Post: #1
Title: عاوز حقي !!!!!!!!
Author: ASAAD IBRAHIM
Date: 05-03-2005, 10:29 AM
شاهدت فيلم مصري بالعنوان اعلاه
الحكاية باختصار، لمن لم يشاهده، شاب عاوز يتزوج والشقة بقت ليهو مشكلة
المهم وقع في ايدو الدستور "علي ما اظن"
وعرف من الدستور انو الممتلكات العامة بتاعت الناس كلهم
جاتو الفكرة انو يطالب بحقو من المال العام " يمكن يطلع شقة 
المهم فكرتو انتشرت واغلبية الشعب عمل ليهو توكيلات "للبيع" عشان هم كمان
دايرين حقهم
الحكاية بها الكثير من الفكاهة والحقائق المرة
ما يهمنا هنا
هل من الممكن ان يطالب احدهم بحقه من المال العام؟؟
وشنو الممتلكات العامة في السودان
وبتسوي كم ؟؟؟
ورأيكم شنو توقعو لي ؟؟؟
سلام
|
Post: #2
Title: Re: عاوز حقي !!!!!!!!
Author: معتز تروتسكى
Date: 05-03-2005, 10:43 AM
Parent: #1
مامن عوايدك انت تتناسى او تتغير..
عارفك مسالم قلبك مابرضى لى اتحير
وانا ماشى دربك انت. طول عمرى بيهو مسير
ده المستحيل اتغير شايف غيابك طـــــــــول
****************************************
مستنى منك كلمه بس كلمه ما اكتر
يخضر بيها مصيرى وعمر المظالم يقصر
ترجع حياتناالحلوه تلقى الطريق اتنور
دايما عليك بنسال شايفين غيابك طـــــــــول
******************************************
لكن ظروفك جارت ..جارت عليك ايام
وما اصلو حال الدنيا يوم بهجه يوم الالم
اوعك تحاول تقسى او تتبع الاوهام
ومهما غيباك طول اطرى الزمان الاول
*******************************************
ومالك غيابك طول غيابك طول
انا فى انتظار ترجع تطرى الزمان الاول
******************************************
*بكا شديد
     
لمن نجيك بى رواقه نتفك من عسيمة التمرين ده
ماجونى ساقونى بالقوه...
|
Post: #3
Title: Re: عاوز حقي !!!!!!!!
Author: ASAAD IBRAHIM
Date: 05-03-2005, 12:01 PM
Parent: #2
الحبيب معتز
التحايا والود
لكن والله حالتك سعبة جدا
يا حبيب ما في زمن
اعمل لينا التوكيل
وشوف كل السودانيون المعاك في الصين لذات الموضوع
اها منتظرك يا اخو
سلام
|
Post: #4
Title: Re: عاوز حقي !!!!!!!!
Author: Abureesh
Date: 05-03-2005, 12:38 PM
Parent: #3
أسعــد إبراهيــم شخصيــاً
الحمد لله على الســلامـة يا زول وطمنـا أنو كل شـئ مشى حسب ما تمنيت.. ودعواتنـا جابت دخل.
بالنسبـة للمال العام، ما ممكن تشيل حقك منـو، لأنو ببسـاطـة كل يوم أنت مستفيـد.. المواطن كل يوم سـايق فى شـوارع الزلط.. كل يوم أمن من هجوم خارجى عشـان عندوا جيش يدفع له من المال العـام.. وهلمجـرا!! المال العـام دا زى القروش اللى تختهـا فى CD ولكن إلى الأبـد.. لأن الأولاد والأحفاد أيضـا حيستفيـدوا منهـا.
والدايـر يسيل نصيبــو أو يعمل ليـه (cashing) يشــوف ليـه بلد تانيـة يخدمـوه فيهـا،
لأنو حيجى راجع يستمتع بخدمات دولـة ببلاشّ!
واللا شـايف كيف؟
|
Post: #5
Title: Re: عاوز حقي !!!!!!!!
Author: ASAAD IBRAHIM
Date: 05-03-2005, 12:46 PM
Parent: #4
الحبيب ابو الريش
التحايا والود
دعواتكم مؤكد، ولله الحمد، قد أتت اكلها
وقد وفقت فيما سعيت اليه
شكرا للسؤال يا حبيب
بالنسبة للمال العام:
طيب يا حبيب كيف ممكن الحكومة تبيعوا لو كلامك بقي صاح؟؟؟
احسن نبيعوا نحنا اسيادو علي الاقل ما خ نبيعوا رخيص زي ما بيعملوا
شكرا يا حبيب
|
Post: #6
Title: Re: عاوز حقي !!!!!!!!
Author: zola123
Date: 05-03-2005, 12:55 PM
Parent: #1
أسعد ابراهيم
حمد الله على السلامة
انا غايتو عايزة حتة من سودانيز اونلاين
يا ربي بكري بيدينا؟
|
Post: #7
Title: Re: عاوز حقي !!!!!!!!
Author: ASAAD IBRAHIM
Date: 05-03-2005, 01:04 PM
Parent: #6
الدكتورة
الله يسلمك
طموحاتك بسيطة جدا
انا اقل من قاعة الصداقة ما ح أقبل ابد مهما يكون
اهو منها الواحد يلقلا ليهو سكن
ويعمل ليهو فيها كشك بتاع بارد وشاي لزوم المعايش وكدة
الحتة ديك اصلها مليانة بالفراعة وناس التكنولوجيا وجماعة الحدائق
والمنتظرين البنطون
مشروع استثماري ما عادي علي الاقل الواحد يرتاح من الغربة دي
شكرا للمرور والسلام
|
|