Post: #1
Title: الغاء حفل ايهاب توفيق بالخرطوم
Author: محمد حامد جمعه
Date: 05-01-2005, 12:52 PM
Parent: #0
يا شباب ... حفل ايهاب توفيق المقرر له مساء اليوم بالخرطوم تم الغائه ... يعنى الحفلة بلشوها ... وبكره هاك يا شجب ويا ادانات على الروح الظلامية دى ... رغم انو لمن غنى المره الفاتت والناس والبنوت غمرن فى ناس زعلت قالو دا شنو ... الحاصل شنو ... وتانى جا كمان كاظم الساهر وتم الناقصة بى حفلة تذكرتها مرتب زول فى الدرجة التامنة يعنى خريج جامعى وما مهمش ... المهم ولاية الخرطوم دكت ورق الحفلة ... وكدى النشوف الناس حتشوت وين فى الخبر دا ... طيب هاكم الروابط
http://smcsudannet.winstemp.com/ar/
http://smcsudannet.winstemp.com/ar/artopic.asp?artID=3470&aCK=AA
|
Post: #2
Title: Re: الغاء حفل ايهاب توفيق بالخرطوم
Author: هشام مدنى
Date: 05-01-2005, 01:00 PM
Parent: #1
ما لازم يكون فى اسباب ولا رايك شنو؟؟
بالمناسبة عندك طولت بال ممتازة
|
Post: #3
Title: Re: الغاء حفل ايهاب توفيق بالخرطوم
Author: محمد حامد جمعه
Date: 05-01-2005, 01:44 PM
بالمناسبة عندك طولت بال ممتازة
هشام اخوى صلاح احمد ابراهيم قال اخر العمر طويل ام قصير كفن من طرف السوق وشبر فى المقابر ... وعشان كدا مافى داعى اصلا لضيق النفس والخلق وفى النهاية رغم كل شى ما يجمعنا اكبر مما يفرق اما الاسباب فقالو اجرائية وان كنت اظن ان المسالة ترتبط بما حدث من اشياء غريبة اثناء زيارة ذات المطرب سابقا فضلا عن الاسعار الخرافية للتذاكر وما يصاحبها من بهرجة والاستياء العام الذى وجدته شعبيا
|
Post: #5
Title: Re: الغاء حفل ايهاب توفيق بالخرطوم
Author: هشام مدنى
Date: 05-01-2005, 03:27 PM
Parent: #3
| Quote: وفى النهاية رغم كل شى ما يجمعنا اكبر مما يفرق |
لكن ما عرفتنا اسباب منع المطرب شنو؟
بالعكس بالى اطول من بالك والدليل ما بخت خط تحت الكلام للتزكير
لكن احترم درجة تهذيبك العالية فى المخاطبة.
بس عايز اعرف تانى اسباب الغاء الحفل شنو؟
معليش ومليش دى يعنى ما عليه شى لكن برضوا الاسباب شنو؟
بالاخضر لنو لو جميل يعنى لى الكثير
|
Post: #4
Title: Re: الغاء حفل ايهاب توفيق بالخرطوم
Author: merfi
Date: 05-01-2005, 03:20 PM
Parent: #1
Wein Ya Hamada
Enta Qisat Al-Haflat de shino maa nas Al-Inghaz Al-ayaam de
Mush biftakru al-Ghuna Haram
|
Post: #6
Title: Re: الغاء حفل ايهاب توفيق بالخرطوم
Author: هاشم نوريت
Date: 05-01-2005, 05:10 PM
Parent: #4
محمد حامد
دبايوا
خوفوك ولا شنو بقيت بتاع اخبار اين تسهر اليوم مالك.
|
Post: #7
Title: Re: الغاء حفل ايهاب توفيق بالخرطوم
Author: A.Razek Althalib
Date: 05-02-2005, 02:39 AM
Parent: #6
محمد حامد جمعة..
ويـــنك.. يا مان...
قاجة الربات اليومين ديل معاكم...
كده ورونا الحكاية شنو...
وناس الضرائب الفالحين إلا في المغتربين...
عاملين شنو...؟
| Quote: وكدى النشوف الناس حتشوت وين فى الخبر دا ... |
عكس الهواء...
ويتفرق...
ثقافات...
سخافات..
|
Post: #8
Title: Re: الغاء حفل ايهاب توفيق بالخرطوم
Author: سجيمان
Date: 05-02-2005, 02:43 AM
Parent: #7
| Quote: بالمناسبة عندك طولت بال ممتازة |
هشام....والله والله والله انا اشهد..... انو بالو طويل واخلاقو عالية...... بالرغم من انو هو ما صاحبي" يا ابوي مالي ومال المشاكل"
|
Post: #10
Title: Re: الغاء حفل ايهاب توفيق بالخرطوم
Author: دورنقاس
Date: 05-02-2005, 05:16 AM
Parent: #8
اخونا محمد
| Quote: المهم ولاية الخرطوم دكت ورق الحفلة |
امكن واحد فيهم صبن الجوكر وعمل بيهو حاجة دكاكينى
|
Post: #9
Title: Re: الغاء حفل ايهاب توفيق بالخرطوم
Author: Tabaldina
Date: 05-02-2005, 05:15 AM
Parent: #1
..
.
| Quote: بس عايز اعرف تانى اسباب الغاء الحفل شنو؟ |
انت ياعم هشام قطعت التذاكر.. للوليدات ولا مالك مصر كدا
| Quote: " يا ابوي مالي ومال المشاكل" |
سجيمان : زوغو لن نزيدكم الإ صداقة
ياابوسلبه
يازول الحفل راعياهو كوكاكولة اسامة داؤود صحح فى موقعكم
ماقلنا دايرينك فى مصلحة..
الناس بتشوت ضفاري
صبرك جميل والله,,
|
Post: #11
Title: Re: الغاء حفل ايهاب توفيق بالخرطوم
Author: alsngaq
Date: 05-02-2005, 05:35 AM
Parent: #1
| Quote: على الروح الظلامية دى |
ايهاب توفيق دا فنان عربي 
كان تكون حفلة لبيونسيه ولا جنيفر لوبيز
عشان تشوف الظلامية الجد
|
Post: #12
Title: Re: الغاء حفل ايهاب توفيق بالخرطوم
Author: Ahmed Alrayah
Date: 05-02-2005, 05:51 AM
Parent: #11
عن الرأي العام (عدد الاثنين 2 مايو2005)
حديث المدينة
عثمان ميرغني| Quote: كل شيء جائز..!! بعد اعلانات وترويج لحوالى اسبوعين .. وقبيل سويعات قليلة من بداية حفل الفنان العربي ايهاب توفيق في فندق هيلتون الخرطوم .. تم الغاء الحفل بناء على توجيهات رسمية شفهية ..!!
ولا اعتراض على أن تتدبر أية جهة رسمية أمرها وتستعمل حقها القانوني وتقرر أن مثل هذا الحفل ضرره أكثر من نفعه .. ولا اعتراض أن يتم الالغاء بتوجيهات رسمية شفهية أو مكتوبة .. فكل ذلك متروك لتقدير الجهات الرسمية ..لكن ماهي عقدة اختيار التوقيت؟؟ ... لماذا دائما يحدث ذلك في آخر لحظة ..؟؟
صورة طبق الأصل لما حدث قبل عامين تقريبا لحفل الفنانة ديانا حداد والذي ظلت الجهة الراعية له تضخ اعلاناتها وتبيع التذكر وألغى في اللحظة الأخيرة بناء على توجيهات لا يعلم أحد حتى الآن من أصدرها .. ثم حفل الفنانة أصالة نصري الذي كانت ترعاه كلية كمبيوترمان .. ثم جاء الدور على ايهاب توفيق..!!
سلطة ترخيص مثل هذه الحفلات واضحة يعرفها الجميع وتمر على العديد من الجهات الرسمية لأخذ موافقتها ولا يسمح بالاعلان عن حفل قبل أن يستوفي تصاديقه القانونية.. ولكن الملاحظ أن هذه الحفلات تمر بكل مراحل التصديق - وما أكثرها - ثم تظهر اعلاناتها .. ومع اقتراب الموعد تزداد الاعلانات وتتوالي ويثابر المنظمون للحفل على مزيد من الصرف في الإعلان لضمان النجاح المادي والأدبي .. ثم في لمحة يطير كل ذلك هباء منثورا ..
اذن لماذا أصلا التصديق بالحفل من البداية ؟
ولماذا أصلا لم تتحرك الجهات المعترضة على الحفل فتلغيه في مراحله الأولى قبل فترة كافية ترفع عن المنظمين أوزار الإنفاق على ما لا طائل منه؟
مثل هذا المسلك لا يمنع حفلا فحسب ، بل يهدم احساس المواطن بالأمان .. فهو يحس بأن كل شيء جائز.. لا حرمة لتصديقات رسمية وتذهب الأوراق والأختام وكل السلطات المانحة والمانعة مع الريح دون أن يعرف أحد كيف ولماذا ..!!
إذن كيف يطمئن المستثمرون على اموالهم واستثماراتهم إن لم تتوفر حرمة للأوراق الرسمية؟؟ .. كيف يحمل مستثمر اجنبي ملايين الدولارات الى بلد لا يعرف أحد من أين تهب رياحه ؟؟
الاستقرار هو المفتاح السحري لحل جميع أزماتنا التاريخية المزمنة .. والاستقرار لا يعني ايقاف الحرب فحسب ،بل سكون النفس الوطنية على احساس أكيد بالطمأنينة في ظل مرجعيات لا يرقى اليها الشك او المفاجأة .. لكن اذا تسرب للمواطن أو المستثمر الغريب ريبة في ثبات المرجعيات الرسمية فإنه حالة الـ(لا) استقرار تحجب اليقين وتجعل كل فرد يحاول تأسيس امانه الخاص به . |
أحمد الريّح
|
|