Post: #1
Title: هاردلك المؤتمر الوطنى
Author: محمد حامد جمعه
Date: 05-12-2005, 11:11 AM
في الساعات الأولى (5.30 ص) من صباح اليوم الخميس 12/5/2005 عملية فرز أصوات الناخبين الذين أدلوا بأصواتهم في انتخابات اتحاد طلاب جامعة الخرطوم. وأسفرت الانتخابات عن فوز قائمة تحالف القوى الوطنية المكون من 11 تنظيماً هي الجبهة الديمقراطية، والاتحاديين الديمقراطيين (تنظيمين)، والامة، والجبهة الوطنية الافريقية، والمستقلين، وحق (تنظيمين)، والناصريين، والبعثيين، والجبهة الشعبية المتحدة لطلاب دارفور،
.... يا جماعة مبروك عليكم .... وهاردلك للمؤتمر الوطنى ...
|
Post: #2
Title: Re: هاردلك المؤتمر الوطنى
Author: ثروت سوار الدهب
Date: 05-12-2005, 11:17 AM
Parent: #1
شكرا لشعور الطيب يا اللخو
لكن يا الخو اقولك قوله و ما تزعل مني
تزوير في جامعة الخرطوم تاني مافي.
اها ارقد عافية
|
Post: #3
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:17 AM
Parent: #1
وبالمناسبة الدورة القادمة برضو حتفوزو ويمكن البعدها .....
|
Post: #6
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:20 AM
Parent: #3
سوار الدهب :
تزوير شنو .... دى هينة ابقو رقاق فى الكبيرة ....
|
Post: #4
Title: Re: هاردلك المؤتمر الوطنى
Author: Salwa Seyam
Date: 05-12-2005, 11:19 AM
Parent: #1
YOU ARE RIGHT, IS JUST MATTER OF HARD LUCK
|
Post: #7
Title: Re: هاردلك المؤتمر الوطنى
Author: ثروت سوار الدهب
Date: 05-12-2005, 11:21 AM
Parent: #4
امانة الديمقراطية مو سمحة يا اللخو.
|
Post: #5
Title: Re: هاردلك المؤتمر الوطنى
Author: Frankly
Date: 05-12-2005, 11:20 AM
Parent: #1
وفريق المؤتمر الوطني دا اللاعب فيهو منو
أوّعَ يكون حارس المرمى بس ضد 11 لاعب
لكن برضو هاردلك للفريق المهزوم
ولو الموضوع سياسة أنا ما لي دخل بيها
فرانكلي
|
Post: #9
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:24 AM
Parent: #5
Frankly
بالله شوف قائمة التحالف دى ( 11 ) تنظيم ضدنا يا مفترين ...... دا المؤتمر الوطنى ولا الترجى التونسى
|
Post: #8
Title: Re: هاردلك المؤتمر الوطنى
Author: saif khalil
Date: 05-12-2005, 11:22 AM
Parent: #1
Quote:
وبالمناسبة الدورة القادمة برضو حتفوزو ويمكن البعدها ..... |
ود حامد
تحياتي
ان شاء الله من خشمك ولي الله...احييك علي الروح الرياضية..وهارد لك..الجاتك في مالك سامحتك..
|
Post: #10
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:26 AM
Parent: #8
ابو خليل :
لكن اسمع انتو حق دى مش قلتو حتتلمو سوا ... شنو وهمة الجناحين اللاعبين لينا بيهم ديل ... !
|
Post: #11
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:29 AM
Parent: #10
والاتحاديين الديمقراطيين (تنظيمين)
ديل هيئة ولا مرجعيات ولا اصلاح ومؤسسية ولا شنو عشان نعرف نرسل برقية تهنئة دقيقة فى العنوان .
|
Post: #25
Title: Re: هاردلك المؤتمر الوطنى
Author: هشام مدنى
Date: 05-12-2005, 01:14 PM
Parent: #11
المعذرة
|
Post: #12
Title: Re: هاردلك المؤتمر الوطنى
Author: ثروت سوار الدهب
Date: 05-12-2005, 11:32 AM
Parent: #8
الاخ فرانكلي سلامات
Quote: وفريق المؤتمر الوطني دا اللاعب فيهو منو
أوّعَ يكون حارس المرمى بس ضد 11 لاعب |
الدورة السابقة للاتحاد كان موجود فيها سبعة تنظيمات و الاسبق ثمانية. الشاهد ان هناك تمثيل موفق لكل القوى الموجودة داخل الجامعة يعكس حجمها و و وجودها. و التالحف يجمع في حده الادنى قوى ساعية لاسترداد الديمقراطية في المجري العام السوداني. و اخيرا انها قوى ضد مجموعات مهوسة موسوسة يتلخص برامجها في مراجعة اطوال فساتين البنات!!.
و المعسكر المهزوم يحوي كثير من تنظيمات امراء الظلام بشتي نحلهم.
لك الود
|
Post: #13
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:35 AM
Parent: #12
و المعسكر المهزوم يحوي كثير من تنظيمات امراء الظلام بشتي نحلهم.
والله اعلى واجل
|
Post: #14
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 11:39 AM
Parent: #13
النتيجة حقيقة تقبلها المؤتمر الوطنى والاسلاميين بروح عالية و(اكلناها ) ... وبنقول مبروك للاولاد بتاعين التحالف ديل ... والله جدعان ....
|
Post: #15
Title: Re: هاردلك المؤتمر الوطنى
Author: خالد عويس
Date: 05-12-2005, 11:58 AM
Parent: #14
الأخ جمعة
عقبال ما (تاكلوا) بتاعة السلطة كمان !!
|
Post: #16
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 12:03 PM
Parent: #15
خالد عويس
ايها (الحبيب ) طبت وطاب بك هذا المساء والذى اظنه عليكم جميلا ...
نحن قوم قد رزءنا صبرنا واذا صبرنا بصرنا ...
واما اكل الثانية فلا ارى فيها حرجا واهلنا قالو ام جركم ما بتاكل خريفين رغم انو فى السودان ام جراكم بياكلو اربعون خريفا ويزيد ... خاصة فى الاحزاب
|
Post: #17
Title: Re: هاردلك المؤتمر الوطنى
Author: ثروت سوار الدهب
Date: 05-12-2005, 12:15 PM
Parent: #15
يا اللخو
الجناحين بتاعين (حق) دا ما اللعب الصاح. حقو تجيبو الجناحين حقاتكم المرة الجاية.
شفت العكسات دي كيف.
|
Post: #18
Title: Re: هاردلك المؤتمر الوطنى
Author: خالد عويس
Date: 05-12-2005, 12:23 PM
Parent: #17
الأخ جمعة..
كنت متابعا عن كثب انتخابات جامعة الخرطوم لأهميتها و"لارتباطي" الوجداني بهذه الجامعة وانتخاباتها وحراكها السياسي. وعموما هي "مؤشر" مهم للأحوال السياسية في الوطن عموما. ومن ضمن المؤشرات المهمة التي أرغب في رصدها ودراستها "خطاب الإسلاميين" في جامعة الخرطوم وسواها. فلعقد ونصف من الزمان، مارس الإسلاميون في الجامعات مسنودين بأجهزة الأمن بطشا غير مسبوق بزملائهم، كما لجأوا للتزوير والاعلاء من شأن خطاب "الارهاب" بأنواعه كافة. وسيكون جديرا بالمباركة تحول هذا الخطاب المتشنج لآخر عقلاني يقبل الآخر ولا يعتبر نفسه مرسلا من السماء. في هذه الحال، يجدر بنا - بكل العقلاء في مختلف التنظيمات - أن تستشرف واقعا سياسيا جديدا في السودان مؤداه بروز دماء جديدة في كل أحزابنا أكثر عقلانية وأقل حدة وأكثر استجابة لشروط الحوار.
للمناسبة، ماذا عن حورانا "المؤجل" ؟
|
Post: #29
Title: Re: هاردلك المؤتمر الوطنى
Author: khallo
Date: 05-12-2005, 01:40 PM
Parent: #15
الاخ خالد سلام الله
كيف الحال ... الدروب فرقتنا
الدخول في الاستثناء يستحق الاستثناء
ايمكن لهذا السودان ان يعود الي وضع اتزان وتوازن طبيعي
.... ليس المهم ان نكتب فقط ولكن الضرورة تفرض ان نكون بقدر من المسؤلية لاحترام الاخر وان نشارك رغم اختلافاتنا لبناء سودان ليس عبر فرض الخيارات الصعبة ولكن عبر التنافس الشريف بغض النظر عن ما يكيده الاخرين بوعي او بغيره
لماذا تحالف هؤلاء ولماذا تحالفت الانقاذ مع الحركه !!! المصلحه وكل بليلاه
لعبه التحالفات السياسية ولامن مزايد ولكن السودان امره بدع في سنن الانقاذ . شرذمت فتشرذمت وانبتت لنفسها الافاعي
ما الداعي ان يفرض مثل هذا التحالف
الاخ خالد الوقت كثيرا ما يكون غاليا
....
والله الملخبطني يا خالد ايحق لي ان اثق في الجبهة والجبهويون علي اختلافهم , هل يشعرون بالمهانه في ذلك ام هي لعبتهم ولا يضير
تحياتي
ادم جمعه
|
Post: #19
Title: Re: هاردلك المؤتمر الوطنى
Author: Tragie Mustafa
Date: 05-12-2005, 12:26 PM
Parent: #1
محمد حامد
حمدالله على السلامه
لك حوالى الاسبوع ماظاهر
حسه عرفنا كنت وين
اتاريك كنت فى مهمه(امنيه) انتخابيه
كان فى عونهم الطلاب
لسه بيحصل استنفار للامن فى انتخاباتهم.
تراجى.
|
Post: #20
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 12:30 PM
Parent: #19
خالد عويس :
حوارنا امل ان يتواصل .....
تراجى :
سلامة النظر ! ... قلت لى كنت فى مهمة فى انتخابات الجامعة ... اوعى تكون فى طبعة جديدة لرواية قديمة لا تزال فى الاسواق
|
Post: #21
Title: Re: هاردلك المؤتمر الوطنى
Author: luai
Date: 05-12-2005, 12:33 PM
Parent: #20
محمد حامد تحياتي ...
وهاردلك ايضا للمؤتمر الوطني ..
فقط اتمنى ان يهتم الاتحاد بقضايا الطلاب الحقيقية ...
والتي برع فيها الاخوة المهزومين سابقا ...
وان لا تنتهي الدورة ...الا بشعارات تملأ الجدران ..
|
Post: #22
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 12:41 PM
Parent: #21
ابو الدهب - بتاع المنبر مش بتاع الجزيرة ابا - قلت
حقو تجيبو الجناحين حقاتكم المرة الجاية.
بكره الثكلى بيقوم وهو انت هسة الجناح الليبرالى الحاكم دا شابكنو ضلامى وامير ظلام يجوكم الجماعة ديك ... دا ما الليل ارخى على سدوله زاتو .... لكن برضو فكرة
|
Post: #23
Title: Re: هاردلك المؤتمر الوطنى
Author: ثروت سوار الدهب
Date: 05-12-2005, 12:53 PM
Parent: #22
اللبرالية الهاملة بقي ناسكم لبرالين اخر زمن
يا اخوي كلكم ضلمة ما فارقة كتير.
|
Post: #24
Title: Re: هاردلك المؤتمر الوطنى
Author: lana mahdi
Date: 05-12-2005, 01:01 PM
Parent: #1
الحبيب محمد
عقبال تبارك لينا في الكبيرة
احيي روحك الرياضية
|
Post: #28
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 01:38 PM
Parent: #24
لنا مهدى
كيف لكن والامام راكب بساط الريح !
وعرس ما فيهو الصادق .... ناقص
|
Post: #26
Title: Re: هاردلك المؤتمر الوطنى
Author: هشام مدنى
Date: 05-12-2005, 01:24 PM
Parent: #1
Quote: والاتحاديين الديمقراطيين (تنظيمين)
ديل هيئة ولا مرجعيات ولا اصلاح ومؤسسية ولا شنو عشان نعرف نرسل برقية تهنئة دقيقة فى العنوان
|
الاخ محمد حامد جمعه
تحيه طيبه
ما فى مشكلة فى النهاية ابناء الحركة الوطنية تربوا على الديمقراطية
واحترموها ما تامروا عليها يبقى الخلاف بينهم امر صحى وطبيعى وبرضوا اتحاديين.
الدور والباقى على الانشقوا وما كده وبس وكمان تانى انشقوا ورفعوا السلاح
فى وجه من اختلف معهم فى القسمة ...........
ترى يعرفوا حاجه اسمها ديمقراطية ولا حقوق انسان ولا حرية واحترام الراى الاخر
والبيتوا مــــــــــن........
ولا رايك شنو؟
مع تحياتى
|
Post: #27
Title: Re: هاردلك المؤتمر الوطنى
Author: عمر ادريس محمد
Date: 05-12-2005, 01:30 PM
Parent: #1
| Quote: ام جركم ما بتاكل خريفين |
سعادتك
ده تعدى صارخ على حقوق الملكيه الفكريه
عندما اوردت هذا المثل فى بوست قديم لم اكن اقصد الجراده...فى حالة كونها مؤتمر وطنى
رجاء مراعات الدقه فى النقل او الاشاره على الاقل للمصدر.
|
Post: #30
Title: Re: هاردلك المؤتمر الوطنى
Author: Abdelrahman Elegeil
Date: 05-12-2005, 01:41 PM
Parent: #27
بسم الله الرحمن الرحيم
الله أكبر و لله الحمد
ألف ألف مبروك للطلاب لقائمة الحرية و الديمقراطية ، بفوزهم باتحاد طلاب جامعة الخرطوم للمره الثالثه على التوالى ، و نسأل الله أن يكون الكنس قريباً للجماعه أياهم و على أيدينا حتى تعود شمس الحرية فى بلادنا و يبقى الوطن للجميع
|
Post: #49
Title: Re: هاردلك المؤتمر الوطنى
Author: محمد حامد جمعه
Date: 05-14-2005, 03:12 AM
Parent: #30
و نسأل الله أن يكون الكنس قريباً للجماعه أياهم و على أيدينا
Abdelrahman Elegeil
اوعى يكون الكنس دا زى قصة ازالة اثار مايو .... قالو لقو فى مجلس الشعب (25 ) عمود قالو دى اشارة ليوم الانقلاب قامو كسروا منها كم عمود وخلاص كدا مايو اتكنست ....
|
Post: #31
Title: Re: هاردلك المؤتمر الوطنى
Author: saif khalil
Date: 05-12-2005, 01:42 PM
Parent: #1
ود حامد
شكيتك علي الله..حق دي شنو الشبكتني فيها دي..كان كدي يا خوي انت لا بتاع امن ولا حاجة..خامي الناس سكت..كدي وكدني سمح وتعال..
|
Post: #32
Title: Re: هاردلك المؤتمر الوطنى
Author: محمد حامد جمعه
Date: 05-12-2005, 01:50 PM
Parent: #31
ابو خليل
انت لاعب معاى باك قشاش ولا شنو ...
المهم لو طلعت ما ( حق ) حقك علينا
|
Post: #33
Title: Re: هاردلك المؤتمر الوطنى
Author: saif khalil
Date: 05-12-2005, 03:46 PM
Parent: #1
ود حامد
تحياتي
انت في البوست بتاع مولانا ..خيرتني..ما بين لئيم وظريف..عشان انا زول كويس..اقول انت ظريف..رغم ..المساخة الرديت بيها..
يا خوي انا باك حكومة ..لصقتي في جناحي دا..لو مدربو طلعو برة..بمشي بفج الاحتياطي وبقعد جنبو..
انت يا خوي الجماعة ديل ..ختوك لينا زي الثعلب..قالو لمن ما قدر يدخل بيت الجداد..لقي ليهو قد..دخل ضنبو وقعد يلولحو..والجداد..كاك ..كاك للصباح..شغال معانا بطريقة ..الجداد سهرو ولا نومو..
وبعدين ..حكاية خق دي ..ابحثا..وانا راجيك
مودتي
|
Post: #34
Title: Re: هاردلك المؤتمر الوطنى
Author: ahmed babikir
Date: 05-12-2005, 07:39 PM
Parent: #33
Quote: محمد حامد تحياتي ...
وهاردلك ايضا للمؤتمر الوطني ..
فقط اتمنى ان يهتم الاتحاد بقضايا الطلاب الحقيقية ...
والتي برع فيها الاخوة المهزومين سابقا ...
وان لا تنتهي الدورة ...الا بشعارات تملأ الجدران .. |
ارجو ان تضرب لينا مثل حتي نفهم ماذا تقصد بحكاية برعوا دي!!!
لانهم برعو في اشياء كتيرة جدا جدا ؟
اهمها واشهرها القتل والطرد من الداخليات والتعزيب والاختطاف وكلها مجالات برعت فيها الجبهة فعن اي قضية من هذه القضايا الوطنية تتحدث حتي نستطيع ان نخبر اولادنا هنالك ليتوصوا بها؟!!
اما عني فلا اقول لكادر الجبهة الا ماقاله وفعله الرسول بييهود خيبر ....!!
|
Post: #35
Title: Re: هاردلك المؤتمر الوطنى
Author: Abureesh
Date: 05-12-2005, 08:25 PM
Parent: #34
الأخ محمـد حامد جمعـة..
هل اتأكدت هسى انو بقيـة الســودانيين كلهـم أكتـر من ناس الجبهـة؟
أقلية فى أقلية..
بس الشفـع فى الجامعـة مسـاكين ما عندهـم دبابات.. لو ما كدا الإتحاد دا شنو بالنسبـة للســودان كلو؟
كان تدوهـم دبابة دبابتين.. ويللا بلا لمـة.
|
Post: #45
Title: Re: هاردلك المؤتمر الوطنى
Author: محمد حامد جمعه
Date: 05-13-2005, 07:49 AM
Parent: #35
هل اتأكدت هسى انو بقيـة الســودانيين كلهـم أكتـر من ناس الجبهـة؟
أقلية فى أقلية..
ابدا دا مش صحيح
|
Post: #36
Title: Re: هاردلك المؤتمر الوطنى
Author: Mohamed Adam
Date: 05-12-2005, 09:09 PM
Parent: #1
| Quote: وبالمناسبة الدورة القادمة برضو حتفوزو ويمكن البعدها ..... |
كمان موجودين!!! ربنا يطولك ياروح.
فتك علي خير ياطويل العمر.
|
Post: #37
Title: Re: هاردلك المؤتمر الوطنى
Author: aosman
Date: 05-12-2005, 10:25 PM
Parent: #36
مع الأسف جامعاتنا تحولت الي منابر سياسية تهتم بالقضايا السياسية اكثر من القضايا التعليمية والبحثية ومع الاسف لا توجد جامعة واحدة في بلادنا يمكن ان تطلق عليها لفظ جامعة بالمعنى الصحيح فالجامعة عبارة عن منبر علمي يتوفر فيه الاستاذ المؤهل والطالب المجتهد والمكتبات التي تتوفر فيها احدث الكتب والمراجع والجامعة عبارة عن منبر يتوفر فيه كل ما يهيئ للطالب الجو المناسب للتحصيل العلمي وللاستاذ الجو المناسب لعطاء كل ما يملكه من علم ويوفر له الفرصة المناسبة لتطوير وتأهيل نفسه لمتابعة التطور الجاري في العالم والمشاركة فيها.
لا توجد عندنا جامعة واحدة تمارس البحث العلمي بالطريقة المعروفة واكثر من ذلك فهي تفتقر اساسا لمفهوم البحث العلمي ناهيك عن عدم توفر حتى حملة الدكتوراة ناهيك عن البروفسرات ولذلك ارى التركيز على انتخابات الاتحادات الطلابية اكثر من التكيز على الجامعة نفسها والدور المنوط بها تجاه الوطن ما هي الا تشجيعا للدمار والتخريب لمؤسساتنا التعليمية.
في رأي نحن الان في حوجة اكثر الي التعليم وتوفير الجو العلمي المناسب اكثر من حوجتنا الي الديمقراطية, فديمقراطية بدون علم تصبح كمدرسة بلا اساتذة وكتب وادوات تعليمية.
|
Post: #38
Title: Re: هاردلك المؤتمر الوطنى
Author: هشام مدنى
Date: 05-12-2005, 11:08 PM
Parent: #37
| Quote: ابو الدهب - بتاع المنبر مش بتاع الجزيرة ابا |
|
Post: #39
Title: Re: هاردلك المؤتمر الوطنى
Author: Abureesh
Date: 05-12-2005, 11:30 PM
Parent: #38
"مع الأسف جامعاتنا تحولت الي منابر سياسية تهتم بالقضايا السياسية اكثر من القضايا التعليمية والبحثية"......الخ
الأخ عثمان،
رايك دا كان قبل الإنتخابات واللا جا بعدهـا؟
بعدين ما قلت لينـا متين هى تحولت لمنابر سياسيـة؟ هل منذ زمن ناس دالى والخاتم وأكتوبر 1964 ام منذ أن كانت نفس الجامعة تسمى كلية غردون التى انجبت الأستاذ محمـود، وكذلك إسماعيل الأزهـرى الذى كان سلطـة فى العلوم الرياضيـة، أم أصبحت منابر سياسيـة عندما كانت تصـدر الأطباء إلى لندن والمهندسين والعلمـاء إلى الدول العـربيـة، وفى نفس الوقت تزلزل عروش الدكتاتوريين بتلك المنابـر السياسيـة؟
|
Post: #40
Title: Re: هاردلك المؤتمر الوطنى
Author: خدر
Date: 05-13-2005, 00:16 AM
Parent: #39
سعادتك
شايفك شغال Mallasy style
بالجنبه كده
شايفك جيت بالسياحي المرة دي و سايق الشباب
اصلو الشباب بحب السياحي جدا 
الشباب دقس و ..
برضو حركتك حريفه
مبسوط منك
|
Post: #46
Title: Re: هاردلك المؤتمر الوطنى
Author: ثروت سوار الدهب
Date: 05-13-2005, 11:41 AM
Parent: #38
و الله مافهمت اي حاجة يا هشام، اكان وقع ليك وقع لينا.
قصر الكلام
كلما انتفت امكانية التزوير و التلاعب او حد منها لاقصى درجة كلما انتفى فوز المؤتمر الوطني و من لف لفه من جماعات امراء الظلام.
Period!!
|
Post: #41
Title: Re: هاردلك المؤتمر الوطنى
Author: aosman
Date: 05-13-2005, 01:21 AM
Parent: #1
الاخ ابو الريش
انا لي راي ثابت سوى كان قبل او بعد الانتخابات
اما عن سؤالك لي عن متى تحولت الجامعات الي منابر سياسيةا اذا اجبت على سؤالي الاتي يمكن لك ان تجد الاجابة
هل الجامعات زمن ناس الخاتم عدلان ودالي وكلية غردون هي نفس الجامعات اليوم وايهما افضل واذا كان يمكن لنا ان نطلق اسم جامعة للمدارس العشوائية الموجودة اليوم في السودان فهل يصح لنا اطلاق اسم جامعة لتلك المؤسسات التي خرجت امثال هؤلاء الرجال لان البون شاسع بينهم رغما عن التطور العلمي الذي حصل في عالمنا اليوم
|
Post: #42
Title: Re: هاردلك المؤتمر الوطنى
Author: Abureesh
Date: 05-13-2005, 01:46 AM
Parent: #41
الأخ عثمـان،
أتفق معك أن الهبوط الحضـارى الذى شمل كل أوجـه الحياة فى الســودان بعـد يونيو 1989 شمل الجامعـات أيضـا.. لقد توسـع الإنقاذيون فى التعليم أفقيـا.. ولكن لا أساتذة ولا معامل ولا كتب ولا ولا ولا.. ترجموا المقررات ولم يستطيعـو مواكبـة التكنولوجيـا بالترجمـات اليوميـة.ز وكان يجب أن تدرس ميزايـة الترجمـة مع دراسـة التعريب.
ولكنى أوردت لك سيـرة الجامعـة لاثبت لك أن التدهـور سببه سياسـة الحكومـة التى سقتهـا لك، من تطور أفقى غيـر مدروس، إلى ترجمـة غيـر مدروسـة من كل الجوانب، إلى نقص المعلمين الذى كان نتاجا طبيعيـا للتوسـع الأفقى فى بناء جامعات فى كل ناصيـة مثل دكاكين اليمانيـة.. الشـاهـد أن هـذا التدهـور ليس من أسبابه النشــاط السياسى للطلبـة على الإطلاق بالأدلـة التى سقتهـا لك من تأريخ العمل السياسى الذى يرجع إلى بدايـة القرن الماضى.. وهـذا كان الأسـاس الذى بينت عليه أنت.. من أن النشـاط السياسى هو سبب التدهـور.
ثم أن اسـاتذة الجامعـة كانوا يعينون من اكفـأ الطلبـة.. وما كان أحـد يستطيـع التقـدم إلى وظيفـة مسـاعـد تدريس فى أى كليـة ما لم يحقق division 2 upper على أقل تقـديــر فى تخصصـه.
وشكــرا
|
Post: #43
Title: Re: هاردلك المؤتمر الوطنى
Author: صباح احمد
Date: 05-13-2005, 02:54 AM
Parent: #1
التحالف المعارض يفوز باتحاد جامعة الخرطوم
الخرطوم ـ محمد محمد عثمان
فازت قائمة التحالف الوطني المعارض بانتخابات اتحاد جامعة الخرطوم للمرة الثالثة على التوالي ، وتشمل حزب الامة القومي والاتحادي الديمقراطي (مرجعيات وهيئة) والجبهة الوطنية الافريقية والحزب الناصري وحزب البعث العربي الاشتراكي وحركة الطلاب المستقلين وحركة القوي الحديثة «حق» والجبهة الشعبية المتحدة والجبهة الديمقراطية، واحرزت 5118 صوتا بفارق 2790 صوتا عن قائمة التيار الاسلامي التي تشمل المؤتمر الوطني والاخوان المسلمون جناح الصادق عبدالله وانصار السنة جناح الهدية، واتحاد قوي المسلمين التي نالت 2728 صوتا في المركز الثاني.
ونالت قائمة الاصلاح والتي تشمل انصارالسنة جناح ابوزيد والاخوان المسلمين جناح ابونارو وجمعية الاعتصام بالكتاب والسنة 2428 صوتا ، واحرز المحايدون 496 صوتا ، والاتجاه الاسلامي «المؤتمر الشعبي» 147 صوتا.
وبلغت نسبة التصويت 5.61% ، حيث شارك في الانتخابات اكثر من 12 ألف طالب وطالبة من اكثر من 20 ألفا يحق لهم التصويت.
وطالب مدير جامعة الخرطوم بالانابة ، الدكتور صديق حياتي ، الاتحاد الجديد بالتعاون مع ادارة الجامعة من اجل المزيد من الديمقراطية.
واشاد تجمع اساتذة جامعة الخرطوم بنتيجة الانتخابات ، واعتبر في بيان انتصار التحالف الوطني دافعا لاساتذة الجامعة للاسرع في تكوين هيئاتهم النقابية لتكتمل المؤسسات الديمقراطية في الجامعة.
نقلا عن جريدة الصحافة
|
Post: #44
Title: Re: هاردلك المؤتمر الوطنى
Author: محمد السر
Date: 05-13-2005, 03:04 AM
Parent: #1
Luai كتب:
Quote: هاردلك ايضا للمؤتمر الوطني ..
فقط اتمنى ان يهتم الاتحاد بقضايا الطلاب الحقيقية ...
والتي برع فيها الاخوة المهزومين سابقا ...
وان لا تنتهي الدورة ...الا بشعارات تملأ الجدران .. |
يا أخوانا فيكم زول عندو زانتاك يسلفنا حبة لغاية بكرة؟؟؟
|
Post: #47
Title: Re: هاردلك المؤتمر الوطنى
Author: lana mahdi
Date: 05-13-2005, 02:16 PM
Parent: #1
Quote: الحبيب محمد
عقبال تبارك لينا في الكبيرة
احيي روحك الرياضية |
Quote: لنا مهدى
كيف لكن والامام راكب بساط الريح !
وعرس ما فيهو الصادق .... ناقص |
بالله يا محمد حامد جمعةانتو من النوع البتنتظرو الاشخاص ما المؤسسات البتقرر؟؟
وبالله انتو من النوع البيكونو غايبنكم غايبين؟؟
نحنا غايبننا الغائبين الحاضرين
والامام جوة موجود بيننا برة برضو موجود بيننا
|
Post: #48
Title: Re: هاردلك المؤتمر الوطنى
Author: lana mahdi
Date: 05-13-2005, 02:17 PM
Parent: #1
Quote: الحبيب محمد
عقبال تبارك لينا في الكبيرة
احيي روحك الرياضية |
Quote: لنا مهدى
كيف لكن والامام راكب بساط الريح !
وعرس ما فيهو الصادق .... ناقص |
بالله يا محمد حامد جمعةانتو من النوع البتنتظرو الاشخاص ما المؤسسات البتقرر؟؟
وبالله انتو من النوع البيكونو غايبنكم غايبين؟؟
نحنا غايبننا الغائبين الحاضرين
والامام جوة موجود بيننا برة برضو موجود بيننا
|
Post: #50
Title: Re: هاردلك المؤتمر الوطنى
Author: إسماعيل التاج
Date: 05-14-2005, 03:21 AM
Parent: #1
ود جمعة
لعبة الديمقراطية دي جميلة.
بس إنْ شاء الله الجماعة الفوق ما يكونوا بفكروا في إنقلاب داخل الجامعة ويتم إعلان حالة طواريء وحل الاتحاد وبعدين (تعيين) اتحاد من الأقلية المؤتمرنجية.
أرجو إنك تطمئنا بأنو النتيجة مقبولة من الجميع، وما في مؤامرات ضد الديمقراطية التي جاءت بالقوى الوطنية بجامعة الخرطوم.
تشكر.
|
|