Post: #1
Title: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 05-12-2006, 09:54 AM
سلام التقطت عدسة كاميرا احد المعارف هذه الصورة الفريدة بالامس ابان هجوم كتاحة
هائلة على مدينة الخرطوم فاحالت نهارها ليلا
|
Post: #2
Title: Re: بالأمس كتاحة تهاجم الخرطوم (صورة فريدة)!!!
Author: Rakoba
Date: 05-12-2006, 10:06 AM
Parent: #1
والله يا أمجد دي تسونامي (كتاحة)! الله المستعان
|
Post: #3
Title: Re: بالأمس كتاحة تهاجم الخرطوم (صورة فريدة)!!!
Author: Dr.Saeed Zakarya Saeed
Date: 05-12-2006, 10:48 AM
Parent: #2
لا اله الا الله
|
Post: #4
Title: Re: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 05-12-2006, 06:11 PM
Parent: #1
سلامات
عزيزي راكوبة و الله فعلا تسونامي رملي المنظر لمن مخيف، اتذكرت ايام الحفلات لمن تجي الكتاحة و النور يقطع و بعد دقائق تلقى الجكس مكندك، العاجباك و رامي عليها عينك بطنك تطم منها، و بالعكس طبعا، مع كريمات الشعر و لصيق التراب حاجة بطالة
... غايتو ايام
عزيزي دكتور زكريا
فعلا الواحد يتشهد... منظر عجيب زي افلام الخيال العلمي، و قاليك ناس السودان اعصابهم بايظة سخانة على قول احد اقربائي على الاقل 150 درجة.. و الله يكون في العون
مودتي
|
Post: #5
Title: Re: بالأمس كتاحة تهاجم الخرطوم (صورة فريدة)!!!
Author: sumah
Date: 05-12-2006, 06:39 PM
Parent: #1
***
ياجماعة دي الزايلة..
دايرين منها اية اكتر من كدة ..
رئيسها الترابى وفنانها عجاج ..
ارجو من الزميلة تماضر ..
ان تحكى لنا عن ليلة الكنداكة..
اثناء تصوير مسلسل وادى ام سدر بوادى قبر الكلب ..
***
|
Post: #6
Title: Re: بالأمس كتاحة تهاجم الخرطوم (صورة فريدة)!!!
Author: Nasr
Date: 05-12-2006, 07:14 PM
Parent: #1
That is why u will never go back to Sudan ya Sumaah
|
Post: #7
Title: Re: بالأمس كتاحة تهاجم الخرطوم (صورة فريدة)!!!
Author: نادية عثمان
Date: 05-12-2006, 07:56 PM
Parent: #6
والله مشتاقة لى كتاحة وريحة مطرة وعنقريب حبل وبرش مرشوش وفطير باللبن ومديدة حلبة !
|
Post: #8
Title: Re: بالأمس كتاحة تهاجم الخرطوم (صورة فريدة)!!!
Author: عاصم الطيب قرشى
Date: 05-12-2006, 08:22 PM
Parent: #7
العزيز أمجد
سلام من الأقاصى
لدى شعور بأن هذه العواصف
الترابية تمت بصلة للدولة الترابية
وأن هذه العاصفة إرهاص بإحتضار روحها
وذلك ضرب من لغة الطبيعة فى التعبير عن سخطها.
إن شاالله ما أكون قصرت معاك فى التفاؤل.
|
Post: #14
Title: Re: بالأمس كتاحة تهاجم الخرطوم (صورة فريدة)!!!
Author: NEWSUDANI
Date: 05-13-2006, 12:03 PM
Parent: #7
وكهرباء ومويــه مافي....
|
Post: #9
Title: Re: بالأمس كتاحة تهاجم الخرطوم (صورة فريدة)!!!
Author: adil rahman
Date: 05-13-2006, 00:28 AM
Parent: #1
الأخ أمجد
تحياتي
منظر الكتاحة منظر فريد لينا سنين ما شفناه.
الأخت نادية
| Quote: والله مشتاقة لى كتاحة وريحة مطرة وعنقريب حبل وبرش مرشوش وفطير باللبن ومديدة حلبة ! |
طلباتك كتيرة يصعب تحقيقها دفعة واحدة حتى لو كنت في السودان ، لكن ممكن في الأحلام
مع تحياتي
عادل عبدالرحمن إبراهيم
|
Post: #10
Title: Re: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 05-13-2006, 00:58 AM
Parent: #1
اعزائي البورداب سلامات
عزيزي
Sumah
فعلا دي الزايلة و كنداكة الف كما يقول شباب السودان هذه الايام
نصر
و الله زولك sumah
طالما سماها الزايلة باقي لي ما ماشي ليها تب
نادية
الله يحقق الاماني
و الله الحاجات القلتيها دي كلها انا ذاتي مشتاق ليها ما عدا الكتاحة، السنة الفاتت مشيت السودان بي شبط في شويةشغل بتاع جلد كده، دخلي لي فيهو تراب لي هسه بحك فيه ما داير يطلع... الله يحقق الاماني
عزيزي عاصم الطيب
و الله تب ما قصرت في التفاؤل، و لو الكتاحات بتعمل تفاؤل زي ده كان نزلتها في البورد من زمان، الله يقطع الكيزان و يقطع يومهم.
اخي عادل رحمان
فعلا منظر الكتاحات و هي في تكونها منظر عجيب، و الله يخلي الدجيتال ابو صور مجاني
بخليك تصور اي حاجة
مودتي
|
Post: #11
Title: Re: بالأمس كتاحة تهاجم الخرطوم (صورة فريدة)!!!
Author: الجندرية
Date: 05-13-2006, 11:25 AM
Parent: #1
دي مش هبوب الغول زاتها بتاعة الحجوة ؟
دي صورة فريدة يا اخ امجد ، الف شكر
|
Post: #12
Title: Re: بالأمس كتاحة تهاجم الخرطوم (صورة فريدة)!!!
Author: amira abdelrahman
Date: 05-13-2006, 11:47 AM
Parent: #1
الكتاحة ! .. ولا الصور الكتاحة ده !!! ... بارع كيييييف ...!!!
|
Post: #13
Title: Re: بالأمس كتاحة تهاجم الخرطوم (صورة فريدة)!!!
Author: randa suliman
Date: 05-13-2006, 11:49 AM
Parent: #1
امجد كتر خيرك يا اخوي على الصورة التوثيقية دي و اللي بتوضح مدى القدرة الربانية
انت عارف انا شفتها مباشرة اثناء رجوعي من الخرطوم لام درمان
المنظر كان عجيب و مدهش يا امجد
الكتاحة كانت كانها نسر ضخم فارد جناحاته و داير يضم الخرطوم
و في وسط الكتاحة ديك اللي ارتفعت بطولها للسماء كنت بتشوف مجموعة دوامات في نصها
عارف يا امجد انا اتمنيت في اللحظة ديك اني كنت اكون شايله لي كاميرا عشان اصور المنظر ده
عشان كده شكرا ليك على الصورة
و انا لمن لقيت المنظراكبر من احتمالي الانساني بقيت اقول (سبحانك يا رب)
و من اليوم داك قررت اني اشتري لي كاميرا ديجتال في اقرب فرصة
|
Post: #15
Title: Re: بالأمس كتاحة تهاجم الخرطوم (صورة فريدة)!!!
Author: عصام أحمد
Date: 05-13-2006, 12:48 PM
Parent: #13
لولحة طبيعية رائعة
( تصويب ..أقصد لوحة)
إندماج طبيعي بين الألوان أزرق أبيض بني
لــــــــــوحة
( تصويب تاني)
أقصد حلوة
ت ح ي ا ت ي
|
Post: #16
Title: Re: بالأمس كتاحة تهاجم الخرطوم (صورة فريدة)!!!
Author: ABDELMAGID ABDELMAGID
Date: 05-13-2006, 11:52 PM
Parent: #15
الأخ أمجد
تحيه طيبه ...
طبعا هى تقلبات طقسيه و مناخيه تحدث فى كل أنحاء العالم بفعل الطبيعة !!!
و لكن بعض المهووووووسين ... عندما تقع مثل هذه الظاهرة فى بعض البلدان !!!! يعزونها لغضب الله !!!! مثلما حدث فى اعصار كاتارينا و غيرها ... الذى طبل له المطبلون تقودهم قناة الجزيرة و اخرون !!!!!!!!!!!!!!!!!!!!!
عبدالماجد
|
Post: #17
Title: Re: بالأمس كتاحة تهاجم الخرطوم (صورة فريدة)!!!
Author: sumah
Date: 05-14-2006, 00:09 AM
Parent: #1
********
Quote: و لكن بعض المهووووووسين ... عندما تقع مثل هذه الظاهرة فى بعض البلدان !!!! يعزونها لغضب الله !!!! مثلما حدث فى اعصار كاتارينا و غيرها ... الذى طبل له المطبلون تقودهم قناة الجزيرة و اخرون !!!!!!!!!!!!!!!!!!!!!
|
عبدالماجدياخوى..
دى غضب منو بقي ..
غضب واحد مسكين..
اتولد في ود الترابي..
وعاش حياتو في العجبجة..
وبحب موسيقى عجاج ..
وملخوم من تصريحات الترابي ..
اه شن قولك ..
**
|
Post: #18
Title: Re: بالأمس كتاحة تهاجم الخرطوم (صورة فريدة)!!!
Author: ABDELMAGID ABDELMAGID
Date: 05-14-2006, 00:17 AM
Parent: #17
سمعه احوى أقولك قوله ما تطرش اللضان ؟؟؟؟
ده غضب واحد مسكين..
اتولد في ود الترابي !!!!!!!!!!!!!!
عبدالماجد
|
Post: #19
Title: Re: بالأمس كتاحة تهاجم الخرطوم (صورة فريدة)!!!
Author: زول ساكت
Date: 05-14-2006, 00:19 AM
Parent: #17
الكتاحه ماعندكم لاكييين ياناس الخرطوم الجميله
|
Post: #20
Title: Re: بالأمس كتاحة تهاجم الخرطوم (صورة فريدة)!!!
Author: قلقو
Date: 05-14-2006, 05:02 AM
Parent: #19
اخوتى البورداب المعجبين والذين يحنون للكتاحة وقطع الكهرباء والموية..
انتو باين عليكم بقيتو مرطبين شديد..هنيئا لكم وعقبالنا..
لكن ياشباب هذا هو التصحر الذى بلغ قلب الخرطوم.انه التصحر الذى فتك بألاف الأفدنة الزراعية بالشمالية وهو يزحف فى صمت مخيف وليس هناك من يتصدى له فالحكومة مشغولة بما اهم واخطر من التصحر فهى مشغولة بكيفية التمسك بكراسى الحكم ومشغولة بشق صفوف معارضيها ومشغولة بمطاردة ستات الشاى والباعة المتجولين ومشغولة بضرب المظاهرات التى تخرج من الجامعات...فكما ترون ياسادتى الحكومة مشغولة بمهمات مقدسة ولا مكان لتلك الصغائر مثل محاربة التصحر والجفاف والمجاعات فالبركة فى منظمات الأغاثة الأجنبية الصليبية اما حكومتنا المؤمنة المتوضئة فمهامها اكثر جسامة وخطورة كما ذكرت آنفا.
مع تحياتى.
|
Post: #22
Title: Re: بالأمس كتاحة تهاجم الخرطوم (صورة فريدة)!!!
Author: ajaj
Date: 05-14-2006, 03:23 PM
Parent: #17
ارجو ان توضح لي ما تقصده
عجاج
|
Post: #21
Title: Re: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 05-14-2006, 02:26 PM
Parent: #1
اعزائي البورداب تحياتي لكم بالله اسمحوا لي اتونس معاكم شوية الليلة في هذه الكتاحة السياسة قطعت نفسنا.. فرجاءا تجاوزوا عن ثرثرتي الزائدة في هذه الردود
عزيزتي الجندرية و الله فعلا هبوب الغول.. تخيلي انو الليلة خبر هبوبنا دي وصل هولندا في نشرة سبعة و نصف قبل شوية مواطن هولندي رسل صورة الكتاحة دي ذاتها لكن من جهة تانية و قلت بالله شوف الصدف، و علقت مذيعة الاحوال الجوية تعليق جميل عن الظواهر الغريبة في العالم الهولندي رسل لناس الاخبار الكتاحة و سماها الهبوب
Haboob
و انا مت بالضحك و انا متخيل ليك الخوجة ضارب لخمة في السودان و غير الحر كمان جايبا ليها كتاحة و هبوب...
و ذكرني قولة الشيخ المصري اللي اخد ليهو زرة و صومة رمضان في السودان و بعد ما فطر الجماعة قالوا ليهو يا شيخنا ادعو لينا ربنا يغفر لينا..
قا ليهم متعجبا
يغفرلكو..... ده يعتزرلكو..!!!
الاخت اميرة
و الله الصور الكتاحة ده فعلا بالغ، على ما اعتقد الصورة معمولة من نهاية العمارات المنطقة المقابلة نهاية المطار و في الافق ظاهرة الرياض و العمارة اللماعة دي عمارة الخطوط السودانية الجديدة مع انو الخطوط السودانية طياراتها تتعد على اصابع اليد الواحدة الا انو مكاتبها في الخرطوم مبالغ فيها تذكرني بمحطة قطارة بحري الجميلة مع انو ما في قطارات يقولوا عليها... غايتو الانقاذ فعلا اعجاز
عزيزتي رنده
و الله انا شفت الصورة اول مرة قربت ادسى تحت المكتب لانو اكتشفت انو الخوف من الكتاحة لسة معشعش فيني مع انو لي سنين طويلة ما حضرت لي كتاحة كاربة زي دي
قعدت اضحك على نفسي و اتذكر ليك التراب البدخل في الاضنين تلاته يوم تستحم ما يطلع..
اللذيذة مشيت السودان قبال سنة بنظارة النوع الفريمو بفوق بس و فيهو عصبة ماسكة العدسة بتحت... و الله في الفتحة بين العصبة و العدسة لي 8 شهور في هولندا لقيت ليك تراب لابد لبدة، الا تودي النظارة يفكوها ليك عشان تتخارج منو... غايتو الله يكون في عون الناس الل في السودان من التفاصيل الزي دي
اخوي يا عصام التمتمة ليك شنو
و الله فعلا لولحة.. اتخيل الكتاحة دي فيها كم كيس نايلون متلولح.. حكاية تسغرب الغنماية....
سـ سـ سـ لا لا لا ماتي
عبد الماجد كيفنك وين الصورة الوجيهة ياخي و لا دي تحديثات بكري ابوبكر
الكيزان اتذكر لمن جات زلازل مصر قالوا شوفتوا الله غاضب على المصرييين و عمرو بن العاص قال تجمعهم البتاعة و يفرقهم الشنو داك... غايتو لواييق لياقة
و بعد شهر نص ضربهم ليك زليزيل سغّير ماتت فيهو مرة على ما اذكر في اركويت فالقمهم الله حجرا، و ندعوه ان يحلنا منهم من حجرهم البلّعو ليهم... جاتهم داهية...
وين يا زول انت ساكت و لا بتتكلم العرب الشوية عندهم معرفة بالسودانيين بقولوا ليك انتوا بتقولوا الزول ده بتكلم سااااكت
و الجماعة ديك قاموا قعدوا و ما عرفناهم قاموا و لا قعدوا....
كتاحة الخرطوم دي كان عاجباك نكلم ليك زول يجيب ليك منها شوية عندنا زول هناك جايي قريب
و الله يا قلقو يا خوي قصة التصحر دي انا متفق معاك فيها، لكن كتاحتنا دي لمن يجي موسمها لا بتعرف ليك تشجير و لا حزام اخدر... غياتو الله يهون القواسي...
|
Post: #23
Title: Re: بالأمس كتاحة تهاجم الخرطوم (صورة فريدة)!!!
Author: WadAker
Date: 05-15-2006, 05:11 AM
Parent: #1
Quote: ارجو ان توضح لي ما تقصده
عجاج |
هى دايرة توضيح
عكر
|
Post: #24
Title: Re: بالأمس كتاحة تهاجم الخرطوم (صورة فريدة)!!!
Author: ajaj
Date: 05-15-2006, 05:42 AM
Parent: #23
عكوري سلامات والله قت ما افسرها تهكم لحدي ما يشرحها لي العم
سؤ الظن ما كويس لكن فعلا ما دايرة توضيح
عجاج
|
Post: #25
Title: Re: بالأمس كتاحة تهاجم الخرطوم (صورة فريدة)!!!
Author: ajaj
Date: 05-15-2006, 05:52 AM
Parent: #24
سلام اخ امجد وعفوا
لا اريد اجراف بوستك الي موضوع آخر
لكن اطلب من العم sumah
الا يتهكم باحد.... وهذا الشخص يعتبر استاذا في مجاله وهو مربي كذلك
اذا كان يختلف معه في الفكر او الطرح فلا ينزلق هذا الاختلاف الي السخرية والتهكم....الاحترام واجب حتي نحترمه نحن ايضا
متين نبقي امة ونبقي ناس
|
Post: #26
Title: Re: بالأمس كتاحة تهاجم الخرطوم (صورة فريدة)!!!
Author: صلاح شعيب
Date: 09-01-2006, 07:18 PM
Parent: #25
كم عدد الكتاحات التي ستواجه الخرطوم
في القريب العاجل؟
|
Post: #27
Title: Re: بالأمس كتاحة تهاجم الخرطوم (صورة فريدة)!!!
Author: Sobajo
Date: 09-01-2006, 08:46 PM
Parent: #26
Where is the Picture Amjad?
|
Post: #28
Title: Re: بالأمس كتاحة تهاجم الخرطوم (صورة فريدة)!!!
Author: ناصر جبريل
Date: 09-02-2006, 03:52 AM
Parent: #1
Quote:
Where is the Picture Amjad |
|
Post: #29
Title: Re: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 09-02-2006, 07:27 AM
Parent: #1
![]()
سلامات سوباجو
داير صور الكتاحة أها هاك الكتاحة دي
بالمناسبة وين المكوك الفضائي بتاعك و لا راح منك في الكتاحة اها فتش عليه أكان تلقاه
بالمناسبة قصتك ديك تابعتها بمتعة كبيرة الرجاء لا تحرمنا من الابداع
تحياتي
اخوك امجد
|
Post: #30
Title: Re: بالأمس كتاحة تهاجم الخرطوم (صورة فريدة)!!!
Author: Amjad ibrahim
Date: 09-02-2006, 08:08 AM
Parent: #1
dear Nasir jibreel this the same foto once again
|
Post: #31
Title: Re: بالأمس كتاحة تهاجم الخرطوم (صورة فريدة)!!!
Author: ناصر جبريل
Date: 09-03-2006, 10:11 AM
Parent: #1
الاخ امجد
وحاتك ما ظهرت اي حاجة تكون الكتاحة راحت؟؟؟!!!!
|
|