Post: #1
Title: حركة النضال الكيبوردي .. ( حنكب ) ..
Author: عصام دهب
Date: 05-10-2006, 10:10 AM
و حتى
تظل شعلة النضال متقدة حمراء ..
و تسقط جميع طواحين الهواء ..
يموت العشم العدم ..
و يعيش النضال الوهم ..
نعلن ..
إزدياد حركة النضال الكيبوردي .. ( حنكب ) ..
( حنكب ) وعاءاً جامعاً ..
نكب فيه وهماتنا ..
نناجي به غاياتنا ..
ونمارس عبره أجمل هواياتنا ..
فيا رفاق النضال المستطير ..
و يا رفقة المشوار الخطير ..
أبشروا ..
سنوا أقلامكم ..
لمعوا لوحات مفاتيحكم ..
أشحذوا ألسنتكم ..
وعبوا الحناجر هتافاً و نشيد ..
فما بلوغ الغايات ببعيد ..
و أنتظروا ..
كسرة مناضل :
الدايرنا يجينا ..
و الزارعناـ غير الله ـ يجئ يقلعنا ..
وعد :
توجد مواصلات بعد النضال ..
|
Post: #2
Title: Re: حركة النضال الكيبوردي .. ( حنكب ) ..
Author: bayan
Date: 05-10-2006, 10:17 AM
Parent: #1
نؤيدكم -قف- ونشد من ازركم-قف-حصرنا الكيزان-قف-وقبضنا البوليس-قف-
وسجناه -قف-النقطة تحت السيطرة-قف-ننتظر الاوامر- قف
برقية من سكرتير حنكب
س او ال
|
Post: #3
Title: Re: حركة النضال الكيبوردي .. ( حنكب ) ..
Author: عصام دهب
Date: 05-10-2006, 10:41 AM
Parent: #2
المقاتلة الشرسة / د. بيان ..
أثلجتم صدر الحركة حتى خافت على شعلة نضالها ..
و إذ تشدون من أزرها فنسأل الله تعالى أن يهيئ لكم شدة في كي بورد لا ينمحي ..
يلا شوفي لينا حاجة عايزة ليها نضال سريع كدة ..
حنكب ..
يا مورد نضالنا ..
يامنتهى آمالنا ..
يلا كبي لينا ..
حروف النضال رويانة ..
و الحمبكة أصو ما معانا ..
|
Post: #4
Title: Re: حركة النضال الكيبوردي .. ( حنكب ) ..
Author: عمر الفاروق
Date: 05-10-2006, 10:50 AM
Parent: #3
حنكب ..عنكب ..شنكب.. عضلات تبش ..
وحذفت تاء التأنيث في كل من حنكبة شنكبة عنكبة للثقل والتعذر في ان واحد وللمحافظة على كبرياء وشموخ المناضلين من الرجال ..
عايز اشارك بي غنية ممكن ؟؟
|
Post: #9
Title: Re: حركة النضال الكيبوردي .. ( حنكب ) ..
Author: عصام دهب
Date: 05-10-2006, 11:22 AM
Parent: #4
الفنان الحركي و المغرد الما عادي / عمر الفاروق ..
حمد لله على السلامة من مشاوير النضال الوهم ..
| Quote: عايز اشارك بي غنية ممكن |
ليه لا ؟؟ أنحنا شغلتنا شنو ..؟؟
هو كان ما الغنا دا المصبرنا على النضال دا شنو ..
غرد يا حنك ..
|
Post: #5
Title: Re: حركة النضال الكيبوردي .. ( حنك ) ..
Author: عصام دهب
Date: 05-10-2006, 10:54 AM
Parent: #3
حتى يكون مختصر إسمها معبراً حقيقياً عن لسان حالها ..
تعلن حركة النضال الكيوردي ( حنك ) ..
تعديل مختصر إسمها من ( حنكب ) إلى ( حنك ) ..
أيوة حنك
إسماً على مسمى ..
و الما عاجبو ..
يجي ( يحنكنا ) ..
|
Post: #6
Title: Re: حركة النضال الكيبوردي .. ( حنك ) ..
Author: عمر الفاروق
Date: 05-10-2006, 10:58 AM
Parent: #5
الأستاذ عصام دهب :
نرجو ان يتم إدراج الحركة في منظمات الأمم المتحدة الدولية بالمسمى Chin
|
Post: #7
Title: Re: حركة النضال الكيبوردي .. ( حنك ) ..
Author: bayan
Date: 05-10-2006, 11:06 AM
Parent: #6
| Quote: يلا شوفي لينا حاجة عايزة ليها نضال سريع كدة .. |
تم حصر الضب -قف- ودخل شقه-قف- ام اربعة واربعين -قف- تأخرت -قف-
لانها تربط كداراتها-قف-الاربعة الاربعين- الوضع تحت السيطرة -قف-والامن مستتب -قف-
قطعنا خط الامدادت -قف-ما بنمشي لناس-قف-مابيجونا-قف-
سكرتير حنك
اس او ال
|
Post: #12
Title: Re: حركة النضال الكيبوردي .. ( حنك ) ..
Author: عصام دهب
Date: 05-10-2006, 12:09 PM
Parent: #7
Quote: تم حصر الضب -قف- ودخل شقه-قف- ام اربعة واربعين -قف- تأخرت -قف-
لانها تربط كداراتها-قف-الاربعة الاربعين- الوضع تحت السيطرة -قف-والامن مستتب -قف-
قطعنا خط الامدادت -قف-ما بنمشي لناس-قف-مابيجونا-قف- |
ست النضال الماخمج د. / بيان ..
( الضب الممكيج بالدلال ) .. على رأي زميلنا الحناك ( أساسي ) ..
الليلة أصبح مخندق في النضال ..
يا بخت أم أربعة و أربعين ..
تجرتق .. تفرتق ..
في يوم المسيرة ..
تقسم توزع .. تدي
الشبال ..
كدارات الزمن المغبر ..
تكندك ..
تحندك ..
تزازي المحال ..
|
Post: #10
Title: Re: حركة النضال الكيبوردي .. ( حنك ) ..
Author: عصام دهب
Date: 05-10-2006, 11:30 AM
Parent: #6
| Quote: الأستاذ عصام دهب : |
أستاذ دي في الحركة ما معانا ..
حنك و بس ..| Quote: نرجو ان يتم إدراج الحركة في منظمات الأمم المتحدة الدولية بالمسمى Chin |
إلى مكتب حنك و ممثلها / الأمم المتحدة / نيويورك / محطة 6 ..
للنظر في التوصية و التنسيق مع كوفي و إجراء ما يلزم لتنفيذها ..
|
Post: #8
Title: Re: حركة النضال الكيبوردي .. ( حنكب ) ..
Author: luai
Date: 05-10-2006, 11:09 AM
Parent: #1
اولا نشجب وندين ونستنكر ..اي سلام مع النظام ..
ثانيا نؤكد استعدادنا لاخراج العالم في مظاهرات وبالصور كمان ..
ثالثا فلنسير وعين القوى الكبرى ترعانا..
ومجلس الامن حمانا ..ولاهاي اعظم منانا..
جماهير حركة حنكب
بالجريف العليا
|
Post: #14
Title: Re: حركة النضال الكيبوردي .. ( حنكب ) ..
Author: عصام دهب
Date: 05-10-2006, 12:34 PM
Parent: #8
Quote: فلنسير وعين القوى الكبرى ترعانا..
ومجلس الامن حمانا ..ولاهاي اعظم منانا.. |
جماهير حركة حنكب
بالجريف العليا ..
جماهيرنا المحنِكة ..
دا حنك نضيف ..
الله يحنِكم .. و يوسع حناجركم ..
مرسي كتييير .. جماهير ..
|
Post: #11
Title: Re: حركة النضال الكيبوردي .. ( حنكب ) ..
Author: عمر الفاروق
Date: 05-10-2006, 11:43 AM
Parent: #1
اناضل ..اناضل ..اناضل كيف..
اشاكل ..اشاكل ..اشاكل كيف ..
أفلقكم ؟؟ لأ .. أجضمكم ؟؟لأ ..أنبزكم لا لا لا لا لا ما بقدر قروش مالياها عينية..
ولكن جيب ..ولكن هاك ..هااااااااااااااااك.. هاك ..هاك دي الفلست بية ..
أصوركم ؟؟؟ اه .. أصوركم ؟؟ اه ..ااااااااااااهـ ..اهـ ..اهـ يللا ارح للمسيرة ..
(يطلب الفنان من بتاع الأورغن تسريع الإيقاع إستعداداً لتغير الأغنية )
ارح ارح ارح ..
هااااااااااا..
فووووووووق ..
شباااااااااااب..
والما بتيصفق إنشااااااااااااااااااء الله ما يناضل ..
وخش في النضال ...تعال لي ..
بتلقى الريال ... تعال لي ..
ودولار حلال .. تعال لي ..
ودولار حلال تعال لي بس سيئ الشمال يا عيني ..
وووووووووب انا تعال لي ..تعال بي هنا تعال ..
تعال يا عصام .. تعال لي ..
وسيب السلام .. تعال لي..
وزيد الكلام تعال لي.. نضالك تمام يا عيني ..
ووووب انا تعال لي تعال بي هنا وتعال لي ..
(تظهر مناضلة وتنقط لي اماني باروكة مئة دولار وتكابس المايك لتزغرد..)
|
Post: #15
Title: Re: حركة النضال الكيبوردي .. ( حنكب ) ..
Author: عصام دهب
Date: 05-10-2006, 12:56 PM
Parent: #11
الحنك الغريد :
إنتا يا حنك وكت بتعرف تغني جنس الغنا دا .. الغتاتة الليك شنو ؟؟
( طااااخ أداهو ليك .. و لا أي حاجة )
| Quote: والما بيصفق إنشااااااااااااااااااء الله ما يناضل .. |
و الما بتناضل إن شااااااااااااااااااء الله تركب ( بورا ) و ما تلقى اليصفقوا ليها..
Quote: وسيب السلام .. تعال لي..
وزيد الكلام تعال لي.. نضالك تمام يا عيني ..
ووووب انا تعال لي تعال بي هنا وتعال لي ..
|
حي أنا .. عديل كدا ..
| Quote: (تظهر مناضلة وتنقط لي اماني باروكة مئة دولار وتكابس المايك لتزغرد.. |
دا حالتو المناضلة دي ما سمعت علوية دلاقين لما غنت النشيد داك ..
قلبها نضال ..
قلبها يمين .. قلبها شمال ..
قلبها حنًاك ..
قلبها حنك ..
قلبها شقى .. قلبها ضنك ..
قلبها .. قلبها .. قلبها ..
( و بعد داك علوية دلاقين قلبت لما الحناكين آمنوا ذاتو )
|
Post: #13
Title: Re: حركة النضال الكيبوردي .. ( حنكب ) ..
Author: toona
Date: 05-10-2006, 12:22 PM
Parent: #1
(تظهر مناضلة وتنقط لي اماني باروكة مئة دولار وتكابس المايك لتزغرد..)
أنا جابتني الزغاريد يا عصام دهب .. واماني باروكة .. والمظاهرات ..
وأنا بسم أهالي منطقة بورداب بحري ،
وبالنيابة عن كل الشعوب المناضلة في جميع انحاء الكرة البوردية ..
أهتف معكم قلبا وقالبا..
ومن داخل الحفلة ..
بيجي بيجي بيجي ...
عصام ده بيجي ..
حنك السرور بيجي ..
نناضل نفور .. بيجي ..
ايوي يوي يوي يوي يوووووووي ..
|
Post: #16
Title: Re: حركة النضال الكيبوردي .. ( حنكب ) ..
Author: عصام دهب
Date: 05-10-2006, 01:13 PM
Parent: #13
حنكtoona
| Quote: أنا جابتني الزغاريد يا عصام دهب .. واماني باروكة .. والمظاهرات .. |
حسناً يا حنكتونا هكذا يأتي المحنكين ..
Quote:
ومن داخل الحفلة ..
بيجي بيجي بيجي ... |
و كمان
chب .. chب .. chب .. ..
Quote: حنك السرور بيجي ..
نناضل نفور .. بيجي .. |
كتر النباح بيجي ..
ما شال سلاح .. بيجي ..
هاجر و ارتاح .. ما بيجي ..
| Quote: ايوي يوي يوي يوي يوووووووي .. |
إن شاء الله في يوم حنكك ؟؟
|
Post: #17
Title: Re: حركة النضال الكيبوردي .. ( حنكب ) ..
Author: bayan
Date: 05-11-2006, 02:18 AM
Parent: #16
Quote: كتر النباح بيجي ..
ما شال سلاح .. بيجي ..
هاجر و ارتاح .. ما بيجي |
الاتزرا برة بيجي
يولع حروب بيجي
نضال بيجيcv
لازم سريع بيجي
الشرق دا اهم شي
دم كتير اهم شئ
عشان سبب اللجؤ اهم شئ
chap chab
شبال لعصام..
|
Post: #18
Title: Re: حركة النضال الكيبوردي .. ( حنكب ) ..
Author: عصام دهب
Date: 05-11-2006, 04:09 AM
Parent: #17
Quote: الاتزرا برة بيجي
يولع حروب بيجي
نضال بيجيcv
لازم سريع بيجي
الشرق دا اهم شي
دم كتير اهم شئ
عشان سبب اللجؤ اهم شئ |
ست النضال المجيَه :
شفتي النشيدات النضالية دي خطيرة كيف ؟؟
ياربي هسع الواحد يناضل و لاً يقعد يـchبـchiب ؟؟
أريتو نضال السرور الدلوكتو تجيب ناس الأسايلم ..
حكى لي يا دكتورة أحد أصدقائي أن واحداً من كبار زعمائنا السياسيين من ذوي المكانة الروحية و السياسية قام بزيارة لأحد معاقل حزبه في المناطق المهمشة .. و خطب في جماهيره خطبة بت كلب .. فما كان من أحد المواطنين و قد أعجب بخطاب الزعيم حد الإنبهار و الإنبساط و النشوة إلا أن جرى نحو المنصة و خطف المكرفون و حلف بالطلاق ثلاثة أن لا يتحرك من مكانه حتى يقطعوا يده !!
أيوة يقطعو يدو عديل كدا ..
و السبب إنو هو متكيف جداً جداً من كلام الزعيم و ما عندو حاجة يضبحها و لازم يكرم الزعيم بالدم ..
و أمام حليفته بالطلاق تلك قام أحد أعضاء الحزب في تلك المنطقة بسل سكينه من ضراعهو أمسك يد الرجل و أحدث فيها جرحاً صغيراً إرضاءاً لذلك الرجل الحالف بالطلاق .. فتكيف الرجل و الحضور و حتى الزعيم ..
شوفي ليك جنس تٍكيِف ؟؟
أهة في شان شبالك دا يا دكتورة ..
أنا الليلة إلا يجلدوني ..
و جلد بتاع بيوت أشباح كمان ما بتاع أعراس ..
بركز و ما بنفزر ..
أخوكي يا ناهد ..
و النعم ..
|
Post: #19
Title: Re: حركة النضال الكيبوردي .. ( حنكب ) ..
Author: طارق جبريل
Date: 05-11-2006, 04:32 AM
Parent: #1
العزيز ود دهب كيفنك
انا المناضل انا الحنكي
انا المليان شعارات وجني كلكي
انا السجنوني في كوبر وضربوني بالسونكي
انا الكانوا ناوين يقطعوا راسي في التلكي
انا النضال طلع لي في راسي لامن بقيت اكاكي
|
Post: #20
Title: Re: حركة النضال الكيبوردي .. ( حنكب ) ..
Author: Rasha Hatim
Date: 05-11-2006, 05:10 AM
Parent: #19
يا جماعة انا جيت قاطعة, لقيت الحفلة الرااابة دي , اها حلفت الا اشارك الليلة والمايك مع سعدية مكرونة:
جاياااك جايااك يا دهب..
جايااك اناضل هنا معاك يا دهب..
احييي احي يا دهب..
احي نضالك في عيني يا دهب..
شططططة شطة يا ناس دهب
شططة حركتكم دي لقطة يا ناس دهب
وشكرا
|
Post: #22
Title: Re: حركة النضال الكيبوردي .. ( حنكب ) ..
Author: عصام دهب
Date: 05-11-2006, 06:01 AM
Parent: #20
أنا جاييك يا رشا ..
| Quote: حلفت الا اشارك الليلة والمايك مع سعدية مكرونة: |
شكراً شعبي .. شكرا سعدية مكرونة على هذه الأهازيج الخطيرة
Quote: جاياااك جايااك يا دهب..
جايااك اناضل هنا معاك يا دهب..
احييي احي يا دهب..
احي نضالك في عيني يا دهب..
شططططة شطة يا ناس دهب
شططة حركتكم دي لقطة يا ناس دهب |
و ما أن أدت سعدية مكرونة وصلتها حتى أعترت المناضل الكيبوردي / عباس قزازة نوبة حنك هستيري فقلع منها المكرفون حتى نطت مهجومة و لم يشتغل بها الشغلة و أنشد يقول ..
جاياو ؟؟ جاياو .. براو .. إزاي ؟؟
زمن النضال مفلوق الناس تقول باي .. باي ..
يوم النضال راحات كلهم معانا بجاي !!
حردنا النضال من جد ..
فات زعلنا الحد ..
أكان النضال زي دا
أريت الرهيف ينقد ..
يا بلد ..
يا بلد ..
ام المواجع ..
يلعن أبو البجيك راجع ..
و رمى المايك و أخذ بقة من قزازته و شتت ..
|
Post: #21
Title: Re: حركة النضال الكيبوردي .. ( حنكب ) ..
Author: عصام دهب
Date: 05-11-2006, 05:33 AM
Parent: #19
الحنك الأصيل / د. طارق جبريل
كيفنك و الكيبوردي ..
Quote: انا المناضل انا الحنكي
انا المليان شعارات وجني كلكي
انا السجنوني في كوبر وضربوني بالسونكي
انا الكانوا ناوين يقطعوا راسي في التلكي
انا النضال طلع لي في راسي لامن بقيت اكاكي |
بيسمع يصهين بيعمل تقيل
مِكسِح مشتت مفرتق عديل
مهاجر مفارق صراط السبيل
يشرك يا وطن في حبل الغسيل
داقس يكابس فاقد دليل
دا منو ؟؟
|
Post: #23
Title: Re: حركة النضال الكيبوردي .. ( حنكب ) ..
Author: luai
Date: 05-11-2006, 06:24 AM
Parent: #21
ولما كانت حركتنا حنكب تتلقى الشبالات والزغاريد والجبجبه
فقد ابت نفسي الا ان اؤكد ثراء وتنوع حركة حنكب ..
لذا عايز اغير (الاستايل) واعمل ليكم اناشيد كمان ..
الليلة هوي ياليلة ...مناضلينا اكلو البليلة ..
مناضلينا اكلو البليلة ..وخلاص راحت عليهم حسكنيته والطويلة ..
ومظاهراتهم راحت في الدميره ...الليله هوي يا ليلة ..
وارموا قدام وراء مؤمن ...
جماهير حنكب بفولتا العليا
وهندوراس
|
Post: #24
Title: Re: حركة النضال الكيبوردي .. ( حنكب ) ..
Author: bayan
Date: 05-11-2006, 10:09 AM
Parent: #23
اجش يا ود دهب تتبارك
اها
قلابة قلابة قلابة قلبي لي
العريس المناضل مابا يجي
نجيب الرشاشة قلبي لي
نضرب طفاشة قلبي لي
الامم المتحدة تسمع بي
اللجؤ بسببو تدي..
قوووووووووووووووووووووووووووون
ايويوووووووووووووووويووووووووووووووووووووووووووووويا
|
Post: #25
Title: Re: حركة النضال الكيبوردي .. ( حنكب ) ..
Author: A.Razek Althalib
Date: 05-11-2006, 10:22 AM
Parent: #24
ود دهب..
عفارم عليك..
| Quote: و يعيش النضال الوهم .. |
يعيش يعيش..
|
Post: #26
Title: Re: حركة النضال الكيبوردي .. ( حنكب ) ..
Author: القلب النابض
Date: 05-11-2006, 11:24 AM
Parent: #25
سري للغاية
السيد الرئيس الحنكي
وصلتنا خرتمية دولار من اسرائيل , أرجو أن تكتبوا قصيدة عاجلة تمدحوا فيها اسرائيل الحنينة ...راعية حقوق الانسان .. وحامية محمد الدرة واحمد يس...
الكلام دا سري يا ابو الاحناك
ارسل رقم حسابك في سويسرا او حساب زوجتك الجديدة...بالمنفى ... نلتقي بفندق سسس بسوبسرا...تعال استلم ..
وبعد داك أعمل مؤتمر صحفي كبر فيه حلقومك وادعوا وسائل الاعلام العالمية ..أختا الجزيرة في المرحلة دي ..
البقية بالتلفون لان الامر خطير والحكومة تنازلت وعايزين مفاوضات ...قول يمكن ما تنجح المرة دي ..لانه حاجاتنا ما انتهت ... وعاشت حنكب حركة مسبقلة حرة
شالوم
|
Post: #34
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 02:45 AM
Parent: #26
القلب النابض و الحنك الرابض
تحياتي جداً
سري خالص و ختري شديد
توجيه رئاسي
الخرتمية دولار بتاعت أولاد عمنا اليهود ديل ما في زول يتصرف فيها و لا زول يغنج بيها .. لأنو الجماعة ديل ما بيدو شئ لله كدا .. بكرة يجوا يقول ليكم أدون خرتميتنا و فوايدها و كان ما عندكم إن شاء الله أدونا بيها موية زرقة .. عشان كدا زول يتصرف في القروش دي غير الرئيس و أولاد عمو مافي ..
بالنسبة لنشيد إسرائيل الحنينة فهو في طور التلحين وسيقوم الحنك الفنان / حسين أبو حليقيم بأدائه بصحبة أوركسترا مدينة ( شتتوها الدونكي ) بعد أن صاغ كلماته الحنك الشويعر / عوض السيد عدو نفسو حيث يقول في أحد مقاطعه ..
زمان غشونا قالوا عدوكم أسرائيل
و الغريبة نحنا صدقناهم ..
يا حاييم أخوي جيناك نحنا عديل
بعد ما قمنا دقسناهم ..
| Quote: ارسل رقم حسابك في سويسرا او حساب زوجتك الجديدة...بالمنفى ... نلتقي بفندق سسس بسوبسرا...تعال استلم .. |
يا حنك سويسرا دي بقت مكشوفة و ظاهرة .. كدي شوف لينا أي حتة تانية إن شاء الله في سكسونيا محطة ود المقشط ..| Quote: وبعد داك أعمل مؤتمر صحفي كبر فيه حلقومك وادعوا وسائل الاعلام العالمية ..أختا الجزيرة في المرحلة دي .. |
نحنا ما حنقدر ننط الخور إلا لمن نصلو .. يعني الخور ما حيقدر ينطنا لما يوصلنا .. لكن أكيد النط حيقدر على الخور لما يصلنا ..| Quote: البقية بالتلفون لان الامر خطير والحكومة تنازلت وعايزين مفاوضات ...قول يمكن ما تنجح المرة دي ..لانه حاجاتنا ما انتهت ... |
نحنا جننا و جن الحكومة البتتنازل دي .. يعني ما نناضل ولا شنو .. أهة كان قالوا لينا تعالوا شيلوها كلها ما حنقتنع و لا حنتفاوض .. نحنا بتين بدينا عشان نتفاوض .. ما عندهم صبر يخلونا نستفيد شوية ؟؟
| Quote: وعاشت حنكب حركة مستقلة حرة |
كويس ..
الشالوم منو !! نحنا بتين لميناها .. خلى راجل يقدر يشيلهم ..
|
Post: #29
Title: Re: حركة النضال الكيبوردي .. ( حنكب ) ..
Author: عصام دهب
Date: 05-13-2006, 10:58 AM
Parent: #24
دكتورة لكن نشيدك خطري عديل كدة ..
Quote: قلابة قلابة قلابة قلبي لي
العريس المناضل مابا يجي
نجيب الرشاشة قلبي لي
نضرب طفاشة قلبي لي
الامم المتحدة تسمع بي
اللجؤ بسببو تدي.. |
أهة أسمعي الرمية دي ...
اللييييييييييييييييييييييييل .. أنحنا ..
نحنا المحنكين نضالنا كلو كلام ..
نحنا المكسحين هجرتنا لي قدام ..
نحنا الدواس شغلتنا ماهي سلام ..
والماعارفنا يسأل بنوت أمستردام ..
| Quote: ايويوووووووووووووووويووووووووووووووووووووووووووووويا |
أبشري ..
|
Post: #27
Title: Re: حركة النضال الكيبوردي .. ( حنكب ) ..
Author: عصام دهب
Date: 05-13-2006, 02:58 AM
Parent: #23
| Quote: عايز اغير (الاستايل) واعمل ليكم اناشيد كمان .. |
الحنك : luai
تعرف يا مان ناس حنك ديل ما عندهم شغلة بالنشيدات و الجلالات و أغاني الحماسة دي ..
ديل ناس chبchبة و بس .. عشان كدا شوف لينا حاجة من روائع أماني باروكة و لاسعدية مكرونة و لا خالد جيجي ..
Quote:
مناضلينا اكلو البليلة ..
QUOTE]
بليلة أيه يا رااااجل ..
أكلوا نيم ..
|
Post: #28
Title: Re: حركة النضال الكيبوردي .. ( حنكب ) ..
Author: على محمد على بشير
Date: 05-13-2006, 04:12 AM
Parent: #27
الله يجازى محنكم ..... كلكم
|
Post: #30
Title: Re: حركة النضال الكيبوردي .. ( حنكب ) ..
Author: saif massad ali
Date: 05-13-2006, 11:18 AM
Parent: #28
اقسم بجلال الله ناس الوان عديل
قال حنكب قال
كيزان ملونة
|
Post: #31
Title: Re: حركة النضال الكيبوردي .. ( حنكب ) ..
Author: mohamed osman bakry
Date: 05-13-2006, 12:09 PM
Parent: #30
حركة ( غز ) , نسبة لمؤسسها( غلام الله زمان )
باكستاني المولد , عربي الجنسية
من سواحل الاطلنتي و علي مشارف الكاريبيان
قف
حركة
( غز )
تقف من خلفكم
|
Post: #45
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 11:16 AM
Parent: #31
| Quote: حركة ( غز ) نسبة لمؤسسها( غلام الله زمان ) |
شكراً غلام يمكن لحركتك أن تنشط في محورها الغلماني ..
Quote: حركة
( غز )
تقف من خلفكم |
نحنا بنرمي قدام و بس وراء مؤمن ..
أهة تجو قدام و لا تتخارجو ؟؟
يا شفت .. وقع ليك ؟؟
عندكم حركة تانية و لا .. الحركة دي كفاية !!
شفت الشفتنة ؟؟
|
Post: #32
Title: Re: حركة النضال الكيبوردي .. ( حنكب ) ..
Author: عصام دهب
Date: 05-13-2006, 01:11 PM
Parent: #30
عذراً .. ما كتبته مرغماً إضطررت لمسحه ..
|
Post: #33
Title: Re: حركة النضال الكيبوردي .. ( حنكب ) ..
Author: القلب النابض
Date: 05-13-2006, 01:15 PM
Parent: #32
والله قريتها نور تاور وكنت دايرة اشاكل لو قلت نور تاور منهم لكن الحمد لله طلعت سلامة
وعاشت حركة حنكب مستغلة حرة.
|
Post: #46
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 12:43 PM
Parent: #33
| Quote: والله قريتها نور تاور وكنت دايرة اشاكل لو قلت نور تاور منهم لكن الحمد لله طلعت سلامة |
القلب النابض .. الحنك الرابض ..
و الحمد لله أني ذاتي مسحتها عشان ما يجئ واحد يقول الحنك عايز يتفشخر فينا ويطلع بيها ركن
طبعاً أنا كنت أقصد عمودي الأسبوعي الذي كنت أكتبه بصحيفة الإتحادي الدولية بعنوان ( نار و نور ) و طالما جات السيرة للعطرة للأستاذة الفاضلة / نور تاور فحقيقة هي قبس من نور و شعلة من نار .. وهي مناضلة بحق و حقيقة و بدون أي مسخرة و لا أملك إلا أن أحني هامتي إحتراماً لها و لأمثالها و مثيلاتها ..
| Quote: وعاشت حركة حنكب مستغلة حرة. |
و حنكب دي كان ما إستغلاليتها دي بتقدر تعيش ..
عشتي أنتي ..
|
Post: #42
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 10:02 AM
Parent: #30
| Quote: اقسم بجلال الله ناس الوان عديل |
يا زول أستغفر الله ..
ياخي يقلقل حنكك
كويس الما بقو علب !!
|
Post: #48
Title: Re: حركة النضال الكيبوردي .. ( حنكب ) ..
Author: saif massad ali
Date: 05-14-2006, 01:15 PM
Parent: #42
قلت لي كيف
Quote:
كويس الما بقو علب !! |
والعلب فاتت الوان وين
|
Post: #49
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 01:37 PM
Parent: #48
| Quote: والعلب فاتت الوان وين |
الوان دي جرها في الشوك يا مان ..
بس نجاوب ليك على سؤالك عشان ما تضهب ..
فاتت قلعة النضال قهوة جيجي .. سمعت بيها ؟؟
|
Post: #37
Title: Re: حركة النضال الكيبوردي .. ( حنكب ) ..
Author: عصام دهب
Date: 05-14-2006, 06:39 AM
Parent: #28
| Quote: الله يجازى محنكم ..... كلكم |
الله يجازى الكي بورت ( keport ) على رأي أخونا ..
تستاهل يا الكي بورت ..
|
Post: #35
Title: Re: حركة النضال الكيبوردي .. ( حنكب ) ..
Author: maia
Date: 05-14-2006, 02:55 AM
Parent: #1
الاخوة في حركة حنكب
سدد الله خطاكم ورميتكم لقدام دوما
نأمل ان تكون حركة خالية من العنكبة والشنكبة
وتخلو من الخطب الرنانة ، والكلمات الكبيرة على شاكلة 0 ننصهر في بوتقة النضال
والكلام اللي بيودي الاخرة داك
اها اول مظاهرة متين ؟؟
وعاش نضال الطبقة المحنكبة
|
Post: #36
Title: Re: حركة النضال الكيبوردي .. ( حنكب ) ..
Author: bayan
Date: 05-14-2006, 03:17 AM
Parent: #35
قول اهي قول اها
محل تمشي ما بتجي
اها
اهي
مشيت وما جيت
اها
اهي
كلو طلع فحيط
اها اهي
نضال شديد
اها اهي
كل يوم جكس جديد
اها اهي
ما تبقى رعديد
اها اهي
عثمان بكري ما بالغتا عديل..(وش خجلان)
|
Post: #38
Title: Re: حركة النضال الكيبوردي .. ( حنكب ) ..
Author: سيف النصر محي الدين محمد أحمد
Date: 05-14-2006, 07:11 AM
Parent: #36
دهب
نحن في الحركة من أجل الجهاد الكيبوردي(حنجك) أول ما سمعنا بأنطلاق حركتكم جينا جاكين زي عوايدنا و قلنا نضامن معاكم..
معا من أجل بوسنة خالية من الهرسك
معا من أجل كشمير ناعم
معا من أجل أن نرمي أسرائيل في البحر الميت..
لنجك معا من أمام قوى الأستكبار العالمي
بس يا حبيب منتظرين لينا واحد داقس يرضي يفجر لينا نفسو عشان كيبورداتنا تشتغل.
جاكين جاكين لحماية الدين..
|
Post: #56
Title: Re: حركة النضال الكيبوردي .. ( حنكب ) ..
Author: عصام دهب
Date: 05-16-2006, 02:38 AM
Parent: #38
الحنك السنين د. / سيف ..
| Quote: نحن في الحركة من أجل الجهاد الكيبوردي(حنجك) أول ما سمعنا بأنطلاق حركتكم جينا جاكين زي عوايدنا و قلنا نضامن معاكم.. |
الجكة دي لله .. جكتنادي لله .. هي لله .. هي لله .. ( وش قاعد يدًلب ) ..
إن شاء الله يجكو ليكم في جهادكم
| Quote: معا من أجل بوسنة خالية من الهرسك |
معاً من أجل بوسنة خالية من النون ،، و هرسك و الكاف سايلنت .. دا ما كلامي ..
| Quote: معا من أجل كشمير ناعم |
لو كدة حنجك صوف ..
| Quote: معا من أجل أن نرمي أسرائيل في البحر الميت.. |
| Quote: كدا يا شيخنا حنختلف .. أي نحنا هنايين لكن برضو ما بنعضي اليد البتطعمنا ؟؟ شوف ليكم حاجة تانية مجاهدين ؟؟ |
| Quote: لنجك معا من أمام قوى الأستكبار العالمي |
لنجك معا نحو قوى الأستكبار العالمي
| Quote: بس يا حبيب منتظرين لينا واحد داقس يرضي يفجر لينا نفسو عشان كيبورداتنا تشتغل. |
يا دفعة من يوم ما بتاعين الإشاعات قالوا ( بنات الحور قالن ما دايرات عرس و دايرات يواصلن تعليمن ) بقى ما في زول بيدقس .. توسا تان تلداها ..
|
Post: #51
Title: Re: حركة النضال الكيبوردي .. ( حنكب ) ..
Author: عصام دهب
Date: 05-15-2006, 04:06 AM
Parent: #35
الحنكة الفاضلة / maia
| Quote: سدد الله خطاكم ورميتكم لقدام دوما |
كتر خيرك و تتباركي ما تتشاركي ..| Quote: نأمل ان تكون حركة خالية من العنكبة والشنكبة |
وتكون حركة كيف لو ما فيها شنكبة و عنكبة و أضلات تبش .. ؟؟
| Quote: ننصهر في بوتقة النضال |
طيب ننكشح في بوتقة الكي بوردي ( بالياء ) ..
| Quote: اها اول مظاهرة متين ؟؟ |
حليلك يا البتظاهري على حيلك .. المظاهرات المالية البوست دا كلو فاتتك ؟؟ إن شاء الله ما فاتك خير .. طيب تعالي مهرجان حنكبة الخطابي الأول
| Quote: وعاش نضال الطبقة المحنكبة |
و عاش نضال أولاد العز و بنات الراحات كمان
و تعيش تعيش .. ثورة الحناكـ يش !!
|
Post: #52
Title: Re: حركة النضال الكيبوردي .. ( حنكب ) ..
Author: maia
Date: 05-15-2006, 04:18 AM
Parent: #51
Quote: حليلك يا البتظاهري على حيلك .. المظاهرات المالية البوست دا كلو فاتتك ؟؟ إن شاء الله ما فاتك خير .. طيب تعالي مهرجان حنكبة الخطابي الأول
|
الاخ عصام دهب
والله تتخيل ، مظاهرات البورد ده هي زاتها اللي جابت لي وعملت لي وجع وش
بس ما قلتوا لي مهرجانكم الخطابي متين ؟ عشان استعد بخطاب فاهم جدا خارج بوتقة النقة النضالية وهلما جرا
|
Post: #39
Title: Re: حركة النضال الكيبوردي .. ( حنكب ) ..
Author: Osama Ahmed
Date: 05-14-2006, 07:30 AM
Parent: #1
حنجك حنكب الزوغة
|
Post: #40
Title: Re: حركة النضال الكيبوردي .. ( حنكب ) ..
Author: سيف النصر محي الدين محمد أحمد
Date: 05-14-2006, 07:50 AM
Parent: #39
من مسوؤل الربط المركزي بين حنجك و حنك"مرحح"
أيها المجاهدون الكيبورديون
جكو لقدام
تعلمون أن فقهه الضرورة أباح لنا التحالف حتى مع الشيطان...
فلا تبتئسوا و تزعلوا من تحالفنا مع حنك....
و أبشركم الناس ديل ما بندخلهم معانا في التبرعات و الأستثمارات و كده
ندخلهم ياخي تخ...جاكين لينا سنين لامن دقونا أتغبرت و تقولوا لي ندخلهم
لا لدنيا قد جككنا..بل الدنيا قد جكت الينا
لغفنا لامن قلنا بس ..الهم حوالينا و ما علينا.
|
Post: #59
Title: Re: حركة النضال الكيبوردي .. ( حنكب ) ..
Author: عصام دهب
Date: 05-20-2006, 02:38 AM
Parent: #39
الأخ / Osama Ahmed
حنجك حنكب الزوغة
و نسك العالم أجمع
كي بوردناما هو قديم
كي بوردنا أصلي و بلمع
لو حاول زول يتشفتن
و يدق في نضالنا و يجدع
نفتش ليهو في القوقل
و نجيبلو حاجتن تخلع
|
Post: #41
Title: Re: حركة النضال الكيبوردي .. ( حنكب ) ..
Author: toona
Date: 05-14-2006, 08:16 AM
Parent: #1
Quote: معا من أجل بوسنة خالية من الهرسك
معا من أجل كشمير ناعم
معا من أجل أن نرمي أسرائيل في البحر الميت..
لنجك معا من أمام قوى الأستكبار العالمي
بس يا حبيب منتظرين لينا واحد داقس يرضي يفجر لينا نفسو عشان كيبورداتنا تشتغل.
جاكين جاكين لحماية الدين.. |
-------------------------------------------------
|
Post: #44
Title: Re: حركة النضال الكيبوردي .. ( حنكب ) ..
Author: سيف النصر محي الدين محمد أحمد
Date: 05-14-2006, 10:32 AM
Parent: #41
من مرحح الى دهب
نفيدكم أننا بعد أن تداولنا مع قواعد المجاهدين الكيبورديين في كهوفهم المكندشة وهم يبذلون الغالي و النفيس أمام مؤشرات بورصات الأستكبار و أسهمها السمينة....
نفيدكم أنه لا مانع لدينا في المشاركة في هجيجكم from time to time.
كما أننا على أستعداد للسماح للمجاهدات من أخوات نسيبة بالمشاركة علنا بس تخلو لينا الشباب ب side و الشابات ب side .
و نرجو آلا تحرجونا و تقوموهن مرات كتيرة يعني مره مرتين
بس خوفنا أنو الأمر يصل لكده:
Quote: احييي احي يا دهب..
احي نضالك في عيني يا دهب.. |
|
Post: #54
Title: Re: حركة النضال الكيبوردي .. ( حنكب ) ..
Author: bayan
Date: 05-15-2006, 04:57 AM
Parent: #44
| Quote: نفيدكم أننا بعد أن تداولنا مع قواعد المجاهدين الكيبورديين في كهوفهم المكندشة وهم يبذلون الغالي و النفيس أمام مؤشرات بورصات الأستكبار و أسهمها السمينة.... |
سيف النصر يا عطبراوي يا ختري
واحدمن اصحابي قال يولد العطبراوي وفي بالو مظاهرة وحزب
اي مظاهرة بس مظاهرة
نحيكم ونحي نضالكم
|
Post: #43
Title: Re: حركة النضال الكيبوردي .. ( حنكب ) ..
Author: سامي عبد الوهاب إدريس
Date: 05-14-2006, 10:22 AM
Parent: #1
عصام دهب..
يا خطير
أها نبدا ليكم المظاهرة طوالي
وبعدين نسجل عضوية
  
|
Post: #47
Title: Re: حركة النضال الكيبوردي .. ( حنكب ) ..
Author: حميد حامد
Date: 05-14-2006, 12:48 PM
Parent: #1
Quote: كتر النباح بيجي ..
ما شال سلاح .. بيجي ..
هاجر و ارتاح .. ما بيجي |
مبروك تأسيس هذه الحركة والتي يتمتع بصفات عضويتها الكثيرين
أرشح لكم المناضل الكيبوري المحنك محجوب علي ابو غشاوة والذي
لم تتعدي مجاهداته في طرد غير البجا من شرق السودان حدود كي
بورده الطفشان .. وهناك عدد آخر سارشحه لاحقاً
واكرر تهنئتي
|
Post: #50
Title: Re: حركة النضال الكيبوردي .. ( حنكب ) ..
Author: Khalid Saeed
Date: 05-14-2006, 02:43 PM
Parent: #47
هوي ياناس أنا طول عمري مكجن الأحزاب والسياسة .. دايماً بقول حزبي أولادي أناضل فيهم وأربيهم .. إلا ناس حنكب ديل إستفزوني عديل كدي الليلة .. بالذات لمن شفته أخونا عصام دهب أخد شبال .. وداير يتجلد ..
هوي ياناس عووووووك .... أنا جيتكم .... حرم الليله إلا أتجلد ...
ناس حنكب ... إنشاء الله تتحنكبوا ... ماتشنكبوا .....
نحنا الحنكبه دي مارقين ليها تب .... شن نفره .. ياهو الكمبيوتر الهقـــل ده ...
عليه بالجزيمــــه .. نعمل لي كل زول لاب توب في حماره ... هلا هلا هلا ........
نحنا المحنكبين .. الفي حميرهم باينين ..... هيييييييييييييييييييييييع .
وهادي بيعتي ليكـــــم :
أبايعكم .. على الحنكبة ... والشكنبة ... والعنكبة ..
وأبايعكم .. على الجدل الحنكوبي .. البخلي الطوبي يبقي كوبي ..
وأبايعكم .. على التحنكب المستنير البخلي المشتهي الحنيطير يطير ..
وأبايعكم على الحنكبة الظلامية .. البتخلي الواحد يتغطي بالبطانية ..
وأبايعكم على الحكنبة الجسورة ... الذي شراب الموية من الماسورة ...
كان معاكم على الهواء مباشرة ممثل قوى الشعب المتحنكب ...جاهزين لي أي شئ بس جيبوا لينا اللحــــــو .. ودقوا لينا دلوكه كاربـــــه ... بتلقونا قــدام نعرض وننجلد وإنشاء الله الرهيفة التنقد .......
الأرباب
خارج النص :
(( الآمنية الحنكوبية : أحجج أمـــــــــــــــــــي ))
|
Post: #53
Title: Re: حركة النضال الكيبوردي .. ( حنكب ) ..
Author: bayan
Date: 05-15-2006, 04:47 AM
Parent: #50
خالد سعيد
كلام ذي دا اصلو ما شوفنا
ايووووووووووووووووووووووووووووووووووووو
ياااااااااااااااااااااااااااااااا
حتى انقطع نفسي...
دا نضال ما عندنا ليه رئتين..
كش
شبال وتاني شبال
لخالد
|
Post: #55
Title: Re: حركة النضال الكيبوردي .. ( حنكب ) ..
Author: سيف النصر محي الدين محمد أحمد
Date: 05-15-2006, 05:30 AM
Parent: #53
نرجح أن المدعوة بيان هي عميل مزدوج فهي أحيانا مناضلة كيبوردية لا يشق لها غبار..و أحينا أخرى مجاهدة كيبوردية من النوع الذي يشم رياح الجنة ..نقترح تثبيتها في عضوية التنظيمين(حنك) و (حنجك)
-من وثائق مراسلات مسؤول الربط بين حنك و حنجك (مرحح)-
|
Post: #57
Title: Re: حركة النضال الكيبوردي .. ( حنكب ) ..
Author: سيف النصر محي الدين محمد أحمد
Date: 05-17-2006, 08:00 AM
Parent: #55
الحنك المخضرم دهب
بالله كيف لقيتو الوضع بعد أنتقالكم من مرحلة النضال بالكراسي-و أنتم من خيرة من أعتلى الكراسي في أركان النقاش_الي مرحلة النضال الكيبوردي ؟؟ بالنسبة لنا فأن الجهاد الكيبوردي أصبح شغلنا الشاغل و نحن الأن وجهنا بعض الفقهاء الذين يعملون بالقطعة ليفصلوا لنا فتوى تجعل الجهاد الكيبوري من أفضل الأعمال ..و بيني و بينك يمكن يتحمسوا شوية و يجعلوه أفضل الأعمال قاطبة-حلوه قاطبة دي؟؟-
اللهم أرزقنا كيبوردا سنينا و أنترنتا سريعا و أجعلنا ممن يقوقولون بكرة و آصيلا.
|
Post: #58
Title: Re: حركة النضال الكيبوردي .. ( حنكب ) ..
Author: bayan
Date: 05-17-2006, 09:01 AM
Parent: #55
سيف النصر قف- قبل خمسة سنوات كنت شيوعية - قف اسع صرت ظلامية -قف
ما عارفة انا شنو-قف دي البوردات-قف -انا مستنيرة-قف- مسجونة في جسد ظلامية-قف-
بكرة حأكون قبطية -قف- الله قادر-قف- يقرقرقر اصدقائي-قف- في اني ظلامية-قف-
الان صرت كوزة- قف- الله قادر قف-هدف لمفحطي الكيبورد -قف-
هناك فارق كبير بين الظلامي والكوز الكارات الجديدة لا تميز ذلك..
|
Post: #60
Title: Re: حركة النضال الكيبوردي .. ( حنكب ) ..
Author: عصام دهب
Date: 06-27-2006, 03:39 AM
Parent: #58
معليش يا فرد ..
ما نسيناكم ..
و شغلة الصهينة ..
ما شغلتنا ..
لكن الظروف جبرتنا..
و كان الله ..
هوَن ..
قريباً جداً ..
الحركة في الميدان ..
فيا أيها الحركيون الختريون ..
و أيتها الحركيات الخترات ..
أسرجوا الخيل ..
و شدوا الحيل ..
سنوا كي بورداتكم ..
جهزوا جاكاتكم ..
أنجروا مكناتكم ..
و لا تكبوا زوغاتكم ..
و ليخسأ من جبجب متغاتتاً ..
|
Post: #61
Title: Re: حركة النضال الكيبوردي .. ( حنكب ) ..
Author: bayan
Date: 07-24-2006, 01:24 AM
Parent: #60
up
|
Post: #62
Title: Re: حركة النضال الكيبوردي .. ( حنكب ) ..
Author: عصام دهب
Date: 09-10-2006, 04:19 AM
Parent: #61
Quote: أسرجوا الخيل ..
و شدوا الحيل ..
سنوا كي بورداتكم ..
جهزوا جاكاتكم ..
أنجروا مكناتكم ..
و لا تكبوا زوغاتكم .. |
ممكن أشارك في البرنامج ..
طيب شكراً ..
أنا في الحقيقة عندي إقتراح و كدا ..
إنو أنحنا لازم نحسس الشعب دا إنو أنحنا موجودين ..
أيوةة ديل أنحنا القالوا شتتنا ..
لازم نقول لي الشعب دا نحنا صاحين ..
و مساهرين صباحي ..
و أنت طرفك من طبعو نعسان ..
عشان كدا لازم نعمل مظاهرة ..
أيووووة ..
يلا جهزوا الشعارات ..
و الشنو شنو !!
سجن .. سجن ..
نحنا نضالنا في شان شنو ؟؟
ما في شان السجن ..
|
Post: #63
Title: Re: حركة النضال الكيبوردي .. ( حنكب ) ..
Author: bayan
Date: 09-10-2006, 04:41 AM
Parent: #62
سلام يا عصام
نورت بيتك وفاقدينك..
يلا ورينا النضال المو خمج..
|
|
|