اوسلي

الاهداء لجني و اوسلي.

أوسلى من حرازة ود قدورة إلى حرازة ود النامليس تهدى تحاياها الى الملاسى
جنى

الاخ العزيز /
اوسلى الولوفه قتلة عشوقه
** شقيش يانسيم اشواقى ردلى السلام مضمون
لى اهلنا وجميع حبانا فى اوسلى الحى التحت و الفوق **
$$ دافن حبى سبع اراضى خايف ما يبين فى وشى $$

## انا بى لقاك مهتم بس كيف تلاقينى
ياعابره عبر الدم شايلاك شراينى
لو عمر يتقدم واضمن تلاقينى انا بعدو ما بندم لو مت فى حينى

الطيف يزورنى اشواق فى النوم يناجينى يرحل بلا اشفاق ساعة يصحين
ياطيفى كان مشتاق لى مين مخلينى طفل الغرام العاق ربيتو مابينى
يا عابره دنيا الجن بكل اعاصيرى لو سعدى ماممكن احسلى من غيرى
انابلقاك مؤمن لكنى فى حيره يصعب لقاك كيفن ما الدنيا بخيرى

عزرا و الله على عجل ماشى المستشفى لا احد ابنا اوسلى اتضرع الى العلى القدير
ان ينعم عليه بالشفاء و الصحه
ساكتب لك عما قريب

السلام مطبوق
ابراهيم ابنعوف

في سرع يا نسايم اشواقي ودي لي السلام مطبوق

لي اهلنا وجميع حبانا في الحلة التحت والفوق

ديل اهلي الحنان يا نسمة اهديهم سلامي وشوق

طول داير اشوفن مرة الا قديمي ما مطلوق

هبي علي الشمال تلقيهو المال فوق جريدو يتوق

يتراقص مع نغمات قماريهو التسوي القوق

بي طيبة الحنان يلقاك يهش ليكي ويطول لي فوق

باري جديولة اطلعي فوق شوفي دحين شنو المسيوق

وبعدين بي بشيشك لفي قدامك شتيل مكروق

داك بدر يحش في قشو عجلان باقي شايل السوق

وداك مالي الرحل مندلي شايل للخدار ماروق

داك قراع مقرن مويتو فتران دار شوي يروق

عشان يفتل حبيل يربطبو قادوسا نعس مطلوق

ان سالوك عن احوالي البي مايصيد مخلوق

تاهت بي مراكب الغربة لا ريس ولا واسوق

انسلب اللحم من جسمي اصبح تب عضام وعروق

اما قليبي لو شفتيهو بي سيف الغرام مشقوق

لا لاقي البحن في حالي لا زولا علي شفوق

الدرب المسافر بيهو من طولو بتهابو النوق

خمسة سنين قعد في ظلامو ما بان لي صباح وشروق

اساهر الليل مع الباكنو ينجاري الدمع سبلوق

ابكي علي الزمان الفات ما ظن البفوت ملحوق

انبقي عاد دة حالي البي ما اظن للسعادة اضوق