أغـــراب

أغراب

واضيعة عمر الراجع من غربة وبيلاقي الناس أغراب
كل الأحباب والناس الكانو قراب ... أغراب
الشجن الساكن جوّة الجوف ما غاب
والريد الكمّل عشرة سنين في لحظة لقيتو سراب
داب الإحساس، والفرح الجايي يدوبك ... داب
والناس أغراب
* * *
يا قمر الليل الضاوّي سما الحلة
شيل شوق ... بي فوق ... للسهرانين راجنّك تتدلى
قول للناسين: باكر جايين ... شايلين شوقاً ما يتبلّ
مهما تبعدنا رياح الفرقة ونفضل لا مرسال لا جواب
بنلاقي مراكبنا بترمينا على الأحباب
وبنعرف إنو الجفا عابر، والشوق جيّاب
يا قمر الليل
* * *
يا زمن الصبر المُـر، أدينا عمُـر ... نرتاح
كمّلنا سنين الفرحة بلا أفراح
مشينا دروباً ما جايات
وزرنا الجزر المنسيات
لاكين الليلة بنرجع تاني ونفتح باب
للناس الكانو أهَل ريدتنا وبقوا أغراب
يا زمن الصبر المر...