Post: #2
Title: Re: في القطـــــــــار
Author: Ridhaa
Date: 05-11-2005, 02:24 AM
Parent: #1
|
Post: #3
Title: Re: في القطـــــــــار
Author: Tabaldina
Date: 05-11-2005, 02:40 AM
Parent: #1
..
.
سلام يا رضا..كانت ايام سعيدة..
حليلهم حليل وين راحو..
مام/ولياب/بناديها/سنجاوى/سودانية/الدكتورة/شتات/...وآخرون
طبعاطرفة سنجاوى دى مفضلة عندى
Quote: موضوع ظريف وتداعياته أظرف
أذكر أول مرة أسافر فيها لمصر المؤمنة
كانت عن طريق حلفا
ولقلة خبرتي بالخط ده وصل القطار لواحدة من السندات
مع صلاة المغرب ... أخوك نزل وتوضأ للصلاة ولسوء حظي الجماعة قدموني أصلي بيهم
يادوب أخوك في الركعة الأولى ولسه ما خلصت سورة الفاتحة القطر صفر ..
توووت بدأت اقرأ بسرعة الف في الثانية وقبل الركوع القطر بدأ يتحرك ..
أشوف واحد من المصلين خلفي خطف مركوبو وقام صوف .. وبعد شوية لحقو آخر ..
وبعد ثواني وأنا في السجدة الأولى سمعت واحد يضحك ولحق الجماعة ..
يا زول بدون تردد خليت ليك الجماعة ساجدين وفللي رقدت خريش وراء القطر
ويادوب لحقت عربية الفرملة ..
واللذيذ أن معظم ركاب القطر كانوا في الشبابيك مراقبين المنظر وميتين بالضحك ..
وفي الباخرة لاقتني عجوز ومما شافتني قعدت تضحك وقالت لي:
أمانة ما صلاي وجراي يا ولدي
تحياتي
Singawi |
دمت ومتعك بالصحة والعافية
ماعندكم كونكشن فى الخرطوم..
|
Post: #4
Title: Re: في القطـــــــــار
Author: Ridhaa
Date: 05-11-2005, 03:02 AM
Parent: #1
الأخ العزيز صالح تبلدينا
التحايا والأشواق
كانت لنا أيام منذ عهد أول المنابر السودانية
سودان دوت نت ....
أين أؤلئك النفر الجميل .....
بالمناسبة أين اختفى الأخ كمال الشادي وأين البقية
بارك الله فيكم أخي الكريم
|
Post: #5
Title: Re: في القطـــــــــار
Author: ولياب
Date: 05-11-2005, 04:22 AM
Parent: #4
الحبيب رضا
دوما كما عهدناك وفي ، وتقرع أجراس الذكريات وبتصحي فينا الشوق
مام بخير وأيضاً دغيم وبناديها وآمل للبقية الخير والسعادة
التحية والأشواق يا تبلدينا
في أي من بلاد الله طاب بكم وطاب لكم المقام
بعد غيبة طويلة أسعدني الحبيب بناديها صباح هذا اليوم بمكالمة هاتفية
وسررت لأخباره الطيبة
|
Post: #6
Title: Re: في القطـــــــــار
Author: Ridhaa
Date: 05-11-2005, 08:48 AM
Parent: #1
الحبيب ولياب
سلام.....
ذي مابيقولوا الشوق بحر ....
أمس كنت في ذكراك أنت والملك مام وسنجاوي وشتات
ودغيم والدكتورة وبناديها وذلك العقد الفريد...
خلونا نعيش على الذكريات أفضل من المشاكل الحاصلة في البورد
هذه الأيام ...
مجددا التحية لكم ولكل الشباب في الرياض ...
|
|