Post: #1
Title: أيّوبا دَقَسَتْ..
Author: عمر الفاروق شيخ الدين
Date: 05-10-2005, 09:23 AM
Parent: #0
في حلتنا في دكان برقاوي مشهوووووووور إسمو أيوب زول مشهور بي إنو مرضان ضمنة واليوم كلو الشباب تاكل في الدكان أخر كوشتينة وضمنة طبعاً العبد لله أساسي قبل الكراسي ..
المهم يوم نحن قاعدين نلعب كده وهو زاتو معانا قاموا جوهو ناس الصحة وقالوا ليهو أدينا تصريح قدرة الفول دي !!!!!!!
قال ليهم ما عندي تصريح !!!!!!!!!!!!!!!!!!!!!!!!
قالوا ليهو البيشتري قدرة فول بدون تصريح بيتم مصادرة القدرة وغرامة 100 الف جنيه عشان كده نحن قررنا نصادر القدر دة أمشي جيب ليك حاجة نكب ليك فيهاالفول ده ولا نكشحوا ليك !!
أيوب خش جوة الدكان وجا طالع بي قدرة جدييييييييدة لنج وقال ليهم كبوا لي هنا !!!
قالوا ليهو وين تصريح دي !!!!!!
طلع ما عندو تصريح دفعوهو 200 الف وشالو القدرتين ..
جانا يكورك أيوبا دقست ..أيوبا دقست ..أيوبا دقست
اها أسة إبراهيم بقال الله يديهوا العافية دقست
عمل بوست نزاهة القضاء السوداني ولمن زنقوهو جاب بوست تاني عن الزنديق محمد طه ..
أها ناس الصحة جو زنقوهو وبقا في التحلو ..
برهومة دَقَسَتْ....
|
Post: #2
Title: Re: أيّوبا دَقَسَتْ..
Author: وليد شريف
Date: 05-10-2005, 10:04 AM
Parent: #1
انشاء الله متاريسك جاهزة ياعمر واللا مامحتاج متاريس .
وليد شريف
|
Post: #3
Title: Re: أيّوبا دَقَسَتْ..
Author: ناذر محمد الخليفة
Date: 05-10-2005, 10:12 AM
عمر الفاروق كدي خلينا من إبراهيم وأيوب بتاع القدرة ..
يا زول مبروك الصورة الجديدة
ما شاء الله وعيني باردة عليك ما كنت متخياك كدة أصلو
قايلك زول سمين كدة وعندك جلحات ووشك عامل زي الصيدلية ..
كللللللللووووو حبوب
غايتو دخلت وإنخلعت لمن شفت الصورة ..
يس ما تزعل من كلامي تقوم تمسحا تاني
|
Post: #4
Title: Re: أيّوبا دَقَسَتْ..
Author: عمر الفاروق شيخ الدين
Date: 05-10-2005, 10:12 AM
Parent: #1
وليد الشريف:
Quote: انشاء الله متاريسك جاهزة ياعمر واللا مامحتاج متاريس .
|
كلك نظر !!!!!!!
وعجبوني الليلة جو ترسوا العمر طمنوا ..
|
Post: #5
Title: Re: أيّوبا دَقَسَتْ..
Author: عمر الفاروق شيخ الدين
Date: 05-10-2005, 10:17 AM
Parent: #1
ناذر يا أخوي :
| Quote: وعندك جلحات ووشك عامل زي الصيدلية |
وإنت يا الفالح قايلني نزلت الصورة لي شنو ؟؟؟؟ما عشاااااااان الجلحات والتي في القريب العاجل ستتحول لي صلعة بس حبينا نوريكم إنو نحن كان عندنا( شعور) حية
يازول خليك في الشكل الراسموي لي أول داك صاح بس عشان أوريك إنو الصور بتغير شكل الناس ..
نعلك قايلني مصدق شكلك الفي الصورة ده ؟؟؟؟؟؟؟؟؟؟؟؟؟؟؟؟؟؟؟؟
كضاااااااااااااااااااااااااااااااب يا أخوي ده شكلك بعد مجهودات خرافية (من خروف)..
بالله ركز في الموضوع ما تخلي البوست ينحرف يا أيها المخرب الفاشي الرعاوي النتن
|
Post: #6
Title: Re: أيّوبا دَقَسَتْ..
Author: الرفاعي عبدالعاطي حجر
Date: 05-10-2005, 04:05 PM
Parent: #1
انا ذاتي دقستا من بدري متابع تعليقاتك وبقول الروح دي تشبه (الدكتور القادم بجدارة صلاح شيخ الدين) , لما قريت الملف حقك قلت الود يا هوووو ذاتو بس مسألة الفارووووق دي وبعض العبارات مستنيرررر وشوية حاجات كده. لكن لما شفت الصورةعرفت الشبل من ذاك الأسد اوعك تضيع نضال الرجل الشريف زميل العمل النقابي الوالد العظيم شيخو وباقي الشمارات عن طريق التلفون.(سؤال بيني وبينك) انت الفاروووووووق دي مع المشروع الحضاري؟ والله الصحوة الاسلامية... مؤكد بكون للتفريق بين الامة والجبهة سميت فارووووووقآ او هكذا في روايتنا عن.. عن... عن.... وتحياتي بحدود حب المليون ميل. (أبورؤى).
|
Post: #7
Title: Re: أيّوبا دَقَسَتْ..
Author: عمر الفاروق شيخ الدين
Date: 05-11-2005, 00:31 AM
Parent: #6
الرفاعي :
| Quote: انا ذاتي دقستا من بدري متابع تعليقاتك وبقول الروح دي تشبه (الدكتور القادم بجدارة صلاح شيخ الدين) |
ياااااااااا شقي الحال ما تقول لي ياكا الرفاعي الوااااااااااااااااااااااحد ده !!!!!
لأنو بي الجد زي ما الفاروق دي جهجهتك أنا جهجهتني (حجر ) دي غايتو إتصبرت بي (أبو رؤي) دي ...
أخبارك يا الحبيب وبالله طمنا عليك وورينا خبرك ..
طبعاً كان قافل علي الموبايل القديم تكون بالجد (أيوبا دقست) لأنو داك لطشوهو وعملت رقم جديد غايتو يا زول أديني إنت رقمك أو جيبو من السودان
والله يا الرفاعي (كان ياكا الرفاعي الفي بالي) مشتاقين عدييييييييييييل كده ..
تخريمة :
موضوع الإستنارة ده خليهو وخلي كماباقي الشباب الهنا ده يعيش الوهمة الكبيرة دي أصلو أنا مستمتع بيها شدييييييييييييد ..
|
|