Post: #1
Title: اضحكوا يكفي التجهم في السماء
Author: jini
Date: 05-01-2005, 03:53 PM
Parent: #0
المحامي : عاوزين المقدم
الرباطابي: يا استاذ انت قلت لي مافي مقدم
المحامي : لا انا قلت ليك في مقدم
الرباطابي : لا انت قلت بعد الحكم
المحامي: انت عاوز تغالطني
الرباطابي: اغالطك كيفن انت الغلاط فاتحلوا مكتب
جني
|
Post: #2
Title: Re: اضحكوا يكفي التجهم في السماء
Author: Soumeta
Date: 05-01-2005, 03:56 PM
Parent: #1
هههههههههه
جني يسعد مساك،،
|
Post: #3
Title: Re: اضحكوا يكفي التجهم في السماء
Author: merfi
Date: 05-01-2005, 03:57 PM
Parent: #1
LOOOOOOOOOOOOOOl
|
Post: #4
Title: Re: اضحكوا يكفي التجهم في السماء
Author: هشام مدنى
Date: 05-01-2005, 04:03 PM
Parent: #1
Quote: اغالطك كيفن انت الغلاط فاتحلوا مكتب
|
|
Post: #5
Title: Re: اضحكوا يكفي التجهم في السماء
Author: jini
Date: 05-01-2005, 04:21 PM
Parent: #4
يسعد مساءكم كلكم
نكتة من مداخلة لي مع فرانكليQuote: ذكرتني نكتة
اتنين بتغالطوا كل واحد فيهم بقول للتاني صلى على النبي
بعد شوية واحد فيهم نادى ليهو واحد ماري بالطريق يا اخونا بالله تعال شوف البصلى على النبي فينا منو!
جني |
|
Post: #6
Title: Re: اضحكوا يكفي التجهم في السماء
Author: smart_ana2001
Date: 05-01-2005, 06:49 PM
Parent: #5
jini
تانى ح اسميك (المحامى)
|
Post: #7
Title: Re: اضحكوا يكفي التجهم في السماء
Author: Farahat Sayed
Date: 05-01-2005, 07:07 PM
Parent: #6
الاخ جني
تحياتي
اوع المحامي يكون اسمو فتحي خليل
|
Post: #8
Title: Re: اضحكوا يكفي التجهم في السماء
Author: ست البنات
Date: 05-02-2005, 01:18 AM
Parent: #1
جنى الظريف ،
الله يديك العافية ، أضحكتنا بعد أسى طال !
ست البنات .
|
Post: #9
Title: Re: اضحكوا يكفي التجهم في السماء
Author: A.Razek Althalib
Date: 05-02-2005, 01:39 AM
Parent: #8
| Quote: واحد بيحكى لى صاحبو قصة قديمة حصلت ليهو : |
بياخة لئيمة...
ده كلام بنات... لي حدهن...
| Quote: اضحكوا يكفي التجهم في السماء |
جني كده قول بسم الله...
كترة الضحك بتميت القلب....
التواضع أحيانا يلقى بحجر عفريت
شر البلية ما يضحك...
إبتسم بس..
فتبسمك في وجه أخيك ...
صدقة..
|
Post: #10
Title: Re: اضحكوا يكفي التجهم في السماء
Author: ست البنات
Date: 05-02-2005, 01:53 AM
Parent: #1
عموما أنا بعتذر !
بس طالباك اعتذار برضو !
ست البنات .
|
Post: #11
Title: Re: اضحكوا يكفي التجهم في السماء
Author: A.Razek Althalib
Date: 05-02-2005, 02:15 AM
Parent: #10
طالما بقت كده...
والرجوع للحق فضيلة...
ستهن لحدهن...
|
Post: #12
Title: Re: اضحكوا يكفي التجهم في السماء
Author: ست البنات
Date: 05-02-2005, 02:20 AM
Parent: #1
شكرا.
والمؤمن مراة أخيه !( ما عندى التشكيل فى الكومبيوتر )
ست البنات .
|
Post: #13
Title: Re: اضحكوا يكفي التجهم في السماء
Author: Tabaldina
Date: 05-02-2005, 02:44 AM
Parent: #1
..
.
أبزرقة الغيرتو الفرقة
وستهم لجدهن.. بطلوا الونسة الجانبية..
اضحكوا
تضحك الدنيا وتفيق
تصحى الكهارب فى الشواع
وينكسر حاجز الموانع..
جنى
حلووووة وملعوبة
بس بقدروا يبطواغلاط..
|
Post: #14
Title: Re: اضحكوا يكفي التجهم في السماء
Author: A.Razek Althalib
Date: 05-02-2005, 02:57 AM
Parent: #13
ست البنات...
التحايا..
| Quote: بس طالباك اعتذار برضو ! |
جداً يا ست البنات...
أعتذار مقدم...
وبي الكوم...
وأعزلي البيعجبك... يا الغالية.
والعتبى حتى الرضي...
Tabaldina
| Quote: أبزرقة الغيرتو الفرقة |
لا يا مان...
ما غيرنا حاجة...
الحال يا هو ذاتو الحال...
والفرقة قون-قليس تبلدينا..
وارد أراضينا..
الممتدة ما بين رمال كردفان..
ودار فور...
عظمة يا مان...
| Quote: بس بقدروا يبطواغلاط.. |
والخبر والشهب الراصد يا تبلدينا ...
والله يطلع ده ما جني...
ولا ما مسترق السمع...
قال خبر قال...
|
Post: #15
Title: Re: اضحكوا يكفي التجهم في السماء
Author: المسافر
Date: 05-02-2005, 04:48 AM
Parent: #14
يا جني الله يهديك
واحد قريبنا مشى لقريبه المحامي المتنفذ
قال ليه اتوسط لي في وظيفة أعيش بيها
قام المحام عايز يتخارج منه باية طريقة
قال ليه الوساطة دي حرام
قال ليه بقت حرام علي أنا
إنت الحرام قاطع له جبة سوداء
|
Post: #16
Title: Re: اضحكوا يكفي التجهم في السماء
Author: ست البنات
Date: 05-02-2005, 08:11 AM
Parent: #1
رباطابى شاف صغار البطة ماشين وراها وريشهم أصفر ،
قال ديل شنو البلا المنقة الماكلنها ???
(
طبعا كلهم انقرضوا )
ست البنات .
|
Post: #17
Title: Re: اضحكوا يكفي التجهم في السماء
Author: ست البنات
Date: 05-02-2005, 08:16 AM
Parent: #1
واحدة ولدها شغال عسكرى ، وكان السكر والزيت معدومات فى
الخرطوم ، جارتها شافت عندها صفيحة زيت ، وشوال سكر ،
قانت سألتها : جبتيهن من ويين ?
قالت ليها ولدى جابن ليى !
قالت ليها : انتى دحين ولدك دا مو دياشى ???!
ردت عليها : دياشى ، عيللى مستفيد !!
ست البنات .
|
Post: #18
Title: Re: اضحكوا يكفي التجهم في السماء
Author: ست البنات
Date: 05-02-2005, 08:21 AM
Parent: #1
واحد مجنون قاعد جنب سبيل ، والكوز الفوق زير السبيل مكسور
بالجنبة ،
جات بنت عوافة عاوزة تشرب ، قامت شريت بالحتة المكسورة ،
متوقعة ان الناس ماب يشربوا بيها ،
قام المجنون قعد يضحك بصوت عالى !
قالت ليهو : مالك ??
قال ليها مستغرب !
قالت ليهو من شنو ??
قال ليها أى زول بيجى يشرب بالحتة المكسورة دى ما عارف فوقها شنو !
ست البنات .
|
Post: #19
Title: Re: اضحكوا يكفي التجهم في السماء
Author: garjah
Date: 05-02-2005, 08:40 AM
Parent: #18
الصديق
جني
تحياتي يا حلو
هاك خت القصة دي جنب المحامي حقك
أهلنا الكبار قالولنا من زمان (إذا جاورت بنو دنقل في الفردوس فعجل بالرحيل إلى لظى ....). والكلام مو معناتو هم ناساً كعبين ولو معناتو تخليهم في الفردوس يبرطعوا ويتجدعوا فيها براهم (ياكلوا قراصة الجنة ديك ) وتقوم إنت تتشالق تمش جهنم تتشوشو وتفور وتنجلق براك و (تاكل إنت في خاطرك) ده كدي يبقى جن وغباء منك .. الكلام ده مقصودبو ) إنك تسوقم وتمش بيهم لي لظى الحجل بالرجل .. لأنو أخوانا الدناقلة ديل يريدو نار لظي دي ريده شديده وفيها ليهم فايدة كبيرة .. في شان (القراصة الحارة) الليلتم يعني زي الجعلي الشاف الشايقي دخل جهنم .. قال ودوني معاهو .. لامن سعلوهو لي شنو .. قال : الشايقي ده ما بمشيلو مكاناً ما فوقو فايدة ... و( باقي هم يحبوا يعوسوها في نار جهنم..) أنا الكلام ده ما إتوكدت منو وما خبرتو صاح علا لامن واحداً من رفقاي دنقلاوي .. هسي بقيت عدو من أعدائي .. قام عزمني وأصر علي إنو أجي أتغدأ عندهم قراصة .. وأنا لي الزمن والتاريخ قلت أشوف القراصة البياكلوها بي الملاح واللحم دي كيفن .. باقي نحن عندنـا القراصة دي (تحلية) بنأكله بي السكر بس .. وفي قمة الرفاهية بنأكله بالسمن والسكر ده لامن يكون عندنا ضيوف.
أهان وكان معزوم معاي صاحبنا إسمو (لؤي) وطبعاً من اللسم ممكن تعرفوا الزول ده زول قراصة وله لا .. أنا غايتو متوكد إنو ماسمع بي القراصة دي إلا في (معرض تراث سوداني) أو في برنامج (صور شعبية...) ده من النوع البستحم يومياً .. وشاقي شعرو كمان .. أقول ليكم شنو ما ببالغ إن قلت ليكم (قاعد يلبس كرفته ) قمنا إندرجا ومشينا علي الناس ديل أنا وأخوي (المكندش ده..) طايبونه وسالمونه سمح .. وهم ناساً طيبانين خلاس .. وأخدنا قعدتنا وجابوا الشربات إتشربتنا سمح وإتونسنا زين .. أهان بعد داك صاحبي قام جاب صينية الغدا .. عليك أمان الله الصينيه (بوخه) يجيب المطافي .. فيها قراصة تكفي (معسكر دفاع شعبي كامل) ختوها في الواطه .. وقالوا أتفضلوا صاحبي لامن شاف (البوخ البلوي داك) قرب يتفضل يمشي أهلو ... أنا في خاتري شلت هم تب وقلت دي أكان خلوها تبرد لي العشاء ماهي بارده .. القراصة زاته مقاس 11 (ماهي سفنجة) ... مقاس (مخدة) عدييل .. تبارك الله لو بردت (تصلي) فوقه عدييل .. وتاني قالوا أتفضلوا .. أها صاحبنا (sud) سيد البيت قام مد يده دخله في القراصة أشوف ليك (وشو) حمر وطير عيونو (حرقتو لكن أكله في خاترو...) قلت تبارك الله ( قراصة بالريموت كنترول) من (اليد للوشي مباشرة..) أهان ده صاحب البيت ومتعود عليها أنا وأخوي (الكاشف) ده يحصل لينا شنو .. غايتو إتوكلت علي الله ودخلت يدي في الصحن (وودعت أصابعيني لي وداعة الله..) غايتو (ختت أصبعي حسيت بي راسي ينتح وطاقتي وقعت من راسي ودموعي يجرن...) إستغربت قلت (قراصة الدناقلة) دي الظاهر ما بتمشي المعدة بتمشي (المخ) طوالي .. غايتو (إتجوعلت) وعملت فيها (سجيمان) ولقمة في الخشم ونبرد يدنا في صحن الشطة سبحان الله الشطة بقت لينا (تحلية) عدييل. وإتمنيت في الوكت داك لو خشمي العريض ده سويت ليهو (مروحة سقف..) لحدي ما كلمت القراصة.. أنا حمدت الله إنها كملت لكن .. الراجل حلف ومشى يجيب زيادة .. وتبارك الله التقول (الكانون) بتاعهم ( Pentium4 غايتو الله يدي أمو العافية) وفي أقل من دقيقة وجاب القراصة الحارة زاته .. والمصيبة إنهم قاموا وقعدوا يحلفوا علينا نكمل القراصة .. صاحبي (لؤي) بعد ما شعرو كان مسبسب وشاقيهو (كل شعره قامت علي حيله) و (أزرق عيونو راح) وبقى ( يقح و خنق..) أنا قلت الزول ده لو جابو زيادة تاني ح نجيب ليهو الإسعاف عدييل ... قعدنا بعد داك وجابو التحلية (بتيخة) قلت لي صاحبي .. ليه ما (سلقتو) البتيخة دي وجيبتوها لينا (شوربه) نشربه .. وعرفت إنو (إذا جاورت بنو دنقل في الفردوس فعجل بالرحيل إلى لظى ..) لأنو لو عزموك قراصتم الحارة دي في الجنة .. ح تبقى ليك الجنة (لظى) عديييييييييل ..
منقول من - سود- بموقع عكس الريح
|
Post: #20
Title: Re: اضحكوا يكفي التجهم في السماء
Author: ست البنات
Date: 05-02-2005, 09:02 AM
Parent: #1
يا قرجة الله يديك العافية ويفرحك وتضحك كل يوم لا غم ولا هم !
أنا غايتو ووالله ، كل كلمة بى ضحكة عشرة دقائق !
لى أسبوعين ما ضحكت ولا فرحت !
الله يديك الصحة ، دى فكاهة تربيع !
ست البنات .
|
Post: #21
Title: Re: اضحكوا يكفي التجهم في السماء
Author: garjah
Date: 05-08-2005, 10:04 AM
Parent: #1
الشايقي نصح الرباطابي لما اشتكى ليهو من البواسير انو يقعد في لبن مغلي
الرباطابي مشى البيت وقال لمرتو اغلي لبن اقعد فوقو
المرة غلت اللبن وجابتو ليهو
اخونا ملص وقعد فوق اللبن
قعدتو كدة..... فت قام يتوحوح
مرتو سالتو
حار ؟
قال ليها
لا مسيخ
|
Post: #22
Title: Re: اضحكوا يكفي التجهم في السماء
Author: bushra suleiman
Date: 05-08-2005, 12:52 PM
Parent: #1
سلامات ياجنى..الله يديك العافيه
وال فى السما ديل منو المتجهمين؟؟اوعى يكونو ناس هناى...
---
محشش قال ليه ولده : يابوى.. رخصتي انتهت .... رد عليه: اكيد من كترة حوامتك في الشوارع
|
Post: #23
Title: Re: اضحكوا يكفي التجهم في السماء
Author: نادية عثمان
Date: 05-08-2005, 05:16 PM
Parent: #22
جنون الحنون
انشاء الله لاتموت لاتفوت
قول امين يازول ياجميل
|
Post: #24
Title: Re: اضحكوا يكفي التجهم في السماء
Author: Tabaldina
Date: 05-09-2005, 02:13 AM
Parent: #23
..
.
Garjah
| Quote: غايتو إتوكلت علي الله ودخلت يدي في الصحن (وودعت أصابعيني لي وداعة الله..) غايتو (ختت أصبعي حسيت بي راسي ينتح وطاقتي وقعت من راسي ودموعي يجرن...) إستغربت قلت (قراصة الدناقلة) دي الظاهر ما بتمشي المعدة بتمشي (المخ) طوالي .. غايتو (إتجوعلت) وعملت فيها (سجيمان) ولقمة في الخشم ونبرد يدنا في صحن الشطة سبحان الله الشطة بقت لينا (تحلية) عدييل. وإتمنيت في الوكت داك لو خشمي العريض ده سويت ليهو (مروحة سقف..) |
Thx a lot
Jini
where r u ??i
keep the jokes post
up
|
Post: #25
Title: Re: اضحكوا يكفي التجهم في السماء
Author: ست البنات
Date: 05-10-2005, 11:33 AM
Parent: #1
يا جماعة أنا ما عندى نكتة تانى هسع دا !
لكن انتو ما تسعفونا وتبردوا علينا قراصة البورد البوخها يعوى دى !!!!
ست البنات .
|
Post: #26
Title: Re: اضحكوا يكفي التجهم في السماء
Author: ست البنات
Date: 05-10-2005, 11:35 AM
Parent: #1
سلام ،
والله يا جماعة الما قرأ رواية الأخ قرجة دى ، نص عمرو ضائع !!!
ست البنات .
|
|