعدم معرفة مقدراتهم خطأ كبير..
اتمنى ان يكون بقال فقط يشارك بالحضور.
ومن العنوان عرفت ان ما تدعيه الحكومة
من انفتاح وثوبان الى الرشد
حادث والدليل سفر باقال مع وفد رسمي... |
لالالا ياخاله المظاهر خداعة مافيش انفتاح الاسبوع المنصرم داهمت قوات الامن منزل امين الميرغني
|
Post: #15
Title: Re: بقال القيافة الفايت الناس مسافة - مرافقا لوكيل وزارة الخارجية
Author: Tragie Mustafa
Date: 05-14-2006, 10:08 AM
Parent: #12
الاستاذه بيان
شكرا لك لانك وضحتي لبقال رأيك بوضوح فيه
وتركتي المجاملات بتاعت ياولدي وربنا يحفظك ويغطيك ..وغيره.
Quote:
هل سيقدم باقال ورقة في هذا المؤتمر؟
لانه اذا قدم ورقة ومطرف قدم ورقة
حتكون كارثة على ناس دارفور
لانه مطرف كادر خطابي لا يشق له غبار باللغتبن.
رجل اريب حاذق الذكاء وماكر..
استضعاف الاعداء وعدم معرفة مقدراتهم خطأ كبير..
اتمنى ان يكون بقال فقط يشارك بالحضور.
ومن العنوان عرفت ان ما تدعيه الحكومة
من انفتاح وثوبان الى الرشد
حادث والدليل سفر باقال مع وفد رسمي... |
اعرفي اولا ناس دارفور لا ينتظرون من يجدون الكلام و المحسنات البديعيه واللغويه وغيرها.
ولو ديل بجيبوا الحق ما كان ده حالنا بعد اكثر من 50 سنه من الاستقلال.
ولو كان هذا المطرف بيعمل ربع العمله بقال في عمره ,ده ما كان ده حاله ونمط تفكيره
بعد كل هذا العمر.
اعلمي انه الفرق بينكم وبين الخواجات انهم قادرين على ستنباط الحقائق و الحقائق فقط
هي ما تهمهم,وبقال واصغر طفل في دارفور اليوم يعرف حقوقه تماما ويعرف ماذا يقول.
واذا دافعك الخوف كما قلت على ناس دارفور ما تخافي تب, نحن الفتات البجيبه لينا الزي بقال
ده اخير لينا من(لبن الطير) البجيبوه ناس مطرف ديل.
شيئا آخر لن نخاف من مطرف ولا منطقه ولا حجته,الحق لا خوف عليه ونحن مؤمنون ان الحق معنا
عشان كده لو قالوا لينا رسلوا اصغر شافع في المخيمات, سيقنع العالم.
وبعدين عن اي لغتين تتحدثين...
المؤتمر في المانيا يعني اللغه المتحدثه هي الالمانيه
اذن كلا منهم يتحدث عن طريق مترجم وبقال لو عايز يتكلم بالزغاوي
ايضا حقه مكفول في الترجمه لانه هنالك التعامل بالمساواة وليس
بمعنى سيطرة لغة وتهميش لغة.
وملاحظه اخيره
وعشان ما تلخبطوا تاريخ بقال
هو لم يسافر ضمن وفد رسمي
هو دعي كمعارض ولانهم لا يقبلون التهميش
فقد رفضوا ان يهمش الكبار الصغار
ففطاحلة السياسه الدارفوريين موجودين وهم من صنع مطرف واشبابه
لكن بقال ممثل للطلاب وذهب ليقول كلمته حسب رؤية الطلاب.
يا بقال يا ابني
تشرفنا جدا
وختيارك تقديرا ليس لشخصك وانما لجموع الطلاب التي تعتبر اكبر سند للثوره
الشريحه التي تفتح كل يوما صدرها لرصاص القتله ولا تهاب الموت.
نحيك وانت خليفة القرشي ولو كره الكارهون
نحيك وانت قادم من الداخل وظللت عالي الصوت ولم تهادن ولم تصالح يوما.
احيك وانت مختلف معي وكتبت اجرأ البوستات في نقد الاتفاقيه
ولكني احي وضوح رؤيتك وصلابتك
وعدم مهادنتك للنظام يوما.
اريتك يا يمه حال سند وحازم .
شد حيلك لما ترجع سند ولدي حيجيك ليتتلمذ على يديك
ويدخل مدرسة كادر قوي,علمه الصلابه والصبر و الصلاة
بس اوع تزيد الجرعه تبقى ليه كوز
تخريمه:
حس يلفحها عبد الرازق الطالب او شلة الانس في البورد
ويقولوا لك ود تراجي ما بيصلي
تراجي.
|
Post: #14
Title: Re: بقال القيافة الفايت الناس مسافة - مرافقا لوكيل وزارة الخارجية
Author: ABUHUSSEIN
Date: 05-14-2006, 09:57 AM
Parent: #1
الأخ أساسي ســــلام
يا أساسي ما تخلي الناس تاكل عيش
|
Post: #17
Title: Re: بقال القيافة الفايت الناس مسافة - مرافقا لوكيل وزارة الخارجية
Author: bayan
Date: 05-14-2006, 10:29 AM
Parent: #14
الاخت تراجي
لو كنت مكان بقال لرفضت ان تردي على الناس بدلا عني
وقد قالها يوما عندما صرخ وقال هو حر..
ادي الضراب حريتو يا تراجي
راي الذي كتبته بموضوعية
لن يفسد العلاقة البيني وبين بقال
ومسالة التمثيل هذه مهمة جدا
ومافي حاجة بتضيع القضايا والشعوب غير
الرجل المناسب في المكان غير المناسب
وحديثك الذي وجهتيه
لي حديث فطير ولا معنى له...
فانا حرة اوجه لبقال عضو البورد
ما اوجهه
تعرفي مشكلتك شنو؟
انك دائما بتفتكري اي اختلاف في وجهات النظر
هو حرب ضروس. هذا منبر للحوار مفتوح للكل
ليكتبوا ما يرونه
هذه حقيقة غائبة عنك..
اذا وضعوا مطرف وتجربته السياسية مع تجربة باقال
لا مقارنة ابدا بينهما..
مطرف عندما كان في عمر باقال
كان له نشاط سياسيى معروف
اودى به الى المعتقلات...
مهما اختلفنا معه يظل
واحد من اهم الطلاب الناشطين في الحركة السياسية
في السبعينات,,بجامعة الخرطوم
وهو كادر خطابي لا يشق له غبار
بعدين انت عايزة تشرحي لي المؤتمرات
انت قايلاني شنو؟
فبالله لا تحاولي تحويل ما قلته
وهو الحقيقة الى معركة ..
وخلاص قرفنا
من تخليط الامور
دارفور سودانية وقضية سودانية
ولا يمتلكها افراد..انت لا تمثيلينها ولا باقال
حتى يكون اي حديث عن دارفور يخصكم.
على الاقل جوازي سوداني..
يحق لي التحدث عن دارفور اكثر منك..
|
Post: #19
Title: Re: بقال القيافة الفايت الناس مسافة - مرافقا لوكيل وزارة الخارجية
Author: ABUZEEGH
Date: 05-14-2006, 12:49 PM
Parent: #17
أنا أحس أنَّني مهمَّش يا أخ بقَّال، فأنا لم أحظَ في حياتي بزيارة مجَّاناً داخل أو خارج السُّودان، ناهيك عن ألمانيا. سوف أرفع تظلُّمي إلى هيئات حقوق الإنسان، ومجلس الأمن الدولي، والوكالة الدوليَّة للطَّاقة الذريَّة.
|
Post: #21
Title: Re: بقال القيافة الفايت الناس مسافة - مرافقا لوكيل وزارة الخارجية
Author: Tragie Mustafa
Date: 05-14-2006, 02:11 PM
Parent: #17
بيان
تقرفي ولا ما تقرفي انت حره
وقايله الما قرفان منو؟؟؟؟؟
انت لا عرفتي الممثل لطلاب الوسط ولا الشمال ولا الجنوب منو ولا كفأتهم
ولو غايبين غايبين ليه ولماذا لم يحرصوا على الحضور, بس اتشبكتي في بقال.
بعدين كتب لك سيف مساعد اسماء آخرين انت لا تعرفيهم ولكن نحن نعرفهم
ونعرف اي الكوادر هم, لذلك لا يهمنا مطرف او غيره.
واذا انت عاصرتيه فغيرك عاصر غيره ولا نحتاج لشهادتك التي تتبرعي بها بسبب
وبلا سبب لتلميع كوادر الاسلامين.
وبعدين مؤتمرات شنو الانا بوريك ليها ما انت ناقشه كل حاجه
يكفي المندتيات التي تعرفينها قبل ان نعرف نحن الفرق بين الكمبيوتر والمايكرويف.
فاكيد من بابا اولى ان تعرفي المؤتمرات رغم انك وبشهادتك
ربة منزل متفرقه منذ تخرجك!!!
المهم يا ستي
كتابتي ليس لتحجيم بقال او تصغيره
بقال سيعود اليكم واحتمال كان زار بعضهم سيجد كي بورد عربي ويرد عليكم
ولكن الي وقتها
انا موجوده هنا
ضد كل المحاولات الرخيصه
لتشتيت انتباهه واضطهاده وكسر شوكته
واتهامه بموالاة الكيزان وغيرها من الاتهامات او...الخ من الكلامات المغتغته.
ولا افعل هذا لاني من دارفور او احتكار للقضيه
فقد تصدى كثر غيري للمحاولات الرخيصه للنيل من بقال
وآخرهم الرائع عمر على الذي كتب بوست للذين يتضاحكون على انجليزية بقال
وما اعتقد لو كان هذا البقال اخوك او ابنك واختير بارادة الطلاب
لتمثيلهم كان رضيتي ان يتساخف عليه البعض بمثل هذه الطريقه.
ويابقال
اصدقائك ناس محمد حسين (عقباوي في الاوف لاين)اتصلوا بي شاكرين
تصدي هنا لهذه الرجرجه,ويقلوا لك هم فخورين بك وسير وعين الله ترعاك
وجموع طلاب دارفور يباهون بك الشمس.
فالتحفظك رعاية المولى حتى تعود لاهلك سالما,منتصرا.
في انتظار المزيد من الصور.
تحياتي
لعم ابو آمنه وقول له الله يديك العافيه.
ولصفاء العاقب ومريم تكس قول ليها بت عمر ابوطالب بتسلم عليك
هي لا تعرفني درست اخواتي الكبار قل ليها دي اخت ناس توسل (الكانت صغيره).
تراجي.
|
Post: #22
Title: Re: بقال القيافة الفايت الناس مسافة - مرافقا لوكيل وزارة الخارجية
Author: bayan
Date: 05-14-2006, 08:23 PM
Parent: #21
| Quote: ولو غايبين غايبين ليه ولماذا لم يحرصوا على الحضور, بس اتشبكتي في بقال. |
والله انت زولة ظريفة
باقال هو الذي تحت النقاش ولم يذكر اسم شخص آخر
بعدين العايزة تفهمي بتفهمي والما عايزاه ما بتفهمي
اوكي
ربة المنزل موش الذي في مخك
القاعدة في البيت ديك لا يا حبة..
..
وذي ما قلت ليك ادي الضراب حريتو
وخلى بقال يطور بصورة طبيعية..
| Quote: لذلك لا يهمنا مطرف او غيره |
انا ما بلمع الكيزان
لكن بذكر حقائق قد تكون غائبة عنك
ومطرف يهمك جدا جدا جدا
لانه ماشي في وفد معاه زول ما ممكن يتقارن بيه
البوست دا جابو سيرة باقال وسيرة مطرف فحديثي في مناسبته
اعرف عدوك خلو حركات قطاع الطرق والنهب المسلح دي بعد
بقيتو جهة يسفروكم وكدا..
لازم تعرفو منو الماشي يكون عندك فوايل عنهم
دا ياهو الشغل المخطط المنظم
. موش شغل العنقالة الغبر مؤسس
موش حتكون في شبه مناظرة
منو البيكون مقنع الزول المحنك الحريف
العندو تأريخ مجيد ولا زول مبتدئ نضال
بالله افهمي وخلي التلميحات الما مفيدة..
لانه لو ماشي معاه برضو زول شيوعي
برضو حاقوليك نفس الكلام
ومطرف ما محتاج لي المعو
ملمع من يومو..بضراعو
|
Post: #20
Title: Re: بقال القيافة الفايت الناس مسافة - مرافقا لوكيل وزارة الخارجية
Author: عاصم ابوبكر حامد
Date: 05-14-2006, 01:59 PM
Parent: #1
السيد اساسئ
لك التحية
طبعا هذه اول مداخلة لى معك ..
بقال ناطق باسم طلاب دارفور
ويدافع عن اهل دارفور
يا اساسئ المشكلة الناس الماعارفة نفسها شايتة وين ؟؟
اما بخصوص العمة والخالة تراجى
يا اخوى انت شكل والدواث مع الحريم ما من ادبيات الاسلامين على ما اعتقد...
ولا شيخ على عثمان ونافع ما وراكم الكلام دا ...
على كل حال سوف تظل دارفور هى دارفور
وتراجى وبقال وغيرهم يدافعون عنها ويحملون رسالة اهلهم ..
تسلم ...
|
|