Post: #1
Title: أتوقـــع..إبتسامة للنصف الثاني 2006
Author: tmbis
Date: 05-09-2006, 09:15 AM
بعد ساعات قليلة...
تنتهي الفترة الزمنية المحددة لأرشفة النصف الأول من العام 2006..
مداخلاتنا لحد بعيد .. نجحت في توصيل فكرتنا .. بعض الشي..
تخاصمنا ، ضحكنا.. بكينا..
تخاشنــا..
لكن..
كان بيننا حبل الود ممدود..
تعاركنــا..
في سبيل أن نصل للحد الفاصل بين الممكن والـ .....لا معقول..
..
أتوقـــع.. للنصف الثاني من 2006 ..
؟؟
تتوقعوا شنو ؟؟ ...
وبدون زعـــــل ..
|
Post: #2
Title: Re: أتوقـــع..إبتسامة للنصف الثاني 2006
Author: esam gabralla
Date: 05-09-2006, 09:27 AM
Parent: #1
يا تمبس علاء
سلام
انا لى سنوات بطلت التوقعات
امنياتى و دعواتى كلها بقت كالاتى:
- ما تحصل مصيبة جديدة
- الكوارث ما تزيد
- المحن تقل شوية
العجيبة اصلو ده ما قاعد يحصل
يكون الغلط فينى و لا فى دعواتى ده
يا زول غايتو منى ليك الشمس دى
كان تنفعك
|
Post: #6
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 05:56 PM
Parent: #2
| Quote: العجيبة اصلو ده ما قاعد يحصل |
يا عصــام:
اقول ليك أقتراح ..؟؟
حقو ( تقلبه ).. وتتوقعه من ( الشمال لليمين )..
مش أحتمال ( تظبط ) ؟؟
..
والحاجة التانية .. ضربة الحظ بتجي مرة واحده في العمر .. عشان كده حقو تكون شغال توقعات إيجابية واحتمال كبير تضرب معاك ؟؟
شكرا للشمش ..
وياريت الليلة لو كان جيت ( اتعشيت معانا) ..
والله كان في جنس زبادي ..
|
Post: #3
Title: Re: أتوقـــع..إبتسامة للنصف الثاني 2006
Author: الجندرية
Date: 05-09-2006, 09:35 AM
Parent: #1
اتوقع طفرة في عدد الناس اللايمني عشان شاركوا / ن في بوستات بتاعتي وما قدرت رديت لحدي ما اتأرشفت
ديل غير الناس البتكون ماخدة في خاترها عشان ما شاركنها فرحة ولا حزن ما
النص الجاية دا لو مافي زول كباه في كيس
بعتذر فيه لكل الناس دي
|
Post: #7
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 06:08 PM
Parent: #3
| Quote: طفرة في عدد الناس اللايمني |
يا اماني:
بلاي المسالة دي عاملة ليك أنت برضو نفسيات زيي كدا؟؟
غايتو كان لقيتي ليك علاج ليها .. كبي لي معاك في كيس البوستات دي ( ودبل كلك ) بس في الماسينجر ..
بتحراك..
|
Post: #8
Title: Re: أتوقـــع..إبتسامة للنصف الثاني 2006
Author: Rasha Hatim
Date: 05-09-2006, 06:30 PM
Parent: #7
انا اول زولة لايماك يا تمبس,,, وقت مشيت عصرت فراشك بتاع "لا" داك يا ود امي وجاملتك بالبنية الحيلة,, لا شكرتني على المجاملة لا رديت لي,,, وهسي فراشي الليهو 100 ساعة داك يعني ما بتعصرو معاي مالك؟؟؟؟
كتر خيرك يا تمبس...
المهم, انا دة زاتو اول نص لي, يعني تسطيحة وما شايلة اي مفاتيح او توقعات.
|
Post: #10
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 07:29 PM
Parent: #8
| Quote: انا اول زولة لايماك يا تمبس |
عادي يا رشا ..
دي ( فقاعات ) برالمة ما بتمشي فينا
( البرلوم ) في مرحلة الاحتكاك بيكون حساس جدا
عشان كدا انا عافي ليك..حقي
باقي الحق العام
|
Post: #11
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 07:45 PM
Parent: #10
أتوقـــع:
أن يقوم كل من:
- almulaomar
- Mohamed Suleiman 
باستخدام برنامج .. محمدين اسحق الخاص بتحميل الصور..
وينزلو لينا
( نيجاتف ) ( لصورهم ) بحجم الباسبورت ..
*
تحميض النيجاتيف علي ..
واتوقع أنو:
Mohamed Suleiman
كان شاف البوست دا يجي تاني يكتب لي
cheap shoot
انا منتظرك يا بوحميد .. ومتوكل عليك يا الله في واحد يعني ح يشيل اكتر من رزقو
|
Post: #4
Title: Re: أتوقـــع..إبتسامة للنصف الثاني 2006
Author: سامي عبد الوهاب إدريس
Date: 05-09-2006, 10:17 AM
Parent: #1
تمبس
لك ألف تحية
أتوقع أن يكون الحال فييييييييييي حالو
مافي شئ إتغير
الكويسين حيكونوا كويسين
والمشكلجية في شكلم
وناس مايكروسوفت نضال في حالم ذاتو
والله يكضب الشينة
|
Post: #15
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 08:10 PM
Parent: #4
.
الله يكضب الشينة يا سامي ..
بس متوقع برضو ..
ارتفاع في مستوى الحوار ..
وارضا سلاح .. للفصايل المتعاركة في البورد ..
ونشهد حورارت عقلانية
مهما كانت عنيفة..
|
Post: #5
Title: Re: أتوقـــع..إبتسامة للنصف الثاني 2006
Author: ثابت محمد
Date: 05-09-2006, 02:53 PM
Parent: #1
في النصف الثاني من عام 2006
أتوقع أن ...
تتكشف القصـة المثيرة والغامضـة لهذه ( السفنجة ) العجيبة
ويتبين لنا هل هي السفنجة المقصودة أم تمّ إتهامها زوراً وبهتاناً
إنا هاهنا منتظرون
|
Post: #9
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 07:07 PM
Parent: #5
..
اتوقع:
أن يفتح ( بكري ابوبكر ).. 
( بوست سباق ) بين
معتز تروتسكي
و
محمد السر.. 
ملحوظة:
عجلة محمد السر .. مأجرة من بوست ( تيسير عووضة + كلمات متقاطعة ) ..
بينما ( دراجة ) تروتسكي .. اكزست
|
Post: #12
Title: Re: أتوقـــع..إبتسامة للنصف الثاني 2006
Author: معتز تروتسكى
Date: 05-09-2006, 07:54 PM
Parent: #9
تمبوسه ازيك..
قايتو انا ماعندى اتوقع جيت اسلم عليك وياها السنه الجديده بتاعت البورد بقت زى العيد ..
نظام العفو والعافية وكده..
بخصوص السباق .
اسمعنى قول لمحمد الايام دي اللياقه واقعه فى الواطه خلينى اخد لى كم جكه كده واكل باسطه وطحنيه واجيك. .
بس انت الارشفه لى اسى ماجات..قايتو شى حيرنى زى المنبر ده مافي. .
|
Post: #18
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 08:33 PM
Parent: #12
تروتو..
الله يسلمك ..
والبوست دا زاتو حق العفو والعافية .. مش احتمال تاني ما نتلاقى؟؟
ومحمد السر مختفي في معسكر مقفول ..
وح يجي يدخل معاك السباق دا بي ( عجلتين )
واحده ( فونكس دبل ) والتانية ( رالي عادية )
يعني ح تجي ( الطيش ) .. ح تجي ( الطيش )
|
Post: #19
Title: Re: أتوقـــع..إبتسامة للنصف الثاني 2006
Author: معتز تروتسكى
Date: 05-09-2006, 08:42 PM
Parent: #18
لالا تمبس
بنتلاقى وبكره الشوق يقربنا واشيلك خاطرا طيب واغنى الفرقه حراقه ..
خليهو لمن جيران فى الحله ساى بنتلاقى ..
ياحليلك تمبوسه..استفغرت يامالك روحي. .
طيب اسمعنى بعد البكا ده..
النشاكلك
الضحاكات وينها مالك مارسلتها لي مش الكلام ده بى عضمة لسانك فى بوست الابراج قلت كده ؟؟!!
من بقى فيها ضحاكات بقت تتزاوغ حالتو قلت البوست عاجبك..
اممممممممممممممممم. .
|
Post: #37
Title: Re: أتوقـــع..إبتسامة للنصف الثاني 2006
Author: tmbis
Date: 05-11-2006, 07:31 AM
Parent: #19
يا تروتو ..
تفاءل .. وتوقع ..
وكلما زاد التوقع .. زادت الكمية
انا بضمن ليك بعد سنة من الآن ..
كل حاجة .. وأي حاجة
|
Post: #13
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 08:01 PM
Parent: #9
..
فنيا:..
أتوقع أن يطلب .. ( هاشم نوريت ) في بوست منفصل ( مدحة ) لاولاد الزريبة..
.
.
وان تطلب ( بت الاحفاد ) من ( نهال كرار ) .. مقطوعة لـ ( بت هوفن )
بدون زعل يا بت الاحفاد ...
الله يستر...
وفي أمان الله..
|
Post: #14
Title: Re: أتوقـــع..إبتسامة للنصف الثاني 2006
Author: الخير محمد عوض
Date: 05-09-2006, 08:09 PM
Parent: #9
الحبيـب عـلاء
اتـوقع ان الدخـول للـصـفحـة الأولـى للمنتـدى سـيكون اكثـر
اغـراءا للغفـز لأرشـيف النصـف الاول للعـام 2006.
اتوقـع نفحات بوسـتاوية عـالية الجـودة من الأخـت ( رشـا حاتم)
التي ما ان ترى صـورة ابنتهـا الا وتدرك كم هـي طيـبة
اتوقـع، بل (اتمنى) عـودة الكثير من الأقلام المفـيدة
ودي المـعلوم
|
Post: #16
Title: Re: أتوقـــع..إبتسامة للنصف الثاني 2006
Author: القلب النابض
Date: 05-09-2006, 08:21 PM
Parent: #14
تمبس
سلام وبس
اتوقع سلام
|
Post: #38
Title: Re: أتوقـــع..إبتسامة للنصف الثاني 2006
Author: tmbis
Date: 05-11-2006, 07:38 AM
Parent: #16
..
يا قلب ..
سلام
و
سلالالالالالالالالالام
|
Post: #20
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 08:45 PM
Parent: #14
ابو الخيرات ..
وين يا ناسينا؟؟
.
من صميم توقعاتك ..
بتوقع معاك .. أن تقل عددية.. البوستات ( الخورية ) في الصفحة الأولى أو تنخفض بشكل ملحوظ..
..
وان تشكل رشا حاتم .. مع تيسير عووضة .. ثنائي بوستاتي يعيد نكهة بوستات ( بت قيم + شيري ) التي فقدها المنبر طويلا..
وبعدين البنية دي ( حاجزنها ) واطلع منها.. وخلينا من حركاتك بتاعت زمان ديك
..
واتوقع معاك عودة ( بت قضيم أو شيري ) ..
مع أنو حلم الجعان ( عيش )
|
Post: #46
Title: Re: أتوقـــع..إبتسامة للنصف الثاني 2006
Author: Rasha Hatim
Date: 05-12-2006, 04:43 PM
Parent: #14
Quote: اتوقـع نفحات بوسـتاوية عـالية الجـودة من الأخـت ( رشـا حاتم)
التي ما ان ترى صـورة ابنتهـا الا وتدرك كم هـي طيـبة |
انا اختك يا الخير, عاد لكن ما قصرت معاي تب,والله كان كنت جعلية كنت مديت يدي للقطع شدة ما
كلامك كيفني.
اسمع البت دي ما تغلى عليك, لكن اديناها للولد تمبس, اها غايتو يومين كدة بنزل ليك صورة
الصغيرة, كان عجبتك نديك ليها طوااااالي
|
Post: #49
Title: طلعي لي الخير بره التشكيلة
Author: tmbis
Date: 05-12-2006, 05:53 PM
Parent: #46
| Quote: اسمع البت دي ما تغلى عليك, لكن اديناها للولد تمبس |
يا رشـــا..
كان طلعتي لي الخير دا بره التشكيلة..
بتوقع أنو اموري تمشي تمــام.. المنافسين الباقين مقدور عليهم..
الخير دا من زمان من ما نحن في المتوسطة .. عامل لي ضيق
|
Post: #51
Title: Re: طلعي لي الخير بره التشكيلة
Author: Rasha Hatim
Date: 05-12-2006, 06:05 PM
Parent: #49
Quote: بتوقع أنو اموري تمشي تمــام.. المنافسين الباقين مقدور عليهم..
الخير دا من زمان من ما نحن في المتوسطة .. عامل لي ضيق |
للالالالالالا اصلو زول بنافسك في البت دي ماف, ارقد قفايا زول, انت هين والا لين كمان؟؟!!
بعدين المتوسطة دي كان "زمان وجبر", علي قول اهلنا المصريون, انت الهسي تعمل ابو الضيق للشباب
كلهم, اها رايك شنو؟
تخريمة:
لقيتني كيف في "الكوتات", عليك الله الدرس ما جاب فايدة؟
|
Post: #17
Title: Re: أتوقـــع..إبتسامة للنصف الثاني 2006
Author: tmbis
Date: 05-09-2006, 08:23 PM
Parent: #5
ثابت..
.
.
بعدما توصلت لـ تلاتة أرباع الحقيقة
أتوقع أنك تكون محظوظ جدا وتلامس عمق الحقيقة
بعد ان تتوفر ليك كل المعطيات .. والاحداثيات المساعدة..
وإذا كنت محظوظ اكتر..
تصلك ( فردة شمال ) بتوقيع من ست السفنجة.. ( من بلد المنشأ )
وسيرة ذاتية كاملة .. وتحليل من صفحتين عن نفسيات
الزول الجاب سيرة السفنجة
|
Post: #21
Title: Re: أتوقـــع..إبتسامة للنصف الثاني 2006
Author: bayan
Date: 05-09-2006, 10:07 PM
Parent: #17
تمبس سلام
اتوقع ان يثوب البورد الى رشده
ويعمل تنظيف ذاتي...
وبعض الشخصيات تحل من سمانا
كما اتوقع ان كل الشخصيات العندها اسمين
واحد للحب واحد للنبذ
او واحد للجن واحد للموضوعية..
يتكشف امرها..
كما كل الذين بلغن الاربعينات من النساء كافة
حيعلقوا صورهن رافعين شعار
ما فيش حد احسن من حد
نتوقع صورتي وصورة دومة..
المشاورات جارية
تكون وش بس ولا كاملة
عشان تظهر الهدوم (الدزاينر)
مع اني قلت لدومة نتصور لابسين هدومنا بالقلبة
عشان الماركة تظهر..
نشوف الموضوع حيرسى وين..
متوقعة
كم زول حيغير البروفايل لمتزوج..
ؤيث
|
Post: #22
Title: Re: أتوقـــع..إبتسامة للنصف الثاني 2006
Author: nour tawir
Date: 05-09-2006, 10:26 PM
Parent: #21
مساء الخير تمبس
كدا انت قول لينا الابتسامة دى تجى من وين وكيف؟
متفائلين..
ولكن....
|
Post: #40
Title: Re: أتوقـــع..إبتسامة للنصف الثاني 2006
Author: tmbis
Date: 05-11-2006, 08:06 AM
Parent: #22
مساء الورد يا استاذة نور ..
| Quote: كدا انت قول لينا الابتسامة دى تجى من وين وكيف؟ |
.
.
من أعماق الماساة .. تنبع الابتسامة ..
زيديها تقاؤل كمان ..
بكره جميل .. من غير لكن..
|
Post: #39
Title: Re: أتوقـــع..إبتسامة للنصف الثاني 2006
Author: tmbis
Date: 05-11-2006, 08:01 AM
Parent: #21
يادكتورة ( بيانات )
..
غايتو بالظعمطه الحاصلة دي ..
اتوقع طلبية عاجلة من (الكيبوردات ) ..
كرتونة ( مخسوسة ).. للكرمبا
..
..
|
Post: #23
Title: Re: أتوقـــع..إبتسامة للنصف الثاني 2006
Author: Isa
Date: 05-10-2006, 00:25 AM
Parent: #1
تمـبس؛ صباح الخـير؛؛
نمـرة واحد: أتوقـع إنك ما ح تلقى وكـت ترد على كـلامي دا..وبعـدين أتوقع إنو إنت (تاني) تجيب لينا هنا أغـاني جـديدة وجميلة ونادرة (لفنانين عديلين) مش لل Idols بتاعنكم!.. دي توقعات شخصية ليك في النصف التاني...
تعـرف،، عـندنا مشكلة في العـالم المنـظم دا،، إنو أوضاعو كلها، خاصة الإقتصادية بتتأثر بمختلف الأحـداث وبالذات السياسية،، وزي ما شايف مثلا أسعار البترول طارت في السما عشان ملف إيـران النووي قال! وبيني وبينك ديل بس السماسرة دايرين يستغلوا أي حاجة عـشان يرفعـوا بيها الأسعـار ويغـنوا زيادة.. لكن في السـودان مثلا ما أظن سـعر لتر البنزين زاد حاجة من لامن كان البرميل بأربعين دولار ولغاية ما وصل الآن 75,, المـهم: الخـبراء قالوا السنة دا إقتصاد أوربا بالذات ح يتعافى ويرجـع إلى مسـتوى سنة ألفين، لأنو من الزمـن داك وهو (هابط) لغاية نهاية السـنة الفاتت؛؛ أنا كمان داير أتفاءل معاهم، وأتـوقع للبورد برضو انتعاش وازدهار بوستي في الفترة الجاية يعيد له (أيضا) مـستوى ما قبل 2003!؛؛ أخـيرا: أتوقـع فـوز الأرجـنتين بكاس العالم الشـهر الجاي والبعـدو.. كل الود..
|
Post: #42
Title: Re: أتوقـــع..إبتسامة للنصف الثاني 2006
Author: tmbis
Date: 05-12-2006, 04:15 PM
Parent: #23
| Quote: أتوقـع فـوز الأرجـنتين بكاس العالم الشـهر الجاي والبعـدو.. |
ياعيسى..
انا كنت ماشي معاك كويس .. لكن جيت هبشتني في ( الكفر الحساس )
انا البرازيل دي ما برضى فيها ..
أقول ليك حاجة ؟؟
البرازيل دي ممكن تغلب الهلال ( زاتو )..
عشان كدا توقعك الاخير دهـ .. انا ما راضي بيهو..
| Quote: أسعار البترول طارت في السما |
بعدين البنزين هنا عندنا .. رقد ( طماطم في الموسم ) ابو الرخاء ..
يعني كان اجرت ليك عجلة .. ممكن تعبيها بنزين..
معاك في أنو البورد ح ينتعش .. والموسم البوستاتي يكون مشرف جدا .. وارضا سلاح لغوي ..
وتحت تحت كدا .. احتمال يكون في عرس الزين وكدا ..
..
ونمرة واحد:
ح تشوفني كتير جدا وارد ليك لمن تستغرب ..
يعني بتقصد ناس ( زرايرو الخمسة ) ما بنفعوا معاك؟؟
|
Post: #24
Title: Re: أتوقـــع..إبتسامة للنصف الثاني 2006
Author: قرشـــو
Date: 05-10-2006, 01:16 AM
Parent: #1
Quote:
تتوقعوا شنو ؟؟ ... |
دواس بس
وللطيش
|
Post: #25
Title: Re: أتوقـــع..إبتسامة للنصف الثاني 2006
Author: خدر
Date: 05-10-2006, 01:28 AM
Parent: #24
|
Post: #26
Title: Re: أتوقـــع..إبتسامة للنصف الثاني 2006
Author: زول ساكت
Date: 05-10-2006, 03:26 AM
Parent: #25
شوف ياخ
انا البيني وبينك لاقيها جيريو
كمينة طوب مابتحلك مني خلي لوري
|
Post: #48
Title: Re: أتوقـــع..إبتسامة للنصف الثاني 2006
Author: tmbis
Date: 05-12-2006, 05:34 PM
Parent: #26
| Quote: كمينة طوب مابتحلك مني خلي لوري |
اسمع يازول ..
.
.
غايتو بقفل ليك الحوش
ما تتوقع مني اكتر من مية طوبة.. وشوالين اسمنت
أنت قايل نفسك براك ( شريك )
|
Post: #47
Title: Re: أتوقـــع..إبتسامة للنصف الثاني 2006
Author: tmbis
Date: 05-12-2006, 04:48 PM
Parent: #25
أتوقع:
أن يقدم الفنان طارق أبوعبيدة بين قوسين ( خدر ) ..
أغنية.. من كلمات: العميد اركان حرب محمد حامد جمعة ..
ألحان: عمر الفاروق شيخ الدين..
توزيع: حميدة يــــــا عبد الرازق الطالب
أتوقع كذلك أنو الأغنية ح تكون ( عادية ) .. وما ( فوكة حاجة )
..
|
Post: #43
Title: Re: أتوقـــع..إبتسامة للنصف الثاني 2006
Author: tmbis
Date: 05-12-2006, 04:28 PM
Parent: #24
يا عمدة..
..
في تدجين حاصل لكن ..
مافي دواس مع التدجين..
بعدين العالم كلو نزع السلاح ...
|
Post: #27
Title: Re: أتوقـــع..إبتسامة للنصف الثاني 2006
Author: معتصم دفع الله
Date: 05-10-2006, 04:48 AM
Parent: #1
نتوقع شنو ؟
نتوقع شنو ؟
وبدون زعل ..
( بعد حكة الرأس )..
تغيير للسفنجات القديمة ..
واستجلاب سفنجات جديدة من ماركات عالمية ..
|
Post: #28
Title: Re: أتوقـــع..إبتسامة للنصف الثاني 2006
Author: Mohamed Abdelgaleel
Date: 05-10-2006, 08:54 AM
Parent: #27
Quote: تخاشنــا..
لكن..
كان بيننا حبل الود ممدود..
تعاركنــا..
في سبيل أن نصل للحد الفاصل بين الممكن والـ .....لا معقول..
|
أتوقع .. أتوقع .. أتوقع
- اجيب ليك صورتي تنزله لي .. وأطلع حلو ..
- وست الريد تستحق إسمها وتحن شوية
- يكون الكلام في البورد بمسؤولية ذاتية يلهمها الله لنا جميعاً .. فنكتب كلاماً يشرف أولادنا لما نموت وتبقى ذكرى حسنة لنا أجرها وأجر من إستفاد منها إلى أن تقوم الساعة.
|
Post: #52
Title: صورتك الخايف عليها..
Author: tmbis
Date: 05-12-2006, 06:11 PM
Parent: #28
يا
محمد عبد الجليل..
- ح تطلع حلو خالص ودي علي ضمانتي ..
- ست الريد .. ( المشتهي الحنيطير يطير ).. هي ذاته بقت شينة..
- ده الكلام المليان .. والمتوقعنو..
اسرع لينا بالصورة
|
Post: #50
Title: موووووو..
Author: tmbis
Date: 05-12-2006, 06:03 PM
Parent: #27
يا ابو الدفاع..
الموضوع دا طلع من يدي ..
اتوقع أنو الجهــات المعنية ..
تجي تشيل سفنجاته دي...
يا كمان تريح لينا ود الناس دا
|
Post: #29
Title: Re: أتوقـــع..إبتسامة للنصف الثاني 2006
Author: عمر الفاروق
Date: 05-10-2006, 09:08 AM
Parent: #1
اتوقع مع بداية هذا النصف ان نتمكن من مشاهدة المباراة النهائية بين برشلونة وارسنال في قهوة فيرست كلاس وليست من تلك التي يتم فيها نسيان الأشياء ولا يوجد بها ريموت ..
وكم كم اتمنى أن اشرب في هذا المقهى شاي من الماركات المعروفة يعني من ليبتون وانت طالع ..
تمبس من أسة انا مع الصُفُر ..
|
Post: #53
Title: يا عمــــر ...
Author: tmbis
Date: 05-12-2006, 06:24 PM
Parent: #29
يا عمر ..
| Quote: الأشياء ولا يوجد بها ريموت .. |
..
أتوقع أنو الجماعة ديل .. بدل الريموتات يجيبو لينا ..( بنابر )
..
| Quote: من ليبتون وانت طالع |
طيب ما تريحهم وشيل شاهيك معاك..
بتوقع ..
أنو الزول اللقيناهو المرة الفاتت يجي ويجيب معاهو ( رادي بشتغل بحجار بطارية )
|
Post: #30
Title: Re: أتوقـــع..إبتسامة للنصف الثاني 2006
Author: طارق عبد اللطيف نقد
Date: 05-10-2006, 01:42 PM
Parent: #1
تامبا سلامات
وكل سنة والجميع بخير
اتوقع ترجع الناس حلوة ذي اول
واتوقع تقل بوستات الخور
لأن الناس بتكون استفادت من تجاربها السابقة
وتكون اكتشفت ان المهاترات بتنقص ما بتزيد
من شخصية الانسان
وبتوقع يتلموا بورداب الرياض ويرجعوا ذي
اول واحلى
وانا متفائل ومبتسم
ومتصالح مع الفكرة رغم كل شيء
|
Post: #31
Title: Re: أتوقـــع..إبتسامة للنصف الثاني 2006
Author: Muna Khugali
Date: 05-10-2006, 04:48 PM
Parent: #30
| Quote: أتوقـــع..إبتسامة للنصف الثاني 2006 |
وأنـا كمان ياتمبس...
كـل أرشـفـة وانت طـيب...
مـني
|
Post: #32
Title: Re: أتوقـــع..إبتسامة للنصف الثاني 2006
Author: عمران حسن صالح
Date: 05-11-2006, 05:00 AM
Parent: #31
أتوقع أسوي لي كمبيوتر ( زي الرجال) بعد كل هذه الغربة ...
وبعد ما خلاص (البنيات) كملن الجامعات ( وسون ليهن رجال) ...
وحنوفر شوية ريالات من التي تقطع البحر دون رجعة ..
عندها سأنشر إبتسامتي هنا معلناً تواجدي مع أخواتي واخواني بهذا الحوش الفلتة
|
Post: #57
Title: ياعمران .. عملت لي شنو؟؟
Author: tmbis
Date: 05-12-2006, 06:59 PM
Parent: #32
يا عمران.
| Quote: أسوي لي كمبيوتر ( زي الرجال) |
أنت حسع متحسس مالك .. ما عندك كاميرا رجال كتار ما عندهم
..
| Quote: وحنوفر شوية ريالات من التي تقطع البحر دون رجعة |
توقع ...كضاااااب
..
أتوقع:
أنك..
تنزل بوست تطلب فيهو عضوية لي .. ( حمودي)..
حمودي عشان تحجز بيهو عضوية .. وتواصل أنت مشروعك بتاع ( الريالات دا )
فكر في الموضوع ده بشكل جادي ..
|
Post: #56
Title: لحظة من فضلك ... يا منى
Author: tmbis
Date: 05-12-2006, 06:44 PM
Parent: #31
منى العزيزة..
.
وانت بالف خير ..
وبعدما روعتي ..
أتوقع:
دائما بوستاتك .. ملتقى للاحبة ..
وعامرة بحب الجميع ليك ..
وانا أولهم
|
Post: #54
Title: أبو الطاء
Author: tmbis
Date: 05-12-2006, 06:33 PM
Parent: #30
طارق نقد
كيفك يا جميل ..
..
وانت يالف خير..
انــا متفال معاك .. لكن توقعاتي بالنسبة لي كلامك الحلو دا بديها
خمسطاشر في المية جوة المنبر ..
وخمسة برهـ المنبر..
.
انا متصالح اكتر منك مع الفكرة دي ..
بس البقنع لي .. الديك منو؟؟
|
Post: #33
Title: Re: أتوقـــع..إبتسامة للنصف الثاني 2006
Author: حمزاوي
Date: 05-11-2006, 05:15 AM
Parent: #1
اتوقع ان نقيم حفل زواج
للابناء علاء تمبس ومعتصم دفع الله
حنرقص يومداك جنس رقيص
صدقني إلا نخلي عمود الكهربا كمان يرقص معانا
|
Post: #34
Title: Re: أتوقـــع..إبتسامة للنصف الثاني 2006
Author: Sidig Rahama Elnour
Date: 05-11-2006, 05:45 AM
Parent: #33
Quote: أتوقع أسوي لي كمبيوتر ( زي الرجال) بعد كل هذه الغربة ...
وبعد ما خلاص (البنيات) كملن الجامعات ( وسون ليهن رجال) ...
وحنوفر شوية ريالات من التي تقطع البحر دون رجعة ..
عندها سأنشر إبتسامتي هنا معلناً تواجدي مع أخواتي واخواني بهذا الحوش الفلتة |
Quote: نتوقع شنو ؟
نتوقع شنو ؟
وبدون زعل ..
( بعد حكة الرأس )..
تغيير للسفنجات القديمة ..
واستجلاب سفنجات جديدة من ماركات عالمية .. |
Quote: اتوقع مع بداية هذا النصف ان نتمكن من مشاهدة المباراة النهائية بين برشلونة وارسنال في قهوة فيرست كلاس وليست من تلك التي يتم فيها نسيان الأشياء ولا يوجد بها ريموت ..
وكم كم اتمنى أن اشرب في هذا المقهى شاي من الماركات المعروفة يعني من ليبتون وانت طالع ..
تمبس من أسة انا مع الصُفُر .. |
كل آناء بما فيه ينضح
|
Post: #35
Title: Re: أتوقـــع..إبتسامة للنصف الثاني 2006
Author: اساسي
Date: 05-11-2006, 05:50 AM
Parent: #34
اتوقع ان تكون تراجي ممثلة جبهة تحرير كونامي في دول البلطيق
اتوقع احتراف احد المناضلين بيع الترمس والكب كب كبي
|
Post: #36
Title: Re: أتوقـــع..إبتسامة للنصف الثاني 2006
Author: tmbis
Date: 05-11-2006, 07:18 AM
Parent: #35
|
Post: #41
Title: Re: أتوقـــع..إبتسامة للنصف الثاني 2006
Author: ajaj
Date: 05-11-2006, 08:14 AM
Parent: #36
تامبا سلام
اتوقع ان نعود ابناء الوطن الواحد كما عشنا ....لا يفرقنا سوي بعض الاشياء تتعلق بالشخصية ....لا لون لا جنس لا عرق يفرقنا
|
Post: #65
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 07:13 PM
Parent: #41
يا بت
عجـــاج ..
أتوقع .. أنو المسالة دي أحتمال تتم برهـ سودانيز أون لاين .. ودا برضو احتمال ضعيف
ما تشاؤم .. لكن دا الوضع بيقول كدا ..
.
.
| Quote: لا لون لا جنس لا عرق يفرقنا |
يعني قصدك شنو؟؟
عايزه تقفلي لينا البورد دا؟؟
رسلت ليك ( باقة )* .. وصلتك ؟؟
* ( الباقة ) باقة زيت ( خروع ) .. ما تقومي كمان تفتكريها باقة ( ورد )
|
Post: #45
Title: Re: أتوقـــع..إبتسامة للنصف الثاني 2006
Author: Rasha Hatim
Date: 05-12-2006, 04:36 PM
Parent: #36
تمبس يا عسل
اتوقع انك تبدا تحوش للمهر من هسي, عشان البنية اديتا ليك تب,يعني ح تمشي لاغلى منك؟؟؟ والله ما تقول حاجة
|
Post: #66
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 07:28 PM
Parent: #45
| Quote: اتوقع انك تبدا من هسي, عشان البنية اديتا ليك تب |
.
يا رشــا ..
أتوقــع:
أنو اديها ليك ( شاكوش ) في اقرب ( ملف ) ..
انا ما قلت ليك بلاوووز .. من حركات النسيبات البضربو جرس الانذار المبكر دا
عايزه تخوفينا من حسع يعني والا شنو؟؟
|
Post: #68
Title: Re: أتوقـــع..إبتسامة للنصف الثاني 2006
Author: Rasha Hatim
Date: 05-14-2006, 07:57 PM
Parent: #66
| Quote: أنو اديها ليك ( شاكوش ) في اقرب ( ملف ) .. |
اهااااا, دة الغلط زااااتو, خلي بالك انت الشواكيش دى ما كتييييرة عندك, داير تصرف منها لبتي
كمان؟؟؟ عيب السواد وخجلة الرماد, دة انت الشتت عشانك خطاب ليهم صولات وجولات؟؟ اصبر يا تمبس,,
باردو ليك الشاكوش دة. بس جهز مسمارك للخبطي
|
Post: #70
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 08:09 PM
Parent: #68
Quote: اهااااا, دة الغلط زااااتو, خلي بالك انت الشواكيش دى ما كتييييرة عندك, داير تصرف منها لبتي
كمان؟؟؟ عيب السواد وخجلة الرماد, |
يا رشا ..
ولا يهمك ..
بتوقع :
اني اديها ( شاكوشة ) في ايدهـ .. وهي تتصرف
إن شاء الله تكسرني زاتوو
|
Post: #62
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 12:46 PM
Parent: #35
| Quote: اتوقع ان تكون تراجي ممثلة جبهة تحرير كونامي في دول البلطيق |
اساسي ..
..
يا راااااااااجل
|
Post: #61
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 12:37 PM
Parent: #34
| Quote: كل آناء بما فيه ينضح |
.
.
أتوقع أنو ما ينضح زاتوو...
|
Post: #60
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 12:29 PM
Parent: #33
أبو النسب حمزاوي ..
.
أنا غايتو بتوقع معاك أنو ( تعملو حفلة لي عمود الكهرباء )
.
.
أنا بجي برقص معاكم
|
Post: #67
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 07:42 PM
Parent: #60
أتوقــع شديد جدا:
أن يكتشف عبد الرازق الطالب ومن خلال مصاحبته لناس ( القوقل ) أن يلقي ليهو مقال يا صورة ، يا ( كرمبا ) .. لافحة كوزتاوي من أي مكان
ويقوم عبد الرازق
يزرزرت كوزتاوي في بوست لمن يعرف حاجة
بلاي شعورك ح يكون شنو
يا
مارشال
|
Post: #44
Title: Re: أتوقـــع..إبتسامة للنصف الثاني 2006
Author: bushra suleiman
Date: 05-12-2006, 04:33 PM
Parent: #1
تامبا سلامات..
اتوقع ان تصدر الامم المتحدة القرار
أخاف أن اتخد القرارِِِِْ..
وأن اقول للتي أحبها *أحبك*
في واضح النهارِِْ..
فيُرفع الفيتو على مشاعري
ويُشطب القرارْ..
***
لا تبعثي رسائلا فإننـي أخــافْ
على شحوب متعب في أوجه الأظرافْ
و من مدادك الذي يـدوخ الغـلافْ
ترتجف من حبرك الرسائل ارتجافْ...
يجيئ هولاكو هـنا..ببزة حديـثه
يقـول أن حـبرك ..جرثومة خبيثه.
***
أخاف أن أغازل
الكحل الذي يذوب في الأهدابْ..
مستشهدا في عتبة الأبوابْ...
أخاف أن يصادرَ
لأنـه قد نظّـرَ لمنطق الفداءِ
أو ثقافة الارهابْ.
***
لا تبدأ الرسالة ..
باسم الإله حامدة..
فالله يعني عندهم :
(( زعيم حزب القاعدة ))
***
أخاف ان اًُعبّر
عن روعة العينينْ
عن اللذين
لخصا الزمانْ ..
وأخرجا اللون من الألوانْ
وكسرا الجدارْ...
وأسقطا السماء من بروجها
وغيرا الأقدارْ..
أخاف -ان فعلتُ-
أن يدعيَ التتارْ
بأن عينيك هما أسلحة الدمار ْ
ويعلنوا عليك يا حبيبتي ..الحصارْ...
أحمد الحريشي - طنجة/المغرب
|
Post: #55
Title: Re: أتوقـــع..إبتسامة للنصف الثاني 2006
Author: الواثق تاج السر عبدالله
Date: 05-12-2006, 06:34 PM
Parent: #44
العزيز تمبس ...
لقد بدء النصف الثانى 2006 بأبتسامة...
ويالها من ابتسامة...
انها ابتسامة العمر...
لك كل الابتسامات ...
|
Post: #58
Title: Re: أتوقـــع..إبتسامة للنصف الثاني 2006
Author: عاصم الطيب قرشى
Date: 05-12-2006, 07:59 PM
Parent: #55
سلام يا تمبس
لك وحشة ليالي الشتاء.
لقد تأرشف النصف الاول بحلوه ومره.
بقليل من التفاؤل أحس بأن المنبر الآن فى النصف الحلو.
|
Post: #59
Title: Re: أتوقـــع..إبتسامة للنصف الثاني 2006
Author: عمران حسن صالح
Date: 05-13-2006, 03:45 AM
Parent: #58
الحبيب تمبس
ياخي قول ( آميييييييييين) !!!!!!!
صديقي / صديق رحمة
| Quote: كل آناء بما فيه ينضح |
إنت ما عندك شي تنضح بيهو
|
Post: #63
Title: Re: أتوقـــع..إبتسامة للنصف الثاني 2006
Author: الطيب شيقوق
Date: 05-14-2006, 01:23 PM
Parent: #59
وينك يا اخي تمبس يا عظيم
نفتش ليك من باب الى باب لمعرفة اخبارك شنو عملت مع ناسي ديلك اتصلوا فيك ؟
اخبار حميدة مقطوعة شديد وتحياتي الحارة للاخ طلال طويل البال ولو امكن لساطور العظيم.
دمتم
الطيب شيقوق
مسقط
سوق الاوراق المالية
|
Post: #69
Title: Re: أتوقـــع..إبتسامة للنصف الثاني 2006
Author: tmbis
Date: 05-14-2006, 08:04 PM
Parent: #44
الوجيه . بشرى سليمان
يا مليون سلام
أتوقع :
أني اشوفك بي عيوني ديل .. دي خليها علي جمب كدا ..
وبعدين
صاحبك الاستاذ .. لي منو سنين .. وبخاف ( اسال عليهو الناس )
..
.
عندك لي حاجة جديدة .. والا اشيل حاجات أحمد الحريشي الجميلة دي ..
واكتفي ..
|
Post: #71
Title: Re: أتوقـــع..إبتسامة للنصف الثاني 2006
Author: ajaj
Date: 05-17-2006, 06:32 AM
Parent: #64
up
|
Post: #72
Title: Re: أتوقـــع..إبتسامة للنصف الثاني 2006
Author: سيد محمد احمد سيدنا
Date: 05-17-2006, 07:35 AM
Parent: #1
الاخ العزيز علاء منصور
الزول السمح الفات الناس بقدوا
عرفتك فتره قليله بالزمن لكنها كبيره فى نفسى وكلها الفه
وفقك الله دوما لترى الدنيا بيضاء ناصعه كمداخل روحك الجميله
غيرت وجهة نظر اطفالى وانت تتحرك بكل رشاقه مبتسما فى حفل البورداب
امنايتنا تستمر البسمات المضيئه على شفاه كل الاحباب بعد جمع الشمل قريبا0
تحياتــــــــــــى
ســـــــــــــــيد
|
Post: #73
Title: Re: أتوقـــع..إبتسامة للنصف الثاني 2006
Author: ajaj
Date: 05-17-2006, 09:46 AM
Parent: #72
باقتك نصها ادفق في الاسفير والوصلني مليان حصحاص قالو لاقتو عجاج في السكة
رسل واحدة تانية وياحبذا لو كان سمسم النفرشو في سوق الاربع بتاع الحاجات الطبيعية ونكسب.... انت عارف لو اشتغلنا كدة حنبقي اغني من شوماخر.. 100ml من زيت السمسم بيعادل اكتر من ستة الف جنيه سوداني شوف لو رسلت 10 ارطال
وكمان الدخن الكليو اكتر من 15 الف جنيه ...مالك خلتنا نحلم ونتوقع فوز فرنسا بكأس العالم....
|
Post: #74
Title: Re: أتوقـــع..إبتسامة للنصف الثاني 2006
Author: tmbis
Date: 05-20-2006, 11:44 AM
Parent: #73
أتوقـــع:
زيادة ملحوظة .. في النضارات الشمسية .. ( ورقاع - القراصنة السوداء )
وارتفاع اسعارهــا حول العالم .. مــا أن تواجد البورداب
ذلك للارتفاع الملحوظ في:
عدد .. ( العووور ) والناس البقولو للواحد أنت اعور في عينو .. حتى ولو كانت ( عوررا )
..
اتمنى أنو البقول للواحد ( اعور ) .. يجيب ليهو معاهو عدسات ( لاصقة ) ويحاسبو علي سعره طوالي.
|
Post: #75
Title: Re: أتوقـــع..إبتسامة للنصف الثاني 2006
Author: Tumadir
Date: 05-20-2006, 11:49 AM
Parent: #74
الليلة يادووووووب نحن ابتسمنا هنا فى البيت
تعال لينا يا تمبس فى بوست السمحين متخرجين
وجيب لينا معاك غنوة سمحة لسيرين وقصى
|
|
